Өзекті мәселелер

  • 17.01.19

    Марат  ӘЙТІМОВ:

    Қас талант тасада қалмайды. Түптің түбінде танылары хақ. Күндердің күні маңдайы жарқырап, жұлдызы биіктей түсетіні белгілі. Сөйтіп, аты мәшһүр адамға айналары сөзсіз. Бұған мыңдап мысал келтіруге болады. Айталық, миллиардтаған қытайды мойындатқан, әлемдік «мен» деген өнер майталмандарының өзі құрметпен ...

    Толығырақ...
  • 17.01.19

    Қызылордалықтар қашанда күн суыта бастасымен жандарын шүберекке түйіп отырады. Бұрыннан-ақ тосыннан келетін апат халықты дүрліктіріп қойған. Дария суының арнасынан асып, елге төндірер қаупін айтамыз. Бұл үшін жыл сайын бюджеттен қыруар қаржы да бөлініп келеді. Арнайы бөгеттер салынып, мұз жару жұмыстарына дейін ел қазынасынан ақша шығарылады. Иә, табиғаттың тосын мінезін біліп болмайсың. Десе д...

    Толығырақ...
  • 17.01.19

    Халық арасында білім саласына қатысты айтылатын сын көп. Әсіресе, жұмыс іздеп, мұғалім болу­ды армандайтындар, тіпті, еден жуушы болып жұмыс істегісі келетіндерден «мектептің ставкасы мынанша» дегенді естіп жүрміз. Алғашында сенбейтінбіз. Өркениетке қадам басқан елімізде еден жуушыдан пара сұрамайтын болар деп ойлайтынбыз. Бірақ дәл сондай жағдаймен бетпе-бет келгендердің бар екені жасырын емес...

    Толығырақ...
  • 17.01.19

    Баспанасыз жүргендердің бағы жанатын болды. Талайдың табал­дырығын тоздырып, пәтерден-пәтерге көшіп жүрген отбасылар енді өз елінен пана табады десек те қателеспейміз. Тек жиған-тергеніңіз қалтаңызда емес, банк есепшотында болса болғаны. Естеріңізде болса­, өткен жылы Қызылорда облысы әкімі Қ.Көшербаев халық алдындағы жылдық есеп беру кездесуінде:

    ...
    Толығырақ...
  • 17.01.19

    Әрдайым әдемі болып жүруді қалайтын қыз-келіншектер киім үлгісіне келгенде ерекше талапшыл. Тіпті кейбір сұлулар үшін құрбы­ла­рының үстіндегі жейде немесе көрші­сінің спорттық белдемшесінің өзіні­кімен бірдей болуы «ғаламдық проб­лемамен» пара-пар. Мұндай көрі­ніс­ке сіздің де жиі куә болып жүрге­ніңізге сенімдіміз. Байқағанымыз, бұрымдылар өзгеше болуға ұмтылады. Бүгінде талғампаз бойжеткенде...

    Толығырақ...
АРМАНЫМ – ОТБАСЫМНЫҢ, ЕЛІМНІҢ СЕНІМІН АҚТАУ
28.12.2017 12:36

Айдос  СҰЛТАНҒАЛИ,

грек-рим  күресінің  шебері:

Жақында ғана Польшаның Быдгощ қаласында грек-рим күресінен 23 жасқа дейінгі ерлер арасындағы Әлем чемпионатында жерлесіміз Айдос Сұлтанғали 59 келі салмақта сынға түсіп, қола жүлдені иеленді. Айтулы жарысқа Қазақстан құрамасынан 8 спортшы қатысса, жалғыз медальді Сыр спортшысы олжалады. Бір қызығы, облыс тарихында 2005 жылы грек-рим күресінен ересектер арасында Ермек Көкетов Әлем чемпионатында қола жүлдегер атанған еді.

Оның жетістігін ізбасары 12 жылдан соң қайталап отыр. Біз хабарласқанда Айдос Петропавл қаласында жаттығу жұмыстарында жүр екен. Қысылтаяң шақ болса да, спортшы әлеуметтік желі арқылы байланысқа шығып, сұрақтарымызға жауап беруге келісті. Сондай-ақ, ол кеше ғана облыстық дене шынықтыру және спорт басқармасы тағайындаған “Жылдың үздік спортшысы” номинациясында 2-орынмен марапатталды.

- Айдос, ең біріншіден, жеңіс құтты болсын! Жалпы, жетістікке жету үшін адам бойында қандай қасиет, қандай мінез  болуы  керек  деп ойлайсыз?

- Менің ойымша, жеңіске жету үшін адам бойында шыдамдылық, қайсарлық болуы қажет. Жалпы, жеке-жеке мынау болуы керек деген қағида жоқ секілді. Мысалы, спортшы өз-өзіне сенімді болмаса, белгілі бір белесті бағындырады деп айта алмай­мын. Сол сияқты  спортшының  жігерлі, намысқой  болғаны жөн. Бұл орайда жауапкершілік те ерекше  рөл  атқармақ.

- Бұлар сіздің бойыңыздан қаншалықты  табылады?

- Аталғандардың барлығы өз бо­йымнан табылады деп ойлаймын. Әрине, кейде еркінсу, босаңсу секілді жайттар болып тұрады. Ондай сәт­терде  өз-өзімді қамшылап, барынша жеңуге   тырысамын. Ал, жарыс барысындағы кем-кетігімізді бап­керлер, командалас жігіттер ескертіп отырады.­

- Туған жеріңіз, өскен ортаңыз турас­ында  сөз  қозғасақ...

- Қызылорда қаласында 1996 жылы дүниеге келдім. Әке-шешем және 3 әпкем бар. Үйдің кенжесімін. 2006 жылы спортқа қадам бастым. Алғашқы бапкерім Ғабиден Райымбек ағайдың қолында 7-сыныпқа дейін тәрбиелендім. Кейін Петропавл қаласындағы спорт интерна­тына  қабылдандым. Ол жақта Серәлі Құсайыновтың тәлім-тәрбиесін көрдім. Қызылордада Виктор Анатольевич бар білгенін үйретіп, жанашырлық танытты. Барлық бапкер­леріме құрметім зор. Бұл кісілерден үйренерім көп.

- Облыстағы  грек-рим  күресінің  әл-ауқаты, даму  қарқыны  қалай?

- Қазіргі кезде Қызылордада грек-рим күресі қарқынды дамуда. Бір ғана мысал, конфедерация жарысында команд­алық есепте 3-орынға қол жеткіздік. Ең бастысы, артымыздан өсіп келе жатқан лайықты ізбасар­ларымыз  бар.

- Спортшы болмағанда кім болар едіңіз?

- Жақсы сұрақ екен. Спортты таңдамағанымда хирург болар ма едім, кім білсін? Өйткені, анам осы салада қызмет еткенімді қалады. Дегенмен, олар маған әрдайым қолдау білдіреді.

- 2017 жыл сіз үшін қаншалықты жеңісті  болды?

- Мен үшін бұл жыл өте табысты болды дей аламын. ҚР чемпиона­тында күміс жүлдеге қол жеткізіп, ұлттық құрамаға қабылдандым. Ашхаба­д қаласында өткен жабық кешенде­гі Азия ойындарының қола жүлдегері атансам, әлем бірінші­лі­гінде де осы жетістігімді қайталадым. Одан өзге де ірілі-ұсақты жарыстарда бағымды сынап, тұғыр биігінен көріне білдім.

- Өмірде, спортта кімді үлгі тұтасыз?

- Өмірде әкемді үлгі тұтамын. Әрдайым ақылын айтып, жол көр­сетіп отырады. Ал, спортта Шәміл Серіков, Нұрбақыт Теңізбаевтарға қарап бой түзеп келемін. Әр спортшының өзіне тән ерекшелігі болады ғой. Бірінің техникасы, екіншісінің еңбекқорлығы дегендей...

- Саяси оқиғалар, шоу-бизнес жаңалы­қтары, ел экономикасы қы­зықтыра­  ма?

- Спортшы да жан-жақты болуы керек. Айналадағы болып жатқан өзгерістер, жаңалықтар мені де қызықтырады. Уақытымыздың көп бөлігін спортзалда өткізетін болғандықтан, кейбір жаңалықтарды кеш естіп жатамыз.

- Алдағы жылдан не күтесіз? Қандай арманыңыз бар?

- 2018 жылы мені көптеген байрақты бәсекелер күтіп тұр. Солардың барлығында облыстың, еліміздің намысын абыроймен қорғасам деймін. Әсіресе, Азия ойындарында және Әлем біріншілігінде топ жаруды мақсат­ тұтамын. Мен үшін әнұранды шырқатып, көк туды желбіреткеннен асқан бақыт жоқ. Арманым – отбасым­ның, елімнің сенімін ақтау. Сондай-ақ, өмірлік серігімді жолықтырып, өнегелі, иманды ұрпақ тәр­биелегім келеді.

- Әңгімеңізге  рақмет!

Сұхбаттасқан

Рыскелді   СӘРСЕНҰЛЫ

 

Пікір қалдыру


Қорғаныш коды
Жаңарту

Күнтізбе

< Желтоқсан 2017 >
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 29 30 31

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары