Өзекті мәселелер

  • 06.12.18

    «ЖУСАНДА  ТУҒАН  ЖЕРДІҢ  ИІСІ  БАР»

    Қазақ елі сонау «қарағай басын шортан шалған» ХІХ ғасырға дейін, ұлт тағдырының сілкіленіп, ұлттық сана ояна бастаған ХХ ғасырда да өзінің тегеуріні мықты ел екенін дәлелдеді. Киіз туырлықты қазақ санасындағы рухан­и-мәдени жетілу мен әлеуметтік-экономикалық салада өрлеу секілді мақсаттары заман көшіне ілес...

    Толығырақ...
  • 06.12.18

     

    Ерғали  АБДУЛЛА

     

    АРТЫҚШЫЛЫҚ   пен  КЕМШІЛІК

    Оның көп артықшылығы бар: гү...

    Толығырақ...
  • 06.12.18

    * Ерлердің психикасы зейіннен тоқылған. Ол жай өмір сүре алмайды. Ол биікке ұмтылуы керек.­ Еркек қатты жерде ұйықтап, суық сумен шайынып, ерте тұруы қажет.

    * Ер адам әрдайым өзінің жаман­ қылықтарын тыйғаны жөн. Өзіне ұсақ-түйек жеңілдік жасамауы  керек.

    * Қалаған нәрсесіне жету үшін ол мақсат қойып қимылдайды. Бұл – ер-азаматтың таби­ғаты. Сыйласатын ортасында өзіндік орны бол...

    Толығырақ...
  • 06.12.18

    Жалпы, өзімді жаман адам не ұсқынсыз қызбын деп айта алмаймын­. Жоғары қызметім бар. Адамдармен қарым-қатынасым да жақсы. Бір әттеген-ай дейтінім, осы уақытқа дейін екінші жар­тымд­ы жолықтырып, асыл жар атана алмадым. Жасым 34-те. Бұған дейін карьера құрып, өз жағдайымды өзім жасап алғым келді әуелі. Бір кездері мен үшін арман болған, одан соң мақсатыма айнал­ған марапаттың барлығына жетті...

    Толығырақ...
  • 06.12.18

    Бір сәт аспаннан ақша жауғандай күйге еніп, мол қаржыны қайда жұмсарыңызды білмей қалған мезетте... Мұндай көңіл күйді көбіне несие алған кезде сезінеріміз сөзсіз. Ал ай сайын алатын жалақыға телміріп отырған­ қарапайым халыққа бұл аса таңсық жағдай емес. Иә, өте көп мөлшердегі қаражатты алып, қалтамызды қампайттық делік. Ары қарай қайда жұмсаймыз? Бұрындары тұрмыстық техника, автокөлік немесе ...

    Толығырақ...
ЖЫҒЫЛМАЙДЫ, ЖЕҢІСКЕ ЖЕТЕР ЖОЛДА!
15.11.2018 10:00

Жыл басталғанда “ҚАЙТҚАН ҰЛДА ҚАЙЫР БАР немесе...” (http://www.halyk-gazeti.kz/index.php?option=com_content&view=article&id=8447:2018-01-20-06-49-54&catid=9:2011-11-18-09-11-08&Itemid=9) деп жазған едік. “Немесе “Қайсарды” өз түлектері түлетеді. Нақтырақ айтқанда түлете ме, түте-түтесін шығара ма, ол жағы әзірше белгісіз. Сәл кейінге шегініс жасайық. Алдыңғы жылы премьер-лига ойындарына жолдама алған “Қайсарды” бірінші лигаға қайта қадам басудан құтқаруға бірнеше жерлесі желпініп жеткен-ді” деп басталады мақала.

Араға 5 күн салып “Қайсардың” алғашқы қадамы” (http://www.halyk-gazeti.kz/index.php?option=com_content&view=article&id=8472:2018-01-25-05-07-54&catid=9:2011-11-18-09-11-08&Itemid=9) деп тақырып қойып тарқаттық. Ол Түркия еліндегі оқу-жаттығу жиынындағы алғашқы жолдастық кесдесуі турасындағы мақала еді. Наурыз айында көптен күткен ел біріншілігі де басталды. Оған дейін де “қасқырларға” қатысты ақпараттар мен жаңалықтарды назардан тыс қалдырмадық. ҚПЛ-дың биылғы алғашқы матчында “Ақтөбені” қабылдап, ешкім күтпеген есепті тіркегенде “ЛЕГИОНЕРСІЗ ӨНЕР немесе 12-3=?” (http://www.halyk-gazeti.kz/index.php?option=com_content&view=article&id=8736:-12-3&catid=9:2011-11-18-09-11-08&Itemid=9) деп жаздық. Мақала “Айтпақшы, тақырыптағы математикалық есепті шештім деп масайраудың қажеті шамалы. Түсініксіз көрінсе, таныстырып, жөн-жобасын айта кетейік. Ақын Мұхтар Шахановтың “12-3=?” деген поэмасы бар. Онда үлкендер мен жастардың соғысы туралы баяндалады. Арғы жағы айтпай-ақ түсінікті шығар. Қажет деп тапсаңыз, поэманы оқыңыз. Бұл матч көпшіліктің көкейіндегі осыған дейінгі жалаң болып келген ойды дамыта түскендей. Біздің мақсатымыз – “Қайсар” ойыншыларын сынау емес, қазақ футболына жанашырлық таныту. Легионерлер ел футболын қарыштататын болса, ендігі құйып жатқан ақшаның ақталатын да уақыты жеткен шығар...” деп түйінделеді.

Сәуір айының басында “Қайсар” ойыншылары Астанаға қонаққа барған болатын. Бір топ жанкүйерлермен бірге біз де бас қалаға аттанып кеттік. Ойынның қызығы, жолдың қиындығы турасындағы жолсапар жазбамыз “Астана” жүрісінен жаңылмады” (http://www.halyk-gazeti.kz/index.php?option=com_content&view=article&id=8838:2018-04-05-05-09-34&catid=9:2011-11-18-09-11-08&Itemid=9) деген тақырыппен газет бетіне жарияланды. Арада бір жеті өтті. 4 ойыннан 1 ғана ұпай жинаған немесе 12 ұпайдың 11-інен көз жазып қалған жерлестерімізге деген жанкүйерлердің өкпесі қара қазандай, ашу-ызасы айтарлықтай қатты болды. Бұл кезде “ҚАҢҒЫП КЕЛГЕН ШҮРЕГЕЙ КӨЛГЕ ПАНА БОЛМАЙДЫ немесе “Қайсар” бапкері қыл үстінде тұр” (http://www.halyk-gazeti.kz/index.php?option=com_content&view=article&id=8871:2018-04-12-05-02-12&catid=9:2011-11-18-09-11-08&Itemid=9) деп айғайлаған тақырыпта мақала жазылды. Біз өз кезегімізде алдағы ойындарда “Ертіс”, “Қайрат”, “Ордабасы”, “Тобыл” секілді азулы командаларға қарсылас атанатынымызды ескерте келіп, бапкер ауыстырудың тиімсіз екенін жаздық.

Мұнан кейінгі жазғанымыз өте қызықты болды деп айта аламыз. Өйткені, “Елу жылда – ел жаңа” (http://www.halyk-gazeti.kz/index.php?option=com_content&view=article&id=8899:2018-04-19-04-46-21&catid=9:2011-11-18-09-11-08&Itemid=9) атты мақалада тарихи мәліметтер келтірдік. “Биыл – “Қайсардың” 50 жылдық мерейтойы. Қызылорданың басты клубы саналатын команда аталмыш датаға әзірлігін бастап та кетті. Бір жағынан мерейтойын кең көлемде тойлауға қамданса, жақсы ойын көрсетуге де тырысып жатқандай. Бір қызығы, осыдан тура 50 жыл бұрын құрылған клуб алғашқы кездесуін 14 сәуірде өткізіпті. Биыл “қасқырлар” ел біріншілігінің 5-турында дәл осы күні өз алаңында Павлодардың “Ертісін” қабылдады” деп басталды мақала. “Алғашқы гол, алғашқы жетістік!”, “Кезекті ойын, кезекті кемшілік!”, “Кызыл-Ордадан” “Қайсарға” дейін” деп аталған қызықты тақырыпшалары үшін де бұл материалды қайта оқып шығуыңызға әбден болады.

“Қайраты қашып, қайсарлығы жоғалды” (http://www.halyk-gazeti.kz/index.php?option=com_content&view=article&id=8933:2018-04-26-04-11-03&catid=9:2011-11-18-09-11-08&Itemid=9) деп тақырып қойылған кезекті мақалада Алматы қаласына жасаған жолсапарымыз туралы кеңінен жаздық. Алатау бөктеріндегі ойынды көзімізбен көріп, “Қайсарды” қолдап қайттық. Ел біріншілігінің 7-турында “Тең ойынмен тірнектеп жинаған ұпай” (http://www.halyk-gazeti.kz/index.php?option=com_content&view=article&id=8991:2018-05-03-04-40-01&catid=9:2011-11-18-09-11-08&Itemid=9) атты материал қаламнан еріксіз туды. Бұл 7 ойын бойы жанкүйерлеріне жеңіс сыйламаған жерлестерімізге арналған орынды сын еді. Әне-міне дегенше бірінші айналым мен 11-тур ойындары да аяқталып қалды. Осы уақытта біз “Жеңіліссіз серия жалғаса ма?” (http://www.halyk-gazeti.kz/index.php?option=com_content&view=article&id=9127:2018-05-24-04-29-02&catid=9:2011-11-18-09-11-08&Itemid=9) деген сауал тастадық. Өйткені, “Қайсар” соңғы 5 ойын бойына жеңілмей және гол жібермей келе жатқан болатын.

Газеттің №21 санындағы “Тең ойын көбейсе, ұпай азаяды” (http://www.halyk-gazeti.kz/index.php?option=com_content&view=article&id=9163:2018-05-31-04-32-56&catid=9:2011-11-18-09-11-08&Itemid=9) деген тақырыптағы мақаланың да көтерер жүгі ауыр болды. Мұны былайша қарастыруға болады. 3 ойында 2 рет тең ойнап, 1 рет ұтылған болсаңыз, еншіңізде 2 ұпай болады. Тиісінше, 2 рет ұтылып, 1 рет жеңсеңіз, 3 ұпайға иелік етесіз. Біз осыны меңзеген едік. Ел чемпионатының 15-турында сырт алаңдағы “Қайсардың” “Ертістен” үш ұпай алуын “Көп күттірген жеңіс” (http://www.halyk-gazeti.kz/index.php?option=com_content&view=article&id=9338:2018-06-28-04-53-18&catid=9:2011-11-18-09-11-08&Itemid=9) деп атауымызға расында лайық болатын. Одан кейін “Ордабасының осал жерін тапты” (http://www.halyk-gazeti.kz/index.php?option=com_content&view=article&id=9404:2018-07-12-04-30-13&catid=9:2011-11-18-09-11-08&Itemid=9) деген мақала газет бетінде жарияланды.

“Еліміздегі ең таңдаулы стадиондардың бірі – Ақтөбеде орналасқан “Қобыланды батыр” атын иеленген футбол алаңы. 12805 адамға арналған бұл жерден футбол тамашалау көпшіліктің арманы деуге әбден негіз бар. Себебі сол, “Ақтөбе” футбол клубының қолдаушылары “Қазақстандағы №1 жанкүйерлер” деген атақты әлдеқашан алып қойған. Командасы қаншалықты қиын жағдайда тұрса да, мұнда үнемі футбол атмосферасы, еуропалық деңгейдегі қолдау болады. Оны өткен жылы байқағанбыз. 2017 жылы ел біріншілігінің 21-турындағы “Ақтөбе-Қайсар” арасындағы кездесу 1:1 есебімен аяқталды. Бардық. Тамашаладық. Нәтижесінде “Алтыншы тең ойын әзірге алтылықта қалдырды” деген мақала жазылған еді. Ал, биыл премьер-лиганың 22-турында тағы да Ақтөбеге бару мүмкіндігі туды. 1000 шақырымды артқа тастап, 14 сағатта “Қобыланды батыр” атындағы Орталық стадионға табан тіредік” деп басталатын мақаланың тақырыбы “Түздегі текетірестің тоқтамы” (http://www.halyk-gazeti.kz/index.php?option=com_content&view=article&id=9576:2018-08-16-05-10-36&catid=9:2011-11-18-09-11-08&Itemid=9) деп қойылды. Себебі де бар, статистика оны растайды. Сырт алаңда тәп-тәуір ойнайтын “сырттандарымыз” бұл жолы “Ақтөбеге” есе жіберіп алған еді.

Біз қай кезде де болмасын, “Қайсардың” ойындарын назардан тыс қалдырмадық. Ақты – ақ, қараны – қара деп, сөзбен сабап та, сылап та алып жаттық. Командадан келген-кеткен ойыншылар туралы, турнирлік кесте, статистикалық мәліметтер мен Сыр футболына қатысты қызықты ақпараттармен мейлінше бөлістік. Жанкүйерлердің жанайқайы да жазылды. Футболшылардан сұхбат та алынды. Жанкүйер әрі журналист Фаризат Амангелдінің “Қайсардың” шабуылшысы Тоқтар Жаңғылышбаймен сұхбаты “Симуляция жасау – футболдағы қулық” (http://www.halyk-gazeti.kz/index.php?option=com_content&view=article&id=9077:2018-05-17-04-13-29&catid=9:2011-11-18-09-11-08&Itemid=9) деп берілсе, футболшы Дәуренбек Тәжімбетовпен сұхбат “Футболды допсыз да баспен ойнауға болады” (http://www.halyk-gazeti.kz/index.php?option=com_content&view=article&id=9605:2018-08-23-04-38-24&catid=9:2011-11-18-09-11-08&Itemid=9) деген тақырыпта жарық көрді. Соңғы жазылған “Мерзімін күтпеген мерей” (http://www.halyk-gazeti.kz/index.php?option=com_content&view=article&id=9919:2018-11-01-04-14-17&catid=9:2011-11-18-09-11-08&Itemid=9) атты мақаламызда “Астананың” біріншілік аяқталмай жатып жеңімпаз атанғаны туралы ғана емес, “Қайсардың” біршама ойынына арналды.

Осылайша, биылғы футбол маусымы да өз мәресіне жетті. Жығылмаймыз, жеңіске жетер жолда! Алға, “Қайсар!” Келесі маусымда кездескенше! Ендеше, елімізде ҚПЛ ресми түрде жабық! Айтпақшы, “Қайсарды” өз түлектері түлете алды, түте-түтесін шығармады...

Рыскелді  ЖАХМАН

 

Пікір қалдыру


Қорғаныш коды
Жаңарту

Күнтізбе

< Қараша 2018 >
      1 2 3 4
5 6 7 8 9 10 11
12 13 14 16 17 18
19 20 21 22 23 24 25
26 27 28 29 30    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары