Өзекті мәселелер

  • 14.02.19

    «Бұл ән бұрынғы әннен өзгерек» демекші, өңірлік коммуникациялар қызметінде қала әкімі Нұрлыбек Нәлібаев баспасөз брифингін өткізді. Жасыратыны жоқ, бұған дейін бас шаһардың басшысы баспасөз алаңына ат басын бұрған емес. Өйткені, облыс орталығында өңірдегі БАҚ-тың басым бөлігі орналасқан. Сондықтан мұны ақпандағы эксклюзивті кездесу десек те болады. Жыл басында журналистермен жүздесуге жақсы...

    Толығырақ...
  • 14.02.19

    ҚР Бас прокуратурасы баспасөз қызметін­ің хабарлауынша, өткен жылы республика бойынша 2,4 млрд теңге еңбекақы берешегі өндіріліпті. Соның 191 млн теңгесі біздің облысымызға тиесіл­і екен. Облыстық прокуратураның баспасөз қызметінің мәліметінше, қадағалау актісімен 13 мың жұмысшы алдындағы 191 млн теңге жалақы қарыз өндірілген.

    ...
    Толығырақ...
  • 14.02.19

    Нағыз жігіттерді еркек деу дұрыс емес, еркек – адамның жынысын білдіретін атау ғана. Қазақ халқы ер адамды ерекше сыйлаған, киімін баспаған, алдын кесіп өтпеген, сөзін тыңдаған, алдындағы асқа одан бұрын қол тигізбеген, т.с.с. Десе де, бұл қазір мұндай емес дегенді білдірмейді. Әйелден бір саты жоғары тұрған ер-азаматтардың да өз биігінен түсіп кетіп жүргендері бар. Ер жігіт ретінде өте...

    Толығырақ...
  • 14.02.19

    Әрбір  әйел  қауымы көрікті болып, бет терісіне ерекше назар аудару керек. Күтім жасап, әсем де нәзік болып жүретін бұрымдылар сырт көзді де тамсантатыны рас. Осы тұрғыда қыз-келіншектердің бет терісінің күтімі жөнінде не айта аламыз? Олардың бет терісінде жиі кездесетін мәселе қайсы? Сау әрі әдемі келбетті сақта­у  үшін  қайтпек  керек?

    Қазіргі таңда сұлулықтың құны жеңіл еместігі бесе...

    Толығырақ...
  • 14.02.19

    Мен «Халық» газетінің 6.ХІІ.2018 жылғы санында «Тұмар  ханым» бетінде жарияланған «Өзі үшін» некесіз бала тапқысы келеді» тақырыбындағы мақаланы оқыдым. Тақырып­қа орай көңіл түкпірінде жүрген ойларды қағаз беті­не  түсіргім  келді.

    ...
    Толығырақ...
«ЖҰРТ ҚОЛҚА САЛУДЫҢ ТҮБІ ЖАҚСЫЛЫҚҚА АПАРМАЙТЫНЫН ЖАҚСЫ БІЛЕДІ»
07.06.2018 12:05

Азиз  ӘБІЛҚАСЫМҰЛЫ,

Қызылорда қалалық ішкі істер басқармасы тергеу бөлімінің тергеушісі:

Тергеуші болу – жауапкершілігі мол жұмыс. Ал сол жауапкершіліктің жүгін жүрексінбей орындау екінің бірінің қолынан келе бермейді. Өйткені тергеуші – адам тағдырын шешетін мамандық. Ол салада жұмыс істейтін жанның, алдымен, ар алдындағы абыройы таза, әр фактіні уақытылы, өткізбей тіркей білетін ұқыпты, бір сөзбен айтқанда, өз ісінің шебері болуы қажет. Сондықтан бұл салада жас та болса бас болып, түйіні қиын мәселелердің шешілуіне өз үлесін қосып жүрген Азиз Бұхарбаймен сұхбаттасып, тергеушілік қызметтің қыр-сырын сұрастырған едік.

– Тергеуші болу бала күнгі арма­ныңыз   ба?

– Мектеп қабырғасында оқып жүрген кезде-ақ мен полиция қызметкері болуды армандайтынмын. Арман қуып Алматыға бардым. Онда ішкі істер министрлігіне қарасты акаме­дияда  4 жыл білім алдым. Қазіргі таң­да­ қалалық  ішкі  істер бөлімінде жұ­мыс  істегеніме  бір  жыл  болып  қалды.

– Тергеуші  болу  қаншалықты­  қызық  және  қиын?

– Мүмкін  жас болғандықтан болар­, мамандығым өзіме қызық. Күніне әртүрлі жағдай мен оқиғалармен бетпе-бет келесің. Әлі есімде, бірде үй-күйсіз жүретін бір кісі қыстың күні қыстық күрте сатат­ын дүкенге ұрлыққа түскені бар. Сондағысы, қатты тоңғандықтан, қа­лың күртеше киіп, жы­лынғысы келген екен. Тере­зесін сындырып, ішіндегі жап-жаңа тонды үстіне киіп алыпты. Абыро­й болғанда, сол сәтте Ұлттық ұланның қызметкерлерімен ұсталып, ісі сотқа кетті. Ал бұл жұмыстың қиындығын  тек  басынан  өткізген адам  ғана  түсінеді  деп  ойлаймын.

– Сіздің  ойыңызша  тергеуші  қандай болуы  керек?

– Тергеуші істі тергейді, заңды шешімін қабылдайды және сотқа жібереді­.  Күдіктінің кінәсін дәлелдеп, іс барысында ҚР Қылмыстық процес­тік кодекс талаптарының бұзылмауына­ жұмыс істейді. Себебі, оның қызметі адам тағдырымен тікелей­  байланысты. Іс қаншалықты ашылып­, дәлелін тапса­, күдіктінің қылмысқа қатысы бар не жоғы сон­шалықты  белгілі болмақ. Бір сөзбен айтқанда,  бізге  психолог та, аналитик  те, математик те болу керек. Тіпті, криминалистің де тәжірибесінен хабары­ң болуы шарт. Сонымен қатар, ең бастысы, халықпен жұмыс істейтін болғандықтан, барынша әдепті бол­ға­н  абзал.

– Әдептілер қатарына өзіңізді жатқыза­  аласыз  ба?

– Жұмысқа алғаш қосылып, халықпен жұмыс істеген кездері, ағаттық жіберген сәттеріміз болды. Мүмкін, тәжірибеміздің аздығынан олқылықтарға жол берген шығармыз. Шүкір, қазіргі таңда үйрендік. Көп нәрсені көрдік. Барынша өзімді жақсы ұстауға тырысамын. Себебі, полиция қызметкері – қоғамдық тәртіптің басты қор­ғаушысы. Халық одан тек көмек сұрап ғана қоймайды, оған қарап бой түзей­ді, үлгі тұтады. Сондықтан көмек сұрай келген әрбір жанға жылы шырай танытқан дұрыс. Әсіресе, мені бұл сала­дағы ұстазым, ҚІІБ тергеу бөлімі басшысының орынбасары, полиция капитаны Дәулет Бәйменовтің бар білген-түйгенін үйретіп, барынша жақсы  тергеуші  болып  қалыптасуыма­ қосқан  үлесі  шыңдап  келеді.

– Жұмысыңызға  қаншалықты  бе­ріл­генсіз?  Кез  келген  іске жауапкер­шілікпен  қарайсыз  ба?

– Кез келген тапсырманы уақы­тылы орындауға тырысамын. Ол орында­луға міндетті де. Алайда кейде жұмыст­ың ауырлығына байланысты үлгермей  қалатын  сәттер  де  болады.

– Кейде үлгермей қалатындай қоғамд­а  қылмыс  көп  пе?

– Мен жұмыс істегелі бір деңгейде деп  айта  аламын.

– Жұмыс істеп жатқаныңызға көп болмаса да, тәжірибеңіз қалыптасып, танылып қалдыңыз. Туған-туыс, дос-жарандар «Біздің  Азиз  – тергеуші» деп айтарл­ықтай қызметіңіз де бар. Осы орайда, сізден  көмек  сұрап, қолқа  сал­ған­  таныст­арыңыз  болды  ма?

– Қазіргі таңда халықтың көзі ашық. Құқықтық сауаттылығы артып келеді десем артық айтқаным емес. Олар құқық қорғау органы қызметкерлеріне қолқа салудың түбі жақсылыққа апармай­тынын жақсы біледі. Сондықтан, мұн­дай жағдайлар өз тәжірибемде­ бол­майды деп ойлаймын, болған да емес.

–      Әңгімеңізге  рақмет!

Сұхбаттасқан   Ж.ЖҮНІСОВА

 

Пікір қалдыру


Қорғаныш коды
Жаңарту

Күнтізбе

< Маусым 2018 >
        1 2 3
4 5 6 8 9 10
11 12 13 14 15 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары