Өзекті мәселелер

  • 23.05.19

    Ерсіннің жұмыссыз жүргеніне  біраз уақыт болды. Қырықтың қыр­қасына шыққан жігіттің  қызметінен кеткеніне үш жыл. Сонан бері үш балан­ың тамағы, киім-кешегі, жұмыссыз күйеудің бабын табу Алуаға оңай емес. Мектепте жұмыс ауыр. Күні бойы тыным көрмейді. Ерінің үйде бос жатысы мұғалім келіншектің жүйкесіне  тиеді.

    - Тым болмаса есік алдынағы бау-бақшаға қара. Малға жем-шөп беріп, өріске шы...

    Толығырақ...
  • 23.05.19

    Ағылшын әдебиеті тарихында роман жанрының негізін қалаушылардың бірі, тұңғыш романист жазушы, публицист, көрнекті прозаик Даниэль Дефоның «Робинзон Крузо» атты атақты шығармасын бес жастағы баладан бастап, белі бүгілген қартқа дейін білетіні анық. Тіпті, автордың атынан гөрі Робинзон Крузоның есімі әлемге әйгілі болған көркем образ екендігі де даусыз. Бұл – әрине, автордың ...

    Толығырақ...
  • 23.05.19

    Қазақ елі діни татулықт­ың үлгісі екені жаһанға мәлім. Бірлігінің бекемдігі де көп ұлттың басын біріктіріп тұрған шаңыр­ағының тыныштығынан көрі­ніп тұр. Елбасының сарабдал саясаты мен мемлекет үшін құндылығы  жоғары, саяси маңызы зор стратегияларының нәтижесінде біз осындай мәртебеге иеміз.

    ...
    Толығырақ...
  • 23.05.19

    Несібелі   МУСЛИМОВА:

    Тағдыр – жазмыш. Жазмышты жолынан жаңылдырып, пешенесін­  өзі  жазған пенде жоқ. Бір сәт күліп отырып көңіл босату,­ жылап отырып  жігерлі  кейіпке ену, шарасыздықтан  шаршап  немесе­ амалдың   жоқтығынан  жанар­ын  солдыру – бір  тағдыр иесіне­  ауырлық­. Сынақ  өзінің жеңім­пазын  таңдайды. Және сол жолда­ күресу үшін  кейіпкеріне  күш-жігер ...

    Толығырақ...
  • 23.05.19

    (Соңы. Басы газеттің 14 наурыздағы  №10, 18 сәуірдегі №15 сандарында)

    Менде тек ғана жұмыс тауып, жан бағатын тіршілік жасаудан басқа жол қалмады. Ал бала ше? Уақытша балалар үйіне өткізсем бе деген ой келді. Бірақ мен қайтып аламын дегенше, біреу асырап алса қайтемін деген күдік тағы бар. Осындай ой шырмауында жүргенімде ұялы телефон...

    Толығырақ...
ЕЛЖАНДЫЛЫҚ ҚАСИЕТ туған тілді тұғырға қондырады
19.07.2012 10:20

Жасыратыны жоқ, ұлтты ұлт ретінде қалып­тастырып, оның ұлттығын ұлықтап, жойылып кетпес­і үшін тегеурінді тетік – мемлекеттік тілдің атқаратын қызметі зор. Осы ретте төл тіліміздің мәртебесін көтеріп, қолданыс аясын кеңейту мақса­тында Қызылорда облыстық тілдерді дамыту­ басқармасы аз жұмыс атқарып жатқан жоқ. Егемен­ еліміздің ертеңгі күні жарқын болуы үшін әрбір қазақстандық ұлттық мүдде жолында еңбек етсе, нұр үстіне нұр болар еді.

Тіліміздің ахуалын одан әрі жақсартып, өскелең ұрпақтың бойына отан­сүйгіштік қасиет сіңіріп, тілге деген жанашыр­лығын ояту бүгінгі міндеттердің бастысы болмақ. Тілдің қуатты қару екенін ақын М.Жұмабаевтың «Жарық көрмей жатсаң да ұзақ кен тілім, Таза, терең, өткір, күшті, кең тілім» деген жолдарынан аңғарсақ, ақиық ақын М.Мақатаевтың «Қасиетін сезем деп ана тілдің, Қауырсыны қалмады қанатымның» деп өрілген өлең жолдары мен Ғ.Мүсіреповтің «Тілден биік асқар жоқ, тілден асқан байлық жоқ, тілден терең теңіз жоқ» деген айшықты теңеулері тағы да дәлелдей түскендей. Қазақ тілі - әлемдегі ең көркем, сыры көп, шеберлігі басым әсем тіл. Әр сөзінің астарында астарлы шындық, әспетті қалжың, тұнық сыр тұнып тұратыны рас.

 

Қазіргі қоғамның шеңберінде тіл мәртебесінің төмендеуіне себеп пен салдар көп. Алайда соған төтеп беріп, ұлттық құндылықтың жоғарыдан көрінуіне атсалысуымыз қажет-ақ. Жүрегі қазақ деп соққан әр азамат елге деген құрметін өзінен бастау керек. Ол үшін алдымен елдіктің белгісі, егемен­діктің тірегі саналатын туған тіліміз – қазақ тілінің мәртебесін көтеріп, тұғырына қондыра білген жөн. Бұл орайда тілдерді оқытудың өңірлік орталығы жанынан құрылған «Шешендік өнер және тіл мәдениеті» үйірмесінің жұмыстарын айтуға болады. Мәселен, жуырда аталмыш үйірме Шиелі ауда­нындағы «Сыр ұланы» және Жаңақорған ауда­нындағы «Талдысу» жазғы тынығу лагерьлерінде толғауы­ тоқсан қызыл тілдің қыр-сырына қанығып, туған тіліміздің мәртебесін көтеру мақсатында «Тіл өнері дертпен тең» тақырыбында тынығушылар мен тәрбиеші-тәлімгерлердің қатысуымен ойталқы ұйымдастырып, семинар-сабақтар өткізді.

Шара барысында тынығушы балғындармен еркін пікір алысып, аталмыш бағыт бойынша өз ойларын ортаға салды. Сонымен қатар, қазақ тілінің мемлекеттік тіл мәртебесін одан әрі асқақтату, күнделікті тұрмыста ауызекі тілде сөйлеу барысы­нда  тілімізді  шұбарламауға,  мағынасы  жоқ, мәнін де ұқпайтын лас сөздерді пайдаланбау жөнінде насихат сөздер айтылып, мысалдар кел­тірілді.

- «Тілдерді дамыту мен қолданудың 2011-2020 жылдарға арналған мемлекеттік бағдарламасының» 3-бөліміндегі «Тіл мәдениетін сақтау және оны насихат­тау» бағыты бойынша түрлі іс-шаралар ұйымдастырудамыз. Үйірме мүшелері жеткіншектерді мемлекеттік тіліміздің мәртебесін мәжбүр­леумен емес, отансүйгіштік, елжандылық рухпен қастер­леуге, оны әрқашан биік ұстауға шақырады, - дейді үйірме жетекшісі Е.Меңлібаев.

Екі күнге жоспарланған игі бастамаға 500-ден аса тыңдаушылар қолдау білдіріп, белсене қатысты­. Алдағы уақытта да үйірме мүшелері түрлі салаларда, әсіресе, жастар арасында әртүрлі бағыттағы оқу-семинарлар ұйымдастыруды жоспарла­п отыр.

Н.ҚАЗИҚЫЗЫ

 

Пікір қалдыру


Қорғаныш коды
Жаңарту

Күнтізбе

< Шілде 2012 >
            1
2 3 4 5 6 7 8
9 10 11 12 13 14 15
16 17 18 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары