Өзекті мәселелер

  • 08.11.18

    Халық – сыншы әрі әр­қашан әділ. Өткен аптада Арал, Қазалы аудан­дарына іссапармен барға­н облыс әкімі Қырымбек Көшербаев ел алғысын арқал­ап қайтты. Бұқараның базы­насын ескеріп, жұртшылықтың жағдайын  жақсартуда аймақ басшысы бір­қатар тірліктер атқарып жүр. Өткен аптада жер­гілікті тұрғындар сол игі істер­дің жалғасына куә болды.

    Алдымен Арал ауданы орталы­ғындағы жаңа аурухананың аш...

    Толығырақ...
  • 08.11.18

    Кез келген тауарды сырттан тасымалдау үлкен тәуеке­л мен көп шығынды талап ететіні сөзсіз. Дамыған­ елдердің көпшілігі тұтынатын тауарын өзі өндіріп, кәсіпкерлері шаруасын шыр айналдырып отыр. Ал бізде ше? Қандай өнім бар дегеннен гөрі, нендей өнім жоқ дегенге жауап табу тез болып тұр. Былай қарағанд­а, қарапайым қаламсап шығаратын зауы­тыңыз  да  жоқтың  қасы. Қайтпек  керек?

    ...
    Толығырақ...
  • 08.11.18

    Қазір әлеуметтік желі үлкен күшке ие. Ойыңызда жүрген жайтты жақсылап тұрып жазып, көпшіліктің талқысына тастай саласыз. Мұнда  сөздің  байыбына баратын, оны саралай алатын да, көкпардағы  серкедей  жүнін  жұлып, ту-талақай  ет етін де  жұртшылық бар. Ал, күшке ие дегеніміз – көп  мәселенің  шешімін  табатынында. Жама­н жері  кейде жаны ашып жазғандар да жазықты болып жатады­. Атын шыға...

    Толығырақ...
  • 08.11.18

    Нәзіктік пен әсемдіктің символы – қыз баласы қашаннан сұлулыққа құмар. Ару­лар­ға ақыл мен  әдеміліктің қатар қажет екенін қазақ бұрыннан айтып кеткен емес пе? Көріксіз қыз – тұзсыз нанмен тең. Ендеш­е  сұлулығын  арттырып, тартымды бола түсу – бұрымдылар үшін сүйікті «мәселе». Бүгінде  айқабақ,  алтын  кірпік, қызыл ерін  сылқымдар кірпігін қалай  күтіп  жүр? Сырт көзге сөз қылуға тұр­майтын т...

    Толығырақ...
  • 08.11.18

    Айжарық  СӘДІБЕКҰЛЫ

    Редакция  қызметкерінің іссапармен бармайтын жері жоқ. Асулардан асып шыңға шығады, еңіске түсіп теңіз кешеді, балықшы мен диқанның қосына­ түнейді, шопандар мен жылқышыларға жолығу үшін жайлауды аралап шаршайды. Иә, жорналшы дегендер өмір бойы солай жол үстінде жүрген­дерінде бұрын көріп білмеген пенделердің талайымен жүзд...

    Толығырақ...
БАЙҚОҢЫРДАН ЕСКЕН ҚОҢЫР ЖЕЛ
08.11.2018 10:22

Осы бір жер атауы исі қазақты тегіне теліп, батасына­ иген бозінгендей жан рақа­ты­на бөлейді. Өткен ғасырда санам­ыз ғарышты игеру дүр­белеңімен жаңғырған ұрпақ ретінде біз үшін өз жеріміздің қызарып батар күні, бозарып атар таңы жүрегімізге қаншалықты жақын да болса, соншалықты тым алыста орналасқан екен ғой. Жұлдызды қаланың тұрғындарына сапалы тұрмыс­тық қызмет, құнарлы ішіп-жем, т.б. қажеттіліктеріне Мәскеу­дің оң көзімен қарасатыны жайлы малшы, егіншілер тамсана айтып отыратын. Дүние­нің тұңғыш ғарышкеріне қоғам қайраткері, қазақ ақыны Олжас­ Сүлейменов “Адамға табын­, Жер, енді” атты тарихи құжат есебіндегі жүрекжарды дастанын арнады.

Қаламызда Гагарин мөлтек ауданы бой көтерді. Мұны мақұл дейік. Екінші ғарышкер Г.Титов келгенде  іргемізді  кеңіткен  жаңа мөлтек  ауданға  бұрынғы  қаза­қы атауы болса да, ғарышкер­дің  есімін  бере салғанымыз не жөн еді? Ресей азаматтарының ізін ала өз ғарышкеріміз ұшқанда “Космосқа ит те ұшады” дегендей аса сабырлы бола қойғанымызды-ай. Өткенге салауат. 2011 жылы қыркүйек айында өткен республикалық суретшілер симпозиумына Байқоңырдан бір суретші қатысады деген хабардың өзіне сағыныш тұманынан от көргендей бір әуестік үмітпен қуанғанбыз. Симпо­зиумның жабылу рәсімінде өткен үлкен көрмеде оң жақ қанатта бірінші ілінген сурет­ші Жайлаубай Байсаловтың “Автопортреті” жұртшылықтың  әлі есінде. Иә, “Автопортрет”. Бұл – өткен ғасырда Арал теңізі ішін тартып, нөсері аз, кеселі жайлаған кезеңде жаһан­ жарықтық бүйірден қысып, кәсіп пен қоныс іздеп көшкендерге ермей, гүлденер кезін күткен тұрғындардың төзімі! Шыңырау құдықтағы ауызсудан ауласын суғарып жасыл желекке бөлегендердің төзімі. Ең бастысы, олар рухы мен базистік денсаулығын сақтап­ осы күнге жетті. Айтпақшы, суретшінің бейнелеу өнеріне бейім жасөспірім, көкөрімдерге уақыт бөліп ұстаздық  ететінін  Қызылорда телехабарынан  көрдік.

Бүгінде қазіргі және болашақ заман талабы деп құл­темір жасауға үйрететін ар­наулы үйірмелер үкімет тарапынан да қолдау көріп, белсенді жұмыс істеуде. Ал енді көркемдік жайлы мәнді ұғымдардың, яғни өркениеттегі өміріміз тірі табиғатпен бірге ұзақ болатынын қалтарыста қалдырмай, бейнелеу өнеріне ерекше бағыт-бағдар беретін үйірме не суретшілердің не­кен­-саяқ екенін мойындауымыз керек. Қош. Суретшінің әлеуметтік желіден көрген еңбегіне назар аударсақ. Онда аса бір ыждағаттылықпен сексеуілдің қоз шоғына үйітілген қойдың басын отанасы сумен жуғыштап жатқаны бейнеленген. Бүгін бір сыйлы қонақ келер­. Қазақы тәрбиемен қоса өрілген бас тарту рәсімі алда. Отбасындағы, тіпті қоғамдағы өз орнымызды іштей біле отырып бірнеше жан бір табақтан дәм татамыз. Бізден де басқа ғаламның небір рухы мықты жұрты өркениет сүзгісінен өтіп, тарихи трансформацияға түсіп жатқанымен түбінде өзінің ұлт болып қалыптасқан болмысына қайта оралып жатыр­  емес пе? Сол үрдістер­дің бірін жоғалтсақ не болады? Өкінішке қарай, көшпен­ділер ұрпағы бола тұра сал ауруына шалдығатын балалар саны азаймай отыр. Бұл ойын баласының сіңірі былбырап піскен сирақтың жілік майын шағып жемегенінен шығар.

25 қазанда асқаралы 60 жасқа келген Жайлаубайдың өнер әлеміндегі еншілеп алған өз “жайлауын”, өзіндік ерекше колоритін алдағы уақытта көріп, таныса жатармыз. Суретшіден дәріс алып жүрген балалардың ата-әжелерінің атынан Жайлаубайға күздей берекелі жемісін төк­кен шығармашылық пен от­басы шаттығын тілеймін! Әр­дайым ғарыш айлағына жақын елді мекендерден жеткен балам­а қуат көздеріне көшу, туризм, таза ауызсу, мектеп, т.б. жаңалықтарға қоңыр жел ескендей көңіліміз шалқиды. Қай жылы төбемізден құлап түскен ғарыш кемесінен төгілген, химиялық қарумен теңесіп қалатын ауа, су мен топырақ­қа тарайтын гептил зардабы жайлы ауыр ойла­ры­мыз санамызда  әлі  де мекендеп қалатындай...

Сәрсенкүл  ЖҰМАБАЕВА,

зейнеткер,

қала  тұрғыны

 

Пікір қалдыру


Қорғаныш коды
Жаңарту

Күнтізбе

< Қараша 2018 >
      1 2 3 4
5 6 7 9 10 11
12 13 14 15 16 17 18
19 20 21 22 23 24 25
26 27 28 29 30    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары