Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

    ...
    Толығырақ...
  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып. ...

    Толығырақ...
Қоғамның тыртығы
26.01.2017 11:01

«Тұманшы деген елде ертеде Төлек атты батыр болыпты. Қазақ-қалмақ арасындағы бір қақтығыста қазақ жағы жеңіліске­ ұшырап, Төлек батыр артына ұлын мінгестіріп келе жатса, «ағатай, бізді қалдырма?», - деп Есенбай, Құлтан деген інілері алдынан шығыпт­ы. Соңынан дұшпаны өкшелеп, алдынан екі інісі шырқыраған  Төлек  батыр:

Көзімнен аққан қанды жас,

Атаңды күнде жау қумас,

Әйелдің ұлы аттан түс,

Құдайым ұлсыз қалдырмас,

Емшектес болған қос бауыр

Төлекке қайтып табылмас, -

деп баласын жауға қалдырып, екі інісін құтқарып қалған екен.

Шамасы, «Атасы басқа аттан түс, атасы бір артыма мін» деген мәтелдің туындауына осы оқиға өзек болса керек-ті.

Қазіргі қоғамды бір адам деп алып қарайтын болсақ, оған дім­кәстігі бар деген диагноз қойған болар едік. Неге? Жаңа ақпараттық технологиялардың жетіліп, адамның ой-өрісінің дамып, Айдың ауылының өзін әрі көр­мейтін, ғылым-білімнің биікке көтерілген кезі емес пе?! Есесіне әлемнің бет-әлпеті жасарған сайын­  ондағы рухани құндылықтар қартайып, адамдар арасындағы ізгі қарым-қатынастар күзгі жапырақтардай сола бастады. Өзге жандарды былай қойғанда, адамдар балалық шағының куәгерлері туған бауырларына да ет жүрегі елжіреп, бауыры езіліп тұрмайды. Құлтемірі (робот) бар қоғамның мүшелері де жаймендеп соның кейпіне еніп келеді. Сезімдер сәл суалып, бауырмашылдық қасиет «қуарды». Есепке құрыл­ған нарықтық заман өзінің заңын енгізбей қоймады. «Кім, не бере­ді», соған қарай жақындаса түсе­сің. Бірақ бұл әділеттілікке жата ма? Мынаның маған көк тиындық пайдасы жоқ деп өзіңнің жұпыны бауырыңды көкірегінен итеруге бола ма? Не болмаса, өмірімді соңы­на дейін сүйген жарыммен өткіземін, «бірге туған болса да, бірге өлмек жоқ екен» деген ұранмен­ қатыныңның қабақ шытқа­нына бола, бір емшекті емген­ жақының­ды жаттай көру қаншалықты  адамшылыққа  тән?

Жарайды, бүгінгі қызығыңыз – балаңыз, қасыңыздағы жұбайыңыз, одан қалды, дос-жарандарыңыз. Алдамшы уақыт алдыңызға жұмыс  деген жүкпен сізді жалшы етіп қойған, сондықтан қазір сізге бауырыңыз аса қажет емес. Алайда уақытыңыз таяп, таяқ ұстайтын шаққа жетесіз. Жалшылықтан құтыларсыз, баршылықпен қол ұстасып, немерелеріңіз бетіңізден сүйіп, дәулет жинағаныңызға алғысы­н айтар. Бірақ бұл сәт  – сіздің аяқталуға жақын қалған өмір  құмарыңыздың қаттылығынан қалып, жұмсара бастайтын шағы. Сіз бауырыңызды аңсап, бала күнді бірге еске алғыңыз келед­і. Бірақ бұл кезде тым кеш болып қалуы да ғажап емес. Өткен күндермен қарама-қайшылық, сізді жайшылықта жатқызбайды. Сондықтан өз жан дүниеңіз жалаңаштанатын қарт­тық кезді осы сәттен қаперде ұстаған жөн.

Жастары жер ортасына келген екі ағайынды азаматты біле­мін. Қазір қаланың тұрғындары болғанымен, ауылдың тумалары. Біреуі саудамен айналысады, ақшаны қолында шытырлатып санап жатқанына қарап, оның қолы емес, сенің көзің талады. Екіншісі – бар өмірін ғылым жолымен байланыстырған азамат. Жағдайлары қысқа бір жылқыны соғымға сатып алып, жылы үйде тіс шұқып отырып, емін-еркін әңгіме айтуға жетеді. Бірақ екеулерінің амандасқанына, сау­лық сұрасқанына қарасаң, қарның ашады. Жанұялары аралас-құралас емес. Десе де олар саудадағы серіктестерімен, ой бөлісетін ықпалды азаматтармен, өздерінің күні түсетін адамдармен салқын қарым-қатынас орнатпайды. Қысқасы, қазіргі мейірім мен махаббаттың да бір ұшында ақша тұрады.

Жоғарыда бауырмалдық қасиетке үндейтін мысал кел­тір­дік. Дәл ондай кейіпкерлерді қазір іздеп жүріп таппайсың. Өйткені біз бауырынан бұрын, бастығының халін сұрайтын қоғамда өмір сүреміз.

ПЕРИЗАТ

 

Пікір қалдыру


Қорғаныш коды
Жаңарту

Күнтізбе

< Қаңтар 2017 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары