Өзекті мәселелер

  • 09.08.18

    Ел іші ешқашан даусыз болмаған. Бұрында да ренжісіп, жер, жесір дауы үшін бір-бірімен араздасқан адамдар өмір сүрген. Әсіресе, жайылымдық жер үшін таласып, бірінің малын екіншісі қуып шыққан сәттер әдебиеттерден белгілі. Алайда ол кезде қазіргідей сот билігі болмаса да, ата-бабаларымыз шыңыраулы түрмесіз-ақ сол дауды бейбіт жолмен шешіп, екі тарапты бір ауыз сөзбен татуластыра білг...

    Толығырақ...
  • 09.08.18

    Біздің «Алдымен экономика, cодан  соң  саясат» деген­ айқын  формуламен ілгерілеп келе жатқанымызды мемлекет басшысы ай­қындап берген. Саяси реформалардың әрбір кезеңі эко­номика дамуы­ның  шекті  деңгейімен ұштасады. Сондықтан да біз саяси ырықтандыру жолын дәйекті ұстанудамыз. Осылайша халықтың рухани қазынасын жаңғыртып, оны бәсекеге қабілетті етуге қол жеткіземіз. Ал білі­мі мен білігі сай ...

    Толығырақ...
  • 09.08.18

    Бас шаһардың әр бұры­лысында жер қазылып жат­қандығын байқаған шығарсыз. Шыны керек, облыс ортал­ығында жыл сайын осындай шаруалар шығады да тұрады. Бұған наразы тұр­ғындар жергілікті билікті сынап­ әлек. Бұл мәселенің мәнісі былай екен. Оны қала әкімі Нұрлыбек Нәлібаевпен бірге бірқатар құрылыс нысандарын  аралау  барысында біліп  қайттық.

  • 09.08.18

    Өткен жұмада республикалық Қоғамдық кеңес төрағасы, ҚР Парламенті Сенатының депутаты Бақытжан Жұмағұлов пен «Нұр Отан» партиясының хатшысы Фархад Қуанғанов бас­таған делегация Сыр өңіріне жұмыс сапары­мен келді. Олар бірқатар ны­сан­дарды аралап, мемлекет басшысының 5 әлеуметтік бастамасының жүзеге асыры­лу  барысымен  танысты.

  • 09.08.18

    Н.НӘЛІБАЕВ,  қала  әкімі:

    Қала әкімдігінің мәжіліс залында өткен кезекті жиында екі мәселе қаралды. Әуел­гісі Қызылорда қаласының жылу маусымына дайындығы туралы болса, екіншісі кент және ауылдық округтердегі 4-деңгейлі бюджеттің орындалу  барысына  арналды. Қала әкімі Н.Нәлібаев аппарат мәжілісіне арқау болған тақырыптарды айт...

    Толығырақ...
Халық-хабар
СЫРДАРИЯ АУДАНЫНЫҢ 90 ЖЫЛДЫҒЫНА ОРАЙ ҒЫЛЫМИ-ПРАКТИКАЛЫҚ КОНФЕРЕНЦИЯ ӨТТІ
13.08.2018 10:43

Сырдария аудандық мәдениет үйінде ауданның 90 жылдық айтулы мерейтойына орай «Тамыры терең, тарихы кемел – Сырдария» атты ғылыми-практикалық конференция өтті.

Конференция жұмысына елімізге белгілі ғалымдар, жазушылар, мәдениет, өнер қайраткерлері, тарихшылар, зерттеушілер, облыстық, аудандық мәслихат депутаттары, ардагерлер, Қоғамдық кеңес төрағалары мен мүшелері және БАҚ өкілдері қатысты.

Ғылыми практикалық конференцияның ашылуында Қазақстанның эстрада жұлдызы Е.Әбдіхалықова «Сыр елі» әнін орындады. Мұнан кейін Сырдария ауданы туралы деректі фильм көрсетілді.

Конференцияны облыстық "Рухани жаңғыру" орталығының диреткоры Н.Мыңжас ашып, жүргізді.

Сонымен бірге, облыстық мәслихат хатшысы Н.Байқадамов Сырдария ауданының 90 жылдығына орай Қазақстан Республикасының Мемлекеттік хатшысы Г.Әбдіхалықованың, Қызылорда облысының әкімі Қ.Көшербаевтың құттықтау жеделхатын оқыды.

Конференция барысында облыстық ардагерлер кеңесінің төрағасы С.Шаухаманов, еңбек ардагері Д.Айсина қойнауы қазынаға толы, жері киелі, тарихы шежірелі серпінді Сырдария ауданы – Сыр өңіріндегі іргелі, алдыңғы қатарлы аудандардың бірі екенін айтты.

Құрметті меймандар ынтымақ пен бірліктің түпқазығы болып саналатын ауданында тұрғындар игілігі үшін соңғы жылдары жасампаз жұмыстар атқарылғанын атап өтті. Сондай-ақ, халықтың бірлігінің нәтижесінде жүзеге асқан жүйелі жұмыстарды өзге өңірлер өз тәжірибесіне енгізіп жатқанын жеткізді.

Өз кезегінде аудандық ардагерлер кеңесінің төрағасы Х.Әбенұлы мерейлі мерейтойға келген қонақтарға аудан халқының атынан алғысын білдірді.

Айта кету керек, бүгін басталған мерейтой ертең ат жарысы, спорттық байқаулар, аудан жастарының танымал тұлғалармен кездесуі, театрландырылған көрініс, гала концерт, лазерлік шоу секілді іс-шаралармен жалғасады.

Ақтөре Ибрагимұлы,

Сырдария ауданы әкімінің баспасөз хатшысы

 
«СЫРДАРИЯ ІІ» КІТАБЫНЫҢ ТҰСАУКЕСЕРІ ӨТТІ
13.08.2018 10:27

Серпінді Сырдария ауданының 90 жылдығына орай жарыққа шыққан «Сырдария ІІ» кітабының тұсаукесер рәсімі өтті.

Аудандық мәдениет үйінде ұйымдастырылған іс-шараға зиялы қауым өкілдері, ардагерлер, мерейтой қонақтары, аудан тұрғындары мен БАҚ өкілдері қатысты.

Кітаптың тұсауын облыстық ардагерлер кеңесінің төрағасы, «Қызылорда облысының Құрметті азаматы» С.Шаухаманов кесті.

Кітаптың алғашқы даналары құрметті меймандарға және де аудандық тарихи-өлкетану мұражайының директоры М.Омаров пен аудандық орталық кітапхананың директоры Г.Нұржакиеваға тапсырылды.

Айта кету керек, «Сырдария ІІ» кітабы 1000 дана таралыммен шыққан. Кітапта 90 жылдық тарихы бар ауданның әр жылдардағы жетістіктері кеңінен жазылған. Сонымен бірге, ауданнан шыққан еңбек майталмандарының өмірбаяндарынан мәліметтер келтірілген.

Ақтөре Ибрагимұлы,

Сырдария ауданы әкімінің баспасөз хатшысы

 
Тасбөгеттегі тубдиспансер көшірілуі мүмкін
13.08.2018 10:03

Ел Үкіметі 2015 жылдың желтоқсанында алдағы жылдарға арнап «Денсаулық» мемлекеттік бағдарламасын бекіткен болатын. 2016-2019 жылдарға арналған бағдарламаның негізгі индикаторы күтілетін өмір сүру ұзақтығы еді. Бүгінгі таңда республика бойынша өмір сүру ұзақтығы 72,6 жасты құрау керек болса, өңірімізде бұл көрсеткіш 72,2 екен. Бұл туралы ағымдағы жылдың 6 айындағы атқарған жұмыстары туралы БАҚ өкілдеріне брифинг берген облыстық денсаулық сақтау басқармасының басшысы А.Әлназарова айтты.

– Жалпы, соңғы 3 жылда өмір сүрудің күтілетін ұзақтығының 71,6-дан 72,6-ға дейін тұрақты жоғарылауы байқалуда. 2018 жылдың 6 айының қорытындысы бойынша жалпы өлім көрсеткіші 8,1 пайызға төмендеп, 1000 тұрғынға шаққанда 5,4 пайызды құрады. 2017 жылдың алғашқы жартыжылдығында бұл көрсеткіш 5,88 пайыз болатын,- деді Ақмарал Шәріпбайқызы.

Облысымзда сонымен қатар бала туу көрсеткіші айтарлықтай артқан. Осы алты айда аймағымызда 9031 бала өмірге келсе, былтыр есепті мерзімде 8901 сәби дүние есігін ашыпты. Керісінше, сәбилер өлімі 12,1 пайызға төмендеген. «Бұл денсаулық сақтау саласындағы түрлі атқарылып жатқан шаралардың нәтижесі» дейді басқарма басшысы. Мысалы, республика көлемінде алғашқылардың бірі болып халықаралық ұйымдармен бірлесіп, 5 жасқа дейінгі балалары бар ата-аналарға күтім жасау бойынша жаңа «Бала кездегі ауруларды интеграциялық бақылау» жобасы қолға алынған екен. Бұл арқылы облыстағы 5 жасқа дейінгі балалар, оның ішінде әлеуметтік қырағылықты қажет ететіндерінің денсаулығы назарға алынып, бақылауда болатын көрінеді. Сондай-ақ перзентханалардағы құрал-жабдықтардың да рөлі орасан екені жасырын емес. Қазіргі таңда үшінші деңгейлі облыстық перинаталдық орталықтың жабдықталуы 91,1 пайызды құрап, еліміз бойынша алдыңғы үштікке еніп отыр.

Өлім көрсеткіші демекші, біздің өңірімізде қайтыс болған адамдардың ең көбі қан айналым жүйесі ауруларынан кетеді екен. Облыста бұл аурудан қайтыс болатындар саны азайғанымен, жалпы көрсеткіш бойынша алдыңғы қатарда тұр. Сондықтан денсаулық сақтау басқармасы «Дені сау аймақ» жобасын қолға алыпты. Облыс әкімдігінен қолдау тапқан жоба арқылы азаматтардың туғанынан бастап қартайған шағына дейінгі денсаулығы қадағаланатын болады. Нақтырақ айтсақ, олардың зиянды әдеттерден арылуы, дене белсенділігін арттыруы, тиімді тамақтануы толықтай назарға алынады екен. Ақмарал Шәріпбайқызының айтуынша, дәл осы темекі тарту, алкогольді ішімдіктерді көптеп ішу, сондай-ақ зиянды тамақтарды жеп, аз қозғалу қан айналым жүйесі ауруларына әкелетін көрінеді.

Өлім-жітім көрсеткішінің тағы бір үлкен үлесін онкологиялық аурулар құрап отыр. Соңғы кезде қатерлі ісікпен ауыратындардың қатары көбейгеннен онкологиялық ауруларды ерте анықтау қолға алынған. Себебі аты жаман ауруды алғашқы сатысында анықтаса, 100 пайыз жазылып кетуге мүмкіндік бар екен. Қазіргі таңда, облысымызда қатерлік ісіктің алғашқы сатысында, І-ІІ сатысында анықтау да айтарлықтай жоғарылаған. Бұған тұрғындарды скринингтен өткізу сеп. Әрі әйелдерді қарау бөлмесінен бөлек, арнайы ер-азаматтарға да ашылған қарау бөлмелерінің пайда болуы да өз үлесін қосуда. Мысалы, 2017 жылы мұндай кабинеттердің жалпы саны 20 ғана болса (ал ер-азаматтардікі мүлдем болмаған), 2018 жылдың есепті мерзімінде 175-ке жеткен. Оның 59-ы – ерлерге, 116-сы әйелдерге арналған.

Айта кетейік, осыдан біраз уақыт бұрын тасбөгеттік тұрғындар сондағы туберкулез диспансерінің халыққа жақын орналасқанына алаңдап, хабарласқан еді. Не дегенмен кох таяқшасының ауа арқылы таралатынын алға тартып, балаларының денсаулығы үшін уайымға салынған болатын. Одан қалды, сонда емделетін науқастардың қалаған уақыттарында дүкен аралап, халық арасында емін-еркін жүргеніне де назданып, «ауруын бізге жұқтырмай ма» деп шағымданғаны да бар. Тұрғындар сауалын брифинг барысында басқарма басшысына да қоюды жөн көрдік. А.Әлназарованың айтуынша, бұған ең алдымен, мекемені күзететін күзетшілер (келісімшарт бойынша олар арнайы мекемелерден келеді.– ред.) кінәлі екен. Өйткені, ауладан шығаруға болмайтын науқастарды сыртқа жіберіп отырған солар дейді. Ал диспансерді болашақта шет аймаққа көшіру жоспарда бар дүние екен. Денсаулық сақтау басқармасының баспасөз хатшысы Нұржамал Бектайқызы «диспансер айналасы арнайы залалсыздандырылады, сондықтан тұрғындар уайымдамаса да болады» деп отыр. Оның үстіне қазіргі таңда туберкулезбен аурушаңдық 2,9 пайызға төмендепті. Сондай-ақ жол-көлік оқиғаларынан қайтыс болатындардың саны да азайған. Басқарма жол апатына ұшырайтындарға уақытылы көмек көрсету үшін республикалық трассаларға жақын орналасқан медициналық ұйымдардың базасынан 13 медициналық тірек бекетін ашыпты. Нәтижесінде өлім-жітім саны 38 пайызға төмендеген.

Мұнан бөлек брифинг барысында А.Әлназарова 2 жылда 25 медициналық нысанның пайдалануға берілгенін, медициналық ұйымдардың 80 пайызы интернет желісіне қосылғанын, телемедициналық байланыстың 8-ден 15-ке жеткенін, есепті мерзімде 6,5 млрд теңгеге медициналық құрал-жабдық сатып алынғанын және алдағы 2018-2025 жылдары мемлекеттік-жекеменшік әріптестік аясында 118 нысанның салынуы көзделіп отырғандығын айтты. Сонымен қатар облыс бойынша өлім-жітім саны жоғары Байқоңыр қаласында жыл басында емхананың ашылғанын, оған бүгінгі таңда 18 мыңнан астам қазақстандық тіркеліп, медициналық көмекке қолжетімділік артқанын да жеткізді.

Ж.ЖҮНІСОВА

 
ТЕРЕҢӨЗЕКТЕ «ПАРАСАТ» АЛАҢЫ АШЫЛДЫ
13.08.2018 09:59

Сырдария ауданының құрылғанына 90 толуына орай Тереңөзек кентінде «Парасат» алаңы ашылып, алаңға киелі ауданнан шыққан Кеңес Одағы батырларының, Сациалистік Еңбек Ерлерінің және мемлекет және қоғам қайраткерлерінің ескерткіш-бюсттері қойылды.

«Парасат» алаңының ашылуында аудан әкімі Ғ.Қазантаев, ҚР Пралмаенті сенатының депутаты Б.Еламанов, білім саласының ардагері Г.Әбілова сөз сөйлеп, аудан тұрғындары мен мерейтой қонақтарын айтулы мерекемен құттықтады.

– Тәуелсіз қазақ елінің тарихында өзіндік ойып алар орны, бай шежіресі бар Сырдария ауданы бүгінде өзінің 90 жылдық айтулы мерейтойын атап өтуде. Сіздерді ең алдымен, тамыры терең, тарихы кенен серпінді Сырдария ауданының 90 жылдық мерекесімен шын жүректен құттықтауға рұқсат етіңіздер. Жайқалған ақ күріші мен жер асты мұнайынан табысы тасқындап, өнері мен мәдениеті өрге басқан, 40 мың халқы бақытты өмір сүріп, берекелі еңбек етіп жатқан Сырдария ауданының 90 жылдық мерекесі – бәріміз үшін зор қуаныш. Тамыры терең тарихында ұзақ жылдар «Тереңөзек ауданы» деп аталып, бірлігі бекем аудан ретінде танылған, бүгінде өсіп-өркендеп, жаңарып-жасарған, көрікті де көркем Сырдария ауданының 90 жылдық мерекесінің кең көлемде тойлануы – тұғырлы Тәуелсіздігіміздің жемісі, Елбасы саясатының нәтижесі,- деді аудан басшысы Ғ.Қазантаев.

Сонымен қатар, ҚР Пралмаенті сенатының депутаты С.Еламанов, білім саласының ардагері Г.Әбілова ауданның 90 жылдық мерейтойында ауданнан шыққан даңқты тұлғаларға құрмет көрсету – «Рухани жаңғырудың» жарқын көрінісі екенін атап өтті.

Айта кету керек, «Парасат» алаңына Қазақстанның Халық жазушысы, драматург, аудармашы жерлесіміз Қалтай Мұхамеджанов, сатира сардары Асқар Тоқмағанбетов, қазақ поэзиясының көрнекті тұлғасы Әбділда Тәжібаев, Кеңес Одағының батыры Нағи Ілиясов, Жаппасбай Нұрсейітов, Ұлы Отан соғысының ардагері, Қызылорда облысының «Құрметті азаматы» Бекайдар Жүсіпов, Социалистік Еңбек Ерлері Балдырған Мұстапаева, Күләнда Әбдіраманова, Цой Ги Хва, Қасым Бөдеев, Дүйсенбай Керейтбаев, Ибадулла Ақниязов, Ахмет Халықовтардың ескерткіш-бюсттері қойылған.

Ақтөре Ибрагимұлы,

Сырдария ауданы әкімінің баспасөз хатшысы

 
Қызылордалық полицейлер Шалқияда рейд өткізді
09.08.2018 17:45

Ағымдағы жылдың 8 тамызында Жаңақорған ауданы Шалқия кентінде қылмыс пен құқықбұзушылықтың алдын алу, криминогендік ахуалды тұрақтандыру мақсатында профилактикалық іс-шаралар ұйымдастырылды. Іс-шараға барлығы 66 қызметкер жұмылдырылды.

Іс-шара барысында Шалқия кентінде орналасқан жалпы 707 пәтерлер мен жеке үйлердің 689-ы тексерумен қамтылып, тұрғындардың тізімдері алынды. Тұрғындармен кездесу ұйымдастырылып, қойылған сұрақтары бойынша шешімдер қабылданды.

Жеке аңшы қаруы бар 13 тұлғаның қарулары тексеріліп, қаруды сақтау ережесін бұзғандары үшін 3 азаматқа қатысты ҚР ӘҚБтК-нің 484-бабының 1-бөлігіне сәйкес әкімшілік хаттамалар рәсімделіп, жалпы 36 075 теңге көлемінде айыппұл  салынды.

Сонымен бірге, әртүрлі құқықбұзушылықтар жасағандары үшін 26 азаматқа қатысты әкімшілік хаттама рәсімделді. Оның ішінде, ҚР ӘҚБтК-нің 204-бабымен (белгіленбеген орында сауда жасау) – 1, 492-бабымен (мекенжайда тіркеусіз тұру) – 1, 593-бабының 2-бөлігімен (қауіпсіздік белдігі) – 7, 612-бабымен (автокөлікті құжатсыз басқару) 8 дерегі орын алды.

Аудандық ішкі істер бөлімінде есепте тұрған 9 тұлға мекенжайларынан тексеріліп, олармен қылмыс пен басқа да заңға қайшы іс-әрекеттерге жол бермеу туралы профилактикалық бағытта әңгімелер жүргізілді.

Кент орталығында орналасқан мекемелер мен жеке тұлғаларда келісімшарт бойынша жұмыс істеп жүрген 9 азаматтың (Ресей – 4, Армения – 1, Өзбекстан – 4) елімізде заңды болулары тексеріліп, нәтижесінде Қазақстан Республикасында болу ережесін бұзғаны үшін Өзбекстан Республикасының 4 азаматты анықталып, Жаңақорған АІІб-не жеткізілді.

Аталған бағыттағы іс-шаралар өз жалғасын таба береді.

Қызылорда ОІІД баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Тамыз 2018 >
    1 2 3 4 5
6 7 8 9 10 11 12
13 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары