Өзекті мәселелер

  • 14.02.19

    «Бұл ән бұрынғы әннен өзгерек» демекші, өңірлік коммуникациялар қызметінде қала әкімі Нұрлыбек Нәлібаев баспасөз брифингін өткізді. Жасыратыны жоқ, бұған дейін бас шаһардың басшысы баспасөз алаңына ат басын бұрған емес. Өйткені, облыс орталығында өңірдегі БАҚ-тың басым бөлігі орналасқан. Сондықтан мұны ақпандағы эксклюзивті кездесу десек те болады. Жыл басында журналистермен жүздесуге жақсы...

    Толығырақ...
  • 14.02.19

    ҚР Бас прокуратурасы баспасөз қызметін­ің хабарлауынша, өткен жылы республика бойынша 2,4 млрд теңге еңбекақы берешегі өндіріліпті. Соның 191 млн теңгесі біздің облысымызға тиесіл­і екен. Облыстық прокуратураның баспасөз қызметінің мәліметінше, қадағалау актісімен 13 мың жұмысшы алдындағы 191 млн теңге жалақы қарыз өндірілген.

    ...
    Толығырақ...
  • 14.02.19

    Нағыз жігіттерді еркек деу дұрыс емес, еркек – адамның жынысын білдіретін атау ғана. Қазақ халқы ер адамды ерекше сыйлаған, киімін баспаған, алдын кесіп өтпеген, сөзін тыңдаған, алдындағы асқа одан бұрын қол тигізбеген, т.с.с. Десе де, бұл қазір мұндай емес дегенді білдірмейді. Әйелден бір саты жоғары тұрған ер-азаматтардың да өз биігінен түсіп кетіп жүргендері бар. Ер жігіт ретінде өте...

    Толығырақ...
  • 14.02.19

    Әрбір  әйел  қауымы көрікті болып, бет терісіне ерекше назар аудару керек. Күтім жасап, әсем де нәзік болып жүретін бұрымдылар сырт көзді де тамсантатыны рас. Осы тұрғыда қыз-келіншектердің бет терісінің күтімі жөнінде не айта аламыз? Олардың бет терісінде жиі кездесетін мәселе қайсы? Сау әрі әдемі келбетті сақта­у  үшін  қайтпек  керек?

    Қазіргі таңда сұлулықтың құны жеңіл еместігі бесе...

    Толығырақ...
  • 14.02.19

    Мен «Халық» газетінің 6.ХІІ.2018 жылғы санында «Тұмар  ханым» бетінде жарияланған «Өзі үшін» некесіз бала тапқысы келеді» тақырыбындағы мақаланы оқыдым. Тақырып­қа орай көңіл түкпірінде жүрген ойларды қағаз беті­не  түсіргім  келді.

    ...
    Толығырақ...
БЕРЕКЕЛІ БИЗНЕСПЕН АЙНАЛЫСҚЫМ КЕЛЕДІ
14.06.2018 10:40

Мағжан  ЕРАЛИЕВ,

“Абзал және К”  ТС  директоры:

Газеттегі биыл ғана ашылып, бесінші мәрте жарыққа  шығып отырған ер-азаматтарға арналған “Мырза” бетінің кейіпкері болу оңай емес. Ол үшін бойында нағыз  ер-азаматқа тән қасиет, ел-жұрт үлгі-өнеге аларлықтай ерекшелік болуы керек. Ал, еңбегі еленіп, Елбасының қолынан марапат алған Мағжан Ералиевты Сыр жұртшылығы жақсы біледі. Жаспын демей, білдей компанияны басқарып, ел ықыласына бөленіп жүрген жас кәсіпкерді “Мырзаның” кезекті “қонағы” болуға шақырған болатынбыз. Екеуара әңгіме кәсіпкерлік турасында басталып, қазіргі жігіттердің жағдайына ауысты.

- 2018  жыл  облыс бойынша “Жап­пай кәсіпкерлікті қолдау жылы” деп жарияланғаны  белгілі. Біздің  ойымызша, бұл тек кәсіпкерлерге ғана емес, кәсіп бастауға  талпынып  жүргендерге  де үлкен  серпіліс  беріп,  мүмкіндік сыйла­ған  секілді.

- Дұрыс айтасыз. Жалпы, мемлекет тарапынан көрсетіліп жатқан көмек өте көп. Оны өз тәжірибемнен жақсы біле­мін. Маған да жас кәсіпкерлер келіп, ақыл-кеңес сұрап тұрады. Көз жеткіз­генім, кейбіреулері мемлекеттің бере­тін мүмкіндіктерін айтарлықтай біле бермейді. Өзім оларға қолымнан кел­генше көмектесіп, “Даму” кәсіп­кер­лікті дамыту қоры, облыстық кәсіп­керлік палатасы секілді осы саламен арнайы айналысатын ұжымдарға жөн сілтеп отырамын. Әрине, аталған ұжымдар кәсіп бастауға ниет таныт­қандарға, кәсіпкерлерге мемлекеттік бағдарламаларды, олардағы жеңілдік­терді айтып, түсіндіреді. Одан өзге облыс әкімі Қырымбек Елеуұлы да әрдайым жастарға, кәсіпкерлерге жана­шырлық танытып, әр уақытта қолдап отырады. Ер сенімі – ел сенімі ғой. Қай салада болмасын, аздаған түсініспеу­шілік, қиыншылық болады. Сондық­тан, берілген  мүмкіндіктерді  пайда­лану  керек  деп  ойлаймын.

- Өткен жылы “Абзал және К” ком­паниясы “Азық-түлік және ауылшаруа­шылық өнімін шығаратын үздік кәсіп­орын” номинациясы бойынша Елбасы­ның қолынан “Алтын сапа” сыйлығын алды. Нендей жауапкершілікті сезіндіңіз?

- Бұл біздің компанияға үлкен жауапкершілікті жүктейді, мотивация береді. Негізі, компания барлық талап­тарға сай болған соң, осындай жетіс­тікке жетіп отыр. Солай бола тұра, біз барлық жағдайда сапаны арттырғымыз келеді. Бұл айналып келгенде кадр мәселесіне келіп тіреледі. Біз әрбір жұмысшының  көкейінде “сапалы өнім шығаруымыз  керек” деген ой тұрғанын қалаймыз. Бұл орайда компания шетелдің тәжірибесіне де жүгінді. Халыққа  таза, сапалы өнім ұсыну керек. Ол үшін компаниядағы жұмыс­шылар гигиенаны қатаң сақтап, қойылатын барлық талаптарды ескерулері қажет. Сол секілді, мұнда қызмет ететін мамандардың білік­тілігін көтеру де маңызды мәселе. Біз бұл олқылықтың орнын толтыру мақсатында жұмысшыларды шетелде тегін оқытуды қолға алдық. Бір сөзбен айтқанда, Елбасының қолынан алған марапатымыз бізді жігерлендіре түсті. Одан кейін біз әлі де жұмыстың ауқы­мын кеңейтіп, сапаны жақсарта түсу жолында  еңбек  етіп жатырмыз.

“Алтын сапа” бізге өзінің эмбле­ма­сын тауарымызға қолдануға рұқсат берді. Бұл өз кезегінде бизнес ауқы­мының кеңеюіне, тауар өндіруші мен тұтынушы арасының жақындауына сеп болды. Өзге елдерден келгендер, ішкі нарықтағылар болсын, кез келген тұты­нушының ойын, пікірін қуаттай түсті, сенімділік берді. “Алтын сапаны” алу оңай  емес. Ол  біздің  дамуымызға  айтар­лықтай  ықпал  жасады.

- Белгілі бір кәсіпті игеріп кету үшін адам бойында қандай қасиеттер болуы керек?

- Ең біріншіден, кәсіпке адалдық керек. Және сіз ашқан кәсіп ел-жұртты жаман іске баулымауы, жаман жолға салмауы қажет. Мысалы, маған көпшілігі жас кәсіпкер болғандықтан, “кафе, той­хана, түнгі клуб секілді орындарды ашып, жұмыс жүргізбейсің бе?” деп жатады. Ал, менің берекелі бизнеспен айналысқым келеді. Сондай-ақ, кез келген салада талап етілетін жауапкершілік кәсіпкер­лікте де аса қажет. Сол секілді, адаммен тез  тіл  табыса  алу, жақсы  қарым-қаты­нас жасау  да басты  рөл  атқарады.

- Әлеуметтік желілерді қаншалықты пайдаланасыз? Жалпы, қазір жарнама­лардың желіде дәурені жүріп тұр ғой. Компанияның жұмыстарын желілерде насихат­тау  жағы  қалай  болып  жатыр?

- Әлеуметтік желілерді күнделікті әрі тиімді пайдаланатындардың қатарын­дамын.  Жұмысты енді-енді бастап жүр­ген уақытта жеке суреттерімді, демалыс уақытындағы немесе белгілі бір іссапар­ларымның барысынан фотолар жүк­тейтінмін. Ал, қазіргі менің желідегі парақшаларымда көбіне жұмысқа қатысты мәліметтер мен жазбалар бар. Ол басқа адамдар үшін қолжетімді және пайдалы деп ойлаймын. Әлеуметтік желілердің компанияның жұмысын жүргізуде мүмкіндігі шектеусіз екенін мойындауға  тиіспіз.

- Қаншалықты газет-журнал оқып, кітап  бетін  парақтайсыз?

- Шынымды айтсам, өте қатты жақын емеспін. Мүлдем оқымаймын демеймін, тиісінше жата-жастана оқимын деп те айта алмаймын. Бірақ, өзіме қажетті жаңалықтар мен мәліметтерді оқудан ешқашан қашқан емеспін. Оларды көбіне интернеттен қарап шығамын. Мені әлемдегі болып жатқан оқиғалар, саяси  жаңалықтар  қызықтырады.

- “Жігітке  жеті  өнер  де  аз” деп  жатады. Бойыңыздан  жеті  өнер  табыла  ма?

- Қарап отырсақ, адам өзін жаман­дағысы да келмейді ғой. Мүмкін, мұны өнер дей алмайтын шығармыз, бірақ өзіме көңілім толарлықтай бірнеше қасиетіммен мақтана аламын. Адалдық, кішіпейілдік атты ұғымдарды ата-анамыздың  тәрбиесі  арқылы  бойымызға сіңірдік. Өзгелерден ерекшеленуді де қаламаймын.  Барлығымен  тең  дәрежеде қарым-қатынас  жасауға  тырысамын. Әр қызметкердің жағдайы менің және компанияның бақылауында десем де болады. Жұмыстың алдыға басуына себепкер  болған қызметкерлерге  арнайы  сыйақылар  тағайындауды  әдетке айналдырдық. Биыл бірнеше жұмыс­шының балаларын жазғы демалыс орындарына  жіберсек  деп  отырмыз. Одан бөлек, қайы­рымдылық іс-шара­ларына қатысамыз. Жаңа айтқандай, өнер болмаса да, бойы­мызда адами қасиеттердің болғанына шүкіршілік етеміз.

- Сіздіңше  біздің  қоғам  танымал­дықты мықтылық деп қабылдауды қашан  қоюы  мүмкін?

- Көзқарас әрқашан болады және әртүрлі болады. Өз тәжірибемнен байқағаным, қанша жөн іс істесең де, жалпыға бірдей жағу, ұнау қиын. Бір білерім, танымал адам тыныш жүруі керек.

- “Ер  жігіттің  екі  сөйлегені – өлгені” деген  бар. Салыстырмалы  түрде  айтсақ, қазір жігіттердің ұсақталып кеткені жайлы  жиі  айтылып  жүр...

- Иә, мұны көп жерден естиміз. Бірақ, бұл нәрсенің бұған дейін де болғанын ұмытпау керек. Тек, қазір ақпараттың тез таралуына байланысты тым әсірелеп жіберу жағы басым ғой деймін. Қалай десек те, ер жігіт нағыз жігіттік қасиетін сақтап қалуы шарт. Бір ғана мысал, жұмыссыздықтың сал­дарынан жігіттер өз құнын жоғалтып жүр десек болады. “Жұмыс күтіп жатыр­мын” дейді жігіттер. Еркек намысты болуы керек! Жұмысы жоқ адам не істейді? Уақыт өте келе бұза­қылықпен айналысады, ұрлық-қарлық­пен күн көре бастайды. Одан қалды азды-көпті тапқанын пайдасыз нәр­селерге  шашады.

- Байқауымызша, футболды жақсы тамашалайтын секілдісіз. Қай коман­даның  жанкүйерісіз? Жергілікті “Қай­сар” футбол клубының ойындарына қанша­лықты   барасыз?

- Футболға бала күнімде қатты қызықтым. Аздап футбол секциялары­на жазылып, доп тепкен кездерім де болды. Өз басым “Реал Мадрид” клубының жанкүйерімін. Куми­рім – Роналду. Ол көпшіліктің кумирі  ғой. Солай, “Реалдың”, Роналдудың  ойынын  үнемі  көру­ге  асығамын. Ал, “Қайсарға” келетін болсақ, жерлестеріміздің ойындарынан барынша қалмауға тырысамын, қолдау білдіремін. Оның үстіне біздің компания “Қай­сар” футбол клубына демеушілік танытады.

- Соңғы сауал болсын, мырза жігітсіз  бе?

- Мақтанғаным емес, өзімді мыр­замын деп айтуға болатын секілді. Сөз басында айтқанымдай, бізге ақыл-кеңес, көмек сұрап келетіндер көп. Оларға 100 пайыз қол ұшын созамын деп айтпаймын. Бірақ, келгендердің көбісіне мүмкіндігімше көмек көр­сетіп,  қолдан  келгенін  аянбаймын. Ол менің – азаматтық парызым. Ал, сұраққа нақты әрі шынайы жауап алу үшін өзгелерден сұрағаныңыз жөн шығар...

- Әңгімеңізге  рақмет!

Сұхбаттасқан  Рыскелді   ЖАХМАН

 

Пікір қалдыру


Қорғаныш коды
Жаңарту

Күнтізбе

< Маусым 2018 >
        1 2 3
4 5 6 7 8 9 10
11 12 13 15 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары