Өзекті мәселелер

  • 21.06.18

    Ұлы Жібек жолының бойында орналас­қан көне қалаға жаңа атау берілді. Оңтүстік Қазақстан облысы бұ­дан былай Түркістан облысы деп аталады. Орталығы – Түркістан қаласы. Бұл тарихи шешімді бүрсі­гүні Ел­басы ресми түрде мә­лімдеді.

    Ақордада «Қазақстан  Республикасының әкімшілік-аумақты...

    Толығырақ...
  • 21.06.18

    Жемқорлыққа қарсы мәдениетті қалыптастыру бүгінгі қоғамның басты мәселесіне айналғандай. Жыл сайын парақорлыққа қарсы күрес, оның алдын алу шаралары қанша кү­шейтілсе, керісінше қылмыстық фактілер де солай көбейіп барады. Әкім­дік­тердің құқық қорғау органдарымен бірлесіп өткізген түрлі іс-шаралары да, экс-премьер-министр, министр мен әкімдердің қолына салынған кісен де парақорларды тоқтата алм...

    Толығырақ...
  • 21.06.18

    Нақты жұмыстардың нәтижесі сұралатын уақыт жетті. Бұл облыстағы кәсіп­керлік саласына қатысты. Өткен  сенбіде Жаңақорған, Шиелі  аудандарында  өткен көшпелі  жиында облыс  әкімі  Қырымбек  Көшер­баев өңірдегі кәсіпкерлік са­ласының даму барысын назарға­  алды.

    Мемлекеттік органдар мен қаржы институттары өкілдері қатысқан жиында аймақ  басшысы:

    ...
    Толығырақ...
  • 21.06.18

    «Оның бүркеншік аты – Пеле. Футболды жақсы көретін, жанын сала ойнайтын. Жылдамдығында шек жоқ. Осыдан 50 жыл бұрын, 19-20 жасымызда Алматы мемлекеттік консерваториясында Төлепберген Әбдірашевпен бірге бес жігіт бір бөлмеде тұрдық. Ауылдан келгенбіз. Қалтамызда тиын-тебеніміз де аз болды. Ішіміздегі ең пысық, ең жылдамымыз Төлепбереген еді. Вокзалға бару керек, троллейбусқа ақша керек деген сын...

    Толығырақ...
  • 21.06.18

    Азаттық таңымен бірге келген тарихымыздағы көптеген ақтаңдақтарды ашу, көмескіленген ұлттық сананы жаңғырту сияқты үлкен міндеттерді жүзеге асыруда­ көрер көз, сезер жүрек болса, қаламгерлеріміз атқарған істер аз емес. Жаңа тарих үдесінде өмірге бітімі бөлек көркем дүниелер келе бастады. Олар кейде жаңа өмір көктемінің алтынкүрек өкпегіндей еді. Сондай туындылардың бірі – жазушы Сайлаубай Жұбат...

    Толығырақ...
Жеті турдан соң жеткен жеңіс
12.05.2017 09:57

Өткен сенбіде футболдан Қазақстан Премьер-лигасының XI кезеңі ая­сында жергілікті «Қайсар» өз алаңында «Ақтөбені» қабылдады. Кездесу Ғ.Мұ­ратбаев атындағы орталық стадионның қосалқы алаңында өтті. Себебі осыған дейін Қызылордадағы қос стадионның (Орталық стадион, Локомотив) сапасының сын көтермейтіндігі белгілі болған-ды. Ал қо­салқы алаң небәрі 1300 адам­ға лайықтап салын­ғанымен, естуімізше са­пасы ҚФФ-ның барлық талап­тарына сай екен. Соны­мен, су жаңа алаңда алдына жан салмауды мақсат тұтқан Младенов шә­кірттері алғашқы минуттардан-ақ жеңіске деген құлшыныстарын байқатты. Оның үстіне бас бапкердің батыстық ұжымнан ұпай еншілей алмаса, жағдайы қиын еді...

Ойынның 16-минутында Аржанов мергендігімен танылып, «қасқырларды» есепте алға шығарды. Кездесудің бірінші бөлігінің аяқталуына 4 минут қал­ғанда Евстигнеевтің дер кезін­де  жеткізген  пасынан тағы да Аржанов нәтиже шығарды. Есеп 2:0. Бұл кезде мерейіміз үстем боп, шат-шадыман күй кешіп отырған біз ойынның одан әрі қалай өрбитінінен бейхабар едік. Десек те есептегі басым­дықты еселеудің, есептегі басымд­ықты сақтап қалудың маңызды екенін біліп отырдық.

Алайда бәрі біз ойлағандай болмады. Қарсыластарымыз қарымта қайтарғанда сан соғып қала бердік. Алдымен Жуниор Оливейра жойқын соққысымен Исламқұловты қапы қалдырса, көп ұзамай Игорь Зенькович есепті теңестіріп кетті. Осыдан кейін абдырап қалған Стойчо Младенов ойынға тың  ойыншыларды  шығару­ға  бекінді. Дәлірек айтқанда, Руслан Сақалбаев, Жамбыл Көкеев, Елжас Алтын­бековтерге  сенім артты­. Кездесудің аяқ­талуына са­наулы минуттар қалғанда «Ақтөбенің» айып алаңында қақтығыс болып, Жамбыл Көкеевке қарсы ойын ережесі бұзылғанын байқадық. Көп ұзамай төре­ші «Ақтөбе» қақпасына он бір метрлік айып соққысын белгілеп, Папа Гуйеге қызыл қағаз көрсетті. Өз кезегінде «Қайсардың» капитаны Мақсат Байжанов допты қақпа торында тулатты. Бұл төреші қосқан 4 минуттың ішінде  орын алған жағдай еді. Қорытынды  есеп 3:2.

Жеті кезең бойына жеңіс дәмін татпай келе жатқан ұжым осылайша 3 ұпайға ие болды. Бұл «Қайсардың» турнир кестесіндегі орнына да әсер етті. Ес жиып, еңсе тіктеген Сыр аяқдопшылары 15 ұпаймен 6-орынға тұрақтап отыр.

«Қайсар» – «Ақтөбе» 3:2

Ескертулер: Ламанж 81, Чуреев 86, Камара 87 – Айт­баев 32. Ойынның 90-минутында Папа Гуйе алаңнан  қуылды.

«Қайсар»: Исламқұлов, Граф, Камара, Ламанж, Евстиг­неев, Чуреев, Нәр­зілдаев (Сақалбаев 68), Байжанов, Курьор, Ар­жанов (Алтынбеков 88), Нико­лич (Көкеев 68).

«Ақтөбе»: Сидельников, Морейра (Зенькович 46), Джуниор (Тотай 62), Оливейра, Воловик, Гуйе, Алмейда, Айтбаев, Байтана, Кәкімов, Шурыгин (Аслан 62).

Төрешілер: Тевяшов, Дерцапф (екеуі де – Орал), Ходин (Атырау). Қызыл­орда қаласы. Орталық стадионның  қосалқы  алаңы.

Айта кетейік, «Қайсардың» келесі кездесуі 14 мамыр күні, Тараз қаласында «Тараз» футбол клубына қарсы өтеді.

 


 

 

Алғашқы  айналым:

ДЕРЕК  пен  ДӘЙЕК

Футболдан Қазақстан Премьер-лигасының алғашқ­ы айналымы аяқ­талды. Дегенмен, ел чемпионатының бірінші айнал­ымында күнтізбедегі барлық ойындар өткен жоқ. Себебі көк­темде кейбір  клубтарымыздың стадиондары дайын болма­й, кездесулер кейінге шеге­рілді. Жалпы есептегенде  бірінші айналымда  65 ойын өтіп, 155 доп соғыл­ды. Алғашқы айналымның қорытындысы ретінде назар­ла­рыңызға статистиканы ұсынып отырмыз. Клубтардың өте жақсы ойыны мен әлсіз тұстарынан хабар­  беретін ақпаратқа «Қайсар» футбол клубының атауы енбепті. Бұл қызылордалық команданың ортаңқол клуб екендігінен хабар берсе  керек-ті.

Ең көп доп соққан командалар: «Қайрат» (23 доп – 12 ойында), «Астана» (22 доп – 11 ойында);

Ең аз доп соқан команда: «Тараз»­  (7 доп);

Өз қақпасына ең аз доп жіберген команда: «Тобыл» (7 доп –           12  ойында);

Өз қақпасына ең көп доп жіберген­ командалар: «Шахтер» (17 доп – 10 ойында), «Тараз» және «Ақжайық» (17 доптан –   11  ойында);

Доп айырмасы үздік команда: «Астана» («+14», 22-8);

Доп айырмасы төмен команда: «Тараз» («–10, 7-17);

Жеңілісі аз командалар: «Ас­тана»­  және  «Қайрат»  (1 жеңіліс);

Жеңілісі көп командалар: «Шахтер»­ және «Тараз» (6 жеңі­ліс);

Жеңісі көп командалар: «Ас­тана» және «Ордабасы» (7 жеңіс);

Жеңісі аз командалар: «Ақ­тө­бе», «Шахтер», «Тараз» (1 жеңіс);

Тең ойыны көп команда: «Қайрат» (7 тең ойын);

Алаңға аз ойыншы шығарған команда: «Астана» (17 футболшы);

Алаңға көп ойыншы шығарған командалар: «Ордабасы», «Қайрат», «Атырау», «Шахтер», «Ақ­жайық» (23 футболшыдан).

Рыскелдi  СӘРСЕНҰЛЫ

 

Пікір қалдыру


Қорғаныш коды
Жаңарту

Күнтізбе

< Мамыр 2017 >
1 2 3 4 5 6 7
8 9 10 11 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары