Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1581
mod_vvisit_counterКеше2779
mod_vvisit_counterОсы аптада13251
mod_vvisit_counterӨткен аптада18090
mod_vvisit_counterОсы айда15681
mod_vvisit_counterӨткен айда58946
mod_vvisit_counterБәрі4196771


Өзекті мәселелер

  • 05.12.19

    «Құмкөл-Қызылорда» авто­жолы­ның 70-інші шақырымында «Кеңлік» кен орнынан Шымкент қаласына бағыт­ алған «Neoplan» маркалы автобус­ аударылып, 8 адам қаза тапты. 21 адам жарақат алған. Мәліметтерге сүйенсек, автобус ішінде барлығы 36 адам болған. Олардың барлығы – «Саутс Ойл» мұнай компаниясының қызметкерлері» деген ақпарат барша қазақстандықтың қабырғасын қа­йысты­рғаны  анық.

    Толығырақ...
  • 05.12.19

    Алты құрлықты ақпарат билеген уақытта оған ілесіп отырудың өзі жетіс­тік. Соңғы жылдары «жаңа медианың келешегі кемел, ал дәстүрлі БАҚ-тың болашағы бұлыңғыр» деген пікір бірен-саран айтылып жүр. Қай медианың алға озып, қайсысы артта қалатыны уақыт еншісіндегі дүние деп білеміз. Бірақ ел алдымен интернетте жылт еткен жаңалыққа емес, газет бетінде қатталған хабар­ға сенетіні анық. Ол – ақиқат. Толығырақ...

  • 05.12.19

     

    Ерғали  АБДУЛЛА


    Қу  ақша

    Бермеймін дегенді – бергізеді. Көрмеймін деге...

    Толығырақ...
  • 05.12.19

    Арнайы  бетіміздің  тұрақты айдарындағы кезекті қонағымызбен  сұхбаттасудың  сәті түсті. Бұған дейін есепшілер мен ұстаздар әулеті туралы жазған болатынбыз. Жасыратын түгі жоқ, бұл жолы кейіпкер таңдау оңайға соқпады. Нәти­жесі­нде таңдау арманы – бір, мақсаты – ортақ, бол­мысы – егіз, бірге оқып, медицина саласында бірге қызмет етіп, бір шаңырақтың түтінін түзу ұшырып отырған дәріг...

    Толығырақ...
  • 05.12.19

    Тұңғыш Президент Н.Ә.Назарбаев өткен жылғы 5 қазандағы Жолдауында «2019 жыл – Жастар жылы» деп жариялады. Жыл аяғы жақын. Күні бүгінге дейін елімізде жастар мәселесі бойынша озық істер орындалып, межелі мақсаттарға қол жеткізілді. Елбасы өзінің «Тәуелсіздік дәуірі» атты кітабында: «Менің ойымш­а, біздің жастар елеспен өмір сүрмеуге тиіс. «Қазақстанның әлеуметтік жаңғыртылуы: Жалпыға орт...

    Толығырақ...
Халық-хабар
ҚАЗАЛЫДА РЕСПУБЛИКАЛЫҚ «ХАЛЫҚ ЗАҢГЕРІ» АКЦИЯСЫ ӨТТІ
25.11.2019 10:20

Өткен жұмада еліміздің барлық қалаларында бір уақытта «Халық заңгері» атты кең ауқымды республикалық науқан өтті. Тұрғындардың сауалдарына адвокаттар, заңгерлер және мемлекет өкілдері заң төңірегінде жауап беріп, заң саласында бағыт-бағдар көрсетті.

Республикалық «Халық заңгері» акциясы Қазалы ауданында да ұйымдастырылды.

Әйтеке би кенттік клубында өткен акция барысында мемлекеттік органдар өкілдері аудан көлеміндегі бақылау-қадағалау, құқық қорғау, денсаулық, білім, ауыл шаруашылығы, тұрғын үй, жер қатынастары, кірістер, халыққа қызмет көрсету салаларына қатысты әлеуметтік мәселелер бойынша тұрғындардың өтініштерін қабылдады.

Аудан тұрғындары негізінен нәтижелі жұмыспен қамту, мемлекеттік бағдарламалар, кәсіпкерлік, алимент өндіру, т.б. мәселелермен көмекке жүгінді.

Айта кетейік, республикалық акцияның өтуіне zakon.kz интернет-басылымы, Қазақстан Республикасының Сыбайлас жемқорлыққа қарсы іс-қимыл агенттігі және Параграф ақпараттық жүйесі мұрындық болды. Сонымен қатар бұл науқанды Қазақстанның үздік заңгерлері мен адвокаттары бірауыздан қолдады.

Қазалы ауданы әкімінің баспасөз қызметі

 
БОКСТАН РЕСПУБЛИКАЛЫҚ ТУРНИР МӘРЕСІНЕ ЖЕТТІ
25.11.2019 09:50

Қармақшы ауданында жасындай жарқ еткен жұлдыз, жаста болса ауданның спорт әлеміне өзіндік үлесін қосқан Нысанбаев Ерлан Бақытжанұлын еске алуға арналған бокстан жасөспірімдер арасында алтыншы мәрте ұйымдастырылған республикалық турнир өз мәресіне жетті.

Жарыс қортындысы бойынша 2004-2005 жылы туылғандар арасында 32 кг салмақта І орын Бердібеков Серік (Қармақшы), ІІ орын Абдрахманов Ерасыл (Қармақшы), ІІІ орын Назымбеков Нурперзент (Қармақшы), ІІІ орын Мүсірбеков Бекзат (Төретам кенті),

44 кг. салмақта І орын Ефенов Бейбарыс (Қармақшы), ІІ орын Сансызбаев Өміржан (Атырау), ІІІ орын Нұрбақыт Нұрманжан (Алматы облысы), ІІІ орын Жансеріков Қанат (Қармақшы);

46 кг. салмақта І орын Наурызбекұлы Айдын (Қармақшы), ІІ орын Үбайдаев Нағи (Сырдария), ІІІ орын Қуанышбек Мақсат (Қармақшы), ІІІ орын Амангелдиев Ақылжан (Қармақшы);

48 кг салмақ бойынша І орын Болатов Арсен (Қармақшы), ІІ орын Жеткерген Абдулхамит(Қармақшы), ІІІ орын Төрша Нурсултан (Қармақшы), ІІІ орын Абдіқадыров Данил (Қармақшы);

50 кг салмақта І орын Мамырбекұлы Рамазан (Қызылорда), ІІ орын Пірманбаев Диас (Қармақшы),  ІІІ орын Құсайынов Мұрат (Атырау), ІІІ орын Мыңжасаров Жасұлан (Сырдария);

52 кг салмақта І орын Дәулетов Алихан (Атырау), ІІ орын Исаев Нурасыл (Қармақшы),  ІІІ орын Қорғанбек Мирас (Қармақшы), ІІІ орын Нурмашов Нуржан (Байконыр);

54 кг салмақта І орын Муратов Досымжан (Қармақшы), ІІ орын Есенбаев Ахметали (Байкоңыр),  ІІІ орын Маратов Дамир (Атырау), ІІІ орын Жайшылықов Әділ (Қармақшы),

57 кг салмақта І орын Нағашыбаев Өркен (Қармақшы),  ІІ орын Рахатов Тимур (Қызылорда), ІІІ орын Бақтығали Арсен (Алматы), ІІІ орын Айжарық Даниял (Қызылорда);

60 кг салмақта І орын Ахметбеков Айбек (Қармақшы), ІІ орын Қожабай Нүриман (Сырдария), ІІІ орын Темірбаев Диас (Байкоңыр), ІІІ орын Оразалиев Арсен (Төретам кенті),

63 кг салмақта І орын Нұрзақ Алихан (Алматы), ІІ орын Жеткеров Шерхан (Қармақшы), ІІІ орын Тұсынбеков Еркебұлан (Қармақшы),

66 кг салмақта І орын Туретай Диас (Атырау), ІІ орын Қалмаханов Ақниет (Қармақшы), ІІІ орын Қаржауов Ержол (Байқоңыр)

70 кг салмақта І орын Садуақасов Біржан (Сырдария), ІІ орын Жолдасбаев Серікболсын (Жосалы кенті), ІІІ орын Кажденбек Қолғанат (Жосалы кенті), ІІІ орын Орман Шыңғысхан (Алматы),

80 кг салмақ бойынша І орын Аманжолов Асылхан (Қармақшы), ІІ орын Самалбеков Ерасыл (Қармақшы), ІІІ орын Өтеген Асылжан (Атырау), ІІІ орын Серіков Дархан (Атырау).

Сонымен бірге «Үздік боксшы» номинациясы бойынша Ефенов Бейбарыс (Қармақшы), «Белсенді жігерлігі үшін» номнациясымен Самалбеков Ерасыл (Қармақшы) марапатталды.

Спорттық шараның негізгі мақсаты Ерлан Нысанбаевты еске ала отырып, жасөспірімдер арасында бокс спорт түрін дамыту, саламатты өмір салтын насихаттау, боксшылардың спорттық шеберлігін шыңдау болып табылады.

Аудандымызда өткізіліп отырған бокс бәсекесінде жас боксшыларымыздың шеберлігін шыңдауға мүмкіндік туғызып, бокс спортында жаңа есімдердің танылуына жол ашатынына сенімдіміз.

Ашық турнир соңында аудандық дене шынықтыру және спорт бөлімінің басшысы Н. Мырзабев және Ерлан Нысанбаевтың бауырлары мен достары жарыс жеңімпаздарын марапаттап, сый-сияпат жасады.

Қармақшы ауданы әкімінің баспасөз қызметі

 
Қызылордада жантүршігерлік жол апатынан қаза тапқандардың отбасына көмек көрсетіледі
22.11.2019 17:21

Қызылорда қаласындағы аялдаманың бірінде болған жантүршігерлік жол-көлік оқиғасы орнында қаза тапқан 3 адамның және көп жарақаты салдарынан ауруханада көз жұмған баланың отбасына облыстық әкімдік тарапынан көмек көрсетіледі. Бұл туралы елордада ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов мәлімдеді.

Брифинг кезінде Қызылорда облысы әкіміне 21 қараша күні болған жол-көлік оқиғасы туралы БАҚ өкілдері: «Сұмдық апат туралы не айтасыз? Қазір қандай шаралар қолға алынып жатыр? Қандай да бір көмек болады ма?» деген сауалдарын қойды.

«Бұл оқиға туралы облыстық әкімдіктің тиісті басқармалары мен Қызылорда қаласының әкіміне қатаң тапсырма берілді. Олар менің атымнан жол апатынан көз жұмған адамдардың отбасыларына барып көңіл айтты. Бүгінгі таңда аталған оқиғаның мән-жайы зерттеліп жатыр. Қаза тапқан 3 бала мен 1 адамның отбасына облыстық, қалалық әкімдік тарапынан көмек көрсетіледі», – деп жауап қатты облыс әкімі Қ. Ысқақов.

Естеріңізге сала кетелік, жол апаты кеше сағат 09.15 шамасында Назарбаев даңғылы бойында болған. «Тойота Камри» маркалы автокөлігі «Mercedes-Benz» көлігін сол қапталынан келіп соққан. Салдарынан «Тойота Камри» жүргізушісі көлікті басқара алмай, автобус аялдамасында тұрған адамдарды басып кеткен.

 
Нан бағасының қымбаттығынан Қызылорда 5-орында тұр
22.11.2019 17:20

Елордада Қызылорда облысының әкімі Қ.Ысқақов БАҚ өкілдеріне әлеуметтік-экономикалық даму қорытындылары туралы брифинг өткізді. Брифинг барысында аймақ басшысы сұрақтарға жауап берді.

– Қызылорда облысында нан бағасы қаншалықты тұрақты?

– Солтүстік өңірлерде қуаңшылық, күн райының ыстық болуына байланысты және экспортқа шығаратын өнімнің көлемі көбеюіне орай нан бағасы көп өңірлерде қымбаттады. Өзге өңірлер секілді Қызылорда облысында да нан бағасы қымбаттады. Қыркүйек айында нан бағасы 60-65 теңге болатын болса, қазір 75-78 теңге жетті. Дегенмен, облыста тұрақтандыру қоры жұмыс істейді. Қор арқылы нан бағасын және халықтың көп тұтынатын азық-түлік өнімдерінің бағасын өсірмеу мақсатында жұмыс жүргізілуде. Президент әкімшілігі, Үкімет тарапынан да тиісті талаптар қойылды. Жыл басында 2 мың тонна ұн алынып, маусым айында таусылды. Сол уақытта Арал қаласындағы ұн өңдеу комбинатынан 700 тонна ұн алынды. Жақын арада тағы да осы комбинаттан қалған ұн әкелінетін болады.

Аймақтағы наубайханаларды арзан ұнмен қамтамасыз ету үшін Шымкент қаласынан тоннасы 105 мың теңге тұратын ұн өнімін алдырып отырмыз. Сонымен қатар Рудный қаласындағы компаниямен келісімшартқа отырып, 1 мың тонна арзандатылған ұн алғалы отырмыз.

Жалпы, нан бағасының қымбаттауына байланысты Қызылорда облысы республика бойынша 5-орында, - деп жауап берді аталған сұраққа аймақ басшысы.

 
СЫР ЕЛІНДЕ СЕРПІН БАР
22.11.2019 16:50

Сырдарияның сол жағалауында 28 көпқабатты тұрғын үй салынады

 

Бұл туралы Нұр-Сұлтан қаласында ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов айтты.

«1064 пәтерлік 22 көпқабатты тұрғын үй салынды, оның 14-і (604 пәтер) жеке инвесторлармен салынған. Одан бөлек, 1190 пәтерлік 28 тұрғын үйдің құрылысы жүруде. Жаңа қаланың жас отбасыларына жағдай жасау үшін 320 орындық балабақша салынды. «Болашақ» университетінің кампусы құрылысы да аяқталуға жақын», – дейді аймақ басшысы.

Алдағы жылдары дарияның сол жағалауында Неке Сарайы, дарынды балаларға арналған физика-математикаға бейімделген мектеп-интернат пен жатақхана, жабық көпсалалы футбол манежі, музыкалық драма театр, көпсалалы аурухана, сауда-жәрмеңке кешені және тағы басқа нысандар бой көтереді.

«Жеке инвесторлардың күшімен сол жағалауды дамыта отырып, мемлекет үшін де, бизнес үшін де тиімді жобаны іске асырамыз. Себебі, бюджет есебінен тек инженерлік коммуникацияларын тарта отырып, өткен жылы инвесторлар есебінен тұтастай шағын аудан құрдық», – дейді Қуанышбек Ысқақов.

 

Қызылордада облыс халқының 97%-ы сумен қамтылған

Аймақ басшысы өңірде сумен қамтамасыз ету және газбен жабдықтау мәселелері қатар шешіліп жатқандығын жеткізді.

«Бұл да халықтың өмір сүру деңгейі мен сапасының маңызды факторлары. Бүгінгі күні облыс халқының 97%-ы орталықтандырылған сумен қамтамасыз етілген, ал, халықтың 63%-ы табиғи газды тұтынуға мүмкіндік алды», – деді ол брифингте.

 

Сыр өңірінде 2020 жылы көгілдір отын мәселесі толықтай шешілмек

Соңғы жылдары Қызылорда қаласы және облыстағы 7 аудан орталығының 4-уі газдандырылған. Ал, 2017 жылы Байқоңыр қаласына газ берілді.

«2018 жылы қалған 3 аудан орталығына – Жосалы, Тереңөзек және Жалағашқа жеткізіп, биылғы жылы кентішілік газ желісінің құрылысын бастадық. Осылайша, 2020 жылы осы кенттердің тұрғындары көгілдір отынды тұтыну мүмкіндігіне ие болады», – деді аймақ басшысы Қ. Ысқақов.

 

Қызылорда облысында 19 әлеуметтік нысанның құрылысы жүргізіліп жатыр

 

«Әрине, экономиканы әртараптандыруға және инженерлік инфрақұрылымды дамытуға баса назар аудара отырып, біз әлеуметтік салаға баса көңіл бөлудеміз», – деді аймақ басшысы брифингте.

Аймақ басшысының айтуынша, облыста биылдың өзінде  19 әлеуметтік нысанның құрылысы жүргізіліп жатыр. Оның 9-ы білім беру, 4-уі денсаулық сақтау, 3-уі мәдениет, 2-уі спорт саласына тиісті.

«Оның 6-уы пайдалануға берілді, тағы 4-уі осы жылдың соңына дейін берілетін болады, қалғандарын 2020 жылы іске қосамыз», дейді облыс әкімі Қ.Ысқақов.

 

 

Қызылордада 22 жаңа медициналық нысан бой көтереді

Бүгінде Сыр өңірінің денсаулық сақтау саласында көптеген қордаланған өзекті мәселелер шешімін тауып, апатты жағдайдағы нысандар азайған. Сондай-ақ, осы саладағы мамандар тапшылығы да өз шешімін таба бастаған.

«Ағымдағы жылы денсаулық сақтау саласындағы апаттық жағдайдағы нысандар мәселесін толығымен шешеміз. Енді алдымызда – типтік емес, бейімделген ғимараттарда орналасқан медициналық мекемелердің мәселесін шешу міндеті тұр. Оған тиісті жұмыс істеп жатырмыз.  22 жаңа медициналық нысан құрылысын сала отырып, бұл мәселені 2025 жылға қарай толығымен шешетін боламыз», – деді өңір басшысы Қ. Ысқақов.

Өңірде мамандар тапшылығы мәселесін шешу мақсатында 2016 жылдан бастап облыс әкімінің грантын енгізілген. Бүгінде 53 резидент Қазақстанның 5 жетекші жоғары оқу орындарында дәріс алуда.

Биыл 15 білікті дәрігер өңірге келіп, аймаққа қажетті мамандықтар бойынша қызмет етуді бастаған.

Ал, өткен жылдан бастап жалпы практикадағы дәрігерлерді оқыту үшін облыс әкімінің арнайы грантын бөлу қолға алынып, бүгінде бұл гранттарды 60-тан астам маман иеленген.

Бұдан бөлек, облыста соңғы 3 жыл ішінде қосымша 61 дәрігерлік учаскелер ашылған. Бұл жалпы практикадағы дәрігерге бекітілген халық санын 2017 жылғы 2200 адамнан бүгінгі күні 1683 адамға дейін қысқартуға мүмкіндік берді. Жыл аяғына дейін бұл көрсеткішті 1600 адамға дейін, ал, 2020 жылы 1500 адамға дейін жеткізілетін болады.

«Атқарылған жұмыстардың нәтижесінде ағымдағы жылы қан айналымы жүйесі ауруынан өлім-жітім 11,3 пайызға, жарақат, улану және жазатайым оқиғалардан өлім-жітім – 0,6 пайызға, қатерлі ісіктен өлім-жітім 21,4 пайызға азайды, ал, онкология ауруларын бастапқы стадияда анықтау көрсеткіші 15 пайызға артты», – деп атап өтті облыс әкімі.

 

 

Қызылорда облысында мұғалімдер жұмысқа автоматтандырылған жүйе арқылы қабылданады

Қызылорда облысында 3-6 жас аралығындағы балаларды мектепке дейінгі тәрбиемен қамту 2015 жылы 100 пайызға жеткен. Сондай-ақ, өңірдегі апаттық жағдайдағы және үш ауысымдық мектептер мәселесі толығымен шешілген. Осының арқасында аймақтағы білім беру деңгейі біршама көтерілген.

Соңғы үш жыл ішінде мектеп түлектерінің 98 пайызы жоғарғы оқу орындарына және колледждерге түскен. 500-ден аса мектеп түлектері Ресей Федерациясы Үкіметінің гранты есебінен Ресейдің жетекші техникалық жоғарғы оқу орындарында білім алуда.

Аймақ басшысы брифингте облыстағы білім беру жүйесіне жеке секторды жаппай тарту міндетін қойып отырғандығын жеткізді. Енді жеке мектептерді дамыту, жатақханалар мәселелері инвесторлар қаражаты арқылы шешіледі. Ал, колледждер сенімді басқаруға беріледі.

Жемқорлық тәуекелдерін төмендету мақсатында білім беру саласындағы барлық мемлекеттік қызметтер кезең-кезеңімен электрондық форматқа көшірілмек.

«Бұл – барлық деңгейдегі педагогтарды жұмысқа, атап айтқанда, балабақша, мектептер, колледждерге, ал, балаларды бірінші сыныпқа, мектептерге оқушылар қабылдау және тағы басқа қызметтер. Биыл 100-ге жуық мұғалім автоматтандырылған жүйе арқылы жұмысқа қабылданды. Ал, 1-ші қарашадан бастап облыстың барлық мектептеріне бірыңғай сайттар қосылатын болады», – деп мәлімдеді өңір басшысы.

Сондай-ақ, ол блыста келесі жылы мектептер заманауи инновациялық физика, химия, биология кабинеттерімен жабдықталатынын жеткізді.

 

Басты жаңалық – «Қайсардың» жеңісі

Биыл Қызылорда облысының спорт саласындағы басты жаңалығы – «Қайсар» футбол командасының Қазақстан Кубогы ойындарында жеңімпаз атануы болды. Осылайша қайсарлықтар 20 жыл уақыттан кейін екінші рет финалға жолдама алды. «Қасқырлардың» ендігі міндеті – Европа Лигасында лайықты ойнау.

Спорт саласы бойынша Сыр өңірі чемпиондарға кенде емес. Сонымен қатар үздік үштіктер қатарынан көрініп келе жатқан спортшылар да аймақ мақтанышы. «Екатеринбург қаласында өткен бокстан Әлем чемпионатында спортшыларымыз Қамшыбек Қоңқабаев күміс, Тұрсынбай Құлахметов қола алды. Ал, Нұр-Сұлтан қаласында өткен еркін күрестен Әлем чемионатында Дәулет Ниязбеков күміс жүлде алып, Токио қаласында өтетін ХХХІІ жазғы Олимпиада ойындарының лицензиясын иеленді. Біздің сүйікті Элизабет Тұрсынбаевамыз Шанхай қаласында мәнерлеп сырғанаудан өткен халықаралық турнирде күміс жүлде алды», – дейді аймақ басшысы.

 

 

Сыр еліндегі тарихи қалашықтарда археологиялық қазба жұмыстары жалғасуда

Облыс әкімі Рухани және қоғамдық құндылықтарды қалыптастыруда мәдениеттің ықпалы зор екенін атап өтті.

«Былтыр 28 қарашада Маврикий Республикасында өткен Біріккен Ұлттар Ұйымы жанындағы ЮНЕСКО-ның 13-сессиясында Қорқыт Ата рухани мұралары ғаламдық материалдық емес мұралар тізіміне енді. Бұл жұмыстарды төрт жыл бойы түркиялық, әзірбайжандық әріптестерімізбен бірге атқардық.

Ұлы Қорқыт ата мұраларын жаһандық мәдени мұра тізіміне енгізу бастамасы, негізінен бізге тиесілі. Осы жұмыстар аясында біз биыл түркітілдес елдердің «Қорқыт және Ұлы дала сазы» халықаралық өнер фестивалін бесінші рет өткіздік. Оған Түркия, Иран, Сербия, Саха, Татарстан, Әзірбайжан және басқа да елдерден белгілі ғалымдар қатысып, 200-ге жуық өнер шеберлері мен шығармашылық ұжымдар келді, – дейді аймақ басшысы.

Айта кетейік, ежелгі және ортағасырлық Сығанақ, Жанкент, Сортөбе, Шірік-Рабат, Жент, Бәбіш-мола, Қышқала қалашықтарына археологиялық қазба жұмыстары жалғасуда. Биыл Сығанақ қалашағындағы қазба жұмыстары кезінде «ежелгі қорымнан» ХІІІ-ХІҮ ғасырлардағы алтын бұйымдар (сырға, алқа, қапсырмалар, моншақтар, керамикалық қаптамалар) табылып, ғылыми зерттеуге жіберілді.

 

Қызылордада инвесторлармен 42 жобаға қол қойылды

«Әлеуметтік маңызды мәселелерімізді шешуде бізге мемлекеттік-жекешелік әріптестікті дамыту үлкен демеу болды. Мәселен, мемлекеттік-жекешелік әріптестік арқасында өткен жылдары «Балапан» бағдарламасын мерзімінен бұрын орындай алдық», – дейді облыс әкімі.

Қазіргі таңда денсаулық сақтау, білім беру, мәдениет, спорт, қоғамдық тәртіп, тұрғын үй коммуналдық шаруашылығы және тағы басқа салаларда 142 жоба бар. Олардың 42-сі бойынша инвесторлармен жобаларды жүзеге асыру туралы келісім шартқа қол қойылған.

Бүгінде Қызылорда облысында мемлекеттік-жекешелік әріптестік принципін пайдалана отырып, жеке инвесторларды ынталандыру, тарту жолға қойылған. Осы арқылы аймақтағы маңызды мәселелер шешімін табуда. Сонымен қатар мемлекеттік-жекешелік әріптестік принципін пайдалану бюджет қаражатын үнемдеп, оларды басқа да әлеуметтік-маңызды мәселелерді шешуге бағытталады.

 

Байқоңыр қаласын дамыту күн тәртібінен түспейді

Бүгінде Қызылорда облысында Үкіметпен бірлесіп Байқоңыр қаласын, сондай-ақ, оған іргелес жатқан Төретам және Ақай елді мекендерін дамытуға республикалық бюджеттен қаржыландыруды ұлғайту бойынша жұмыс жүргізілуде.

«Мәселен, биыл Байқоңыр қаласында тұрып жатқан Қазақстан Республикасы азаматтарына арналған 50 пәтерлік 5 үйдің құрылысын аяқтадық. Бұл екіжақты қарым-қатынас аясындағы үлкен жетістік, себебі, өздеріңіз білетіндей, қала негізінен Ресей Федерациясының юрисдикциясында қызмет етуде», – деп атап өтті аймақ басшысы.

Оған қоса тағы 5 көппәтерлік тұрғын үйлердің құрылысын салу жөнінде шешім қабылданған.

Сонымен қатар, қайта жаңғыртуға жататын қаланың су құбыры және кәріздік жүйелері жалға беруден шығарылып, 7 жылғы мерзімге Қызылорда облысының коммуналдық меншігіне берілді.

 

Төрт кәсіпорынның Еуропа елдеріне балық өнімін жөнелтуге лицензиялары бар

Нұр-Сұлтан қаласында ҚР Президенті жанындағы Орталық коммуникациялар қызметінде өткен брифингте Қызылорда облысының әкімі Қуанышбек Ысқақов БАҚ өкілдерінің сұрақтарына да жауап берді.

-Аймақтағы балық шаруашылығы және «Саратс-2» жобасы жайында айтып өтсеңіз.

- «Саратс-1» жобасы аяқталып, қазір «Саратс-2» жобасы іске қосылып жатыр. Бұл жоба 6 компаненттен тұрады. Сырдария өзенінің арнасын жөндеу және Солтүстік Арал теңізін сақтап қалу жобасы. Жоба аясында Арал теңізін екіге бөлген болатынбыз. Ортасынан 14 шақырымнан тұратын «Көкарал» дамбасын салып,оңтүстік және солтүстік Арал құрдық. Қызылорда өңірінің төңірегіндегі солтүстік Арал қалыпқа келуде. Кезінде ата-бабасының кәсібін жалғастырушы қазіргі күні осы жерде балық шаруашылығын дамытуда. Теңіз тартылған уақытта жойылып кеткен балық түрлері де көбеюде.

Қазіргі кезде «Саратас-2» жобасының 4 бағдарламасы жүзеге асуда. Оның 3-і республикалық бюджеттің есебінен іске асырылуда.

Мемлекет басышысы Қасым-Жомарт Тоқаевтың халыққа жолдауында ең басты мақсат ауыл шаруашылығы өнімдеріне көңіл бөлу қажеттігі айтылған болатын. осы бағытта Қызылорда облысы Арал ауданында балық шаруашылығымен айналысатын 9 кәсіпорын бар. Олардың ішінде 4 кәсіпорында Еуропаға балық өнімін жөнелтуге лицензиялары бар.

Жалпы, «Саратс-2» жобасы бойынша жұмыс жүруде. Сонымен қатар өңірде балық шаруашылығы да дамуда.

Мәліметтер kyzylorda-news.kz ақпарат агенттігінен алынды

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Шілде 2019 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары