Өзекті мәселелер

  • 10.01.19

    Өткен жылы облыс про­куроры Х.Дәуешов бірқатар БАҚ өкілдерінің басын қосып, галстуксыз кездесу өткізген болатын. Қашанда қара халықтың қамы үшін тер төгетін тілшілер қауымын шақыра отырып, ел-жұрттың көкейіндегі маңызды деген мәселелерді ортаға салуымызды сұраған-ды. Басқасы басқа, білдей қадағалау органы басшысының бұқараның жайын ойлағаны, әрине, қуантқан болатын. Бар білгенімізді «мынадай мә...

    Толығырақ...
  • 10.01.19

    Тоқсаныншы  жылдары балалардың ермегі еміс-еміс есімізде қа­лыпты. Шыбықты ат қып міндік, сымнан машина жасадық, асық ойнадық. Асылында, қаланың қайнаған тірлігінен алыс жатқан ауыл балалары алдан­ыштарын ойдан тауы­п жататын. «Ғұлы-ғұлы» дегеніңіз есіңізде шығар? Ләңгі ше? Сол жылдары ата-аналар қара сирақ жүгірмектерін үйге шақыра алмай әлек болатын.

    ...
    Толығырақ...
  • 10.01.19

    Ділмұхамед  АБЫЗОВ,

    «Dalatex»  ЖШС-нің  директоры:

    ТМД  елдерінің ішінде жеңіл өнеркәсібі артта қалған ел болса, ол – Қазақстан. Себебі бізде отандық өнімдер аз. Бар болған күннің өзінде бағасы қымбат. Оның басты себебі барлық шикізатымызды сыртқа экспорттап, қайта қымбат бағамен сатып...

    Толығырақ...
  • 10.01.19

    Тәуелсіздік күні қарсаңында мемлекет басшысы жерлесіміз Ермекбек Пазлиевті ІІІ дәрежелі «Айбын» орденімен наградтады. Батыр ұл Қызылорда облысы Төтенше жағдайлар департаменті «Өрт сөндіру және авариялық-құтқару жұмыстары қызметі» мемлекеттік мекемесі Қызылорда қаласы  №2 мамандандырылған  өрт сөндіру бөлімінің бөлімше командирі  болып  жұмыс  істейді. Қызыл жалынға қарсы күресіп, адам  ...

    Толығырақ...
  • 10.01.19

    “Қыз пен жігіттің арасында достық бола ма?” деген сауал ортаға тасталған ретте, “болады” деп бой бермей, мыңдап мысал келтіруге бар достарыңыз табылатын шығар. Расында, дәл осы сауал түрлі отырыс­тарда даулы мәселеге айналып, көптеген адамдарды мазалағаны­ анық. Сіздің ойыңызша, сөйлесу кезінде бір-біріне көңілі ауып, сезімі пайда бола бастаған адамдар дос болуы мүмкін бе? Немесе махабб...

    Толығырақ...
САРСАҢҒА САЛҒАН «СЫР ЖАРЫҒЫ»
27.06.2013 13:18

Қалада қазіргі күні қызу талқыға түсіп, екінің бірінің аузында жүргені - «светтің» ақшасын тө­леуге барғандағы әлегі. Бүгінде жұрт бар жұмысын ысырып қойып, тұ­тынып отырған жарығының соңына шырақ алып түсуі керек-міс. Қаладағы жарықты тұтынушы тұр­ғындар 2011 жылдан бастап «Сыр жарығы» ЖШС-не көрсеткен қызметі үшін төлем жасап отыр. Үш жыл өтер-өтпес­тен енді бұл мекеме қызметін басқа бір мекемеге өткізіп жатыр. Айта кетерлігі, бұл жерде көр­сетілетін қызмет серік­тестіктер арасында допша домалап жүр. Ал ха­лық болса, осыны қуа­лаумен әуре. Бүгінде «Сыр жарығы» мекемесіне барсаңыз, халыққа жасал­ған жағдайдың шынай­ы үлгісін сол жақтан көресіз.

Жиналған жұртшылық ығы-жығы. Басы мен аяғы қайда екені беймәлім ұзын-сонар­ кезекті көргенде, көзіңіз шарасынан шығып кетеді. Мазасыз күй кешкен қала тұрғындарының шарасыз жағдайына назар аударып жатқан бірде-бір басшылықты байқамайсыз. Ызаға булыққан көпшіліктің жоғары жақтағыларды былай қойғанда, билік пен халықтың арасында көпір болып жүрген журналистерге деген сенімдеріне де селкеу түскен. Себебі, «олар айтады да қояды» дейді. Тұрғындардың бірінің: «Кеше осы «Қоғам ТВ»-дан келіп түсіріп кетті. Не өзгерді? Дым да біткен жоқ»,-дегені­н құлағымыз шалып қалды. Осы күні қала тұрғындары «Сыр жа­рығынан» кейін тізгінді алатын­ «Энерго Сервис» мекемесіне қайта тіркелу үшін  алдыңғы  мекемеден «қарызы жоқ» деген анықтама алу керек. Сол анықтама алуға келгендердің кейбірі қағаз жү­зінде  қарызға белшесінен  батқан.

- Өзі жол жабық кезде, шыр көбелек айналып осыған күнде салпақтап келеміз. Кезек деген қыр­ғын. Күнде келеміз, «кім соңы?» дейміз де, сонымен тұрамыз. Мекемелер өзара шешпей ме, халықты сонша әбігерге түсір­генше?! Еңкейген қариялардың өзі кезектің соңында тұр. Мүдде өздерінікі, қарапайым халық неге зардап шегуі керек? Тіп­тен, кеше егде жастағы үлкен кісі күннің ыстығына шыдамай құлап қалды. Жедел жердем келіп, әйтеуір жаны қалды. Айтарғ­а сөзіміз жоқ, - деді қала тұрғыны Ораз­күл Асанбекова.

Жоқтан бар жасап, қарызы жоқ адамға қарыз іліп қою деген сұмдық­тарға куә болдық. Біреуге 15 мың, екіншісіне          30 мың теңгені мойын­дарына қиып салған. Арты­ғымен төлеп қой­ғандар ақшаларының қайда  кеткеніне аң-таң. Түсініксіз жағдайларға тіптен түсініп болмайсың. Жағдайдың жай-жапсарын «Сыр жарығы» ЖШС-нің тұтынушылармен жұмыс жасайтын бөлім қызметкері Әділ­жан Әділбековтен сұрағанымызда:

- Халықтың заңды дұрыс білмеуі біздің кінәміз емес. Оларға ешкім артық төлем жасап қой деген жоқ. Біз өз жұмысымызды аяқтап, келесі мекемеге өткізіп жатырмыз. Біз БАҚ арқылы қызметіміз­дің 1 маусымнан бастап тоқтайтындығын ескерткен болатынбыз, - деді.

Жеке шаруа қожалығы иелерінің айтуынша, алдын ала төлем жасалмаса, күндері қараң. «Қиып кетеміз» деп қиғылықты салады екен. Жеке кәсіп­керлерді қабылдау уа­қыты сағат 11-ден 13-ке дейін ғана. Ал қалада қаншама жеке кәсіпкер бар?! Оны елеп, ескеріп жатқан ешкім жоқ. Ал, қала тұрғындарын қа­былдап жатқан кассаның өзі жалғыз.

Халықтың жергілікті билікке деген өкпесі қара қазандай. Айналдырған бір жарық жүйесіне бола қаншама жұрт сенделіп жүр. Халық қиналған сәтте қасында болып, жанын­а медеу болудың орнына жергілікті би­ліктің тырп етпей отыр­ғаны мынау. Әр мекемені жеке серіктестікке беріп қойып, жауапкерші­ліктен жалтару кімнің ойына келді екен?! Естір құлаққа айтқан болдық. Алайда айтылған  сөздің айтылған  жерде  қалмасы - құзырлы орындардың қолында.

Г.ЕСІМОВА

 

Пікір қалдыру


Қорғаныш коды
Жаңарту

Күнтізбе

< Маусым 2013 >
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары