Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
ТЕГІН ІРІМШІК ҚАҚПАНДА ҒАНА БОЛАДЫ
11.07.2013 14:39

«Аңқау елге арамза молда» демекші, халықтың қаржы­лық сауатсыздығын пайдаланып, ақшасын алдап алып кетіп жүрген небір компанияларды көріп жүрміз. Мұндай алаяқтықпен айналысатын компаниялар айдың күні аманында қарапайым жұрттың қалтасын қағып, жанға майдай жаққан «сиқырлы» сөздерімен сананы улайды. Олардың сөздеріне Құдайдай сенген жұрт­шылық компанияға алғашқы қаржысын салғаннан кейін-ақ, артын­ша «әттеген-ай» деп сан соғып қалады.

Маңдай терімен тапқан тиын-тебенін әп-сәтте қайдағы бір болмаш­ы қаржы пирамидасының шотына жіберіп, ақыр соңында кімнен қандай көмек сұрарын білмей дал болып­ жүрген жұрт қаншама. Жалған жарнаманың жетегімен қаржы пирамидасы бір қарағанда пайдасы жоғары ғана емес, сондай-ақ кепілдендірілген сенімді ақша табу көзін­дей көрінеді. Мұндай пирамиданың ерекшелігі сол, оның ресми тіркелген ұйымының, банктерде бірегей шоттарының жоқтығында. Барлық ақша айналымдары тек тікелей­  пирамида қатысушылары арасында жүреді.

Статистикалық мәліметтерге сүйенсек, әлемде алаяқтардың арбауына түсіп, қаржылық пирамидаға қатысатындардың ұзын саны 10-15 млн. адамды құрайды екен. Қазақстанда «МММ» аталатын пирамиданың cегіз кеңсесі қызмет етсе, соңғы үш жылда қаржы пирамидаларының заңсыз қызме­тіне қатысты 61 қылмыстық іс қозғалып, жапа шеккендер саны 4000-ға жуықтаған. Осыдан-ақ, қара халықтың қаржы пирамидаларының құрсауына ілігіп, қаншалықты жапа шегіп жатқандығын пайымдауымыз­ға болады. Айылын жимаған алаяқтардың сұрықсыз әрекеттері әлі де тыйылған жоқ. Кері­сінше күн өткен сайын қаржылық пирамидалардың қатары ұлғайып келеді. Бірінен бірі өтіп, өздерін жарнамалағанда еріксіз баурап алады. Атақты Мавродийдің «МММ»-ін алайық. Бұл қаржы пирамидасы осыдан екі жыл бұрын пайда болды. «Мы можем многое» деген атаумен атағы «жер жар­ған» бұл халықаралық пирамиданы білмейтін адам кемде-кем шығар. 1992 жылдан бастап жұмысын қолға алған компания халықтан қаржылай қор жинап, өз акцияларын беріп отырды. Нәтижесінде олар қатарына 10 млн.-нан астам адамды тартып үлгерді. Кейіннен «бизнесі» құлдыраған компания соңында банкрот деп жарияланды. Қазір елімізде, жоғарыда айтып өткендей, ақпараттық технологиялар арқыл­ы қыруар қаржы табуға мүмкіндік беретін «МММ-2011» деген атаумен аты шулы Сергей Мавродидің қаржы пирам­идасы іргесін қалап үлгерді. Олар тіпті пирамиданың кез келген сәтте банкрот­қа ұшырауы мүмкін екендігін жасырмайды. Яғни, осы арқылы олар кейін басы дауға қалмас үшін алдын ала «ескерту» жасайды. Бұл олардың заң алдын­дағы жауапкершіліктен жалтаруының алғашқы қадамы саналады. Жалғыз бұл ғана емес, қазір Қазақстанда қаржы пирамдиасының сан түрі жаула­ған. Бірі косметикалық тауарлар сатумен  айналысатын компания болса, бірі – денсау­лыққа пайдалы дәрі-дәрмектерді дистрибюторлар арқылы айналымға шығаратын ком­паниялар. Бейресми мәліметтерге сүйенсек, әсіресе шетел­дік «Q-net» компаниясының өкілдері еліміздің жер-жерінде­ қарқынмен жұмыс жасап жатқа­н көрінеді. Мұндай компанияларға тәуекел етіп кірген адамдардың бірі қыруар қаржыға кенеліп, «байып» жатса, енді біреулері салған қаржы­ларының қарымын қайтара алмай­ сот жағалап жүр. Жуырда Қызылорда қаласының  100-ден аса тұрғыны қаржы пирами­дасына алданып қал­ған. «Лайт Бизнес Маркетинг» атауын жамылған шетелдік компания алаяқтықпен айналысып, халықтан қыруар қаржыны жымқырған екен. Пирамида салымшылары ғаламтор арқылы бағалы тауарларға тапсыр­ыс беріп, оны сатып, мол табысқа кенелеміз деп сенген. Алайда компания шотына­ түскен қаржылар Алматы­дағы «Tristar KZ» жауап­кершілігі шектеулі серікте­стігінде жұмыс жасайтын қаржылық пирамиданы ұйымдаст­ырушылардың қал­тасына кетіп отырған. Жүз­деген қы­зылордалықты сан соқты­рған аталған компания ресейлік «Мар-Партнер» ашық акционерлік қоғамымен байланыста болған. Бұл туралы жуырда 24.kz телеарнасы хабарла­ды.

- «Лайт Бизнес Маркетинг» бағдарламасымен заңсыз жұмыс  атқарып отырған қызметкерлер анықталып, нәтижесінде Қаржы полициясымен ҚР ҚК 177-бабы 3-бөлімі «Б» тармағымен қылмыстық іс қозғалып, тергеу амалдары жүргі­зілуде. Тергеу ісі бо­йынша сезік­тілерден жауаптар алынып, Ресей Федерациясына халықа­ралық тапсырма жол­данып, қазіргі таңда жауабы күтілуде,- деді қалалық прокуратураның бөлім бастығы Ә.Баймаханов.

Бұдан бұрын Көкшетау, Петропавл қалаларында қаржы пирамидасына қатысты дау шығып, құқық қорғау орган­дарының араласуымен «Микрокредитная организация «КазРосИнвестпроект» ЖШС-нің қызметіне тосқа­уыл қойылды. Одан кейін мәжіліс депутаты М.Қазбекова Қазақстанда қаржы пирамидасына заң жүзінде тыйым салу жөнінде Премьер-министр Кәрім Мәсімовке депутаттық сауал жолдады. Халықтың қалтас­ы мен жүйкесін қоса жұқартқан қаржы пира­мида­ларының жолын заңмен кес­песек, артық амал қалмады. Осыған байланысты жуырд­а Мәжілісте палата спикері Нұрлан Нығматулиннің төрағалық етуімен жалпы отырыс өтіп, онда заңнамалық негізде Қазақстан аумағында қаржы пирамидаларына тыйым салу шешімі қабылданды. Енді қаржы пирамида­ларын түзген алаяқтар қатаң жазаланады. Кү­шейтіл­ген заң жобасын мәжі­лісмендер бірінші оқы­лымда-ақ мақұлдады. Бұдан былай заң арқыл­ы қаржы пирамидаларының жолы кесіліп, оған бағын­баған  күнде қыл­мыстық жауапкершілікке тартылатын болады.

P.S. Ресми мәліметтер бойынша соңғы үш жылда қаржылы­қ пирамида бойынша 61 қылмыстық іс қозғалып, 866 млн. теңге шығын келіпті. Сондықтан «қаржылық пирамид­алардың қызметіне қарсы іс-қимыл мәселелері туралы­ заң жобасына өзгертулер енгізу керек болды» дейді мамандар. Халықты қанаған алаяқтар енді аяқтарын аңдап басатын шығар деген ойдамыз.

Ә.НАЖМАДИН

 

Пікір қалдыру


Қорғаныш коды
Жаңарту

Күнтізбе

< Шілде 2013 >
1 2 3 4 5 6 7
8 9 10 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары