Өзекті мәселелер

  • 14.02.19

    «Бұл ән бұрынғы әннен өзгерек» демекші, өңірлік коммуникациялар қызметінде қала әкімі Нұрлыбек Нәлібаев баспасөз брифингін өткізді. Жасыратыны жоқ, бұған дейін бас шаһардың басшысы баспасөз алаңына ат басын бұрған емес. Өйткені, облыс орталығында өңірдегі БАҚ-тың басым бөлігі орналасқан. Сондықтан мұны ақпандағы эксклюзивті кездесу десек те болады. Жыл басында журналистермен жүздесуге жақсы...

    Толығырақ...
  • 14.02.19

    ҚР Бас прокуратурасы баспасөз қызметін­ің хабарлауынша, өткен жылы республика бойынша 2,4 млрд теңге еңбекақы берешегі өндіріліпті. Соның 191 млн теңгесі біздің облысымызға тиесіл­і екен. Облыстық прокуратураның баспасөз қызметінің мәліметінше, қадағалау актісімен 13 мың жұмысшы алдындағы 191 млн теңге жалақы қарыз өндірілген.

    ...
    Толығырақ...
  • 14.02.19

    Нағыз жігіттерді еркек деу дұрыс емес, еркек – адамның жынысын білдіретін атау ғана. Қазақ халқы ер адамды ерекше сыйлаған, киімін баспаған, алдын кесіп өтпеген, сөзін тыңдаған, алдындағы асқа одан бұрын қол тигізбеген, т.с.с. Десе де, бұл қазір мұндай емес дегенді білдірмейді. Әйелден бір саты жоғары тұрған ер-азаматтардың да өз биігінен түсіп кетіп жүргендері бар. Ер жігіт ретінде өте...

    Толығырақ...
  • 14.02.19

    Әрбір  әйел  қауымы көрікті болып, бет терісіне ерекше назар аудару керек. Күтім жасап, әсем де нәзік болып жүретін бұрымдылар сырт көзді де тамсантатыны рас. Осы тұрғыда қыз-келіншектердің бет терісінің күтімі жөнінде не айта аламыз? Олардың бет терісінде жиі кездесетін мәселе қайсы? Сау әрі әдемі келбетті сақта­у  үшін  қайтпек  керек?

    Қазіргі таңда сұлулықтың құны жеңіл еместігі бесе...

    Толығырақ...
  • 14.02.19

    Мен «Халық» газетінің 6.ХІІ.2018 жылғы санында «Тұмар  ханым» бетінде жарияланған «Өзі үшін» некесіз бала тапқысы келеді» тақырыбындағы мақаланы оқыдым. Тақырып­қа орай көңіл түкпірінде жүрген ойларды қағаз беті­не  түсіргім  келді.

    ...
    Толығырақ...
“ШАЯННЫҢ СОҚҚЫСЫ”
12.01.2018 12:28

Бразилияда даңқты Рональдиньюдің достары жұлдыздар командасым­ен жолдастық кездесу өткізді. Жұлдыздар 9:6 есебімен жеңіске жетті. Жеңімпаздардың қақпашысы Сидао “шаян соққысы­н”  қайталап,  таңдай  қақтырды.

 

Бұл әдіс  қайдан шыққан?

1995 жылдың 7 қыркүйегінде Лондондағы даңқты “Уэмбли” стадионында Англия және Колумбия құрамалары жолдастық кездесу өткізді. Қауіпті сәттер­дің бірінде колумбиялық қақпашы Рене Игита айып алаңының сыртынан Джейми Реднапп тепкен допты екі тізесін бүгіп, ауада қалықтай серпіліп, өкшесімен тамаша қайтарды. Содан кейін бұл әдіс “шаянның  соққысы” аталып кетті.

Аталған әдіс футбол тарихындағы ең үздік әдіс болып танылған соң, Игита бір сұхбатында өз әрекетінің ойда жоқта­ туғанын айтып берді. Атақты қақпашы алғаш рет допты осындай әдіспен алкогольсіз сусындардың  жарнама  роли­гін түсіру кезінде қайтарыпты. Сценарий бойынша, балалар Игита қақпасына доп тепкен. Балақайлардың бірі допты доғаш­а иілдіре бағыттағанда, ол өкшесімен қайтарған. Кейін жаттығу кезінде де осы әрекетін бірнеше рет қайталағанмен, оны ресми матчта пайдала­нып көруге тіпті талпынбапты  да.

Алайда “Уэмблидегі” кездесу барысында Реднапп допты әуелеткен кезде, қапталдағы төреші Реднапп айып алаңына көтермекші деп ойлап, жала­уын желбіретіп үлгерген. Өйт­кені, ағылшындардың бір футбо­лшысының офсайдта тұрғаны анық еді. Бірақ, Реднаптың соққысы бірден қақ­паға ұшқанын көрген соң, төреші жалаушаны дереу түсіре қойған. Игита қапталдағы төрешінің әуелгі әрекетін көзі шалып, қарсыластың ойыннан тыс қалғанына сенімді болған. Бірақ ереже бұзылмағанын, ал доптың өзінен асып қақпаға тура бара жатқанын сезінген соң, амал жоқ, өкшемен қайтаруға  тырысқан.

Бұл шеберлікке жұрт тік тұрып қол соқты. Ал, Игита болса, “шаян соққысын” жасай салып, командаластарынан кешірім сұрады. Мұндай тосын әрекет оны бірнеше жыл бұрын жарға жығып еді. 1990 жылғы әлем чемпионатының 1/8 финалында Рене өз құрамасы 0:1 есебімен Камеруннан жеңіліп жатқанда айып алаңының сыртына шығып алдаспақ болып, екінші допты жіберіп алған-ды. Алаңның ортасында Роже Милла одан допты тартып алып, бос қақпаға бағыттай салды. Содан кейін Игита “сорақы әрекеттер” жасамайтын болған. “Шаянның соққысынан” кейін кешірім сұрағаны да содан.

Кейін  де  Рене  Игита  ақылға сыймайтын қимыл­дарды бір­неше рет жасады, бірақ ол өз командасының жеңісі күмән тудырмайтын кездерде ғана “цирк” ұйым­дастыратын  еді.

Жұрттың бәрі Ренені футбол­  сайқымазағы  дегенмен, ол өте мықты қақпашы болды. Оны айтасыз, ол пеналь­ти мен айып доптарын шебер соға­тынымен де  есте  қалды.

Футболдағы ғұмырында Игита 44 ресми гол соқты. Оның 37-сі – пенальтиден, 7-еуі – айып соққысынан. Колумб­ия құрамасы сапында 68 кездесу өткізіп, 54 гол жіберді. Өзі  3 гол авторы атанды. Құрама сапындағы соңғы кездесуін даңқты қақпашы 1999 жылдың 7 шілдесінде өткізді.

Қазір Рене Игита Брази­лияның “Атлетико Паранаенсе” командасында қақпашыларды  жаттықтырады.

 

Пікір қалдыру


Қорғаныш коды
Жаңарту

Күнтізбе

< Қаңтар 2018 >
1 2 3 4 5 6 7
8 9 10 11 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары