Өзекті мәселелер

  • 09.08.18

    Ел іші ешқашан даусыз болмаған. Бұрында да ренжісіп, жер, жесір дауы үшін бір-бірімен араздасқан адамдар өмір сүрген. Әсіресе, жайылымдық жер үшін таласып, бірінің малын екіншісі қуып шыққан сәттер әдебиеттерден белгілі. Алайда ол кезде қазіргідей сот билігі болмаса да, ата-бабаларымыз шыңыраулы түрмесіз-ақ сол дауды бейбіт жолмен шешіп, екі тарапты бір ауыз сөзбен татуластыра білг...

    Толығырақ...
  • 09.08.18

    Біздің «Алдымен экономика, cодан  соң  саясат» деген­ айқын  формуламен ілгерілеп келе жатқанымызды мемлекет басшысы ай­қындап берген. Саяси реформалардың әрбір кезеңі эко­номика дамуы­ның  шекті  деңгейімен ұштасады. Сондықтан да біз саяси ырықтандыру жолын дәйекті ұстанудамыз. Осылайша халықтың рухани қазынасын жаңғыртып, оны бәсекеге қабілетті етуге қол жеткіземіз. Ал білі­мі мен білігі сай ...

    Толығырақ...
  • 09.08.18

    Бас шаһардың әр бұры­лысында жер қазылып жат­қандығын байқаған шығарсыз. Шыны керек, облыс ортал­ығында жыл сайын осындай шаруалар шығады да тұрады. Бұған наразы тұр­ғындар жергілікті билікті сынап­ әлек. Бұл мәселенің мәнісі былай екен. Оны қала әкімі Нұрлыбек Нәлібаевпен бірге бірқатар құрылыс нысандарын  аралау  барысында біліп  қайттық.

  • 09.08.18

    Өткен жұмада республикалық Қоғамдық кеңес төрағасы, ҚР Парламенті Сенатының депутаты Бақытжан Жұмағұлов пен «Нұр Отан» партиясының хатшысы Фархад Қуанғанов бас­таған делегация Сыр өңіріне жұмыс сапары­мен келді. Олар бірқатар ны­сан­дарды аралап, мемлекет басшысының 5 әлеуметтік бастамасының жүзеге асыры­лу  барысымен  танысты.

  • 09.08.18

    Н.НӘЛІБАЕВ,  қала  әкімі:

    Қала әкімдігінің мәжіліс залында өткен кезекті жиында екі мәселе қаралды. Әуел­гісі Қызылорда қаласының жылу маусымына дайындығы туралы болса, екіншісі кент және ауылдық округтердегі 4-деңгейлі бюджеттің орындалу  барысына  арналды. Қала әкімі Н.Нәлібаев аппарат мәжілісіне арқау болған тақырыптарды айт...

    Толығырақ...
Халық-хабар
Біз үшін керемет жаңалық
03.08.2018 09:41

Өздеріңіз де білесіздер, күні кеше облыс әкімі Қырымбек Елеуұлы «Кәсіпкерлер үйінің» жаңа ғимаратында бизнес-қауымдастық өкілдері мен мүдделі сала басшыларының басын қосып, «Жаппай кәсіпкерлікті дамыту жылының» 3 жылға ұзартылғандығын жеткізді. Бұл – біз үшін керемет жаңалық.

«Кәсіпкерлік жылы» деп жарияланған биылғы жылдың 6 айының өзінде саланы дамытудың кешенді Жол картасы әзірленіп, қаржыландырудың барлық көздерінен 32 млрд теңге қаржы тартылды. Соның ішінде жұмыссыз азаматтар мен өзін-өзі жұмыспен қамтушыларға шағын несие беру үшін 2 млрд 94 млн теңге қаржы қаралды. Бүгінгі күннің өзіне «Қызылорда» инвестициялық орталығы арқылы 280 жоба, «Ауыл шаруашылығын қаржылай қолдау қоры» АҚ Қызылорда облыстық филиалы арқылы 138 жоба қаржыландырылды. Негізгі басымдық ауылдағы ағайынға беріліп отыр.

Мұнан өзге, жыл басында инновациялық жобалар үшін жарияланған қайтарымсыз грантқа 200 млн теңге бөлінсе, байқау қорытындысымен 224 жоба жеңімпаз атанып, қаржыландырылды. Айта кету керек, биыл инновациялық жобаларға арналған гранттарға бөлінген қаржы өткен жылмен салыстырғанда екі есеге артты.

Осы және өзге де көрсетілген мемлекеттік қолдаудың нәтижесінде биылғы жылдың өзінде жұмыс істеп тұрған кәсіпкерлік субъектілері 11 пайызға артты. Қазір облыстағы шағын және орта кәсіпкерлік саласында 84 250 адам жұмыс істеуде. Жыл соңына дейін бұл көрсеткіш өсетіні сөзсіз.

Міне, бұл бірлесе 6 айда қол жеткізген жұмыстарымыздың бір бөлігі ғана. Енді осы қарқынды 3 жылға арттырыңызшы: жаңа жұмыс орындары, жаңа кәсіпкерлік нысандары мен қызмет түрлері. Бұл шешімнен біз ұтпасақ, ұтылмаймыз. Әріптестерім бұл жаңалықты қуана қабылдап, қазірдің өзінен жоспарларын жасауда.

Сондай-ақ, тамыз айынан бұрын қаладағы Әйтеке би көшесі, 28 мекенжайында жұмыс істеген «Кәсіпкерлер үйі» Желтоқсан көшесіндегі «Бастау» бизнес орталығына көшіп, жаңа серпінмен жұмысты жалғастыруда. Нәтижесін алдағы уақытта сөзбен емес, іспен дәлелдейтін боламыз.

Ал әзірше, барлығымызға жаңалық құтты болсын дегім келеді. Тыныштығы тұрақты, экономикасы қуатты елге айналайық. Осы бағытта бірге жұмыс істеуге шақырамын!

Ғалымбек Жақсылықов,

Қызылорда облысы кәсіпкерлер палатасының директоры

 
Қарақұйрық атып алған аңшылардың бас бостандығы шектелді
02.08.2018 18:09

Шиелі АІІБ-нің жергілікті полиция қызметінің табиғатты қорғау полиция қызметкерлері мен «Охотзоопром» ӨБ РМҚК мамандарының бірлесіп жүргізген рейдтік шолу жұмыстары барысында заңсыз аң аулағандар құрықталды.

Сәуір айында Шиелі ауданы, Еңбекші ауылына қарасты Қосүйеңкі ауылынан 10 шақырымдай жерде «УАЗ» маркалы автокөлігі тоқтатылып, тексеру барысында көліктің ішінен 1 бас қарақұйрық аңымен қоса екі дана аңшы қарулары айғақ зат ретінде алынды. Оқиға орнында күдікті 3 аудан тұрғыны ұсталды.

Аталған дерек бойынша ҚР ҚК-нің 337-бабы 4-бөлігінің 2-тармағымен сотқа дейінгі тергеп-тексеру амалдары жүргізіліп, іс 28 маусымда аудандық сотқа жолданды.

13 шілде 2018 жылғы аудандық соттың үкімімен заңсыз аң аулаған азаматтардың аңшы мылтықтары мен автокөлігі тәркіленіп, 3 жылға аңшылық қызметпен айналысу құқығынан айыра отырып, әрқайсысына пробациялық бақылау орнату арқылы 2 жыл 6 ай мерзімге бас бостандығынан шектеу жазасы тағайындалды.

Қызылорда ОІІД баспасөз қызметі

 
«Бизнес-кеңесшіні» оқып, грант ұтып алды
02.08.2018 09:59

Кәсіпкерлер палатасында сұранысқа ие жобалардың бірі – «Бизнес-кеңесші» оқу курсы.

Өткен жылдың өзінде «Бизнес-кеңесшінің» аясында 800 адамды оқыту міндеттемесін алсақ та, іс жүзінде 1555 қызылордалықты оқытып шықтық.

Жыл басталғалы 1773 азамат оқытылды. Оның ішінде 758 қызылордалық – облыстық әкімдік жариялаған инновациялық жобаларға арналған гранттарға қатысушылар. Қазірдің өзінде 1600 адам «Бизнес-кеңесшіні» оқуға кезекте тұр.

«Бизнес-кеңесшіні» оқыған азаматтар арасында биылғы жылдың 6 айында 244 азаматтың жалпы құны 364,2 млн теңгені құрайтын жобалары қаржыландырылды.

«Бизнес-кеңесші» оқу курсына қатысушылардың бірі – Жанар Шаутеева. Оның қолдан сыйлық жасау (handmade) жеке хоббиі болатын. Ол жұбайымен бірге халыққа ерекше сыйлықтар ұсынуды ойластырып, фанерден лазермен әрлеу арқылы жасалған түрлі бұйымдар шығара бастайды.

Халықтың сұранысын байқаған Жанар қызығушылығын кәсіпке айналдыруды ойлайды. Кәсіпкерлер палатасында «Бизнес-кеңесші» оқу курсына қатысып, кәсіпкерлік әлеміне бағыт алған ол өз идеясын инновациялық грантқа ұсынды. Нәтижесінде грант иегері атанып, берілген қаражатқа осы бұйымдарды жасап шығаруға қажетті құрал-жабдықтар сатып алды. Қазіргі уақытта түрлі ұлттық көрмелерге қатысып, өз бұйымдарын ұсынып жүрген жас кәсіпкер мемлекеттің беріп жатқан көмегіне дән риза.

«Біз ең алдымен өз көзқарасымызды өзгертуіміз керек екен. Жақсы ойлар нәтижелі жұмыстың негізі болатынына көзім жетті. Осы хоббимен айналысып жүргенде мемлекеттен көмек алуға болады дегенге еш сенбейтін едім. «Бизнес-кеңесші» курсына қатысып, кәсіпкерлік негіздері туралы ақпарат алдым. Содан кейін қызығушылығымды кәсіпке айналдыру мақсатында  жобамды инновациялық грантқа ұсындым. Грант иегері атанғаныма қуаныштымын», - дейді Жанар Шаутеева.

Достар, ерекше сыйлықтар әлеміне үңілгіңіз келсе @podar_ok_kz инста парақшасын қараңыз. Сізді қуантатын сыйлықты осы жерден таба аласыз.

Қызылорда облысы

кәсіпкерлер палатасының баспасөз қызметі

 
Кәсіпкерлер палатасы шетелден маман шақырып береді
02.08.2018 09:20

«Бизнестің жол картасы - 2020» бизнесті қолдау мен дамытудың бірыңғай бағдарламасы аясында облыстық Кәсіпкерлер палатасы «Аға сеньорлар» құрылымы бойынша белсенді жұмыстар жүргізіп келеді. Бұл құрылым қатысушыларға басқарудың жаңа әдістерін енгізу, өндіріс технологияларын, құрал-жабдықтар мен персоналды басқаруды оқыту мәселелері бойынша тікелей өндірістік кеңес беру үшін нәтижелі жұмыс тәжірибесі бар, жоғары білікті шетел мамандарын тартуға бағытталған.

Сырдария ауданы Тереңөзек кентінің тұрғыны Ақтоты Әбдуова 2017 жылы «Бақ-Нұр бөбек» балабақшасын ашып, өз кәсібін бастады. Балалардың жан-жақты тәрбие алып, дамуына қолайлы жағдай жасалған бөбекжайда 75 бала тәрбиеленуде. Әр балаға жеке тұлға ретінде қарап, оның балабақшадан болашағына қажетті дүниелерді игеріп шығуына ықпал етіп, тынымсыз тер төгуді қажет деген ұстанымды басшылыққа алған балабақша ұжымы өз тәжірибелеріне үнемі жаңа әдіс-тәсілдерді енгізіп отыруды әдетке айналдырған. Осы жолы да жаңашылдыққа бет бұрған ұжым облыстық Кәсіпкерлер палатасымен бірігіп, «Аға сеньорлар» құрылымы бойынша жұмыс істеді.

«Талапқа сай, қазіргі заманауи технологияға сәйкес жұмыс жасау үшін Кәсіпкерлер палатасымен бірлесе отырып, Түркия елінен арнайы маманды шақырттық. Түркиялық маман Қызылгүл Валибакова - бизнес-тренер әрі ағылшын тілінің маманы. Маман балалармен де, тәрбиешілермен де жұмыс істеді», - дейді жеке кәсіпкер Ақтоты Әбдуова.

«Аға сеньорлар» құрылымына бағдарлама аясында экономиканың басым секторларында өз қызметін жүзеге асыратын шағын және орта кәсіпкерліктің субъектілері қатыса алады. Шетелдік сарапшыларды тарту бойынша шығындар республикалық бюджет есебінен жүзеге асырылады.

Қызылгүл Валибакова - әдіскер-мұғалім. Оның міндеті - балалар мен тәрбиешілерге ағылшын тілін оңай әдістерді пайдалану арқылы үйрету. Қызылгүлдің ағылшын тілін үйрету бағдарламасы 10 күнге арналған. Осы аралықта балалар қарапайым ағылшын тілін түсініп, сұрақтарға жауап бере алуы тиіс. Тоғыз жыл еңбек өтілі бар әдіскер бұл жолы Тереңөзек кентіндегі «Бақ-Нұр бөбек» балабақшасындағы бүлдіршіндермен жұмыс жүргізді. Аз мерзімнің ішінде балалар сұраққа жауап беріп, түстерді ажыратуға, өздері де сауал қоюға үйреніп алды. Палатаның сүйемелдеуі арқасында келген түркиялық маман аталмыш бағдарлама аясында тәрбиешілерді де ағылшын тіліне үйретті.

Қызылорда облысы

кәсіпкерлер палатасының баспасөз қызметі

 
Қызылордада білім гранттарының заңды әрі әділ бөлінуіне арнайы мониторингтік топ бақылау жасайтын болады
02.08.2018 09:10

Қызылорда облысындағы колледждердегі оқуға қабылдау процесін бақылау үшін емтихан комиссияларының құрамына арнайы мониторингтік топ өкілдері енгізілді.

Бұл туралы сыбайлас жемқорлық тәуекелдеріне талдау жүргізетін арнайы мониторингтік топтың кезекті отырысында айтылды.

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басқарма басшысы Бағдат Ізкеновтың айтуынша, арнайы мониторингтік топ өкілдері мемлекеттің тапсырысын алатын мемлекеттік және жекеменшік колледждерде оқуға қабылдау үдерісін толық қадағалайды. «Топ мүшелері білім гранттарын заңсыз иелену, оқуға заңсыз қабылдау мен емтихан қабылдауда артықшылықтар көрсету түріндегі жағдайларды анықтау бағытында қоғамдық бақылау жүргізетін болады», - деді ол.

Бүгінгі таңда облыс бойынша 29 мемлекеттік және жекеменшік колледждердің емтихан қабылдау комиссияларының құрамына облыстық, қалалық және аудандық мониторингтік топ өкілдері арнайы бұйрықпен енгізіліп, өз жұмысын бастап кетті.

Б.Әбдіқадыров

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Тамыз 2018 >
    1 2 3 4 5
6 7 8 9 10 11 12
13 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары