Өзекті мәселелер

  • 14.02.19

    «Бұл ән бұрынғы әннен өзгерек» демекші, өңірлік коммуникациялар қызметінде қала әкімі Нұрлыбек Нәлібаев баспасөз брифингін өткізді. Жасыратыны жоқ, бұған дейін бас шаһардың басшысы баспасөз алаңына ат басын бұрған емес. Өйткені, облыс орталығында өңірдегі БАҚ-тың басым бөлігі орналасқан. Сондықтан мұны ақпандағы эксклюзивті кездесу десек те болады. Жыл басында журналистермен жүздесуге жақсы...

    Толығырақ...
  • 14.02.19

    ҚР Бас прокуратурасы баспасөз қызметін­ің хабарлауынша, өткен жылы республика бойынша 2,4 млрд теңге еңбекақы берешегі өндіріліпті. Соның 191 млн теңгесі біздің облысымызға тиесіл­і екен. Облыстық прокуратураның баспасөз қызметінің мәліметінше, қадағалау актісімен 13 мың жұмысшы алдындағы 191 млн теңге жалақы қарыз өндірілген.

    ...
    Толығырақ...
  • 14.02.19

    Нағыз жігіттерді еркек деу дұрыс емес, еркек – адамның жынысын білдіретін атау ғана. Қазақ халқы ер адамды ерекше сыйлаған, киімін баспаған, алдын кесіп өтпеген, сөзін тыңдаған, алдындағы асқа одан бұрын қол тигізбеген, т.с.с. Десе де, бұл қазір мұндай емес дегенді білдірмейді. Әйелден бір саты жоғары тұрған ер-азаматтардың да өз биігінен түсіп кетіп жүргендері бар. Ер жігіт ретінде өте...

    Толығырақ...
  • 14.02.19

    Әрбір  әйел  қауымы көрікті болып, бет терісіне ерекше назар аудару керек. Күтім жасап, әсем де нәзік болып жүретін бұрымдылар сырт көзді де тамсантатыны рас. Осы тұрғыда қыз-келіншектердің бет терісінің күтімі жөнінде не айта аламыз? Олардың бет терісінде жиі кездесетін мәселе қайсы? Сау әрі әдемі келбетті сақта­у  үшін  қайтпек  керек?

    Қазіргі таңда сұлулықтың құны жеңіл еместігі бесе...

    Толығырақ...
  • 14.02.19

    Мен «Халық» газетінің 6.ХІІ.2018 жылғы санында «Тұмар  ханым» бетінде жарияланған «Өзі үшін» некесіз бала тапқысы келеді» тақырыбындағы мақаланы оқыдым. Тақырып­қа орай көңіл түкпірінде жүрген ойларды қағаз беті­не  түсіргім  келді.

    ...
    Толығырақ...
БАЛАНЫ АТА-АНА БЕДЕЛІНЕ ҚАРАП ТАҢДАУ ұстаз атына кір келтіреді
04.10.2012 13:11

Әлемдік білім кеңістігіне кірігіп, білім беру жүйесін халықаралық деңгейге көтеру – кезек күттірмейтін мәселе. Бұл мәселені шешудің кілті – ұстаз қолында. Өйткені, ұстаз елдің ертеңгі тізгінін ұстайтын ұрпақ тәрбиелейді. Адам тәрбиелеу – ұлы міндет. Ол міндетті атқару­шы – ұстаз. Ұстаздың негізгі құралы – сабақ. Ұстаздан дәріс алмаған адам қазір жер бетінде жоқ десе де болар. Бұл мамандық содан да киелі. Ұстаз да диқан сияқты. Ол әр адамның жанына білім дәнін себеді. Әр шәкіртін аялап өсіріп, өмір атты шексіз ғаламға топшысын қатайтып ұшырады. Дәлірек айтсақ, адамды өмір сүре білуге­ тәрбиелейді. Сол үшін бойындағы асыл қасиеттерін шәкірт­теріне сіңіріп, тер төгеді.

 

Шәкірті өзінен озған ұстаз – еңбегі ақталған ұстаз. Өйт­кені, өмірдің заңы – даму, ілгерілеу, озу. Өзінен озған шәкірт тәр­биелейтін шебер ұстаз үздіксіз ізденісте болып, қоғам сұра­нысына сай білімді, шығармашыл, өзін-өзі дамытып, жетіл­діреді. Сондықтан, Мағжан Жұ­мабаев «Алты Алаштың басын­ қосса да, ең кәделі орын ұстаз­дікі» деп  айтқанындай, ұстаздың орны кімге  де  болса қастер­лі.

Ұстаз туралы сөз қозғағанда­, мектеп мұғалімі ойымызға орала­ры ақиқат. Жуырда бір таны­сымнан мынадай әңгіме естігенім бар. Қазіргі таңда мектеп табалдырығын аттаған бүлдіршін алғашқы ұстазын таңдамайды екен. Есесіне мұға­лім баланы ата-анасының жағдай­ына, беделіне қарай таңдайтын көрінеді. Және бұл біраздан бері жалғасып келеді екен. Жуырда мектеп табалдырығында тәлім-тәрбие берген ұстазыма жолығып, осы жайында айтқан болатынмын. Сөйт­сек, бұл жағдай ауылдық жерде орын алмайтын болып шықты. Әлгі ұстазымның сол жолы үлкен тәрбиелік мәні бар ой айтқа­ны бар.

- Әрине, ұстаздың ең бірін­ші мақсаты – білім беру. Ал, екінші міндеті біліммен қоса оқушыны тәрбиелеу болып табы­лады. Шынында, ғылым мен технология дамыған заманда оқушыны ата-анасының абыройы мен жағдайына қарап қабылдау өте қате әрекет. Айтып кеткенімдей, ұстаз «сірің­ке» сықылды. Ал, оқушыны балауы­з шырақ деп қарауымыз­ға болады. Есебін тауып, баланың бойында зейінін ашу ар­қылы, шамшырақты тұтатса, ұстаздың басты мақсатының орындал­ғаны. Сондықтан, оқу­шының зейінін ашудан қашып, кез келген­ балаға тең қарамай, әке-шешесінің беделіне ден қойып, балаға ұстаз болу дұрыс емес. Бұл бір жағынан ұстаз атына кір келтірумен пара-пар, - деді Г.Ермаханова апайым.

«Білім инемен құдық қаз­ғандай» деген нақыл тегін айтылмаса керек. Әліпті таяқ деп білмейтін жанды білім нәрімен сусындату оңай шаруа емес, әрине. Ал, бүгінде орын алып жатқан мына жағдай ұстаз атауына­ күйе жағары анық. Сондықтан, келешек ұрпақты са­уатты әрі салауатты етіп тәр­биелеу үшін жаңсақ қадамға бармағанымыз абзал.

Д.АЛАШБЕК

 

Пікір қалдыру


Қорғаныш коды
Жаңарту

Күнтізбе

< Қазан 2012 >
1 2 3 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары