Өзекті мәселелер

  • 15.11.18

    Сыр елінің серпіні ерекше екенін аймақ тұрғындары да, сырт көз – сыншылар да жиі айтып жүр. Экономикалық даму тұрғысынан кей салаларда сәл шегініс болса, басым бағыттар да жеткілікті. «Жұмыла көтерген жүк жеңіл» екендігін дәлелдеп келе жатқан қызылордалықтар мемлекеттік бағдарламалар аясында біраз шаруасын шалқытып отыр. Әсіресе кәсіпкерлер тарапы жолдауда айтылған тапсырмалар бойынша өз міндет...

    Толығырақ...
  • 15.11.18

     

     

    Берікбол  БАЙХОЖАЕВ,

    ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызы...

    Толығырақ...
  • 15.11.18

    «Балама әйелді өзім таңдап алып беремін. Байдың байлығына қызықпаймын, бидің билігіне қызықпаймын, асыл пышақ қап түбінде жатпайды. Келінім ақылды болса, ұлымның елге даңқы кетеді. Би түскендей үй болу – әйелден. Әйелі жақсы болмай ер оңбайды? Ердің бақытын кетіретін де – әйел, ерге бақыт әперетін де – әйел» деп келінін өзі таңдайтынын айтқан Төле бидің Данагүлді қалай жолық­тырып, баласына айт...

    Толығырақ...
  • 15.11.18

    Қытық! Қызылы бар қызық сөз, құмары бар құнды сөз. Мұны солдан оңға қарай оқысаң да – қытық, оңнан солға  қарай  оқысаң да – қытық. Бұрын­ғы қыздардың бетінде қызарып, көз тартып­, көрініп тұрушы еді. Қазір ше? Зәру. Қат дүние. «Бүгінгі күні бүтін махаб­бат бар ма? Әй, қайдам? Сезім шіркін семіп кеткен. Ал қытық байғұс қырық жыл бұрын қайтыс болған» деп гөйітеді баз біреулер. Жо-жоқ, қытық әлі ...

    Толығырақ...
  • 15.11.18

    Бір күні қарап отырмай жеке бизнес жасағым келді. Жұрттың бәрі байып жатыр.­ «Кедей бол» деп менің маңдайыма біреу бормен бадырайтып жазып қоймағ­ан болар. Ауладағы жазғы үйді бұзып, «шындық» сататын дүкен аштым.

    - Әй, балам көп ұзамай тақырға отыра­сың,­ - деп әкем басын шайқады.

    ...
    Толығырақ...
Германиялық депутат этноауылда мейман болды
31.07.2017 09:44

Киелі Қармақшы жеріндегі Қорқыт ата мемориалдық кешені жанынан «ЭКСПО – 2017» халықаралық мамандандырылған көрмесіне орай этноауыл ашылғаны белгілі. Қазақ ұлтының көшпелі өмірін бейнелеген ауылға бүгінде туристер жиі келіп жатыр. Өткен аптада «ЭКСПО»-ға келген Германия елінің Бундестаг депутаты Ф.Ленгсфель Ақмешіттің топырағына да табан тіреді. Сыр еліне сапары барысында оны облыс әкімінің орынбасары С.Қожаниязов арнайы күтіп алып, кездесу өткізді. Басқосуға Халықаралық Аралды құтқару қорының Қазақстандағы өкілдігі басшысының орынбасары А.Кеншимов қатысқан. Мұнан соң делегация Арал ауданына жол жүріп, аудан басшылығымен, балық өңдеу зауытымен танысып, музей аралады. Келесі күні делегация құрамы Кіші Арал теңізі және Қамбаш көлінің жағасындағы «Қамбаш» балаларды оқыту-сауықтыру орталығының жұмыстарына куә болғаннан кейін Қармақшыдағы этноауылға ат басын бұрды.

Қорқыт бабамыздың кешені тұрған маңның қасиетті болмауы мүмкін емес. Ол жердің құмы да, аңызақ желі де шетелдіктер үшін таңсық. Осы өзгешеліктердің қатарын халқымыздың мәдениеті мен тұрмыс-салтынан көрініс беретін этноауыл толықтырып тұр. Мұндағы Хан ордасы аталатын киіз үйдің ішіне кіріп, бауырсақтан ауыз тиіп, шұбат ішкен германиялық өкіл Ф.Ленгсфель алған әсерімен бөлісті.

- Қазақтың салт-дәстүрін көргеніме өте қуаныштымын. Барлығы қызықты болды. Бұл – Қазақстанға үшінші рет келуім. Ал осы ауданда бірінші рет қонақ болып тұрмын. Этонауыл мені өзінің ерекшеліктерімен қызықтыра алды. Себебі, бүгін мен Арал қаласына барып, трагедиядан кейінгі Арал қандай болды, соны көріп келдім. Этноауылды, барлығын керемет деп бағалаймын! Қазақстан – көркімен тамсандыратын ел. Қазақ елі көңілімнен шығады, - деді ол өз сөзінде.

Этноауылда жүріп делегация мүшелері ұлттық асық ойынын ойнады. Зергерлік бұйымдар үйінен ұсталардың қолынан шыққан туындыларды тамашаласа, былғары бұйымдар үйінің ұсынған заттары көпшілік көңілінен шықты. Хан ордасында қазақ қызы айтқан термені тыңдаған қонақтар қазақылықтың тереңіне дендеп енгендей болды.

Этноауылға бүгінге дейін 12 мемлекеттен 5000-ға жуық турист келген. Соның ішінде өте жиі келетін қонақтарымыз – германиялықтар. Олардың барлығы – әлем саяхатшылары. Қазақстанға Орал, Ақтөбе, Қызылорда облысы арқылы келіп, Шымкент қаласынан Өзбекстан елінің шекарасына өтеді. Сондай-ақ голландиялық ғарышкерлер де этноауылдың құрметті мейманы болған. Олар Байқоңыр ғарыш айлағына бара жатқан бетте ауылды көріп кетіпті. Жапония, Францияның азаматтары осында аялдап, қазақтың байырғы өміріне қызығушылық танытуда. Этноауыл қызметкерлерінің айтуынша, туристер тарапынан ең көп қойылатын сұрақ ұлтымыздың салт-дәстүріне байланысты. Тіпті кішігірім зергерлік немесе қолөнер бұйымдарын сатып алғанның өзінде оның белгілі бір мән-мағынасы, тарихы болғанын құп көреді дейді.

Мұндағы киіз үйлердің бірінде жүннен, киізден түрлі бұйымдар жасалған. Қамзолдан бастап, тұрмыстық заттар, сәндік үшін қойылатын ескерткіштер бар. Ал келесі бірінде сурет, тігін өнерімен айналысатын кісілер отыр. Суретші Бибігүл Жүсіпованың айтуынша, келушілер тарапынан өзінің өнер туындыларының ішінен «смайлик» пішіндес жастықшаларға деген сұраныс көп. Сонымен қатар, қыз-келіншектер орамал орнына тағатын сәнді тюрбанды алушылардың салмағы басым. Оның құны – 2000 теңге. Б.Жүсіпованың қамзол, тақия тігумен айналысқанына 15 жылдан асқан. Ал сурет салуды серік еткеніне 4 жыл болыпты. Майлы бояумен салып жатқан картиналарын жинап, «ЭКСПО» біткеннен кейін жеке көрмесін ашып, сонда ұсынуды армандайды.

Бүрмелі жастықтар, құрақ көрпешелердің сан түрін көргіңіз келсе, тігіншілер отырған киіз үйге бас сұғасыз. Мұнда қыз жасауына қажетті бұйым ғана емес, Қармақшыдағы «Аңсаған» мүмкіндігі шектеулі балалар қоғамдық бірлестігінің өнерпаздары ұсынған туындылар да көзге жиі ұшырасады. Ал Бақытгүл Райымбаеваның бейнетті еңбегі жұртшылық жүрегінен орын алып, ыстық ықыласқа бөленгені рас. Ол 3 жыл, 1 ай бойы көз майын тауысып жайнамаз-кілемшесін тоқыған. Жайнамаздағы өрнектер өте ерекше. Себебі, мұнда ислам дініне қатысты бір сыр бар. Бұл өрнектерді мағынасын ұғынып, ілімін пайдалана білген адам көп жетістіктерге жетеді-мыс.

Келесі бір үйде мүйізден жасалған шаш қыстырғыштар бар. Оны қиялына қарай әртүрлі етіп өзгерте түскен шеберлер сүйектен жасалған тарақтардың бас терісіне пайдалы екенін алға тартады. Бұрымды аруларға арналған шаш қыстырғыштардың дизайны да таңдай қақтырарлықтай. Шебер Мырзабек Қаныбаев мүйізден жасалған ескерткіштерінде қазақы отбасының ерекшеліктерін, мінезін айшықтай білген. Былайғы уақытта майыстыра қалсақ морт етіп сына кететін мүйіздерді өз әдістерін қолдана отырып иіп, оны өз ойындағы мүсінге айналдыра білген шеберлердің өнеріне сүйсінбеске шара жоқ.

Ханның Ақ ордасы іспетті киіз үйде ханның тұтынатын заттарын көрмеге қойған. Мұнда енген кісі өзін жаугершілік замандағы қазақ халқының өміріне біртабан ене түскендей сезінетініне сенімдіміз. Далада алтыбақан теуіп, қазақ күресіне де орын табылады. Қазаққа тән ою-өрнектер бейнеленген қамзол киген ұзын етекті қыздар ұршық үйіріп, диірменге талқан тартып отыр. Ал жылқы мінген шабандоз жігіттер өзара жарысып жүр. Жан-жағыңызға жай ғана көз жіберсеңіз болғаны, шекарасына жетуге құс қанаты талатын жазық дала менмұндалайды. Тек осы көріністің өзі дарқан, өр, еркін мінезді қазақ ұлтының өмір сүретінін дәлелдеп тұрғандай.

Жазира  БАҒЛАН

 

Пікір қалдыру


Қорғаныш коды
Жаңарту

Күнтізбе

< Шілде 2017 >
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
           

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары