Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Оларға да оңай емес...
12.01.2017 17:53

Негізі шенділер шат-шадыман күн кешеді деп кім айтты?! Олар күні-түні елдің қамын ойлап тыным­ таппайды. Жұмсақ креслода отырып, көзінің майын­ тауысып, қалам ұстап, алақандары «тілім-тілім» боп жүр емес пе? Осының барлығы оңай дейсіздер ме? Оның үстіне жұмыс сұрап келетіндер тағы бар. Жұмыссыздар дегеннен шығады, жалпақ жұрт «жемқорл­ар неге көбейіп кетті?» деп таңғалады. Парақорлар көп емес, тек «бермесең, алмаймын» дегендер бар. Рас қой. Кінә өзімізден. «Құрғақ қасық ауыз жыртадыны» санаға сіңіріп ап, қорада­ғы қоңыр құнанды құрбан етіп, етін қазыға айналдырып, дөкейге ұсынамыз да тұрамыз. Сосын, сосын­, «ақ қағазға» орап апаратын алғысымыз тағы бар.

Енді осының барлығын жұта беру, жұта беру оңай дейсіздер ме?! Одан қалды, әр мерекеде берілетін сыйақы тағы бар. Өзіңіз ойлаңызшы, шенеуніктерге­ келетін жылқы, сый-сияпат, сыйақы, жалақы бәрі-бәрі  бір адамға «жетпейді». Неге?! Өйткені, дөкейлердің Анкара мен Анталия, Париж бен Лондонда балалары білім алады. Оларды сағынады. Сондықтан­ балаларын жиі көріп тұру үшін айына немесе аптасын­а екі-үш мәрте ұшып барып келеді. Мұның барлығы тегін дейсіз бе?! Әрине, оның теңгеге кеп тірелетіні анық. Кешіріңіздер, дөкейлер доллар ұстайды екен ғой. Айтпақшы, дәрігерлердің айтуын­ша, жиі-жиі көкке көтерілу адам ағзасына зиян. Сол үшін шенділер Германия мен Малайзияда, Жапония­ мен Үндістанда дем алып, ем-дом жиі қабылдайды. Ақ жағалылар ұшып-қонып жалғыз жүрмейді. Бәйбішесін үйіне «байлап» қойып, тоқалын қолтықтап қыр асады емес пе? «Шенділер шетелде уақытша пәтер жалдап тұрыпты» деген сыбысты естігендеріңіз бар ма? Жоқ. Себебі қос ғашықтар «мен»  деген  қонақүйлерде, өңіміз  тұрмақ түсімізге де енбейтін виллаларда тынығады. Арзан тұрмайтын­ аққайнар, шарап ішіп, бұл өмірдегі ең «жайсыз» күндерін өткізеді ғой. Жә, бұлайша суреттеуімізге де себеп бар.

– Грузияда шенеуніктердің санын 3 есе азайта отырып, жалақысын 3 есе көбейткен. Біз Ерғожин мырзамен осы мәселені талқылаған болатынбыз. Қазақстанда мемлекеттік қызметкерлердің санын 35 пайызға азайтса, әкімшілік шығындарды есептей­ отырып, еңбекақысын 2 есеге көбейтуге болады. Бұдан  басқа жағдай жасау мен мемлекеттік қызметке беки түсудің басқа мүмкіндігі жоқ. Әрине, бұл үшін тыңғылықты жұмыс жүргізу керек. Мұны біз жоба ретінде ұсынып көрмекпіз. Бұл арқылы барлығы  өткен, - деді ҚР мемлекеттік қызмет істері және  жемқорлыққа  қарсы іс-қимыл  агенттігі төрағасының  орынбасары  Алик  Шпекбаев.

Агенттік төрағасының айтуынша, шенділердің жалақысын 2 есе көбейту жемқорлық фактілерінің алдын алмақ. Осы «қолы былғанғандардың» кесі­рінен екі жылда елімізге 48,5 млрд теңге шығын келген. Соның ішінде 1888 мемлекеттік қызметкер жауапқа тартылған. Олардың 22-сі – республикалық  деңгейдегі лауазымды тұлғалар, 109-ы – облыс­тық деңгейдегі, 286-сы – қалалық және ауылдық деңгейдегі мамандар.

Алик Шпекбаевтың сөзіне амалсыз біз де қосыламыз. Себебі әлгіндегі дүниелердің барлығы ақ жағалыларға аздық ететін сыңайлы.

Асан  ДӘУЛЕТ

 

Пікір қалдыру


Қорғаныш коды
Жаңарту

Күнтізбе

< Қаңтар 2017 >
            1
2 3 4 5 6 7 8
9 10 11 13 14 15
16 17 18 19 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары