Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
ҚУАНСА, БАЛА ҚУАНСЫН!
07.06.2012 10:46

«ПетроҚазақстан Құмкөл Ресорсиз» компаниясы бұрыннан қалыптасқан дәстүр бойынша халықаралық балаларды қорғау күні қарсаңында өз қамқорлығына алған Қазалы ауданындағы «Шапағат­» мүгедек балаларға арналған оңалту орталығын және Жаңақорға­н ауданындағы «Балдырған» қоғамдық қоры балабақшасының тәрбиеле­нушілерін мерекемен құттықтап қайтты.


Бірегей орталыққа – 17 жыл

«ПетроҚазақстан Құмкөл Ресорсиз» компаниясы өз қарауына алған Қазалы ауданындағы «Шапағат» мүгедек балаларға арналған оңалту орта­лығын туған күнімен құт­тықтады. Орталықтың құрыл­ғанына 17 жыл толды. Айтулы мерекені шапағаттықтар дәстүр бойынша үлкен кон­цертпен атап өтті.

«Шапағат» орталығы 1995 жылы мамырда құрылған. 17 жыл ішінде мұнда 200-ден астам мүгедек бала мамандан­дырылған көмек алды. Соның ішіндегі қырыққа жуық бүл­діршін сырқаттарынан айығып, мектеп қабырғасында білім алу мүмкіндігіне ие болды. Кейбіреулері жоғары оқу орындары мен колледждерде оқып жатыр. Бұл, әрине, орталықтағы қызмет көрсету тиім­ділігінің үздік көрсеткіші.

Бүгінгі таңда бұл жерде бала­лардың оңалуына барлық жағдай жасалған. Массаж, тренажер, сенсорлық, физиотерапевтік, электр-терапевтік кабинеттері жұмыс істейді. Балаларды әлеуметтік бейімдеуге әртүрлі секциялар мен үйір­мелер көмектесуде. Әсіресе, орталыққа 15 жыл бойына жан-жақты қолдау көрсетіп келе жатқан «ПетроҚазақстан Құмкөл Ресорсиз» компаниясының қосқан үлесін айрықша атап өту керек. Мұнайшылар орталықтың туған күніне саусақтардың қимыл-қозғалысын дамытуға арналған арнайы «пазли» ойын кешендерін сыйға тартты.

- «Шапағат» орталығы 15 жыл бо­йына компанияның қамқорлығында келе жатыр. Бөлінген қа­ражат тәрбиелену­шілердің тамақта­нуына, тұрып-жай­ғасуына және қызметкерлердің жалақысына жұмсалады. Біз аудан әкімдігімен тығыз байланыс жасап отырамыз. Орталықтың бүкіл жетістіктері - біздің ортақ еңбегіміз, - деді компанияның жұртшылықпен байланыс жөніндегі менеджері Хусаин Сәрсембаев.

Мерекеге қатысушы қонақтардың ішінде орталықтың түлектері де аз болмады. Солардың бірі - Серікбол Шайхов, жасы 25-те. Көзі көрмей­тін ол өзінің дімкәстігіне қарамастан, өлең мен ән жазады. Оның кейбір туындыларын жергілікті әншілер орындап та жүр. Серікбол өзінің бойында­ғы үрейін жеңуге, өмірге деген құлшынысын оятуға септігін тигізген орталыққа дән риза.

- Мен алты жыл бойына «Шапағат» орталығында тәр­биелендім. Өзіме достар таптым, тәрбиешілер қолдау көр­сетіп, түсіністікпен қарады. Сондай-ақ, орталық өзімнің жеке шығармашылығымды дамы­туға серпін берді. Енді отбасын құрсам деген ойым бар, - дейді ол.

Осы күні «Шапағат» бірегей орталығының, оның президенті Шынар Жеңсікбаеваның және бүкіл ұжым қызметкерлерінің атына көптеген жылы лебіздер айтылды.

- 17 жылда адам балиғат жасқа толады. Осы жылдар ішінде не болмады десеңші, бірақ біз шыдамдылық танытып, жылдан жылға дамып отырдық. Мұның бәрі әкімдіктің, тұрақты демеушіміз «ПетроҚазақстан Құмкөл Ресорсиз» АҚ компаниясының және бірқатар ірі ұйымдардың арқасы. Балалардың және ата-аналардың атынан оларға зор  алғысымды білдіре­мін, - деді орталық жетекшісі.

Жағымды жаңалық. Мүм­кіндігі шектеулі балаларға арнал­ған «Ер Төстік» республикалық конкурсында «Шапағат» орталығының бес бірдей тәрбиеленушісі жүлделі орын­ға ие болды.

Мереке үлкен концерттік бағдарламамен аяқталды. Мұндай керемет жыр шашуды «Шұғыла» балабақшасының (меңгерушісі Г.Әліпбаева) өнерлі балғындары мен «Жас орда» қоғамдық бірлестігі ұйымдастырған «Атамекен» аудандық конкурсының бірін­ші кезеңінің жеңімпаздары дайындады. Сонымен қа­тар, шапағаттықтарды құттықтауға «БТА банк» АҚ Қазалы фи­лиалының директоры Т.Ақмырзаев атбасын бұрды. Ол «БТА банк» директоры Н.Шегебае­втың атынан балаларға әкелген ойыншықтарын табыс­тап, бүлдіршіндер мен орталық қызметкерлеріне денсау­лық пен амандық тіледі.

«Балдырғанның» 12-ші түлектері

Жаңақорған ауданындағы «Балдырған» қоғамдық бірлес­тігі жанындағы балабақшаның бітірушілеріне айрықша құр­мет көрсетілді. Болашақ бірін­ші сыныптықтарға компания тарапынан мектепке қажетті жарақтар мен оқу құралдары таратылды.

Бұлар - мектепке дейінгі мекеменің 12-ші түлектері. Осы жылдар ішінде «Балдыр­ған» балабақшасын «Петро­Қазақстан Құмкөл Ресорсиз» мұнай компаниясы қамқорлығына алып келеді. Компания мұндағы тұрмысы төмен, көп балалы отбастарынан шыққан, ата-аналарының қарауынсыз қалған балалардың тәрбие­ленуіне барлық жағдайды жасап­ берген. Балалар балабақшаға тегін барады. Балабақшаны және ондағы жабдықтарды күтіп ұстауға тиісті қаражат бөлініп тұрады.

«Балдырған» облыс бойынша ең үздік мектепке дейінгі мекемелердің бірі болып та­нылған. Сондай-ақ, әрбір мейрам сайын бас сұғатын мұнайшылар балаларды сый-сияпат­тарымен бір қуантып кетеді.

Бітірушілердің бірі – 6 жас­тағы Никита Пятиков. Осы жерде оқуды, жазуды, ән салуды, қазақ және ағылшын тіл­дерінде сөйлеуді үйренді. Енді мектепке дайындалмақ. Болашақта мұғалім болуды армандайды.

Ата-аналар мен тәрбиеленушілер қуаныштан мөлт еткен көз жастарын жасыра алмады. Кешегі ессіз балалар бүгін мектеп табалдырығынан аттауға дайындалуда. Балабақша оларды осы бір жауапты кезеңге барын­ салып даярлауға тырысты. Ертеңгілікте бүлдіршіндер өздерінің көп нәрсені үйренгендерін паш етті. Ән салып, би биледі, жаттаған тақпақ­тарын айтты.

- «ПетроҚазақстан» компаниясы біздің іс-шараларымызға міндетті түрде қатысып тұ­рады және мектепке баратын балал­арды бірге шығарып саламыз. Біз компанияға тұрақты қолдау-көмегі үшін шексіз ризамыз. 12 жыл ішінде балабақшада тұрмысы төмен отбастарынан шыққан 450 бала тәрбиелен­ді, - деген «Балдырған» ба­ла­бақшасының директоры Айсара Нәлібай мұнай компа­ния­сына жасаған қамқорлығы үшін шынайы алғысын білдірді.

 
БАЛАЛАР ҚУАНҒАН КҮН
01.06.2012 14:17

Балаларды қорғау күніне орай ойын-сауық, мерекелік кештер ұйымдастыру дәстүрлі үрдіске айналғалы қашан?! Еліміздің жарқын болашағы саналатын бүлдіршіндерге шадыман күлкі, қуаныш сыйлауды әр ата-ана өзінің міндеті санайды. Осы ретте бүгін Қызылорда облыстық ішкі саясат басқармасының ұйымдастыруымен қалалық демалыс паркінде іс-шара өткізілді. Сонымен қатар, бүгін қала мектептерінен жиналған 50 оқушы Астана қаласына туристік саяхатқа, Олимпиада және қосымша білім беру орталығына 120 бала, «Сырдария» жазғы тынығу лагерлерінің І ауысымына 150 бала демалуға аттанады.

Мерекеге сай безендірілген қалалық демалыс паркін аралап шыққан облыс әкімі Б.Қуандықов балабақша бүлдіршіндері сахналаған қойылымды тамашалады. «Ертегілер елі» деп аталған мұндағы қойылымдарға «Алпамыс», «Ботақан», «Шұғыла», «Сарыарқа», «Алтын кілт» балабақшаларының тәрбиеленушілері атсалысқан. Одан өзге «Біз өнерлі, тапқыр баламыз» тақырыбындағы көрме қойылса, «Жас суретшілер» байқауы да өз дәрежесінде өтті. Қылқаламның күшімен көрікті ой, ұшқыр қиялдарын сурет етіп салуда сайысқа қатысушылар белсенділік танытты. Әрі қарай биылғы жылы демалыс паркіне орналастырылған аттракционның жұмысымен танысты. Айта кетерлігі, қаланың көрікті жері болғандықтан жуық арада жаңадан алынған тағы да 3 аттракцион халыққа қызмет көрсетпекші. Демалыс орындарының жай-жапсарына қаныққан аймақ басшысы №5 Панфилов атындағы мектеп жанынан ашылған спорт алаңдарына ат басын бұрды. Еліміздегі бұқаралық спортты дамыту мақсатындағы салынып жатқан спорт алаңдарының саны жыл санап артып келеді. Мәселен, өткен жылдың өзінде қала көлемінде 30 спорт алаңы салынса, биыл да мұндай игі жұмыс жалғасын табады деп күтілуде. Мұндағы көлемі 42х25 метрлік футбол және 38х15 метрді құрайтын баскетбол алаңдарының салынуына «ИнтерГазорталықАзия» АҚ демеушілік жасаған. Бүгінде спортпен шұғылданатын оқушы балалар қуанышты көңіл-күймен доп қуалап жүр.

- Мемлекет демалыс орындарына назар аударған сайын кәсіпкерлер де өз үлестерін қосуда. Оған себеп – сенімнің пайда болуы. Алдағы уақыттары қаланың барлық, сондай-ақ Тасбөгет, Шанхай, Титов, «Ақмешіт» мөлтек аудандары және «Сыр ана» ескерткішінің жанына демалыс орындарын салу жоспарда бар, - деді аймақ басшысы Б.Баянұлы.

Н.ҚАЗИҚЫЗЫ

 
ЗАР ЗАМАННЫҢ ЗҰЛМАТ ЗҰЛЫМДЫҒЫ
31.05.2012 17:43

Зар заманның зұлмат жылдарында қазақ халқының басына төнген қиындықтар аз болмады. Тоталитарлық саясаттың езгісіне ұшыраған қаншама қандастарымыздың өмірі қыршынынан қиылды. Солақай саясаттың қылышынан қан тамып тұрған сол бір жылдар ел тарихында қаралы күн ретінде еске алынып келеді. Әсіресе, 1932-33 жылдардағы ашаршылық кезеңі де халықтың қабырғасын қайыстырып, қара жамылдырғаны белгілі. Одан кейінгі 1937-38 жылдардағы репрессияның зардабын қоса есептегенде еліміз 3 миллионнан астам азаматынан айрылды. Олардың ішінде ұлт зиялылары мен халық қамын ойлап бас көтерген арда азаматтарымыз да бар. Н.Төреқұлов, І.Жансүгіров, С.Сейфуллин, А.Байтұрсынов, Ә.Бөкейханов, С.Қожанов, М.Жұмабаев сынды өзге де азаматтарымыз азаттық жолында құрбан болды. «Халық жауы» деген жалған жаланың жүгін арқалап, қуғын-сүргінге ұшырады. Одан бергі уақыт ішінде жазықсыз қуғын-сүргінге ұшыраған боздақтарымыз ақталды. Олар туралы деректер жиналып, құрбандар рухына арнап ескерткіштер орнатылды. Біздің облыста мұндай ескерткіш «Арай» мөлтек ауданында орналасқан. 31 мамыр – саяси қуғын-сүргін және ашаршылық құрбандарын еске алу күніне орай мемориалды ескерткіш алдында «Зұлмат заман – нәубет шер» тақырыбында митингі өтті.

- Қай елдің тарихында да қасіретті жылдарды бастарынан өткергенінің куәсі боламыз. Олардың ішіндегі ең қасіреттісі – Кеңес одағы тұсындағы зұлматты жылдар зобалаңы. Осы алып мемлекеттің құрамында болып, тоталитарлық жүйенің зардабын тартқан қазақ қайғысы ұлт тарихындағы ауыр трагедия болды. Бұл жүйе тек қана өзінің халқына ату, қуғындау, зорлықпен жер аудару сияқты зобалаң тудырып қана қоймай, қолдан жасалған аштықпен де зұлматтық жасады. Оның куәсі ретінде Ресей, Украина мен Қазақстанда қолдан жасалған аштық қырғындарын ерекше айтуға болады. Биыл басынан кешірген зұлмат ашаршылыққа 80 жыл, жаппай қуғын-сүргінге 75 жыл толып отыр. «Тарихтан – тағылым, өткенге - тағзым» дейді халық даналығы. Жаппай қуғын-сүргін, аштық азабы мен жазықсыз қуғындалу қасіретін бүгінгі ұрпақ мәңгі есте сақтау керек. Келешегімізді ойласақ, өткенімізді ұмытпауға тиіспіз. Осы жылдары Қазақстан, Ресей, Белоруссия және Украинада аштық пен аурудан 7 миллионнан астам адам қаза тапты. Олардың 1,5 миллионы біздің елге тиесілі. 600 мыңнан астам қазақ ашаршылық пен аурудан қашып, туған жерін тастап кетуге мәжбүр болды. 1937-38 жылдары НКВД адамдары 1,5 миллионнан астам адамды тұтқындап, жазықсыз жандарға қатаң жаза тағайындады. Қасіретті де қайғылы жылдар артта қалса да, зұлматты кезеңнің зобалаңы әлі санадан өшкен жоқ. Қазақ халқы ел тағдыры үшін бастарын бәйгеге тіккен зиялыларынан айрылды. Олардың қатарында Т.Жүргенов, С.Есқараев, С.Баймаханов, Т.Османов сынды Сыр елінің біртуар перзенттері де болды. Олардың туыстары мен жақындары абақтыға қамалып, жер аударылып, азаматтықтары аяусыз тапталды. 1948 жылы елімізге 780 мыңнан аса шешен-ингуштар, карашайлар, немістер, кәріс, т.б 51 ұлттың өкілдері күштеп жер аударылған. Бұл ресми тіркелген адамдардың саны, Қазақстанға жетем дегенше жол бойында аштықтан қырылғандары қаншама?! Былтыр қаламыздың көрнекті жерінен құрбандарға арнап арнайы ескерткіш тұрғызу туралы ұсыныс білдірген болатынмын. Бүгінде ол жобаның техникалық негіздемесі әзірленіп, көп ұзамай қала ішінен еңселі ескерткіш бой түзейтін болады. Бүгінгі ұрпақ жазықсыз құрбандар мен қыршындар рухына бас иіп, тағзым етеді, - деді шараға қатысқан облыс әкімі Б.Қуандықов.

Рас, репрессия мен ашаршылық жылдарының қасіреті әр отбасын айналып өтпеді. Озбыр кезеңнің зұлымдыққа толы жылдары қазақ халқының қара жамылуына тікелей әсер етті. Саясаттың қылышынан тамған қан әр қазақтың жанына өшпес жара салды. Бірі әкеден аңырап айырылса, бірі анамен шырылдап қоштасты. Тұл жетім атанған қазақ балаларының көздері жәудіреп, жалтаңдап өсті. Бауыры бүтін бақытты шақтан айрылған қаншама жанның жүрегі қан жылады. Құса мен ызадан булыққан әрбір адам еркіндіктен ада, қуанышқа мардымсыз күймен күн кешті. Осы оқиғалар қазақ тарихының ақтаңдақ парақтарынан орын алып, келер ұрпаққа тарихи оқиға ретінде із қалдырып барады.

Н.ҚАЗИҚЫЗЫ

 
ТЫМ ҚЫМБАТҚА ТҮСКЕН ТҰЗ ҚЫШҚЫЛЫ
31.05.2012 17:26

Кырағы көзді қызылордалық кеденшілер тағы бір заңсыздықтың жолын кесті. Жер қойнауына барлау жүргізетін «CNLK International KAZA» фирмасының Қызылордадағы филиалы Қытайдан сутегі хлоридін (тұз қышқылы) алдырып, ресімдеуге ұсынған. Алайда, тәжірибелі фирманың 1998 жылдан бері қолданылып келе жатқан «Есірткі заттары, психотроптық заттар мен прекурсорлар және олардың заңсыз айналымына қарсы шаралар туралы» заң талаптарын білмеуі ақылға сыя қоймады. Бұған қоса, 24.08.2007 жылғы №735 үкімет қаулысына сәйкес тұз қышқылы – мемлекет бақылауында. Яғни онымен жұмыс жасау үшін лицензия керек. Қызылорда облысы бойынша кедендік бақылау департаменті 59 бөтелкедегі тұз қышқылын кеден шекарасынан заңды сырт айналып алып өткені үшін «CNLK»-ның жергілікті филиалына әкімшілік кодекстің 424-бабымен әкімшілік іс қозғап, сотқа жолдаған-ды. Жақын күндері сот осы істің нүктесін қойды. Яғни 26 550 мл сутегі хлоридін мемлекет пайдасына тәркілеп, 48 540 теңге айыппұл салды. Прекурсордың құны қымбат та емес, бар болғаны – 21 241 теңге. Алайда, заңға немқұрайлы қарау тым қымбатқа түсті.

Б.ОРДАНОВА,

департаменттің баспасөз хатшысы

 
ҰБТ дауы: нүкте!
31.05.2012 16:04

Қызылорда облыстық прокуратурасы Жаңақорғандағы былтырғы ҰБТ-ға байланысты қылмыстық істің қорытындысын мәлімдеді.

Бұдан бұрын шыққан сот шешіміне айыпталушылар келіспей, қарсы шағым түсіргенінен оқырман хабардар. Мемлекеттік құпия саналатын тест сұрақтарының дұрыс жауабын таратқандар Шымкент гарнизоны әскери сотының үкімімен бас бостандықтарынан айырылды. Аудандағы ҰҚК бөлімінің бастығы және оның қарамағында қызмет еткен жедел уәкіл бірі 5, бірі 4 жыл бойы жалпы режимдегі түзеу колониясында жазаларын өтейтін болды. Дүние-мүліктерін тәркілеумен қоса, сот оларды 3 жылға дейін белгілі бір қызметпен айналысу құқықтарынан айырды. Аудандық білім бөлімінің бұрынғы меңгерушісі мен ҰБТ өткен мектептің бұрынғы басшысына белгіленген 3 жыл шартты жаза да күшінде қалды.

Айнұр ТӨРЕМҰРАТОВА

 
<< Бірінші < Алдыңғы 1091 1092 1093 1094 1095 1096 1097 1098 1099 1100 Келесі > Соңы >>

Күнтізбе

< Желтоқсан 2019 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары