Өзекті мәселелер

  • 14.11.19

    Ішкі істер министрінің орынба­сары Алексей Калайчиди аттестациядан кейін лауазы­мы­нан  босаған полиция басшы­лары туралы айтты, - деп хабарлайды ҚазАқпарат.

    – Аттестация екі кезеңнен тұрды. Біріншісі – дайындық барысы. Яғни, лауазымдағы азаматтың  кәсіби  дағдысы зерттелді. Біз бұған  дейінгі полиция басшыларын аттестаттаудың оқ ату, дене дайындығын, заңды білу деңгейін тексеру сек...

    Толығырақ...
  • 14.11.19

    Бізде мынадай тенденция бар ғой. Әкімдер мемлекеттік мекемелерге барса,­ сондағы қызметкерлер тайлы-таяғымен иіліп төсек, жайылып жастық бола қалатын. Тіпті, бұл дәстүрге айналып кеткені қашан?! Ал әкім мекеме­ге ескертусіз келсе, жағдай қалай болар еді? Мұндай «қызықты» апта  басында  көрдік.

  • 14.11.19

    «Отан қорғап, сарбаз сапына қосылады» деп үкілі үміт артып отырған­ бөріктілердің арасында әскери борышын өтеуден қашып жүргендер бар. «Қашқындарда­н» бөлек, республиканың түкпір-түкпіріне немесе өзге мемле­кеттерге жұмыс істеуге барып, нақты мекенжайсыз, хат-хабарсыз кететіндерге де дауа болмай отыр. Осыған­ байланысты әскерге шақырылушыларды жергілікті әскери­ басқару органдарына шақы...

    Толығырақ...
  • 14.11.19

    Мәдениет ауылдық округі тіректі елді мекенге айналғалы бұл өңірдің тірлігі де алға басты. Ауыл әлеуетінің артуына бұрын жергілікті шаруашылықтар қолғабыс ететін. Қазір кәсіпкерлікті қолдауға бағытталған мемлекеттік бағдарламаларды тиімді пайдаланған ауыл тұрғындары да табысқа кенелуде. Кейбір жандар жеке табысы артқан сайын әлі де бола берсе екен дейді. Ал  бұл  елді  мекендегі  шаруашы...

    Толығырақ...
  • 14.11.19

    Өткен жылы мемлекеттік «Нәтижелі жұмыспен қамту және жаппай кәсіпкерлікті дамыту» бағдарлама­сына қатысып, «Атамекен» кәсіпкерлер палатасының қолдауымен «Бастау Бизнес» курсынд­а білімін жетілдірген Қармақшы ауданына қарасты Ақай ауылының жас кәсіпкері Қосым Жұмағалиевтің  есімі  бүгінде ауылдастарына жақсы­  таныс.

Халық-хабар
Қ.ЫСҚАҚОВ: «БАЙҚОҢЫР» ОЙЫН-САУЫҚ ТУРИСТІК АЙМАҒЫ ҚАЗАҚСТАННЫҢ ТУРИСТІК КАРТАСЫНЫҢ ТОП-10 ҚАТАРЫНА ЕНІП ОТЫР»
12.11.2019 14:40

Бүгін Нұр-Сұлтан қаласында ҚР Цифрлық даму, инновация және аэроғарыш өнеркәсібі министрлігінің Аэроғарыш комитеті ұйымдастырған «Қазақстандағы ғарыш күндері: Байқоңыр – әлемдік ғарышкерлік бесігі» халықаралық форумы өз жұмысын бастады. Қызылорда облысының әкімі Қуанышбек Ысқақов форумның ашылуына қатысты.

«Қазақстандағы ғарыш күндері» халықаралық форумы жыл сайын 2013 жылдан бері өткізіліп келеді. Биылғы іс-шараға әлемнің 25-тен астам елінен 650 қатысушы – Премьер-Министр А.Мамин, ҚР Цифрлық даму, инновациялар және аэроғарыш өнеркәсібі министрлігінің басшылары, ҚР Парламентнің Мәжіліс және Сенат депутаттары, Қазақстан Республикасының ғарышкерлері, шетелдік мемлекеттердің елшіліктерінің өкілдері, «Роскосмос», «Airbus Defence and Space» корпорацияларының өкілдері, отандық және шетелдік ұйымдар: «М.В.Хруничев атындағы МҒҒӨО», «М.Ф.Решетнев атындағы АЖЖ» АҚ, «Транстелеком», «One Web», «Thales Alenia Space», SES, «Leica Geosystems, Satrec Initiative», «Eutelsat» және басқалары қатысты.

Шараның негізі мақсатының бірі – отандық ғарыш саласының жетістіктерімен бөлісіп, экономиканы дамыту үшін ғарыш қызметін пайдаланып, озық әлемдік тәжірибелермен алмасу.

Президент Қасым-Жомарт Кемелұлы Тоқаев ағымдағы жылдың мамыр айында Қызылорда облысына сапары барысында Байқоңыр қаласын дамытудың тиімді тетіктерін анықтау және «Байқоңыр» еркін экономикалық аймағын құру қажеттігін атап өткен болатын. Соның ішінде «Ғарыш айлағының ауқымы мен бірегейлігі озық компаниялар мен перспективалы технологиялық стартаптармен жұмыс істеу үшін тамаша мүмкіндік беретіндігін» алға тартқан еді.

Бүгінде «Байқоңыр» еркін экономикалық аймағын құру жөніндегі үкіметаралық келісімнің Тұжырымдамасы мен жобасы дайындалды, мүдделі мемлекеттік органдармен келіссөздер жүргізілуде. «Байқоңыр» ғарыш айлағының туристік әлеуетін дамыту мақсатында «Байқоңыр» ойын-сауық туристік аймағын құру тұжырымдамасы, техникалық-экономикалық негіздемесі жыл соңына дейін әзірленбек. Оның аумағында шағын және орта бизнесті дамыту үшін барынша қолайлы жағдайлар жасау бағытында туристік объектілерді орналастыру көзделіп отыр. «Байқоңыр» Қазақстанның туристік картасының ТОП-10 қатарына еніп отыр», - деді облыс әкімі Қ.Ысқақов.

Сонымен қатар, форумда «Байқоңыр» еркін экономикалық аймағын құру жобасының тұсауы кесілді.

(Сурет Қазақстан Республикасы Премьер-Министрінің ресми ақпараттық сайтынан алынды).

Қызылорда облысы әкімінің баспасөз қызметі

 
ҚОСАМАНДА ЖАҢА МЕДИЦИНАЛЫҚ БЕКЕТ ЕЛ ИГІЛІГІНЕ БЕРІЛДІ
12.11.2019 11:25

Күні кеше Арал ауданы Қосаман елді мекенінде медициналық бекет ел игілігіне берілді. Алдағы уақытта жергілікті тұрғындар қажет болған жағдайда тиісті ем-домын талапқа сай, жаңа дәрігерлік орталықта қабылдайтын болады.

Жаңа әрі жайлы нысанның ашылу салтанатына қатысқан аудан әкімі Мұхтар Оразбаев:

- Бүгінде ауданымызда денсаулық сақтау саласында оң өзгерістер болып, жағымды жаңалықтарымыз көбеюде. Өткен жылы аудан орталығында 150 орындық орталық аурухана, Бекбауыл елді мекенінде дәрігерлік амбулатория, Жаңақұрылыс елді мекенінде фельдшерлік-акушерлік бекет, Сазды, Ақбай, Тастақ елді мекендерінің медициналық бекеттерінің жаңа ғимараттары салынып, пайдалануға берілді. Бірнеше жылдан бері Қосаман ауылдық округінде медициналық бекет қажеттілігі туындап келсе, бұл мәселе де оңтайлы шешімін тапты. Ендігі жерде бұл орталықтың қызметкерлері халыққа сапалы қызмет көрсететініне сенемін, - деп, ақжарма тілегін жеткізді.

Ізгі лебіздер легін одан әрі ауылдық ардагерлер кеңесінің төрағасы Қашқанқұл Латипов жалғап, көпшілік қуанышымен бөлісті.

Алғашқы көмекке қажетті құралдармен толық жабдықталған нысанда дәрігерлер мен емделушілер үшін барлық жағдай жасалған.

Айта кету керек, биылғы жылы Шөмішкөл елді мекенінде де осындай медициналық бекеттің құрылысы жүргізілді.

 

Арал ауданы әкімінің баспасөз қызметі

 
«КӘСІПКЕРЛЕРГЕ ҚЫЗМЕТ» АКЦИЯСЫ ӨТТІ
12.11.2019 09:20

Қызылорда облыстық прокуратурасының бастамасымен «Nur Otan» партиясы облыстық филиалы және кәсіпкерлер палатасымен бірлесіп Жаңақорған ауданында «Кәсіпкерлерге қызмет» акциясы өтті.

Жиында облыс прокуроры Н.Бижанов елімізде кәсіпкерлікті қолдау бағытындағы құқықтық және ұйымдастырушылық шараларына тоқталды.

Бизнес ең алдымен тұрғындарға тұрақты жұмыс береді, халықтың тұрмысын жақсартады.

Кәсіпкерлікті ашуға және оны дамытуға бағытталған бірнеше мемлекеттік бағдарламалар қабылданды.

Жаңақорған ауданында 3 республикалық («Агороөнеркәсіптік кешенін дамыту», «Бизнестің жол картасы-2020», «Еңбек») және 1 облыстық («Микробизнес-Қызылорда») бағдарлама жүзеге асырылуда.

Осының аясында 4 мыңнан астам кәсіпкерге қаржылай көмек көрсетілген.

Мысалы, «Бекарыс Агрофуд» серіктестігі «Сыбаға» бағдарламасы бойынша 300 бас асыл тұқымды мал сатып алған, бордақылау алаңын ашқан.

Аталған акцияға «Даму қоры», «КазАгрофинанс», «Аграрлы несие корпорациясы», «Байқоңыр ӘКК» және «Ауыл шаруашылығын қаржылай қолдау қоры» ұйымдарының өкілдері қатысып, қаржылық қолдау түрлері мен шарттары туралы түсіндіру жұмыстарын жүргізді.

Игі шараға барлығы 340 адам қатысып, кәсіпкерлік жұмыстары бойынша сала мамандарына жүгінген 100-ге жуық азаматтың сауалдарына жауаптары беріліп, қаржыландыру және құқықтық сипаттағы жағдайлар жан-жақты түсіндірілді.

Мұндай шара облыс прокурорының ұйымдастыруымен алдағы уақытта басқа аудандарда да өткізілетін болады.

Қызылорда облысының прокуратурасы

 
ҚЫЗЫЛОРДАДА 756 «БАСТАУЛЫҚ» КӘСІБІН БАСТАДЫ
11.11.2019 16:00

Кәсіпкерлер палатасының Өңірлік кеңесінде аймақта «Бастау» және «Жас кәсіпкер» жобаларының жүзеге асырылу барысы қаралды. Отырыста Палатаның Кәсіпкерлерді қаржылай емес қолдау бөлімінің бастығы Фархад Әбжаппаров пен аудандық филиал директорлары аталмыш жобалардың Қызылорда қаласы мен аудандарда орындалуына жеке-жеке тоқталып өтті.

Фархад Әбжаппаров хабарламасында «Бастау» жобасы бойынша биылғы жылы 3140 азаматты оқыту көзделіп отырғандығын, бүгінгі күнге дейін оның 2368-і білімін жетілдіргендігін жеткізді. Қазір өңірде «Бастаудың» биылғы жылдағы соңғы легі бойынша оқыту жүргізіліп жатыр екен.

«Оқыған азаматтардың 2093-іне «оқуды аяқтағандығы» туралы, 275-іне «оқуға қатысқаны» үшін сертификат табысталды. Бұл сертификаттардың айырмашылығы – «оқуды аяқтағандығы» жөніндегі құжат тек жобаны сәтті қорғай алғандарға ғана беріледі. Жоспар бойынша жыл соңына дейін ең кемі 628 азаматтың жобасы қаржыландырылуы қажет. Қазірдің өзінде ол жоспарымызды артығымен орындап, 756 «бастаулық» әртүрлі қаржы көздерінен қаржы алып, ісін бастап кетті», - дейді Палата маманы.

Өңірлік кеңес отырысында Фархад Әбжаппаров «Жастар жылында» еліміз бойынша пилоттық негізде қолға алынған «Жас кәсіпкер» жобасына да тоқталып кетті.

«Жас кәсіпкер» жобасы бойынша өңірімізде 1100 жас оқытылған. Олардың ішінде бүгінгі күнге дейін жалпы құны 252,4 млн теңгені құрайтын 495 жоба қаржыландырылып, жас кәсіпкерлер жеке істерін бастап кеткен.

Қызылорда облысы кәсіпкерлер палатасының баспасөз қызметі

 
ҚАЗАҚ КҮРЕСІНЕН ЕРЕСЕКТЕР АРАСЫНДА ҚАЗАҚСТАН ЧЕМПИОНАТЫ БАСТАЛДЫ
11.11.2019 14:00

Бүгін "Евразия" спорт кешенінде қазақ күресінен ерлер жəне əйелдер арасында Қазақстан чемпионаты басталды.

Ел чемпионатында Нұр-Сұлтан, Алматы, Шымкент қалалары мен еліміздің барлық облысынан 500-ге жуық спортшы 16 салмақ дәрежесінде шеберлік байқасуда.

Мақсаты Қазақстан ұлттық құрама сапына іріктеу болып табылады.

Топ жарғандар келесі жылы өтетін Əлем жəне Азия чемпионаттарында ел намысын қорғайтын болады.

Жарыстың салтанатты ашылуында облыс əкімінің міндетін атқарушы Наурызбай Байқадамов, ҚР Ақпарат жəне қоғамдық даму министрі, ҚР қазақ күресі федерациясының президенті Дəурен Абаев сөз сөйлеп, қатысушыларға сəттілік тіледі.

Ел чемпионатының алғашқы күнінде бозкілемге ерлер (90, 100, +100 келі) шығады.

Жарыстың соңғы күні, 14 қараша күні əйелдер өнер көрсетеді.

Лаура  ШОҢҒАЛОВА

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қараша 2019 >
        1 2 3
4 5 6 7 8 9 10
11 12 13 14 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары