Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
БОЙЫМДА ЖЕҢІСКЕ ДЕГЕН ЖІГЕРІМ БАР
25.05.2017 17:00

Тұрсынбай  ҚҰЛАХМЕТ,  боксшы,

IV  Ислам  ынтымақтастық ойындарының  жеңімпазы:

Кеше  ғана  Әзірбайжан  астанасы  Бакуде  IV Ислам ынтымақтастық ойындары өз мәресіне жетті. Айтулы жарыстан  Сыр спортшылары  да  шет  қалмады.  Бокстан  75  келі  салмақ дәрежесінде сынға түскен жерлесіміз Тұрсынбай Құлахмет жеңімпаз атанып, ел мерейін асқақтатты. Осы орайда, елге оралған жеңімпазды құттықтап, онымен әңгімелесудің сәті түскен еді. Жыл басынан бері үш бірдей халықаралық жарыстың алтынын иеленіп үлгерген ол, бізге мұнымен тоқтап қалмайтынын  айтты.

- Тұрсынбай, жеңіс құтты болсын! Алдымен Бакудегі бокс кешінен алған әсеріңізбен бөліс­сеңіз.

- Рақмет! Баку қаласында өткен IV Ислам ынтымақтастық ойындарының ұйымдастырылу деңгейі жоғары деп айтуға әбден болады. Әлемнің 50-ден астам елінен спортшылар қатысты. Менің ойымша, мұндай әлемдік жарыстарға әр мемлекет өз елінің мықтысын, үкілеп отырған спортшысын әкеледі. Баку төрінде 4 рет шаршы алаңға шықтым. Әуелі ирандық боксшымен, одан соң өзбек өренімен жұдырықтастым. Үшінші кездесуім камерундық былғары қолғап шеберімен өтсе, ақтық сында жарыс қожайыны, әзірбайжандық Камран Шахсуварлымен кездестім. Шыны керек, барлық жекпе-жегім оңай болмады. Десе де, Алла сәтін салып, жеңіске жеткен жайым бар.

- Боксқа келуіңізге кім себепші­ болды және қазіргі бапкеріңіз жайында айта кетсеңі­з?

- Үйдегілердің айтуы бо­йынша, кішкене күнімде аурушаң болыппын. Сонда дәрігерлер спортпен айналысуға нұсқау берген екен. Жалпы, боксқа келуіме әкемнің ықпалы зор болды. Яғни, ал­ғашқы бапкерім – әкем. Қалалық жарыстарда жаймендеп төбе көрсетіп, жеңіске жеткеннен кейін кәсіби бапкер­дің қол астына өттім. Содан бері 10 жылдан аса уақыт өтсе де Жамил Жүнісов деген бапкерімнің тәрбиесіндемін. Ал ұлттық құрамада Нұрғали, Мырзағали секілді бапкерлердің берген ақылымен, жол көрсетуімен жүреміз.

- Биылғы жыл өзіңізге табыс­ты  басталған  сыңайлы...

- Ұлттық құрамада қаңтар айынан бастап дайындық жұмыстарын  бастадым. Содан бері Болгарияның София қаласында өткен «Страндж» турнирінде топ жарып, артынша Финлияндияның Хельсинки қаласындағы халық­аралық турнирде же­ңім­паз  атандым. Енді міне, Ислам ынтымақтастық ойындарында айым оңынан туды. Алда көптеген жарыстардың күтіп тұрғаны белгілі. Әрда­йым дайындық үстіндемін. Бойымда жеңіске деген жігерім бар.

- Жалпы, уақытпен сана­сасыз  ба?

- Әрине, спортшыда бос уақыттың бола бермейтіні анық. Көбіне уақытты үнемді пайдалануға, жақсы іспен шұғылдануға тырысамын. Сондықтан, санасамын  деген жөн  шығар.

- Ал, шаршы  алаңда уақыт­ты­  шамалай  аласыз  ба?

- Адамда ішкі түйсік деген бар емес пе? Сол арқылы сезіп, жобалай аламын. Оның үстіне бапкерлер де айтып, ескертіп отырады. Қаншама жылдан бері спортта жүрген соң, бұл үйреншікті жағдай.

- Жарысқа дайындық жұ­мыстары  қалай  жүргізіледі, қай жерлерде  өтеді?

- Дайындық, оқу-жаттығу жиындары әртүрлі бағытта және әр жерлерде өтеді. Алмат­ы қаласындағы бүкіл­әлемдік бокс мектебінде, сондай-ақ, Астана қаласында да болып тұрады. Тәжірибе алмас­у мақсатында өзге мемлекеттің боксшыларымен оқу-жаттығу жиындары ұйымдастырылады.

- Ташкент қаласында өткен Азия чемпионатында тұғырдан түсіп, туымыз жығылғандай күй кештік. Боксшы ретінде мұны немен байланыстырар едіңіз?

- Менің ойымша, Қазақстан ұлттық құрамасы мұнан да жоғары нәтиже көрсете алады. Жігіттердің бағы жанбаған болуы керек. Өйткені бірге дайындалған соң, бабы нашар болды дей алмаймын. Оның үстіне өзбек ағайындар өз жерінде бар жүлдеге иелік етіп қалуға тырысқандай.

- Соңғы жылдары әуесқой бокста әділетсіздіктер кө­бейіп кетті. Бұра тарту, аяқ­тан шалу құрбаны болып көрдіңіз бе?

- Үлкен спортта мұндай жайттар жиі-жиі болып тұрады. Алдағы уақытта да бола береді. Шын мықты өзін мойындатады. Әділет­сіздік құрбанымын деп, тауы шағылу спортшыға тән емес. Осыған ұқсас жағдайлар менің де басымнан бірнеше рет өтті.

- Әлемдік, қазақстандық бокста кімдерді үлгі тұтасыз?

- Серік Сәпиев ағамыздың спорттағы еңбекқорлығы, қайсарлығы, техникасы барлық жағынан ұнайды. Ол сонымен қатар, көп соққы жасай біледі және қай жекпе-жекте болмасын, кіммен жұдырықтасса да соңына дейін табандылық көрсетеді. Қазақ боксшылары арасында мұндай талант­ты боксшылар аз емес. Әлемдік бокста қазақ боксшыларының үлес салмағы, өз орны болғандықтан, шетел­діктерді айту жөн деп ойламаймын.

- Сыр спортының түле­гісіз. Біздегі  бокстың  даму  қарқыны  қалай?

- «Бір күнім жақсы, бір күннен» дегендей, салыстырмалы түрде айтар болсақ, жыл сайын дамып келе­ді. Бір салмақ дәрежесінде бірнеше жас боксшылар қолғап түйістіріп жүр. Яғни, бәсекелестік бар жер дами түседі. Жыл сайын Сыр елі боксшылары  ұлт­тық  құрамаға мүше болуда. Әлі де толыға түседі деп сенемін­.

- Сұхбатыңызға рақмет! Тұғыр  биігінен  көрейік.

Сұхбаттасқан

Рыскелді   ЖАХМАН

 

Пікір қалдыру


Қорғаныш коды
Жаңарту

Күнтізбе

< Мамыр 2017 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары