Өзекті мәселелер

  • 18.10.18

    Диас  БАХРАДДИН,

    байдарка және каноэде есуден Жасөспірімдер олимпиада ойындарының чемпионы:


    Толығырақ...

  • 18.10.18

    Бұл өлке – өрелі өркениеттер тоғысы­нда тарихын тереңнен тартқан мекен.­ Талай қаһарман хандар мен білекті батырлар, суырыпсалма ақындар шыққан жер. «Жүз жырау» дүниеге келген осы Қармақшы елі әр қазақ үшін қастерлі, қасиетті. Аудан толығымен Тұран ойпатыны...

    Толығырақ...
  • 18.10.18

    Сыр  өңірінде  өзінің  тарихымен, экономикасымен, даңқты тұлғаларымен дараланған бір аудан болса, ол – киелі Шиелі өңірі. Жер көлемі 3426915 га  құрайтын  аудан – ежелгі  Сырдария  өзенінің  орта  ағысынан­ орын тепкен мекен, талай тарихи оқиғаның к...

    Толығырақ...
  • 18.10.18

    «Алдағы  бес  жыл  ішінде білім, ғылым, денсаулық сақтау­  салаларына  барлық көздерден  жұмсалатын қа­ра­жат­ты  ішкі  жалпы өнімнің  10  пайызына дейін жеткізу  қажет».

     

    ЖАЛАҚЫ  КӨБЕЙЕ   БАСТАДЫ

    Мұндай пәрменді ел Президенті өз Жолдауында атап көр­сеткен болатын. Бұл сала мамандары үшін жақсы м...

    Толығырақ...
  • 18.10.18

    Лақ бірде жайылымда жүріп ұйықтап қалды. Оянған соң қараcа, көзіне ешнәрсе­ шалынбады. Далада жалғыз қалыпты. Отардың соңынан қуып, жүгіре жөнелді. Жүгіріп келе жатып қасқырға кезікті.

    – Ей, мұнда неғып жүрсің? - деді қасқыр­  көзі  оттай  жанып.

    – Қуаласпақ ойнап, - деді лақ тез ес жиып.

    – Кіммен?

    – Ағаммен. Сөйтті де, артына бұрылып:

    Толығырақ...
Халық-хабар
ҚЫЗЫЛОРДА ОБЛЫСЫНДА 10 ЖЫЛ ІШІНДЕ ҮКІМЕТТІК ЕМЕС ҰЙЫМДАРДЫ ҚАРЖЫЛАНДЫРУ 22 ЕСЕГЕ АРТТЫ
10.10.2018 15:32

10 жыл ішінде Қызылорда облысында үкіметтік емес ұйымдарды қаржыландыру 22 есеге ұлғайып, қоғамдық ұйымдардың саны 150-ден 1000-ға дейін артты. Бұл жайлы облыс әкімі Қ.Көшербаев «Азаматтық қоғам және мемлекет: Диалог, Ынтымақтастық, Жауапкершілік» VIIІ Азаматтық форумында мәлімдеді.

Облыс әкімі атап өткендей, аймақтың үкіметтік емес ұйымдары қоғамның ажырамас бір бөлшегіне айналып отыр.

«Мүмкіндіктері мол, кәсіби білігі мен ұстанымы биік үкіметтік емес ұйымдар – елдің қуатын арттыратын, мемлекеттің тұрақтылығын күшейтетін аса маңызды қоғамдық институт. Сол себепті, еліміздегі азаматтық бастамаларға қолдау және жан-жақты көмек көрсетіледі. Нақты цифрларға келсек, осыдан он жыл бұрын облыстағы қоғамдық ұйымдар саны 150 ғана болса, қазір бір мыңға жуықтады. 2009 жылы үкіметтік емес ұйымдардың жобаларына 45 млн. теңге бөлінсе, қаржы көлемі 22 есе өсіп, биыл 1 млрд. теңгеге жетті», - дей келе облыс әкімі Мемлекет басшысының саясатын жүзеге асыруда бірлесіп жұмыс істеуге және әлеуметтік маңызды жобаларды жүзеге асыруға шақырды.

Форум барысында аймақ басшысы ҮЕҰ-дың басшылары мен белсенді мүшелерін алғыс хатпен марапаттады.

Сондай-ақ, облыстың қоғамдық бірлестік басшылары сөз сөйлеп, аймақтағы азаматтық бастамаларды дамыту және қолдау туралы өз ұсыныстарын айтты.

2017 жылдың қорытындысымен Қызылорда облысы ҮЕҰ қызметін қаржыландыру бойынша республикада Алматы мен Астана қалаларынан кейінгі үшінші орынға ие болды. Бұдан басқа, аймақта Үкіметтік емес ұйымдарды бюджеттен тыс көздерден қаржыландыру шаралары қабылданып, «Дағдарыс жағдайына тап болған балалар мен аналарға арналған әлеуметтік қонақүй» жобасы іске асырылуда.

Қазіргі таңда Қызылорда облысында қызмет ететін үкіметтік емес ұйымдар арқылы денсаулық сақтау, білім беру, мәдениет, спорт пен кәсіпкерлік салаларын дамытуға бағытталған, жастар саясатын жетілдіруге арналған жүздеген жобалар жүзеге асуда. Мысалы, мүгедектердің ақпараттық-технологиялық сауаттылығын көтеру, электронды әкімдік бағдарламасын қолдануды үйрету, «Инватакси» әлеуметтік жобалары және «Мерейлі отбасы» ұлттық байқауы мен «Еңбек династияларының» форумы бес жыл көлемінде өткізіліп, халықтың ықыласына бөленген ауқымды әлеуметтік жобаға айналды.

Облыс әкімінің баспасөз қызметі

 
Қызылордалық коалиция Президент Жолдауын қолдап, Үндеу жариялады
10.10.2018 09:52

Кеше «Нұр Отан» партиясы Қызылорда облыстық филиалының ұйымдастыруымен «Қазақстан-2050 Демократиялық күштері аймақтық коалициясының мүшелері «Болашақ» университетінің мәжіліс залында бас қосып, Жолдау жүктеген міндеттерді жан-жақты талқылап, Сыр халқына Үндеу жариялады.

Үндеуде «Әрбір азамат елдегі ауқымды өзгерістерге өздерінің қатысын сезінуі тиіс. Елбасы Жолдауын іске асыру халықтың өмір сүру деңгейі мен еліміздің бәсекеге қабілеттілігін арттыруға нағыз серпіліс әкеледі. Біз, Демократиялық күштердің «Қазақстан-2050» аймақтық коалициясы, аймақтағы ірі диалог алаңының бірінің мүшелері ретінде барлықтарыңызды Елбасымыздың Жолдауын қолдауға және оны іске асыруға белсенді қатысуға шақырамыз!» делінген.

Отырысқа коалиция мүшелігіндегі барлық партиялар жетекшілері мен белсенділері, ҮЕҰ өкілдері, аймақтағы ЖОО-ның оқытушы профессорлары, белсенді жастар мен БАҚ өкілдері қатысты.

Жиынды «Нұр Отан» партиясы облыстық филиалы төрағасының бірінші орынбасары Ибадулла Құттықожаев ашып жүргізді. Ол өз сөзінде Саяси құжаттың ауқымдылығы мен мазмұндылығын жан-жақты баяндап, ондағы көрсетілген алдағы міндеттердің ел экономикасын ілгерілетуді көздеп отырғандығын атап өтті.

-Елбасы Жолдауында көрсетілген реформалар – халықымыздың тұрмыс сапасын жақсартып, әлемдік стандарттарға жеткізуге сол арқылы қоғам мен мемлекеттің бәсекеге қабілеттілігін арттыруға бағытталып отырған тиімді мүмкіндік. Сондықтан мұны іске асыруға ел болып жұмылуымыз қажет, - деді Ибадулла Құттықожаев.

Жиында Елбасы Жолдауын жүзеге асыруға бағытталған өңірдегі жұмыстар да пысықталып, тиісті мекеме басшыларының хабарламалары тыңдалды. Мәселен, ақпараттық-насихат жұмыстары бойынша облыстық ішкі саясат басқармасының басшысы Талғат Маханов айтып өтті.

Басқарма басшысының айтуынша, облыста Жолдауды насихаттау бағытында арнайы медиа жоспар әзірленген. Сондай-ақ, құрамы түрлі сала мамандарынан қамтитын 259 азаматтан тұратын 44 ақпараттық-насихаттық топ құрылған. Арнайы спикерлер пулы жасақталып, олардың пікірлері БАҚ-тар мен әлеуметтік желілерде жариялануда.

Кеңес отырысында коалиция мүшелігіндегі барлық партия өкілдері ойларын ортаға салып, үкіметтік емес ұйымдар пікірлері тыңдалды. Мақсат ортақ - Мемлекет басшысының Қазақстан халқына арнаған Жолдауын қолдау, қазақ қоғамындағы саяси тұрақтылық пен экономиканың қарқынды дамуына бірлесе үлес қосу.

«Нұр Отан» партиясы облыстық филиалының баспасөз қызметі

 
Мерекедегі мерейлі марапат
10.10.2018 09:45

«Айшылық алыс жерлерден, жылдам хабар алғызған». Осынау сөз бала кезімізден құлағымызға сіңісті болғаны әмбеге аян. Қандай қоғамда да байланыс саласының орны бөлек. Кеше «Дүниежүзілік пошта» күніне байланысты Қазалыдағы пошта байланыс торабында ерекше шара өтті. Жасыратыны жоқ, өз басым көп уақыттар бойы сырт көзге томаға-тұйықтау көрінетін осынау іргелі мекеменің тыныс-тіршілі туралы өзгеше пікірде болып келгенімді несіне жасырайын? Ашығын айтсам, мұндағылар газет-журнал таратып, уақыт өтсе болды деп жайбарақат жүретін қауым шығар деп ойлаушы едім. Пікірімнің мүлде ұшқары екенін ұжым мүшелерімен жақын араласа келе білдім. Бұл жер отыны мол жағылған қазандай бұрқ-сарқ етіп тынымсыз қайнап жататын, түрлі бағытта жұмыс жүргізетін, жауапкершілігі мол ең мазасыз орта болып шықты. Оған қоса, әлденеше жылдан бері ұжымның тізгінін абыроймен ұстап отырған Жайлаубай Нұрбаев та - жұмыс десе жанып түсетін, ортақ абырой жолында өзге тұрмақ, өзінен де темірдей тәртіпті талап ететін азамат.

Мұнтаздай пошта ғимаратының ауласында қолдарына күрек-кетпен ұстаған шоғырды көріп, жөн сұрадық. Мекеме басшысы Жайлаубай Маханұлы бұл ағымдағы жылы құрылғанына ширек ғасыр толған Қазақстан поштасының құрметіне ұйымдастырылған 25 мың түп тал егу республикалық акциясы аясындағы шара екенін жеткізді. Өздерінің қарбалас жұмыстарының арасында игілікті шаруадан қалыс қалмаған ауызбіршілігі мол ұжымға біз де табыс тіледік.

Мерекелік жиын барысында «Нұр Отан» партиясы Қазалы аудандық филиалы төрағасының бірінші орынбасары Қасқырбек Мәмбетжан пошта байланыс торабының ұжымын төл мерекемен құттықтап, Жайлаубай Маханұлын, Салтанат Әскербек, Алияш Шманованы «Алғыс хатпен» марапаттап, соңғысына жаңа үлгідегі партия билетін тапсырды. Ал мекеме басшысы Ж.Нұрбаев болса, бас маман Диляра Махамбетова мен хат тасушы Кенжегүл Қалиланы облыстық филал директорының мадақтамасымен марапаттады. Жиын барысында «Қазпошта» АҚ облыстық филиалы қауіпсіздік секторының бастығы Қабланбек Әбдіраманов, аталмыш сектордың бас маманы Бақыт Сиқымов өздерінің ақ ниеттерін жолдады.

Мерекелік шарадан соң өткен семинарда «Қазпошта» АҚ облыстық филиалы қауіпсіздік секторының бастығы Қабланбек Әбдіраманов жиналғандар алдында «Сыбайлас жемқорлықтың қоғамға тигізер зияны және алдын алу», өзге де тақырыптар бойынша құнды деректерден бейнебаянмен үзінді келтіре отырып, хабарлама жасады. Семинарға қатысушылар тарапынан қойылған сауалдарға жан-жақты жауап қайтарды.

Жұмабек Табынбаев,

Қазалы ауданы

 
ҚЫЗЫЛОРДАДА «АРАЛ ТАРТУЫ» АЛЛЕЯСЫ ЖАҢҒЫРТЫЛДЫ
10.10.2018 09:33

Қызылорда қаласының 200 жылдық мерейтойы аясында жаңғыртылған аллеяның ашылу рәсімі және мерекелік концерт өтті. Арал ауданы қалалық сапаржай маңында орналасқан жаңғыртылған аллеяның таныстырылымын өткізді.

2000 шаршы метр болатын аумақты қалпына келтіру, көгалдандыру, абаттандыру жұмыстары жүргізілді. Қайта жаңғырту жұмыстары демеушілер есебінен жүзеге асырылды.

Сондай-ақ, кеше А.Тоқмағамбетов атындағы мәдениет үйінде Арал өңірі өнерпаздарының концерті өтті. Онда қазақ халық әндері мен билері, патриоттық шығармалар, күйлер және әлемдік классикалық музыканың озық үлгілері орындалды.

Облыс әкімі Қ.Көшербаев нысанды қайта қалпына келтіру жұмыстарымен танысты және аудандық қоғам қайраткерлерімен кездесті.

Айта кетейік, Қызылорда облысы аудандарының шығармашылық ұжымдары 200 жылдық мерейтойға арналған концерт пен мерекелік түрлі шаралар өткізуде.

Облыс әкімінің баспасөз қызметі

 
ҚЫЗЫЛОРДА ОБЛЫСЫНДА ЕЛБАСЫ ЖОЛДАУЫ АЯСЫНДАҒЫ МӘСЕЛЕЛЕР ТАЛҚЫЛАНДЫ
09.10.2018 09:25

Облыс әкімі Қ.Көшербаев облыс активінің жиынында Мемлекет басшысы Н.Ә.Назарбаевтың 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру»  Қазақстан халқына Жолдауының негізгі міндеттерін жүзеге асыру жайын айтты.

Іс-шараға онлайн режимінде облыс аудандарының активтері қатысты.

Жиында әр саланың өкілдері жолдауға қатысты пікірлерін білдірді. Олардың қатарында «Сыр маржаны» ЖШС бас директоры Мінажадин Утеев, өңірлік кәсіпкерлер кеңесінің төрағасы Асқар Махамбетов, облыстық медицина орталығының директоры, облыстық мәслихат депутаты Нұридин Амитов, М.Мәметова атындағы жоғары педагогикалық колледж директоры Бақытжан Сайлыбаев және Санкт-Петербург университетінің түлегі, «СКЗ-U» зауытының инженер-технологы Жазира Смайылова ойларымен бөлісіп, ұсыныстарын айтты.

Аймақ басшысы атап өткендей, тәуелсіздік жылдары көп жұмыс атқарып, жаңа мемлекет құрып, бейбітшілік пен қоғамдық келісімді қамтамасыз ету мүмкіндігі туды. Қазақстанның халықаралық беделі артып, оның геосаяси рөлінің күшеюіне қол жетті.

«Бүгінгі актив жиыны Мемлекет басшысының "Қазақстандықтардың әл-ауқатының өсуі: табыс пен тұрмыс сапасын арттыру" атты Қазақстан халқына арнаған Жолдауына және «Болашаққа бағдар: рухани жаңғыру» атты бағдарламалық мақаласы бойынша алдағы міндеттерді айқындауға арналады. Жаһандану заманында әрбір ұлттың өзін-өзі тануға ұмтылуы – заңдылық. Осы ретте, Мемлекет басшысының «Болашаққа бағдар: рухани жаңғыру» бағдарламалық мақаласы Рухани сілкініске жол көрсетуші бағдар ретінде жаппай қолдауға ие болып, қоғамдағы жаңғыру үдерістеріне зор серпін берді. Сондықтан, бұл бастаманы әрі қарай жалғастыра отырып, оның аясын жаңа мазмұнмен және тың бағыттармен толықтыра беретін боламыз»,-деді аймақ басшысы.

Аймақ басшысы Жолдаудағы «адами капиталды» дамыту жөніндегі пікірді ерекше атап өтті.

«Заманауи қоғамда әлеуметтік-экономикалық дамудың сандық емес, сапалық сипаттамалары бірінші орынға қойылады. Қазіргі таңда экономикалық өсімнің және бар құндылықтың негізгі қозғаушы күші - адам, оның білімі мен дағдысы болуы керек. Оның өнімді еңбек әрекеттері біліміне, дағдысына, тәжірибесіне байланысты болады. Осылайша экономикалық өсімнің де жоғары сапасы қамтамасыз етіледі», - деді Қырымбек Елеуұлы.

Мемлекет басшысы бизнесті өркендетудің маңыздылығын тағы да атап өтіп, қазақстандықтардың басым бөлігін табыспен қамтамасыз етуде оның тиімділігінің зор екенін айтты. Биылғы жылды өңірде «Жаппай кәсіпкерлікті қолдау жылы» деп жарияланған болатын. Осы жұмыстардың оң нәтиже беруіне орай 2018-2020 жылдарды өңірімізде жаппай кәсіпкерлікті дамытудың үш жылдығы деп қайта жарияланды. Осы ретте, жұмыс жасап тұрған шағын және орта бизнес субъектілерінің саны бойынша жыл басынан бері өңірлер арасында Қызылорда облысы көш бастап тұр.

9 айдың қорытындысымен кәсіпкерлік саласында 101 жобаға несие бойынша пайыздық мөлшерлемелерді субсидиялау мақұлданды. Сондай-ақ, шағын және орта бизнес несиесі бойынша 52 жобаға кепілдік ұсынылды, гранттық қаржыландыруға 200 млн. теңге бөлініп, облыстың 224 кәсіпкерінің жобасы қолдау тапты. Бұдан басқа, өнімді жұмыспен қамту және жаппай кәсіпкерлікті дамыту бағдарламасы аясында 2018 жылы республикалық бюджеттен микрокредиттер беру үшін 3489 млн. теңге және облыстық бюджеттен микрокредиттерді ұлғайту үшін 1 млрд. теңге бөлінді.

Аймақ басшысы өңірдің басқа да жетістіктерін, әрі қарай шешілуі тиіс мәселелерін атап өтіп, жауапты тұлғаларға бірқатар тапсырмалар жүктеді.

Қорытындылай келе, облыс әкімі Қ.Көшербаев әріптестерін  Елбасының алға қойған міндеттерін жүзеге асыруға шақырды.

Облыс әкімінің баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қазан 2018 >
1 2 3 4 5 6 7
8 9 10 11 12 13 14
15 16 17 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары