Өзекті мәселелер

  • 09.08.18

    Ел іші ешқашан даусыз болмаған. Бұрында да ренжісіп, жер, жесір дауы үшін бір-бірімен араздасқан адамдар өмір сүрген. Әсіресе, жайылымдық жер үшін таласып, бірінің малын екіншісі қуып шыққан сәттер әдебиеттерден белгілі. Алайда ол кезде қазіргідей сот билігі болмаса да, ата-бабаларымыз шыңыраулы түрмесіз-ақ сол дауды бейбіт жолмен шешіп, екі тарапты бір ауыз сөзбен татуластыра білг...

    Толығырақ...
  • 09.08.18

    Біздің «Алдымен экономика, cодан  соң  саясат» деген­ айқын  формуламен ілгерілеп келе жатқанымызды мемлекет басшысы ай­қындап берген. Саяси реформалардың әрбір кезеңі эко­номика дамуы­ның  шекті  деңгейімен ұштасады. Сондықтан да біз саяси ырықтандыру жолын дәйекті ұстанудамыз. Осылайша халықтың рухани қазынасын жаңғыртып, оны бәсекеге қабілетті етуге қол жеткіземіз. Ал білі­мі мен білігі сай ...

    Толығырақ...
  • 09.08.18

    Бас шаһардың әр бұры­лысында жер қазылып жат­қандығын байқаған шығарсыз. Шыны керек, облыс ортал­ығында жыл сайын осындай шаруалар шығады да тұрады. Бұған наразы тұр­ғындар жергілікті билікті сынап­ әлек. Бұл мәселенің мәнісі былай екен. Оны қала әкімі Нұрлыбек Нәлібаевпен бірге бірқатар құрылыс нысандарын  аралау  барысында біліп  қайттық.

    ...
    Толығырақ...
  • 09.08.18

    Өткен жұмада республикалық Қоғамдық кеңес төрағасы, ҚР Парламенті Сенатының депутаты Бақытжан Жұмағұлов пен «Нұр Отан» партиясының хатшысы Фархад Қуанғанов бас­таған делегация Сыр өңіріне жұмыс сапары­мен келді. Олар бірқатар ны­сан­дарды аралап, мемлекет басшысының 5 әлеуметтік бастамасының жүзеге асыры­лу  барысымен  танысты.

    ...
    Толығырақ...
  • 09.08.18

    Н.НӘЛІБАЕВ,  қала  әкімі:

    Қала әкімдігінің мәжіліс залында өткен кезекті жиында екі мәселе қаралды. Әуел­гісі Қызылорда қаласының жылу маусымына дайындығы туралы болса, екіншісі кент және ауылдық округтердегі 4-деңгейлі бюджеттің орындалу  барысына  арналды. Қала әкімі Н.Нәлібаев аппарат мәжілісіне арқау болған тақырыптарды айт...

    Толығырақ...
Біз лагерьге барамыз!
14.06.2018 09:59

Сонау бала кезімізден құлағымызға сіңген «Лагерь жыры» баршамыздың есімізде шығар. Ойын баласына жазғы каникулдың басталғанынан артық қызық болар ма?! Балдан тәтті балалық шақ кімнің де санасына тәтті естелік ретінде сақталып қалары анық. Ал жазғы лагерьдің орны тым ерекше екендігі ешқандай талас туындатпаса керек. Осы тұрғыда Арал ауданында да көптеген игі істер жүзеге асуда. Жалпы, «Қызылорда облысының 2018 жылға арналған балалардың жазғы каникул кезеңінде сауықтыру демалысын, бос уақытын және жұмыспен қамтылуын ұйымдастыру және қамтамасыз ету» жөніндегі іс-шаралар жоспарына сәйкес оқушылардың демалыс мезгілдерін тиімді қолдану және денсаулығын, шығармашылық еңбегін, қабілеттілігін арттыру үшін барынша жағдай жасау мақсатында білім беру мекемелерінде 1-10 сынып аралығындағы 15053 бала сауықтырумен, үйірмелермен және жұмыспен қамту жоспарланғаны туралы деректі оқырманға ұсына кетсек.

Табиғаты көркем Қамбаш көлінің атағы әмбеге аян. Осынау көл жағасында орналасқан облыстық «Қамбаш» олимпиадалар және қосымша білім беру орталығына - 600 бала, мектеп жанындағы күндізгі лагерьлерде ыстық тамақпен 2189 бала жалпыға бірдей міндетті оқу қоры есебінен қамтылады. Мектептердегі шатырлы лагерьлерге, ауданнан тыс жерлерге көркейту-көгалдандыруға, «Жасыл ел» жасағына ақылы жұмыспен, экскурсияға, аулалық клубтарға, мектеп жанындағы ыстық тамақсыз лагерьге (үйірмелерге) балалар тартылған. Барлық орта және негізгі мектептердегі күндізгі лагерьлер, «Қамбаш» олимпиадалар және қосымша білім беру орталығы «Халықаралық балаларды қорғау» күні ашылып, өз жұмыстарын бастап та кетті.

Жазғы сауықтыру лагерьлеріне алғашқы кезекте ата-ана қамқорлығынсыз қалған, аз қамтылған, мектеп партасындағы отырған мүмкіндігі шектеулі балалар, көпбалалы және қолайсыз отбасы балалары мен құқықбұзушылықпен есепке алынған оқушылар қамтылуда.

«Қамбаш» лагерінде қазіргі таңда бірінші ауысым бойынша 140 бала тынығуда. Орталықта мектеп мұғалімдерінен жасақталған педагогикалық топ жұмыс істейді. Сондай-ақ күндізгі лагерьлерге ыстық тамақпен екі ауысымға қамтылатын балалардың алғашқы бөлігі тынығып жатыр. Кәмелет жасына толмаған 50 бала «Жасыл ел» еңбек жасағына келесі айдың алғашқы күнінен бастап ақылы жұмысқа тартылатын болады. Күндізгі лагерьдегі балаларға мәдени-тарихи құндылығы зор аудандық өлкетану және балықшылар мұражайына экскурсиялар, орталықтағы жабық бассейнге бару ұйымдастырылуда. Бос уақытты тиімді ұйымдастыру мақсатында барлық мектептерде балалардың қызығушылығын танытатын мектепішілік, Оқушылар үйі жанындағы үйірмелер өз жұмыстарын жалғастыруда.

"Рухани жаңғыру" бағдарламасы аясында "Жас тарихшылар" үйірмесі жетекшілерінің бастамасымен "Туған өлкем – тұнған шежірем" тақырыбында тарихи жерлерді ұрпаққа таныстыру үшін жасалған саяхат тартымдылығымен есте қалды. Үйірме мүшелерінің саяхаты көршілес Қазалы ауданының Әйтеке би кентіндегі Жанқожа баба кесенесінен бастау алып, Ғ.Мұратбаев мемориалдық музейінде жалғасты. Оғыз мемлекетінің астанасы Жанкент қаласының көне шаһарындағы "Аспан асты" музейінің ескі тарихымен танысып, Қорқыт ата атындағы университетінің ұстаздарының зерттеу жұмыстарын көрген оқушылар еркін пікір алысты. Мұнан соң Әйтеке би кентіндегі Жалаңтөс Баһадүр кесенесіне, "Бегім Ана", "Асандар көтерілісі" ескерткіштеріне тағзым еткен өскелең буын алуан дерекке қанықты.

Қызылорда қаласының 200 жылдығына орай Қорқыт Ата кесенесіне барған шәкірттер өздеріне рухани азық алса, облыстық тарихи-өлкетану мұражайына экскурсия жасап, Арал теңізімен танысып, суға шомылып, Көкарал биігінен маңайға көз тастап, туған даланың дарқандығына тәнтілік танытты. Ақмола облысына аз қамтылған, көпбалалы отбасынан шыққан оқушылар саяхатқа барса, мұндай жағымды жаңалықтар алдағы уақытта жалғасын таппақшы.

Сонымен бірге аудан, облыс көлемінен тыс жердегі лагерьлерге балалардың тынығуына ЖШС «Лотон-Маркет» ЖШС-не қоса,  рал ауданы әкімі Мұхтар Оразбаев, облыстық мәслихат депутаты Кәдірберген Бедер, өзге де азаматтардың жеке қаражатынан демеуші болғанын естігенде көңілімізді ризашылық сезімі кернеді. «Ауыл – алтын бесік» деген осы шығар.

Жұмабек  Табынбаев,

Арал ауданы

 

Пікір қалдыру


Қорғаныш коды
Жаңарту

Күнтізбе

< Маусым 2018 >
        1 2 3
4 5 6 7 8 9 10
11 12 13 15 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары