Өзекті мәселелер

  • 05.12.19

    «Құмкөл-Қызылорда» авто­жолы­ның 70-інші шақырымында «Кеңлік» кен орнынан Шымкент қаласына бағыт­ алған «Neoplan» маркалы автобус­ аударылып, 8 адам қаза тапты. 21 адам жарақат алған. Мәліметтерге сүйенсек, автобус ішінде барлығы 36 адам болған. Олардың барлығы – «Саутс Ойл» мұнай компаниясының қызметкерлері» деген ақпарат барша қазақстандықтың қабырғасын қа­йысты­рғаны  анық.

    ...
    Толығырақ...
  • 05.12.19

    Алты құрлықты ақпарат билеген уақытта оған ілесіп отырудың өзі жетіс­тік. Соңғы жылдары «жаңа медианың келешегі кемел, ал дәстүрлі БАҚ-тың болашағы бұлыңғыр» деген пікір бірен-саран айтылып жүр. Қай медианың алға озып, қайсысы артта қалатыны уақыт еншісіндегі дүние деп білеміз. Бірақ ел алдымен интернетте жылт еткен жаңалыққа емес, газет бетінде қатталған хабар­ға сенетіні анық. Ол – ақиқат. Толығырақ...

  • 05.12.19

     

    Ерғали  АБДУЛЛА


    Қу  ақша

    Бермеймін дегенді – бергізеді. Көрмеймін деге...

    Толығырақ...
  • 05.12.19

    Арнайы  бетіміздің  тұрақты айдарындағы кезекті қонағымызбен  сұхбаттасудың  сәті түсті. Бұған дейін есепшілер мен ұстаздар әулеті туралы жазған болатынбыз. Жасыратын түгі жоқ, бұл жолы кейіпкер таңдау оңайға соқпады. Нәти­жесі­нде таңдау арманы – бір, мақсаты – ортақ, бол­мысы – егіз, бірге оқып, медицина саласында бірге қызмет етіп, бір шаңырақтың түтінін түзу ұшырып отырған дәріг...

    Толығырақ...
  • 05.12.19

    Тұңғыш Президент Н.Ә.Назарбаев өткен жылғы 5 қазандағы Жолдауында «2019 жыл – Жастар жылы» деп жариялады. Жыл аяғы жақын. Күні бүгінге дейін елімізде жастар мәселесі бойынша озық істер орындалып, межелі мақсаттарға қол жеткізілді. Елбасы өзінің «Тәуелсіздік дәуірі» атты кітабында: «Менің ойымш­а, біздің жастар елеспен өмір сүрмеуге тиіс. «Қазақстанның әлеуметтік жаңғыртылуы: Жалпыға орт...

    Толығырақ...
ЖАРАУ АТТАР ЖАРЫСҚАН КҮН
16.10.2019 18:20

«Алтын дән – 2019» мерекесі қалалы­қ ипподромда ат бәйгесімен жалғасын тапты. Мұнда шабан­доздар тай, құнан, тоқ, аламан­ бәйге сынды 4 түрінен сынға түсті. Бәйгенің ең ұзағы (аламан) 25 шақырым болса, тай бәйгеде шабан­доздар 4 шақырымға шапты.­

Облыс әкімі Қуанышбек Ысқақов шараға қатысып, диқандардың жеткен жетістігіне тоқталып, облыс­тағы ат спортына бөлінген көңіл турасын­да  айтты.

- Диқандар бұрын-соңды болмаған рекордтық көрсеткішке қол жет­кізді. Гектарына 60,3 центнерден өнім алып, 530,5 мың тоннадан аса Сыр маржанын қамбаға құйды. Еңбеккерлердің мерекесі Қызылорда қаласының 201 жылдық мерейтойымен тұспа-тұс келді. Кез келген елдің ұлылығын мәдениеті мен салт-дәс­түрі танытады десек, бүгінгі мерекенің жалғасындай, ізгіліктің арнасындай болған ат бәйгесі – ұлтымыздың ұлылығының дәлелі. Ұлттық спорттың бұқаралық сипат алып келе жатқаны қуантады. Бүгінде облыс­та 16 мыңнан астам спортшы ұлттық спорт түрлерімен айналы­сады. Осыған дейін 8 мыңдай балуан қатысқан «Алтын белбеу» күресі де ең танымал әрі беделді бәсекелердің қатарында. Естеріңізде болар, ұлттық спортты дамыту мақсатында 2018 жылы Қызылорда қаласында ұлттық және ат спорты түрлері бойынша спорт клубы ашылған еді. Облыстық бюджеттен бөлінген қаражатқа 18 жылқы ат әбзелдерімен қоса сатып алынды. Мұның бәрі аймақтың ұлттық спортқа көзқарасын айшықтайды. Бүгінгі  сайысқа тұлпар қосқандардың  мерейі  үстем  болсын, - деді аймақ  басшысы.

Диқандар тойында ат дүбірін есту­ге келгендердің қатары қалың болды. Оның үстіне жылқыға деген жылылық – әлімсақтан қанымызда бар қасиет. Ұлттық спортты қолдау да кенже қалып қойған жоқ. Сондықтан, ат бәйгесінің қызықты да тартысты өтетіні әу бастан белгілі жайт еді. Солай да болды.

Жиналғандар әуелі төрт шақырымдық тай бәйгесін тамашалады. Тапжылмай отырды дей алмаймыз. Ат спортының көрермендері де тұлпарлар секілді бір орнында тыпырш­ып тұра алмай, қайта-қайта отырып-тұрумен болды. 17 шабандоз бақ сынаған, «Алтын дән» аясындағы тай жарысында «Алтын тай» өзгелерден озық келді, озып келді. Қайнар Қиясов тізгіндеген тұлпардың иесі – Орынбасар Төкешов.­

Құнан бәйгеде «Бақторының» бағы жанды. Кентай Игембаевтың атын мінген шабандоз Елжас Осман болатын. Тоқ бәйгеге астындағы атын «Алауға» ауыстырған Елжас екінші рет ерледі. Қызылордалық ат 15 шақырымда 13 тұлпардың арасынан қара үзіп келді.

Елдің күткені осы еді. Осы дегені­міз – 25 шақырымдық аламан бәйге. Бұ бәсекеде Нағи Қорғанбек баптайтын «Фаустың» шабысына көпшілік тәнті болды. Оқ бойы оза шапқан тұлпарды Бауыржан Әу­бәкі­ро­в тізгіндеген. Ұлттық спортты ұлықтап, мерейі үстем болған жеңім­паздар мен жүлдегерлер арнайы диплом мен ақшалай сыйлықтарға ие болды.

 

«Алтын  дән – 2019»  мерекесі  аясындағы  бәйгелердің  қорытындысы:

Тай бәйге – 4 шақырым, қатысқан 17 шабандоз

1-орын: Қайнар Қиясов – Сырдария ауданы, Қоғалыкөл ауылы, жылқының аты: Алтын тай, иесі: Орынбасар Төкешов;

2-орын: Ербақыт Ақжалов – Арал ауданы, Қарақұм ауылы, жылқының аты: Тұмар, иесі: Ақбота Тұрсынов;

3-орын: Арман Еділбаев – Шиелі ауданы, жылқының аты: Қаршыға, иесі: Айбар Жағыппар.

Құнан бәйге – 11 шақырым, қатыс­қан 10 шабандоз

1. Елжас Осман – Қызылорда қаласы, жылқының аты: Бақторы, иесі: Кентай Игембаев;

2. Қайнар Қиясов – Шиелі ауданы, жылқының аты: Көзайым, иесі: Айбар Жағыппар;

3. Ақтан Әділетұлы – Қызылорда қаласы, жылқының аты: Гаухартас, иесі: Кентай Игембаев.

 

Тоқ бәйге – 15 шақырым, қатыс­қан 13 шабандоз

1. Елжас Осман – Қызылорда қаласы, жылқының аты: Алау, иесі: Кентай Игембаев;

2. Бауыржан Әубәкіров – Қызыл­орда қаласы, жылқының аты: Рахмет, иесі: Нағи Қорғанбек;

3. Ақтан Әділетұлы – Қызыл­орда, жылқының аты: Елік, иесі: Кентай Игембаев.

 

Аламан бәйге – 25 шақырым, қатысқан­  10 шабандоз

1. Бауыржан Әубәкіров – Қызыл­орда қаласы, жылқының аты: Фаус, иесі: Нағи Қорғанбек;

2. Мадияр Мұратбек – Қызыл­орда қаласы, жылқының аты: Айғасар­, иесі: Жұмағали Киікбаев;

3. Айдос Ақтаев – Шиелі ауданы­, Бала би ауылы, жылқы аты: Қарашық, иесі: Пернебай Күзенбай;

4. Досбол Тілеуберген – Шиелі ауданы, Ы.Жақаев ауылы, жылқы аты: Еркетай, иесі: Алмас Арыстанбеков.

 

Пікір қалдыру


Қорғаныш коды
Жаңарту

Күнтізбе

< Қазан 2019 >
  1 2 3 4 5 6
7 8 9 10 11 12 13
14 15 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары