Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
НЕГЕ ТӘУ ЕТІП ЖҮРГЕНІМІЗДІ БІЛЕМІЗ БЕ?
31.05.2012 12:03

Айтылмаса, сөз жетім

31 мамыр жақындағаннан бастап, қаладағы «Арай» шағын ауданындағы төбе басында қалқиған екі қаңылтыр сырланып, асфальт жолдың екі жағындағы арам шөптері қырқылып, жолдың кем-құтығы жамалады. Неге дейсіз бе? Өйткені, ол жерде сонау 1932-37 жылдардағы ашаршылық пен асыра сілтеу құрбандарының мәйіттері жатыр. Бұл күні сол құрбандардың әруағына бағыш­талып құран оқылып, қаралы жиын өтеді. Солақай саясаттың құр­баны болған боздақтарымызды егіліп тұрып еске аламыз, әрі жас буынға патрио­ттық тәрбие береміз. Өткеннің жаңғырығын ұмытпай, болашағы­мыздың жарқын болуын тілейміз.

 

Дұрыс-ақ. Бірақ, мен сол ескерт­кіштің жанында тұрамын, сәл әрірек. Қасынан күнде өтемін. Әдепкіде ескерт­кіш тұрған төбе екеу еді, біреуі­нің құмы сылаққа жақсы болған­дықтан, құрылысқа тасылып кетті. Ендігі қалғаны - осы төбе, мұның да етегінен құм алынып жатыр. Төбені айнала бір шолып өтсеңіз, көз жеткізе аласыз. Оңтүстік бетінде әсем үйлер салынған. Айтпақшы, екіқабатты бір үйдің салынғанына 5-6 жыл болды, ешкім қоныстанған жоқ. Ауыздан-ауызға кеткен әңгімеге қарағанда, ол үйде әруақтар күңіренетін көрінеді. Расын кім білген?!.

Ал менің ендігі өтінішім мынау: құрметті қала әкімдігі мен қала тұрғындары! «Өлі риза болмай, тірі байымайды» деген сөзді мен айтқан жоқпын, атадан қалған асыл сөз екені баршаға белгілі. Сондықтан да, құрбандарға арналған ескерткіштің айна­ласын заманға лайық етіп, көгалдандырып, әрлейік. Жанында сасып жатқан, арық суы баратын көлшікті көмейік. Төбе жанынан үй салма демейміз, бірақ етектегі сым тормен­ қоршалған жерге әжетхана салмасаңыздар екен.

Біздің әкімнің жұмысы жақсы екенін күнде мойындап жүрміз. Қала орталығы таза­ланды, құрылыс қарқын алды. Оның барлығы мемлекет қазынасынан бөлінген қаржыға лайықталып, түрлі бағдарламалар шеңберінде жасалып жатқанын да жоққа шығара алмаймыз. Сонда да болса, «мың қосшыдан - бір басшы» деген. Көлікке мінген басшы, атқа отырып, төбені бір айнал­са, нұр үстіне нұр болар еді. Сосын қосшыларына пәрмен беріп, төбені нағыз ескерткіш етіп қайта жасақтаса екен. (Минск қаласындағы Ұлы Отан соғысының құрбан­дарына арналған ескерткіш тәрізді). Не болмаса, қалқиған қос қаңылтырды көтеріп әкетіп, қаланың орталығына қойсын да, төбенің сапалы құмын құрылысқа беруге рұқсат етсін. Орнына тағы да үйлер салынып, байшыкештер ауылы көбейіп қалар, әруақтар да тыншыр. Сөйтіп, мен сияқты басы ауырып жүргендердің мысы басылар деп ойлаймыз.

Сонымен, осы жылы бұл мәселенің бір нүктесі қойылар-ау деген үміт қой біздікі...

Нәзікен  ЫҚЫЛАС,

«Арай» мөлтек ауданының тұрғыны,

Қызылорда қаласы

 

Пікір қалдыру


Қорғаныш коды
Жаңарту

Күнтізбе

< Мамыр 2012 >
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары