Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1565
mod_vvisit_counterКеше2779
mod_vvisit_counterОсы аптада13235
mod_vvisit_counterӨткен аптада18090
mod_vvisit_counterОсы айда15665
mod_vvisit_counterӨткен айда58946
mod_vvisit_counterБәрі4196755


Өзекті мәселелер

  • 05.12.19

    «Құмкөл-Қызылорда» авто­жолы­ның 70-інші шақырымында «Кеңлік» кен орнынан Шымкент қаласына бағыт­ алған «Neoplan» маркалы автобус­ аударылып, 8 адам қаза тапты. 21 адам жарақат алған. Мәліметтерге сүйенсек, автобус ішінде барлығы 36 адам болған. Олардың барлығы – «Саутс Ойл» мұнай компаниясының қызметкерлері» деген ақпарат барша қазақстандықтың қабырғасын қа­йысты­рғаны  анық.

    Толығырақ...
  • 05.12.19

    Алты құрлықты ақпарат билеген уақытта оған ілесіп отырудың өзі жетіс­тік. Соңғы жылдары «жаңа медианың келешегі кемел, ал дәстүрлі БАҚ-тың болашағы бұлыңғыр» деген пікір бірен-саран айтылып жүр. Қай медианың алға озып, қайсысы артта қалатыны уақыт еншісіндегі дүние деп білеміз. Бірақ ел алдымен интернетте жылт еткен жаңалыққа емес, газет бетінде қатталған хабар­ға сенетіні анық. Ол – ақиқат. Толығырақ...

  • 05.12.19

     

    Ерғали  АБДУЛЛА


    Қу  ақша

    Бермеймін дегенді – бергізеді. Көрмеймін деге...

    Толығырақ...
  • 05.12.19

    Арнайы  бетіміздің  тұрақты айдарындағы кезекті қонағымызбен  сұхбаттасудың  сәті түсті. Бұған дейін есепшілер мен ұстаздар әулеті туралы жазған болатынбыз. Жасыратын түгі жоқ, бұл жолы кейіпкер таңдау оңайға соқпады. Нәти­жесі­нде таңдау арманы – бір, мақсаты – ортақ, бол­мысы – егіз, бірге оқып, медицина саласында бірге қызмет етіп, бір шаңырақтың түтінін түзу ұшырып отырған дәріг...

    Толығырақ...
  • 05.12.19

    Тұңғыш Президент Н.Ә.Назарбаев өткен жылғы 5 қазандағы Жолдауында «2019 жыл – Жастар жылы» деп жариялады. Жыл аяғы жақын. Күні бүгінге дейін елімізде жастар мәселесі бойынша озық істер орындалып, межелі мақсаттарға қол жеткізілді. Елбасы өзінің «Тәуелсіздік дәуірі» атты кітабында: «Менің ойымш­а, біздің жастар елеспен өмір сүрмеуге тиіс. «Қазақстанның әлеуметтік жаңғыртылуы: Жалпыға орт...

    Толығырақ...
Халық-хабар
ҚАЗАЛЫДА ТАРҒЫН НҰРАЛИЕВТЫ ЕСКЕ АЛУҒА АРНАЛҒАН ОБЛЫСТЫҚ ТУРНИР АЯҚТАЛДЫ
02.12.2019 11:30

Қазалыда талантты боксшы, білікті бапкер, КСРО спорт шеберлігіне кандидат Тарғын Нұралиевты еске алуға арналған облыстық турнир аяқталып, жеңімпаздар анықталды.

Турнирдің жабылу салтанатында аудан әкімінің орынбасары Әлімжан Жарылқағанов сөз сөйлеп, жас боксшыларды жеңісімен құттықтады.

Әйтеке би кентіндегі №17 Қазалы олимпиадалық резервтың мамандандырылған балалар-жасөспірімдер мектебінде өткен байрақты бәсекенің жеңімпаздарын аудандық ішкі саясат бөлімінің басшысы Әліби Әбиев, облыстық "Сыр бойы" газетінің Арал, Қазалы аудандарындағы меншікті тілшісі Жұмабек Табынбаев, Қазалы спорт мектебінің директорлары Жұмабек Құлбаев пен Қуанған Бәкен, Тарғынның ағасы мен досы, шәкірттері марапаттап, медальдарын тапсырды.

Айтакетейік, Қазалыда 25 қараша күні Тарғын Нұралиевты еске алуға арналған бокстан жасөспірімдер арасындағы республикалық турнир басталған болатын. Дүбірлі додаға Қызылорда облысының былғары қолғап шеберлерімен қатар, Қарағанды және Шығыс Қазақстан облыстары, Байқоңыр қаласының спортшылары қатысты.

Қазалы ауданы әкімінің баспасөз қызметі

 
Қызылордада ақын Әділ Ботпановтың 50 жасына арналған кеш өтті
29.11.2019 17:30

Осыдан 22 жыл бұрын 27 жасында хабар-ошарсыз жоғалып кеткен қызылордалық ақын Әділ Ботпановтың есімі жыр сүйер қауымға жақсы таныс. Өмірде бар-жоғы әлі күнге белгісіз тағдыры тылсымға толы ақын биыл 50 жасқа толды. Ақынның осы мерейтойына орай Аманжол Оңғарбаев, Дүйсенбек Аяшұлы бастаған сырбойылық достары Қызылордада «Мені өледі деген сөздер – ертегі…» атты поэтикалық жыр кешін ұйымдастырды.

Не бары 20 жасында қазақ поэзиясындағы «құбылыс» атанған Әділ Ботпановты барша қазақ білмегенімен, әдеби орта – ақын-жазушы, қалам иелеріне оның есімі, өлеңдері, аяқталмай қалған проза, драматургиясы таныс. Әділ жарқ етті де жоқ болды… Ізім-қайым. Не бары, не жоғы белгісіз…

Әділді ең алғаш болып белгілі ақын Жарас Сәрсек досы «Қазақ әдебиеті» газетінде «Қайдасың, Әділ?!» деген мақала жариялап, іздеді. Жазушы-журналист Қанат Тілеухан «Аққан жұлдыз» атты радиохабар жасады. Құрдасы, курстасы, ақын Бауыржан Бабажанұлы Әділ Ботпановтың шығармашылық кешін ұйымдастырып, жиып-теріп «Өмірзая» атты шағын ғана кітабының шығуына ұйытқы болды.

Кейінгі кезде курстасы, белгілі продюсер Базарбек Атығай «Алматы» телеарнасынан Әділ Ботпанов туралы «Сәуле-ғұмыр» атты телебағдарлама ұйымдастырды. Осындай шаралардың басы-қасында үнемі Аманжол Оңғарбаев атты досы жүрді.

Сыр елінде өткен ерекше кеш шымылдығы Әділ Ботпановтың өмірі мен шығармашылығынан арналған деректі фильмнен бастау алды. Онда көрермендерге ақын туралы жан-жақты мағлұматтар ұсынылды.

Жарқын естеліктерге толы фильм ақын Әділдің шығармашылығын арқау еткен қойылымға ұласты. Қойылымда қызылордалық жас таланттар ақынның өлеңдерін нақышына келтіре орындай отырып, «құбылыс» Ботпановтың болмысын жан-жақты аша түсті. Ақынның жүректерді тербеген жалынды жырлары көрермен көңілін тебірентіп, ерекше сезімге бөледі. Бір ғажабы ақынның өзінің өмірін «Өмірзая» деп бағалапты.

Өмірзая. Бұл – жай жұлдыз емес. Өзге жұлдыздардан ерте туып, түнгі аспанда айдың астын мекендейтін шамшырақ. Бір ерекшелігі, қараңғы көкке алғаш сәулесін шашқанымен, өзге жұл­дыздар оянғанда өшетін жұл­дыздың атауы – бұл. Адамдар да жұлдыздар іспетті. Бірі көк жүзінде түнімен жарқырап тұ­рады. Алайда, адамдарға берер әсері шамалы. Ал, бірі азғантай уақыт түнгі аспанда жарқ етеді. Ол пенденің санасында сағыныш сезімін тудырады.

Осындай «жұлдыздың» бірі – Әділ Ботпанов десек артықтық етпес. Өзі айтқандай қараңғы аспан төрін­де жарқ етті де ғайып болды. Сонан­ бері жұрт оны сағынып жүр. Оның тағы бір мәрте ай астын­ан көрінуін күтеді. Ал, Өмірзая оларды сағындыра түседі. Әділ Ботпанов жайлы сөз еткенде, жоғалған жұлдыз көз алдымы­зға елестейді. Ол жо­ғалды. Әлі де табылмай келеді. 27 жасында жоғалған ел азаматы жүрекке «Келеді» деген сенімді ұялатады. Әрине, өзі жоқ болғанымен, оның ұшқыр қаламынан туған жырлары ел аузында жүр…

Ақмешіт аспанын жырға бөлеген поэтикалық кеште оның курстас достары ақын Бауыржан Бабажанұлы, Кенже Байназаров, актер Әділжан Шомбалов та Сыр елінің төрінен табылды. Достары тағдырлы ақын туралы түрлі естеліктерімен бөлісті, оның жырларын жатқа оқыды.

«Қазығұрт» баспасының директоры Темірғали Көпбаев жоғарыда аталған «Өмірзая» кітабын алғаш болып 1000 данасын тегін шығарғаны ел есінде. Кейіннен қызылордалық жерлестері тағы да мың данаға тапсырыс беріп, арнайы шығартты. Бүгінгі кешке Әділдің досы Әділжан Шомбалов тағы да 500 данасын шығарып әкеліп, елге таратты. Оның бір бөлігі облыс пен аудандардағы барлық кітапханаға 10 данадан тегін берілетінін жеткізді.

Міне, өзі жоғалса да, өлеңі жоғалмаған ақынды дәріптеген поэтикалық кештің екінші бөлімі «Әділдің жыр әлемі – жүрегімде» атты республикалық ақындар мүшәйрасына ұласты.

Жыр мүшәйрасына алдын ала жасалған хабарландыру бойынша 30-ға жуық ақынның өлеңдері келіп түсіп, арнайы комиссия 8 ақынды іріктеп алыпты. Мүшәйра талабы бойынша ақындар 2 өлеңнен оқыды, біріншісі – тағдырлы ақын Әділ Ботпановқа арнау, екіншісі – еркін тақырыптағы өлең.

«Ақтөбе» газетінің бас редакторы, ақын Бауыржан Бабажанұлы, ақын, режиссер-сценарист Оңталап Нұрмаханов, айтыскер ақын, 2 мәрте «Алтын домбыра» иегері Мұхтар Ниязов республикалық жыр мүшәйрасына қазылық жасап, шын жүйріктерді анықтады.

Мүшәйра қорытындысымен қызылордалық Ақтілек Бітімбай, Айдана Ерболат, Алматы қаласынан келген Ақдидар Әлібекқызы, Көкбөрі Мүбәрак ынталандыру сыйлықтарына ие болды.

Үшінші орынға түркістандық Тілеубек Батысұлы мен қазалылық Әлихан Махашев лайық деп танылса, екінші орынды Павлодар қаласынан келген Алтынбек Елемесұлы қанжығасына байлады.

Ал, І орынды аралдық Биболат Сәтжан еншіледі.

Жүлдегерлердің барлығына қаржылай сыйлықтар табыс етілді.

Биболат Сәтжанға жүлдені тапсырған Әділ Ботпановтың досы Аманжол Сақыпұлы бүгінгі мүшәйрада жеңімпаз атанған ақынның жыр жинағын 1000 данамен өз қаражатына шығарып беретінін жеткізді.

Ерекше өткен поэтикалық кеш соңында ақынның туған ағасы Данабек Әнуарұлы мен Гүлсім Ботпанова сөз алып, ұйымдастырушыларға алғыстарын жеткізді. Ботпановтар отбасының атынан мүшәйраға қатысқан барлық ақындар мен қазылар алқасына, Әділ Ботпановтың достарына қазақтың қасиетті қара домбырасын, басқа да сыйлықтарын сыйға тартты.

P.S: «Әділдің атын атағаннан кейін үш нүкте қоюға мәжбүрміз. Бірақ бұл үш нүкте Әділдің өмірі мен шығармашылығына қойылған нүкте емес», – депті Маралтай ақын бір естелігінде. Солай болсын дейміз…

Нұрсұлтан МЫҚТЫБАЙ,

журналист.

Kyzylorda-news.kz.

 
ПАРАСАТТЫЛЫҚ МЕКТЕБІ АШЫЛДЫ
29.11.2019 17:25

Сыбайлас жемқорлыққа қарсы іс-қимыл агенттігінің төрағасы Алик Шпекбаев пен Қызылорда облысының әкімі Қуанышбек Ысқақовтың қатысуымен Қорқыт ата атындағы Қызылорда мемлекеттік университетінде «Парасаттылық мектебі» ашылды.

Университетте қазіргі таңда жалпы 5300 студент білім алуда. 2017 жылы «Бизнес-Start» инновациялық жобаларды жүзеге асыру орталығы (бизнес-инкубатор) ашылды. Бизнес-инкубаторда бүгінгі күнге дейін 85 білім алушылар 25 бизнес-жобаны жүзеге асырып, 14 шағын кәсіпкерлік субъектісі ашылды. Жас кәсіпкерлердің өз бизнестерін бастауға мүмкіндіктер жасалуда.

Соңғы 2 жылда Қорқыт Ата атындағы ҚМУ ғалымдары алған патент саны 50-ді құрайды. Университет ғалымдарының «Инновациялық жобалар каталогы» дайындалып 500 данасы шығарылып, технологияларды коммерциаландыру бойынша қызығушы отандық және шетелдік мекемелер мен бизнес-құрылымдарға ұсынылған.

Алик Шпекбаев оқу орнының студенттеріне «Парасаттылық сағатын» өткізді. Өз сөзінде: «Біз Сіздер сияқты санасы сергек, ойы орамды, жүрегі жалынды жастардың қолдауымен ғана жемқорлықтан арыла аламыз. Оқуда дана, еңбекте дара, елге пана болыңыздар», - деген тілегін жеткізді.

Қызылорда облысында өскелең ұрпақты рухани-адамгершілік және азаматтық-патриоттыққа тәрбиелеу мақсатында өңірдегі 293 жалпы білім беру ұйымында «Адал ұрпақ» ерікті мектеп клубтары жұмысын жүргізсе, 32 арнаулы орта және жоғарғы оқу орындарында «Саналы ұрпақ» клубтары құрылған.

Осылайша, жемқорлыққа қарсы 30 мыңнан астам жастың басы біріктірген жоба жүзеге асуда.

Сонымен қатар, Алик Шпекбаев «Адал ұрпақ» еріктілер клубының облыстық штабының белсенділерімен кездесіп, жастарға өмірде жетістікке жету үшін адал еңбек етудің, жас кезден бастап әр жеткіншектің бойына әділеттілік, парасаттылық және адалдық құндылықтарын сіңірудің маңыздылығын айтты.

 
ҚЫЗЫЛОРДАЛЫҚ КӘСІПКЕРЛЕР СЫБАЙЛАС ЖЕМҚОРЛЫҚҚА ҚАРСЫ ҚОРҒАУҒА АЛЫНҒАН
29.11.2019 16:00

Қазақстан Республикасы Сыбайлас жемқорлыққа қарсы іс-қимыл агенттігінің төрағасы Алик Шпекбаев Қызылорда облысына іссапары аясында «Protecting business and investments» бизнес пен инвестицияны сыбайлас жемқорлыққа қарсы сүйемелдеу бойынша жобалық кеңсесі жұмысы мен кәсіпкерлерге қызмет көрсету барысымен танысты.

Бүгінгі күні кәсіпкерлерге қолайлы жағдай жасау мен жылдам форматта қызмет көрсету мақсатында облыс аумағындағы қала, аудандарда кәсіпкерлерге қызмет көрсету орталықтары мүлтіксіз қызмет жасауда.

Алик Шпекбаевтың жергілікті кәсіпкерлерімен кездесуі барысында облыс кәсіпкерлер қауымдастығының атынан Асқар Махамбетов пен Болат Нұрхожаев кәсіпкерлерді сыбайлас жемқорлыққа қарсы оқыту мен сауаттандыруды кешенді жүргізуді ұсынды.

Осы мақсатта қазіргі уақытта жергілікті кәсіпкерлерге құқықтық сауаттандыру мен сыбайлас жемқорлықтың алдын алу, сондай-ақ сыбайлас жемқорлық сипатындағы жасалған құқықбұзушылықтардың жауапкершілігі туралы «Біз адал бизнес үшін!» атты жадынама таратылуда.

2018 жылы алғашқылардың бірі болып сыбайлас жемқорлыққа қарсы сүйемелдеу жобасы аясында келісімге қол қойған Қызылорда облысындағы Шиелі ауданындағы «Компания Гежуба Шиелі Цемент» ЖШС тампонажды цемент зауытындағы кездесу барысында Алик Шпекбаев «Еліміздің дамуына ықпал ететін факторлар – кәсіпкерлердің қолайлы жағдайда қызмет алуы және ел аумағында бизнес климатты жақсарту басты назарда. Зауыттың белгіленген мерзімде іске қосылып, ел игілігіне өз тауарларын ұсынуы – осыған дәлел», – деді.

Жыл басынан бері жоба аясында инвесторлар мен кәсіпкерлерден елуден астам өтініш түсіп, олар бойынша тиісті шаралар қабылданып, бизнес субъектілерінің құқықтары қорғалған.

Бір мысал, «Фирма Инк-ай» ЖШС орташа жол жөндеу жұмыстарына мемлекеттік сатып алу жариялау барысындағы әділетсіздікке шағымданып, жобалық кеңсемен ішкі мемлекеттік аудит мамандары бірлесіп, камералды зерттеу жұмыстары барысында кәсіпкермен көрсетілген дәйектері нақты дәлелін тауып, нәтижесінде конкурс қайта қаралып, кәсіпкер құқығы қорғалды.

Сыр өңірінде сыбайлас жемқорлыққа қарсы сүйемелдеуге жалпы 554,1 млрд теңгені құрайтын 18 жоба алынған.

 
Сыбайлас жемқорлыққа қарсы іс-қимыл мәселелерін кеңінен талқылау мақсатында облыс активімен кездесу өтті
29.11.2019 15:48

Сыбайлас жемқорлыққа қарсы іс-қимыл агенттігінің төрағасы Алик Шпекбаев пен Қызылорда облысының әкімі Қуанышбек Ысқақов төрағалық еткен облыс активімен кездесу өтті.

Мәжіліске жергілікті билік, құқық қорғау және орталық атқарушы орган басшылары, үкіметтік емес ұйымдар мен бұқаралық ақпарат құралдары өкілдері қатысты.

Сыбайлас жемқорлық дейтін әлеуметтік құбылыспен күресу мәселесі елімізде ешқашан өз өзектілігін жоғалтқан емес, керісінше, сыбайлас жемқорлық профилактикасына күн санап баса көңіл бөлінуде

«Ақмешіт – адалдық алаңы» жобасының со-кураторы, Қызылорда облысы әкімінің орынбасары Наурызбай Байқадамов облыстағы «Ақмешіт - адалдық алаңы» жобалық кеңсесінің сыбайлас жемқорлықтың алдын алу бойынша атқарған қызметі туралы баяндама жасады.

«Нұр Отан» партиясы Қызылорда облыстық филиалы жанындағы сыбайлас жемқорлыққа қарсы іс-қимыл жөніндегі Қоғамдық кеңесінің төрағасы Мақсұт Нәлібаев, Сыбайлас жемқорлыққа қарсы іс-қимыл Агенттігінің Қызылорда облысы бойынша департаментінің жанындағы Имидждік насихаттау штабының жетекшісі Хусейн Әмір Темірұлы, Қызылорда облысының ардагерлер кеңесінің пленум мүшесі, қоғам қайраткері Болатбек Пұсырманов және «Адал ұрпақ» облыстық клубының жетекшісі Сандуғаш Жүсіпова жыл басынан сыбайлас жемқорлықтың алдын алу бағытындағы істеген жұмыстары бойынша өз баяндамаларын жасады.

Сыбайлас жемқорлыққа қарсы іс-қимылдың ең тиімді тәсілі – бұл мемлекеттік қызметкерлердің тікелей халықпен қарым-қатынасын болдырмау, көрсетілетін мемлекеттік қызметтерді электронды форматқа көшіру.

Қазіргі уақытта жергілікті атқарушы органдармен 194 мемлекеттік қызмет көрсетіледі, оның ішінде 87-сі электронды форматта, 28 қызметті ағымдағы жылдың соңына дейін автоматтандыру жоспарлануда.

Қабылданған шаралардың нәтижесінде өңірімізде 10 айдың қорытындысымен сыбайлас жемқорлық сипатындағы құқықбұзушылықтар деңгейі 17 пайызға азайғандығын, «Сыбайлас жемқорлыққа қарсы іс-қимыл» жаңа Заңының талабына сәйкес ішкі тәуекелдерді айқындау мақсатында құқық қорғау органдарымен бірлесіп атқарған жұмыстың нәтижесі деп айтуға болатындығын аймақ басшысы Қуанышбек Ысқақов айтып өтіп, "Бақыт емес бала керек" тақырыбындағы әзірлеген бейнеролик көрсетілді.

Сөз соңын  Сыбайлас жемқорлыққа қарсы іс-қимыл агенттігінің төрағасы Алик Шпекбаев азаматтар мен мемлекеттік институттарды сыбайлас жемқорлықтан қорғайтын ашық, кәсіби және тиімді мемлекеттік органы болу үшін аянбай жұмыс істеп, барлық күш-жігерін салу қажеттігін хабарлады.

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Шілде 2019 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары