Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Жаһандану жалаңаштану ма?
19.01.2017 11:31

Еліміздің мәдени астанасындағы «мәде­ниет­сіз» акцияның жалынын зорға сөндіргенде­ тағы бір «біртүрлі жайттың» куәсі болдық. Бұл жолы Алматыда емес, бас қаламыз – Астанада. «Бір апам бір апамнан өткен сорақы» демекші, жұрт Алматыдағы «АДК» сауда үйіне сабыл­ғанда 5 мың теңгенің тегін тауары үшін жалаңаш­танған болатын. Ол кезде беттегі арды белге дейін түсірген-ді қатысушылар. Ал Елордада­ғы «картина» сәл өзгерек. Мұнда биік өкшелі аяқкиім мен ішкиімдегі арулар басты рөлде «ойнайды».

Тақырыпқа тұздық болып отырған Астанадағы «Хан шатыр» сауда орталығында көрме жарнамасы үшін жалаңаштану оқиғасы. Аталмыш­  сауда орнында тек ішкиіммен жүр­ген қыздар француз фотосуретшісі ұйымдастырып отырған көрмені жарнамалап жүрген болып шықты. Бұл туралы Tengrinews.kz-тің тілшісі «Гипер Астана» көрмесінің баспасөз қызметіне сілтеме жасай отырып хабарлаған.

Баспасөз қызметіндегілердің мәліметінше, бұл анонс француз фотосуретшісінің алда өтетін бірегей көрмесіне арналған. “Мұндай шараны өткізіп отырған агенттіктің мақсаты - көрмені жарнамалау ғана емес, сондай-ақ, бұл өнер түрінің бірегей екенін көрсету. Кейбіреу­лер сынға алса, кейбіреулері қолдау көрсетіп жатыр”, - делінген хабарламада.

Жан Франсуа Розьенің «Гипер Астана» көрмесінің ашылуы Бейбітшілік және келісім сарайында өтеді екен. Сондай-ақ, аталмыш жобаның жұмыстары Лос-Анджелестегі Анненберг қорында, Мәскеудегі заманауи өнер музей­інде, Брюссельдегі мәдени-ботаникалық институтта, Луи Виттон, Бернар Магрез, Версаль сияқты коллекцияларда сақталады.

Сөз жоқ, фотосуретші еңбегінің нәтижесін халыққа ұсынуды қалайды. Әрине, кез келген өнер адамы үшін бұл өте жақсы жетістік. Алайда сурет көрмесіне шақыру үшін қызды жалаңаштандыру жарнаманың «төресі» болғаны ма? Жаһан мәдениетіне ілесу, әлем өнеріне сүйсіну жақсы дүние шығар. Алайда біз оның озығынан гөрі тозығына қызығатындаймыз. Онсыз да рухани дүниеміз іріп-шіріп жатқан қоғамда тәрбиеге қауіп төнгендей. Қазақтың менталитетіне мүлдем жат көріністі әлеуметтік желі арқылы біршама азаматтар көрді.

- Міне, Астананың супермаркетінде жар­тылай жалаңаш жүрген біздің қыздар бұлар. Осылар­ға ұлттық намыс пен тәрбиені ұғын­дырып көріңізші, - деп қынжылады Серік Жанболат есімді қолданушы.

Суреттен көргеніміздей, үстінде ішкиімінен өзге киімі жоқ бойжеткендердің денесіне әртүрлі суреттер салынған. Құдды майлы бояу­мен салынған­ әсем портретті әкеліп, арулардың денесіне­ қондыра салғандай. Жалаңаш денес­іне. Көрген жұртқа дене мүсіні айқын аңғарылып тұрған қыздар осылайша француз фотосурет­шісінің көрмесін жарнамалады. Жарнаманың нәтижесі қандай? Енді Бейбіт­шілік және келісім сарайында өтетін бұл көр­меге келушілер қатары көбейді ме екен? Сіз қалай ойлайсыз?

ТОЛҚЫН

 

Пікір қалдыру


Қорғаныш коды
Жаңарту

Күнтізбе

< Қаңтар 2017 >
            1
2 3 4 5 6 7 8
9 10 11 12 13 14 15
16 17 18 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары