Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1576
mod_vvisit_counterКеше2779
mod_vvisit_counterОсы аптада13246
mod_vvisit_counterӨткен аптада18090
mod_vvisit_counterОсы айда15676
mod_vvisit_counterӨткен айда58946
mod_vvisit_counterБәрі4196766


Өзекті мәселелер

  • 05.12.19

    «Құмкөл-Қызылорда» авто­жолы­ның 70-інші шақырымында «Кеңлік» кен орнынан Шымкент қаласына бағыт­ алған «Neoplan» маркалы автобус­ аударылып, 8 адам қаза тапты. 21 адам жарақат алған. Мәліметтерге сүйенсек, автобус ішінде барлығы 36 адам болған. Олардың барлығы – «Саутс Ойл» мұнай компаниясының қызметкерлері» деген ақпарат барша қазақстандықтың қабырғасын қа­йысты­рғаны  анық.

    Толығырақ...
  • 05.12.19

    Алты құрлықты ақпарат билеген уақытта оған ілесіп отырудың өзі жетіс­тік. Соңғы жылдары «жаңа медианың келешегі кемел, ал дәстүрлі БАҚ-тың болашағы бұлыңғыр» деген пікір бірен-саран айтылып жүр. Қай медианың алға озып, қайсысы артта қалатыны уақыт еншісіндегі дүние деп білеміз. Бірақ ел алдымен интернетте жылт еткен жаңалыққа емес, газет бетінде қатталған хабар­ға сенетіні анық. Ол – ақиқат. Толығырақ...

  • 05.12.19

     

    Ерғали  АБДУЛЛА


    Қу  ақша

    Бермеймін дегенді – бергізеді. Көрмеймін деге...

    Толығырақ...
  • 05.12.19

    Арнайы  бетіміздің  тұрақты айдарындағы кезекті қонағымызбен  сұхбаттасудың  сәті түсті. Бұған дейін есепшілер мен ұстаздар әулеті туралы жазған болатынбыз. Жасыратын түгі жоқ, бұл жолы кейіпкер таңдау оңайға соқпады. Нәти­жесі­нде таңдау арманы – бір, мақсаты – ортақ, бол­мысы – егіз, бірге оқып, медицина саласында бірге қызмет етіп, бір шаңырақтың түтінін түзу ұшырып отырған дәріг...

    Толығырақ...
  • 05.12.19

    Тұңғыш Президент Н.Ә.Назарбаев өткен жылғы 5 қазандағы Жолдауында «2019 жыл – Жастар жылы» деп жариялады. Жыл аяғы жақын. Күні бүгінге дейін елімізде жастар мәселесі бойынша озық істер орындалып, межелі мақсаттарға қол жеткізілді. Елбасы өзінің «Тәуелсіздік дәуірі» атты кітабында: «Менің ойымш­а, біздің жастар елеспен өмір сүрмеуге тиіс. «Қазақстанның әлеуметтік жаңғыртылуы: Жалпыға орт...

    Толығырақ...
Халық-хабар
ҚАЗАЛЫДА ҚҰҚЫҚТЫҚ ОҚЫТУ СЕМИНАРЫ ӨТТІ
27.11.2019 09:45

Кеше Қазалыда аудандағы барлық қала, кент және ауылдық округ деңгейінде жергілікті өзін-өзі басқарудың дербес бюджеті енгізілуіне орай Қызылорда облысы әкімі аппараты және облыстық әділет департаментімен бірлесіп құқықтық оқыту өтті. Оған қала, кент, барлық ауылдық округтердің әкімдері мен заңгер, есепші мамандары және тиісті бөлімдердің басшылары қатысты.

Басқосуды аудан әкімінің орынбасары Бақытжан Жарылқап ашып, бүгінгі жиынның маңыздылығына тоқталды.

– 2020 жылы «100 нақты қадам» Ұлт жоспарының 98-қадамы шеңберінде аудандағы барлық қала, кент және ауылдық округ деңгейінде жергілікті өзін-өзі басқарудың дербес бюджеті енгізіледі.

Келер жылы аудандағы халық саны екі мыңға жетпейтін қалған 17 ауылдық округ әкімі аппараттарына (Әйтеке би кенті, Қазалы қаласы, Майдакөл және Аранды ауылдық округі әкімі аппараттарынан басқа) жергілікті өзін-өзі басқарудың дербес бюджеті беріледі.

Мемлекеттік бюджеттің 4-ші деңгейін, яғни ауылдық округтердің дербес бюджеттері қолданысқа енгізілсе, азаматтардың тиісті бюджеттік жобаларын талқылауға қатысуының тетіктері жұмыс істейді.

Мемлекеттік бюджеттің 4-ші деңгейін енгізу шаралары аясында тиісті қабылданған құқықтық актілеріне уақытылы өзгерістер мен толықтырулар енгізу қажет, - деген Бақытжан Дүзелбайұлы алдағы уақытта орын алуы мүмкін кемшіліктерді болдырмау және алдын алу мақсатында қызметкерлерге тиісті саладағы тәжірибелі, білікті мамандардың қатысуымен түсіндірме, құқықтық оқыту, семинарлар өткізіп отыруды тәжірибеге енгізу қажеттігін жеткізді.

Мұнан кейін ауданға арнайы келген Қызылорда облысы әкімі аппаратының мемлекеттік-құқықтық жұмыстар бөлімінің әдіскері Әуелбек Исаев, Қызылорда облысының Әділет департаментінің нормативтік құқықтық актілерді тіркеу бөлімінің бас маманы Нұрсұлу Арзықұлова және облыстық экономика және бюджеттік жоспарлау басқармасының бас маманы Мәріп Әкбар және Қызылорда облыстық ақпараттық технологиялар орталығының маманы Болат Әбітаев құқықтық оқыту семинарын өткізді.

Семинар барысында қатысушыларға шешім жобасын дайындау мен Әділет департаментіне жолдау тәсілдері түсіндіріліп, аталған мәселе жөнінде қажетті мәліметтер берілді. Жиын соңында қатысушылар өз пікірлерін білдіріп, қойған сұрақтарына тұщымды жауап алды.

Қазалы ауданы әкімінің баспасөз қызметі

 
ТӘРТІП пен ТІЗГІН
27.11.2019 09:25

«Апат айтып келмейді». Бірақ! Сол бірақтың айналасында сұрақ көп. Жақында Қызылорда облыстық полиция департаменті қызметкерлері мас күйінде қоғамдық көлікті тізгіндеген жүргізушіні анықтапты. «Заңы әлсіздің зары бітпес» дегендей, бұл заңның солқылдақтығын көрсетпей ме? Одан бөлек, облыс көлемінде жол-көлік оқиғаларының саны 47 пайызға көбейген. Былтырғы жылы дәл осы мерзімде 330 жол апаты тіркелсе, биыл бұл көрсеткіш 485-ке жетіпті. Аталған тақырып төңірегінде облыстық полиция департаменті бастығының бірінші орынбасары, полиция полковнигі Шамшидин Амитов өңірлік коммуникациялар қызметінде өткен баспасөз брифингінде айтты.

Күні кеше ғана қала орталығында болған жағдай көптің үрейін ұшырды. Құзырлы орган өкілдері іле-шала мектептерде жол қауіпсіздігін сақтау мақсатында түсіндірме жұмыстарын жүргізуге кірісті. Дегенмен, мәселенің салдарымен емес, себебімен күресу маңызды ғой. Бұқараның біразы «Радарды қайта енгізу керек» дейді. Қолда бар мәліметке сүйенсек, жол жүру ережесін бұзғаны үшін 121 мыңнан аса құқықбұзушылық анықталса, оның 35 мыңға жуығы – жол апатына тікелей әсер ететін факторлар. Сондай-ақ, 1288 жүргізуші рульге мас күйінде отырған. Бұған байланысты ресми орган өкілі:

Радарды қайта қосуды біз шешпейміз, - деп қадап айтты.

Тағы бір айта кететін жайт, облыста соңғы үш жылда автокөліктердің саны 140 мыңнан 147 мыңға көбейген. «Батыс Еуропа – Батыс Қытай» автожолындағы көлік ағыны бұрын 3 мың болса, биыл 11 мыңға жеткен. Сондай-ақ, автожолдың ортасында бөлінетін қоршаудың жоқтығы да жол апатының артуына түрткі болып отыр.

Ал 2019 жылдың 10 айында 5011 қылмыс тіркелген. Өткен жылмен салыстырғанда 16 пайызға азайған.

Полиция департаменті аппараты қызметкерлерінен құралған арнайы топ аудан орталықтарын аралап, рейдтік іс-шаралар жүргізу тәжірибесін енгізді. Бұл бағыттағы жұмыстар жалғасуда. Апта сайын «Құқық тәртібі», «Түнгі қала», «Қауіпсіз аула», «Квадрат» атты қысқамерзімді жедел-профилактикалық шаралар жүргізілуде. Халықтың полицияға деген сенімін арттыру мақсатында «Ауладағы қабылдау», «Жолда қабылдау» акциялары өткізілуде. Акция аясында тұрғындармен тығыз қарым-қатынас орнатып, олардың арыз-шағымдары мен шешілмеген мәселелері сол жерде қаралып, нақты жауаптар мен түсіндірмелер берілді, - деді Шамшидин Егенбердіұлы.

Десе де, полиция өкілі ішкі істер саласында кемшіліктердің барын жоққа шығармады.

Өкініштісі, сыбайлас жемқорлық фактілеріне жол берген әріптестеріміз де бар. Сонымен қатар, полиция қызметкерлерінің кейбірінің этикасы төмендеу. Одан бөлек, әріптестеріміздің құқықтық сауаттылығы төмендеу, - деп ашып айтты облыстық полиция департаменті бастығының бірінші орынбасары.

Брифингте мал ұрлығына қатысты деректер де сөз болды. Жыл басынан бері 184 мал ұрлығы тіркелген. Төрт түліктің 50 пайыздан астамы бақташысыз, қараусыз қалуына байланысты өрістен жоғалған. Құқық қорғау органының мамандары 7 рет «Мал ұрлаушы» жедел-профилактикалық іс-шарасын ұйымдастырып, мал ұрлауды кәсіпке айналдырған 98 қылмыскерді құрықтады. Сөйтіп, олармен жасалған 113 қылмыстың ізі ашылған. Бұдан бөлек, мал ұрлығымен айналысқан 25 қылмыстық топ ұсталып, қолды болған 109 бас мал иелеріне қайтарылған.

Шамшадин Егенбердіұлы жол қауіпсіздігін қамтамасыз ету мақсатында облыс әкімдігіне бірнеше рет ұсыныс жасалғанын да жеткізді.

Қозы  Көрпеш  ЖАСАРАЛҰЛЫ

 
ҚАУЗАЛҒАН МӘСЕЛЕ ҚАРАУСЫЗ ҚАЛМАЙДЫ
26.11.2019 10:57

Өткен бейсенбіде «Бірыңғай (Ұлттық) азаматтарды қабылдау күні» жалпы республикалық іс-шарасы аясында облыс әкімдігінде қоғамдық қабылдау ұйымдастырылды. Оған аймақ басшысы Қуанышбек Ысқақов, облыс әкімінің орынбасарлары, қала әкімінің міндетін атқарушы Бектас Нұридинов және басқарма басшылары қатысып, жеке және заңды тұлғаларды мәселелері бойынша қабылдады.

Қабылдау таңертеңгі уақытта басталса да, облыс әкімімен кездесуге келген қауымның қарасы қалың. Әрқайсысы әрқилы мәселені алға тартады. Дегенмен, олардың басым бөлігі тұрғын үй, жер кезегі, әлеуметтік сала, қайырымдылық көмек пен жұмыспен қамтуға қатысты мәселелерді көтерді. Тіпті, алаяқтардың арбауына түсіп қалған азаматтар да бар. Солардың бірі – Гүлсая Махамбетова. Ол осыдан біршама уақыт бұрын кәсіп ашуға ниеттенген. Десе де, оны бір азамат «бизнес жүргізуге қолдау көрсетеміз» деп қаржысын алып, тақырға отырғызып кеткен көрінеді. Гүлсая «құқық қорғау органдарынан тиісті тергеп-тексеру амалдары жөнді жүргізілмеді» деп налиды. Өңір басшысы қала тұрғынының базынасын мұқият тыңдап, сала басшыларына аталған мәселені назарға алып, құқықтық тұрғыдан көмек көрсетуді тапсырды. Ал Қармақшы ауданынан келген Еркін Атабаев облыс әкімімен руханият төңірегінде өз ұсынысын айтты. Ол аудан орталығынан белгілі жырау Шәмшат Төлепованың құрметіне ескерткіш орнату керектігін жеткізді. Мұны облыс әкімі назарға алып, сала басшыларына зерттеп-зерделеуді тапсырды.

– Сағат 9-да басталған қабылдау кешке дейін жалғасты. Оған аймақ басшысынан бастап барлық сала басшылары қатысып, тұрғындар тілегін тыңдады. Келушілер тарапынан тұрғын үй, оның кезектілігі, әлеуметтік мәселе мен қайырымдылық көмектер тұрғысынан жиі сауалдар қойылды. Тиісті түсіндірме жұмыстары жүргізілді. Бұл шара аудандарда да өтіп, онлайн режимде көрсетілді. Бүгін шешімін таппаған мәселе алдағы уақытта шешіледі. Өйткені, бюджетке қатыстылары бар. Қабылдаудағы өтініштер бақылауда болады, - деді облыс әкімі аппаратының басшысы Ғалым Әміреев.

Айта кетейік, қабылдауға облыс бойынша 689 адам келді. Қозғалған мәселердің барлығы заң аясында шешілмек. Жауаптылар қоғамдық қабылдауда көтерілген жайттардың барлығы назардан тыс қалмайтынын айтты.

Халық-хабар

 
ТЕЛЕВИЗИЯДА САРАПТАМАЛЫҚ БАҒДАРЛАМАЛАР ЖОҚТЫҢ ҚАСЫ
26.11.2019 10:50

Дөңгелек дүниеде тозбайтын уақыт ғана. Қалғаны ағынмен артта қалады, ескіреді, жаңасы орын басады. Журналистикадағы ақпарат ағыны да солай. Жаңашылдық болады, небәрі секундта ақпарат ескіріп қалады. Тілшінің міндеті – сол дүние ағымындағы сан мыңдаған ақпараттарды дер кезінде сараптап, қалың оқырманға жолдау. Осы салада, оның ішінде қазақ телевизиясында лайықты бағасын алып үлгерген, сан мың көрерменнің көзайымына айналған Жайна Сламбек Сыр журналистерімен жүздесіп, көрген-білген тәжірибесімен бөлісті.

Жайнаны ақпаратты сараптауда алдына жан салмайтын, қара сөздің қаймағын қалқитын кәнігі жауынгер журналист ретінде ел таниды.  Оның кәсіби шеберлігі, факті мен объектіні экран алдында бір-бірімен селбестіре отырып баяндауы бұқараны баурап алады. Өзінен журналистика саласы бойынша сабақ алғысы келетіндерге: «Қазақстанда сараптамалық бағдарламалар жоқтың қасы» деп бастады дәрісін.

- Ұлттық арнадағы «Апта» бағдарламасы тақырыпты ашық айтатын болған соң, мен осы арнаға ауысуда көп ойланған жоқпын. Өйткені өздеріңіз білесіздер, мен көп жылдар бойы «Хабар» арнасында қызмет істеп жүрдім. Одан соң өзімді шеңбердің ішінде жүргендей сезіндім, маған еркін кеңістік керек болды. Осылайша «Астана» телеарнасына ауыстым. Онда «Біздің уақытта» мен көптеген тақырыптарға сараптама жасадым. Қазіргі «Апта» бағдарламасында Президентке ода айтып ешкім материал беріп жатқан жоқ. Осыдан-ақ біраз нәрсені байқауға болады,- деді Жайна Сламбек.

Қоғамның қалтарыс тұсын ғана көрсетуге машықтанған Жайна Сламбек қазіргі журналистикада кездесетін кедергілерді айтты. Мәселен, ақпарат жинау кезінде оқиғаға қатысты құзырлы орган басшыларының сұхбат беруден ат-тонын ала қашатындығы журналистік өнімге көп кедергісін тигізеді. Мұндайда ол басшылардың бой көрсетуден бас тартқандығын сюжетке қыстыра қоятындығын жеткізді. Осындай экран элементтері немесе сарказмды эмоция арқылы биліктің айтуға болмайтын (тыйым салынған) дүниелерін бере салуға да болады екен.

Шеберлік сыныбына қатысуға келген тілшілер тарапынан түрлі сауалдар жолданды. Жайна Сламбек білгенімен барынша бөлісті.

Әйгерім  НАЖМАДИН

 

P.S. Жуырда Балтабек Нұрғалиев деген ақын жігіттің: «Менен асқан ақын жоқ» деп көгілдір экранның арғы жағында отырып кеуде қаққаны әлі ел арасында қызу талқыға түсіп жүр. Тілшілер қауымында да бірін-бірі мойындай қоймайтын тым жаман әдет деуге келер ме екен, қадірсіз бір үрдіс тараған. Жайна Сламбектің «Қазақстанда менің сараптамалық бағдарламамдай туынды, маған бәсекелес бағдарлама жоқ» деген бірауыз сөзі біздің төбеге көтеріп отырған туымызды бір мезгілде жыға салғандай әсер қалдырды. Қолпаштаған сайын қарапайымдылықтан қалып бара жатқан жоқпыз ба, әлде асқақтық шығармашыл адамдарға тән қалыпты дүние ме, түсінбей қайттық.

 
ТЕГІН ЕМДЕЛУ ҮШІН ТІРКЕЛУ КЕРЕК
26.11.2019 10:46

Есіктен енгелі тұрған жылдың қаңтарынан бастап елімізде міндетті әлеуметтік медициналық сақтандыру жүйесі қолданылатыны бәрімізге мәлім. Сонда да болса ел арасында осы жүйенің ақ-қарасын анықтай алмай, мәнісін түбегейлі түсінбей жүргендер көп. Осыған байланысты «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Руслан Бектібаев аймақ көлемінде түсіндіру жұмыстары сәтті жүргізіліп жатқандығын жеткізді.

Қазір арнайы топ жұмысының нәтижесінде облыс халқының 80 пайыздан астамы МӘМС жайында мәліметтер алды.

- Медициналық көмек алғысы келетін адамның барлығы негізінен тіркеуде, яғни оның статусы белгілі болуы керек. Ол мейлі жалдамалы жұмысшы, кәсіпкер немесе өзге де маман иесі болсын тіркеуде тұруға міндеттеледі. МӘМС жүйесінің тиімділігі сол, медициналық көмекті тегін ала аласың, - деді Р.Бектібаев.

Оның айтуынша, МӘМС жүйесі көлеңкелі бизнесті анықтауға да көмегін тигізіп жатыр. Өйткені қарапайым құрылысшы еңбек шартынсыз жұмысқа орналасады. Алайда ол ақшасын қолма-қол алғандықтан, оған ешқандай МӘМС жарнасы заңды түрде аударылмайды. Денсаулығына зақым келіп, емделуге келгенде оның жұмыс орны, айлық жалақысы бар жұмыс істесе де, МӘМС жарнасы аударылмайтындығы анықталады. Осылайша қай кәсіпорын, қай кәсіпкердің заңсыз жұмыс істеп отырғандығы өзінен-өзі анықтала түседі.

Медициналық сақтандыру жүйесі жұмыскердің еңбекке уақытша жарамсыздығынан туындайтын өндірістік шығындарды қысқартуға мүмкіндік береді. Статистикалық мәліметтерге сүйенсек, Қазақстанда жыл сайын 2,6 миллионнан астам адам жұмысқа уақытша қабілетсіздігіне байланысты еңбекке жарамсыздық парақтарын алады. Әр жұмыскердің күн сайын 12,6 мың теңгенің өнімін өндіретінін (немесе қызметін көрсететінін) ескерсек, жұмыс берушілердің жыл сайынғы шығыны 370 млрд теңгеге жуықтайды. Міндетті әлеуметтік медициналық сақтандыру шеңберінде сапалы алғашқы көмек алу, қажетті дәрі-дәрмектермен қамтамасыз ету, еліміздегі үздік клиникаларда тиімді емделу және қымбат бағалы операциялар жасату мүмкіндігі жұмыс істейтін әр азаматтың денсаулығын сақтауға, еңбекке жарамсыздық қағаздарының мерзімін қысқартуға және жұмыс берушілердің шығындарын азайтуға ықпал етпек.

Қазіргі таңда экономикалық жағдай едәуір жақсарды. Отандық кәсіпорындарда 6,5 миллионнан астам адам жұмыс істейді. Жұмыс берушілер «Әлеуметтік медициналық сақтандыру қорына» өз қызметкерлері үшін 23 млрд теңге аударады. Осы жерде халықтың экономикалық белсенділігі төмен тобын сақтандыруды мемлекет өз мойнына алып отырғанын атап өту қажет. Сол арқылы үкімет енгізіліп отырған медициналық сақтандыру жүйесінің тұрақты қызмет етуіне жағдай жасамақ.

Айта кетейік, МӘМС-тің қолданысқа енгізілуіне орай журналистер, фотографтар, блогерлер оқырмандар мен көрермендерге міндетті әлеуметтік медициналық сақтандыру тақырыбын жариялау үшін «Баршаға қолжетімді медицина» шығармашылық байқауының аясында өз материалдарын ұсынады. Конкурстың негізгі мақсаты – денсаулық сақтау саласында қоғамның, мемлекеттің және бизнестің ортақ жауапкершілігі идеясын ілгерілетуге ықпал ету, медицина қызметкерлерінің мәртебесін көтеру, халықты тегін медициналық көмектің кепілдік көлемі мен міндетті әлеуметтік медициналық сақтандыру туралы хабардар ету. Ниет білдіруші БАҚ өкілі «Әлеуметтік медициналық сақтандыру қоры» КЕАҚ Қызылорда облысы бойынша филиалына хабарласа алады.

Ә.НАЖМАДИНҚЫЗЫ

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Шілде 2019 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары