Өзекті мәселелер

  • 10.10.19

    Мұны бәріміз де көп күттік. Жиырма жыл. Аз уақыт емес. Сөз жоқ, бұл жеңістің өзі оңайлықпен келген жоқ. Жасыл алаңда жан беріп, жан алысқан сәтті теледидардан телміре тамашалап, күйініш пен сүйінішті көрудің өзі бір ғанибет­  екен. Бұл күнге дейін не айтыл­мады, мақтау да, даттау да айтылды, бірақ біздің жігіттер жарады. Біздің айтып­ отырғанымыз – жексенбі күні елорда төріндегі «Астана Арена» ...

    Толығырақ...
  • 10.10.19

    Елбасының «Нұр Отан» партиясының ХVIII съезінд­е ұсынған «Әлеуметтік қамқорлық» жаңа әлеуметтік саясаты қоғамның барлық саласын қамтиды. Әсіресе, президент көпбалалы отбасыларға қол­дауды арттыру қажеттігіне ерекше тоқталды. Өйткені, елімі­здегі баспанаға мұқтаж азаматтар саны азаймай тұр. Сандарды сөйлетсек, елдегі үй кезегінде тұрған аз қамтылған, көпбалалы отбасылардың жалпы­  саны 28 мыңнан...

    Толығырақ...
  • 10.10.19

    Қызылорда облысында экономика саласын дамытуда мемлекеттік-жекеменшік әріптестік тетік­тері тиімді пайдаланылып келеді­. 2017 жылдан бастап мұнай өндіру көлемінің айтарлықтай төмендеуіне қарамастан, жалпы өндірістік өнім көрсеткіші бойынша оң өзгеріс байқалады. Бүгінде өңір экономикасының барлық салас­ында тұрақты өсім қамтамасыз етілуде. Тек өнеркәсіп өндірі­сінде мұнай ұңғымаларының сулану­ы ...

    Толығырақ...
  • 10.10.19

    Облыстың оңтүстігінде, қарт Қаратаудың іргесінде,  Сырдария өзенін жағалай қоныстанған, халқы – жайсаң, жері – жомарт Жаңақорған дейтін аудан бар. Батпағының өзі – бренд. Шөбі – шүйгін. Табиғи қазба байлығы талайды тамсандырған өңір. Жайылмалық жұрт жерсіндірген қарбызын алыс-жақын шетеліңіз таласып әкететіні тағы бар. Қысқасы, қазір Қаратаудың етегінде орныққан елдің бірлі...

    Толығырақ...
  • 10.10.19

    Байқоңырлық бұқараның әлеуметтік мәселелері оң шешімін тауы­п келеді­. Бұрын «Ресейдің иелігінде» деп онша иек артпайтын аумақ еді, соңғы жылдары­ екі елдің Үкіметаралық келісімдерінің арқасында «жұлдызды қалашықта» да біраз істің беті бері қарап қалды.  Түсінікті болу үшін тақырыпты тарқатайық.

Халық-хабар
ЫСҚАҚОВ АЗАМАТТАРДЫ ЖЕКЕ МӘСЕЛЕЛЕРІМЕН ҚАБЫЛДАДЫ
10.10.2019 09:10

Кеше облыс әкімі Қуанышбек Ысқақов қабылдауға жазылған тұрғындарды жеке мәселелері бойынша қабылдады. Қабылдауға қала әкімі Н.Нәлібаев пен жауапты басқарма басшылары да қатысты.

Азаматтарды қабылдау үзіліссіз 8 сағатқа жуық жүргізіліп, 70 адам аймақ басшысының қабылдауында болды. Келгендердің негізгі мәселесі тұрғын үй, әлеуметтік мәселе мен білім және денсаулық салаларына қатысты.

-Соңғы жылдары  қаламызда 15 жаңа шағын аудан бой көтеріп, 7 мыңнан астам қызылордалық баспаналы болды. Осы жылы  тұрмысы төмен көпбалалы отбасыларды тұрғын үймен қамтамасыз ету үшін «Баламекен» жобасы аясында Болат Өтемұратовтың жеке қорының демеушілік қолдауымен 100 отбасы тұрғын үймен қамтылды, сондай-ақ, бүгінде Сырдарияның сол жағалауында 25 көпқабатты тұрғын үйдің құрылысы аяқталып, кілті табысталды,-деп атап өтті аймақ басшысы.

Кезекте тұрған азаматтар үшін баспана заңға сәйкес кезең-кезеңімен беріледі. Баласы Қанат Жудабаевтың 1-санаттағы мүгедек екенін, үй кезегінде 13 жыл бойы тұрғандығын айта келген Роза Асқарова кезегінің жақындағанын білмей, пәтер сұрап келген. Аймақ басшысы Роза Асқароваға кезегінің келіп, Сырдарияның сол жағалауынан пәтерлі болғандығын айтып,қуантты. Баспаналы болған ана облыс әкіміне алғысын жеткізіп, ризашылығын білдірді.

Қабылдауға  келген бір топ ақсақалдар Сырдария ауданы, Айдарлы ауылындағы аяқсу мәселесі және каналдардың қоқысқа толып, тазаланбай тұрғанын көтерді. Қуанышбек Досмайылұлы келесі жылы егін маусымына дейін каналдарды тазалап, ая су жеткізу мәселесін шешуді жауапты сала басшыларына тапсырды.

Жеке мәселе ғана емес, түгел ауылының, облыс орталығында өзі тұратын шағын аудан, көшелерінің мәселесін көтеріп қоғамдық ахуалды айтқан азаматтар да сұрақтарына жауап алды.

Облыс әкімінің қатысуымен  дәл осындай қабылдаулар алдағы уақытта да өткізілетін болады.

Облыс әкімінің баспасөз қызметі

 
ОБЛЫС ӘКІМІ ШЕТЕЛДІК ДЕЛЕГАЦИЯ ӨКІЛДЕРІМЕН КЕЗДЕСТІ
10.10.2019 09:00

Кеше облыс әкімі ҚР Денсаулық сақтау Министрлігінің «Казлепрозорий» мемлекеттік мекемесінің 90 жылдық мерейтойына орай келген шетелдік қонақтармен кездесті.

1953 жылы Қазақ Республикалық лепрозорийінде эпидемиологиялық бөлім ашылған.Қазақ лепрозориясының дәрігерлері – лепраны емдеуге сульфондық препараттарды алғаш рет табысты қолданғандардың бірі. Оған қоса жаңа препараттарды (СИБ-аның майлы суспензиясы, пирогенал, лампрен, ацедиасульфон, рифампицин және басқалары) комбинациялық терапиялауды практикаға енгізе алды.

-Осы сәтті пайдалана отырып, бұл дертпен күресуде ыждағаттылық танытып, қосымша білімін жетілдіріп, науқастарға көмек көрсетіп жүрген дәрігерлерге алғысымды білдіремін. Сондай-ақ, бүгінгі шараға арнайы Германиядан келген, Германияның туберкулезге қарсы күрес қауымдастығының мүшесі Драбик Романа ханымға да ризашылығымды білдіремін,- деді аймақ басшысы.

Драбик Романа ханым Динслакен қаласынан бүкіл әлемдік алапес пен туберкулезбен күресу қауымдастығын ашқан. 40 жылдан астам уақыт бойы бұл қоғамдастық әлемнің көптеген елдерімен белсенді түрде бірлесіп жұмыс істеп келеді  және науқастарға үлкен материалдық көмек көрсетуді де жолға қойған. 1995 жылдан бастап, қоғамдастық Қазақстан Республикасымен де бірлескен профилактикалық жұмыстарын бастаған. Айта кетейік, Драбик Романа ханым алапес дертіне арналған халықаралық конференцияларды, конгрестерді де ірі көлемде қаржыландыруға демеушілік етіп келеді.

Осы дертке шалдыққан науқастарға демеу болып, науқастарға көмегін ұсынып жүрген Драбик Романа ханымға аймақ басшысы Қуанышбек Ысқақов Алғыс хат табыстады.

Облыс әкімінің баспасөз қызметі

 
Абай дана, Абай дара, қазақта!
09.10.2019 17:40

Қызылорда облысы прокуратурасында Абай Құнанбайұлының туғанына 175 жыл толуына орай «Абай дана, Абай дара, қазақта» атты байқау ұйымдастырылды.

Шараға барлық қала және аудандардан прокурорлар келіп, Абай рухына бас иіп, өлеңдерін оқып, әндерін орындап, бақтарын сынады.

Прокурорлар 5 топқа бөлініп, сайысқа түсті.

Байқауға қатысқандардың барлық еңбектері ескерілді. Мазмұнға сай киімдері, мәнерлеп оқулары, ырғағына келтіріп шырқаған әндері және қолдау білдіріп келген жанкүйерлердің белсенділіктері де назардан тыс қалмады.

Қазылар алқасының ұйғарымымен «Абай» тобы, яғни қылмыстық қадағалау басқармасының прокурорлары Мағрипа Алиева мен Ардақ Абдыкаримов Бас жүлдені иеленді.

Байқауға қатысушылар алғыс хаттармен және бағалы сыйлықтармен марапатталды.

Мұндай іс-шара прокурорлардың бірлігін арттырып, ұжымдық рухтарын көтеріп, жаңа қырларынан танылуларына зор мүмкіндік береді.

Қызылорда облысының прокуратурасы

 
ТЕГІН ДӘРІ-ДӘРМЕКПЕН ҚАМТЫЛУЫ ТИІС НАУҚАСТАРДЫҢ ҚҰҚЫҚТАРЫ ҚОРҒАЛДЫ
09.10.2019 17:35

Жалағаш ауданы прокуратурасымен 30-дан астам науқастың тегін дәрі-дәрмекпен қамтылмағаны анықталды.

Қазақстан Республикасы Конституциясының 29-бабының 2-тармағына сәйкес, республика азаматтары заңмен белгіленген кепілді медициналық көмектің көлемін тегін алуға хақылы.

Амбулаториялық-емханалық қызметі бар Жалағаш аудандық ауруханасының мәліметіне сәйкес, аудан аумағындағы 21 учаскелік аймақ бойынша есепке алынған 16 059 науқас тіркелген.

Алайда талдау барысында аурухананың тізімдерінде бір тұлға бірнеше учаскелік аймақтарда қайталануына байланысты барлығы 8495 науқас іріктелді.

«Дәрі-дәрмекпен қамтамасыз ету» ақпараттық жүйесінің мәліметіне сәйкес, 8 495 науқастың 3 230-ына (38,0%) емдеуші дәрігермен дәрілік заттар мен медициналық бұйымдар алуға тегін рецептілер жазылған. Соған қарамастан емдеуші дәрігерлермен дәрілік зат алуға рецептілер жазылған 32 науқасқа тиісті дәрілері мүлдем берілмеген.

Мысалы, науқас Б.-ға «Артериялық гипертензия» нозологиясы бойынша дәрі-дәрмектерді алуға 4 тегін рецепт жазылғанымен (Престариум® 5мг, таблетки – 4 дана, Карлон 5, таблетки 5 мг – 4 дана), ол бұндай дәрілік заттарды мүлдем алмаған.

Аудандық аурухананың бұл әрекетіне аудан прокуратурасының ұсынуы негізінде заңбұзушылыққа жол берген қызметкерлер тәртіптік жауапкершілікке тартылып, 32 науқас дәрілік заттармен толық қамтылып, заңмен қаралған құқықтары қорғалды.

Жалағаш ауданының прокуратурасы

 
«ЖАНДЫ АРБАТ» БОЙЫН ЖАНДАНДЫРДЫ
09.10.2019 17:00

Жыл сайын қала күні елеусіз қалған емес. Өткен жылы 200 жылдық мерейтой аясында да ауқымды шаралар ұйымдастырылып, халықтың мерейін тасытқан еді. Биыл да дәстүрлі үрдіс өз жалғасын тауып, сүйікті қаланың туған күнін бір ай бойына тойлау бақыты бұйырды. Қыркүйек айының орта шенінде баста­лған шаралар қазан айының 12-сіне дейін жалғасады деп күтілуде. Әртүрлі форматтағы іс шаралар легі «YOUTH FORMULA» – жастық шақтың формуласын сезін!» мерекелік кешімен жалғасты. Шара балаба­қша қызметкерлері, ерікті жастар, қоғам белсенділері, этно­мәде­ни  ұйымдар, өңір спортшылары мен мүмкіндігі шектеулі жандардың қатысуымен «Достық» үйінен жастар карнавалымен бастау алды. Жина­лған  қауым түр­лі­ше өрнектелген балалар қоларбалары көрмесін таныс­тырып, ертегі кейіп­керлерінің және дәстүрлі мерекелік киімдерін киіп, түрлі аспапта ойнау арқылы «Жанды арбат» бойын жандандырды. Жалпы 100-ден аса қатысушыны қам­ты­ған жастар карнавалы қала тұрғындарын қы­зықты мәдени-көпшілік шаралар орталығына апарды.

Одан ары орталық алаңда асық ату, «Wor­kout» спорттық сайыс­тары, жас отбасылар ара­сынд­а «Толағай» спорттық сайысы өтті. Гаджет  ойындарынан бас тартып, қарапайым достық­қа баулитын «Біз де бала болғанбыз» атты ескіден қалған аула  ойын­дарына қатысуға ниет білдіруші қала тұр­ғын­дары  арасында  сайыс­ ұйымдасты­рылды. Жеңіс­ке жеткен қатысушылар бағалы сыйлықтармен марапатталды. Қала тұрғындары мен қонақтары ұлттық тағам түрі бауырсақтан дәм татты. Шара одан әрі «LIVE ARBAT» жастар концертіне жалғасып, студенттердің бірі ән шырқаса, бірі түрлі аспаптарда ойнап, Орталық  алаңды  ерекше реңге­ бөледі. Сонымен қатар, шараға арнайы ат басын бұрған қала әкі­мі­нің орынбасары Бектас Нұриддинов пен «Абзал и К» ТС директоры Мағжан Ералиев қатысып, көпбалалы отбасыны қуанышқа бөлейтін тосынсый  жасады. «Абзал и К» ТС Қызылорда қа­лалық әкімдігі мен «Атамекен» республикалық кәсіпкерлер палатасының қолдауымен жүзеге асып жатқан «Менің ата­ме­кенім» әлеуметтік жоба­сы аясында үш бөл­мелі пәтер кілтін көпбалалы отбасыға табыстады.

Бақытқа бөленген отбас­ындағы 5 немеренің әжесі демеушілік көр­сеткен кәсіпкер «Абзал и К» ТС директоры Мағжан Абзалұлына жо­март­тықтың шынайы үлгісін көрсетіп, күтпеген сый жасағаны үшін шын жүректен алғысын жаудырды. Кәсіпкердің бұл отбасыны таңдауына түрткі болған жас маман ретінде Нұрболат жұ­байы Ботагөзбен бірге мектеп жасындағы екі ұл және үш жастағы үшем – Хадиша, Райяна және Айшаны тәрбиелеп, жалдамалы пәтерде тұруына қарамастан көпбалалы отбасының  тіреуіші  бола білгендігі.

Жастардың  арасында жомарттықтың орасан үлгісімен есте қалған кеш танымал ди-джейлердің қатысуымен арбат бо­йындағы би кешіне ұласты.­

 

Халық-хабар

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қазан 2019 >
  1 2 3 4 5 6
7 8 9 10 11 12 13
14 15 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары