Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Қыруар қаржысын сақтап қалды
19.10.2018 16:50

Дүниежүзілік Банктің бизнес жүргізу жеңілдігі рейтингінде Қазақстан 190 елдің арасынан 36-орынға көтерілді. Мұндай жетістік – мемлекеттегі жүйелі жұмыстың нәтижесі. Жуырда жарияланған Елбасы Жолдауының басым бағыты да кәсіпкерлікті дамыту және өңдеу өнеркәсібін қолдауға бағытталып отыр. Айталық, «Бизнестің жол картасы – 2020» бизнесті қолдау мен дамытудың мемлекеттік бағдарламасын» тағы 5 жылға созу және өңдеу өнеркәсібі мен шикізаттық емес экспортты қолдау мақсатында алдағы 3 жылда қосымша 500 миллиард теңге бөлу тапсырылды. Елдің экономикасын өркендету, бизнесті дамыту ісіне Сыр өңірі де өзіндік үлесін қосып келеді. Оған аймағымызда бүгінгі күнге дейін жасаған келелі істер дәлел. Сондай-ақ, биылдан бастап облыста кәсіпкерлікті дамытудың үшжылдығы жарияланды. Бұл – облыс әкімі Қырымбек Көшербаевтың шешімі. Саланың бағыт-бағдары, аймақтағы жай-күйі турасында өңірлік коммуникациялар қызметінде облыстық кәсіпкерлік палатасының директоры Ғ.Жақсылықов айтып берді.

 

-  Жыл басында жаппай кәсіпкерлікті дамыту жөніндегі жол картасы әзірленді. Оған барлық қаржы көздерінен 32 миллиард теңге қаржы қарастырылды. Кәсіпкерлерге қолдау көрсету мақсатында үлгілі бизнес-жоспарлар, нақты алгоритмдер, әрбір 148 ауылдық округ, кент пен қалаға жауапты лауазымды тұлғалар бекітілді. Бүгінгі күні осы ауқымды жұмыстардың айтарлықтай үш нәтижесі бар екенін айта кеткен жөн. Қазіргі таңда облыста 41 393 шағын және орта кәсіпкерлік нысаны жұмыс істеп, республика бойынша көшбасшы болып тұр. Екіншіден, соңғы статистикалық деректерге сүйенсек, биылғы жартыжылдықта аталмыш сала бойынша 86 842 адам жұмыс істеп жатыр. Сондай-ақ, 143 257 миллион теңгенің өнімі өндірілді, - деді Ғ.Жақсылықов.

 

Байқағаныңыздай, мемлекет, жергілікті билік те кәсіпкерлік саласын дамытуға қыруар қаржы бөліп отыр. Ал кәсіпкерлердің құқығын қорғау мәселесі тіпті бөлек тақырып. Кәсіпкерлер палатасы өңірдегі бизнес өкілдеріне әрдайым қолдау білдіріп келеді. Айта кетейік, жыл басынан бері кәсіпкерлерді құқықтық қорғау бойынша Палатаға 134 өтініш түсіп, оның 66-сы оң шешімін тапқан. Осындай көмектің арқасында бизнес өкілдері 982,8 миллион теңге қаражатын сақтап қалды. 47 сот отырысының 34-інде кәсіпкерлер жеңіске жетті. Кәсіпкерлердің құқығын белден басып, қызметіне кедергі келтірген мемлекеттік органның 11 лауазымдық тұлғасы Палатаның бастамасымен тәртіптік жауапкершілікке тартылды.

 

Тек Қызылорданың ғана емес, Ресейдің нарығында жоғары беделге ие болған «Далатекс» ЖШС жақында республикалық көрме-байқауға қатысып, халықтың ықыласына ие болды. Ал «Браунис» компаниясы Астана қаласынан тағы бір дүкенін ашты. Өңір кәсіпкерлерінің еңбегі жанып, жоғары нәтижеге қол жеткізгенінің бір көрінісі осы. Мемлекет салаға баса назар аударып, қолдап отыр, ендеше, бизнес өкілдері де аянып қалмасы анық.

 

Ж.Қойшыбекова

 

Пікір қалдыру


Қорғаныш коды
Жаңарту

Күнтізбе

< Қазан 2018 >
1 2 3 4 5 6 7
8 9 10 11 12 13 14
15 16 17 18 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары