Өзекті мәселелер

  • 21.06.18

    Ұлы Жібек жолының бойында орналас­қан көне қалаға жаңа атау берілді. Оңтүстік Қазақстан облысы бұ­дан былай Түркістан облысы деп аталады. Орталығы – Түркістан қаласы. Бұл тарихи шешімді бүрсі­гүні Ел­басы ресми түрде мә­лімдеді.

    Ақордада «Қазақстан  Республикасының әкімшілік-аумақты...

    Толығырақ...
  • 21.06.18

    Жемқорлыққа қарсы мәдениетті қалыптастыру бүгінгі қоғамның басты мәселесіне айналғандай. Жыл сайын парақорлыққа қарсы күрес, оның алдын алу шаралары қанша кү­шейтілсе, керісінше қылмыстық фактілер де солай көбейіп барады. Әкім­дік­тердің құқық қорғау органдарымен бірлесіп өткізген түрлі іс-шаралары да, экс-премьер-министр, министр мен әкімдердің қолына салынған кісен де парақорларды тоқтата алм...

    Толығырақ...
  • 21.06.18

    Нақты жұмыстардың нәтижесі сұралатын уақыт жетті. Бұл облыстағы кәсіп­керлік саласына қатысты. Өткен  сенбіде Жаңақорған, Шиелі  аудандарында  өткен көшпелі  жиында облыс  әкімі  Қырымбек  Көшер­баев өңірдегі кәсіпкерлік са­ласының даму барысын назарға­  алды.

    Мемлекеттік органдар мен қаржы институттары өкілдері қатысқан жиында аймақ  басшысы:

  • 21.06.18

    «Оның бүркеншік аты – Пеле. Футболды жақсы көретін, жанын сала ойнайтын. Жылдамдығында шек жоқ. Осыдан 50 жыл бұрын, 19-20 жасымызда Алматы мемлекеттік консерваториясында Төлепберген Әбдірашевпен бірге бес жігіт бір бөлмеде тұрдық. Ауылдан келгенбіз. Қалтамызда тиын-тебеніміз де аз болды. Ішіміздегі ең пысық, ең жылдамымыз Төлепбереген еді. Вокзалға бару керек, троллейбусқа ақша керек деген сын...

    Толығырақ...
  • 21.06.18

    Азаттық таңымен бірге келген тарихымыздағы көптеген ақтаңдақтарды ашу, көмескіленген ұлттық сананы жаңғырту сияқты үлкен міндеттерді жүзеге асыруда­ көрер көз, сезер жүрек болса, қаламгерлеріміз атқарған істер аз емес. Жаңа тарих үдесінде өмірге бітімі бөлек көркем дүниелер келе бастады. Олар кейде жаңа өмір көктемінің алтынкүрек өкпегіндей еді. Сондай туындылардың бірі – жазушы Сайлаубай Жұбат...

    Толығырақ...
Халық-хабар
ҚЫЗЫЛОРДА ОБЛЫСЫНДА АУЫЛДЫҚ ЖЕРЛЕРДЕГІ ҮКІМЕТТІК ЕМЕС ҰЙЫМДАРДЫҢ БЕЛСЕНДІЛІГІ АРТТЫ
18.06.2018 10:16

Аймақтағы әлеуметтік жобалардың басым бөлігі ауылдық жерлерде жүзеге асырылады;  ағымдағыжылғы 139 жобаның 79 аудандық деңгейде жүзеге асырылып жатыр.

Облыс әкімі үкіметтік емес ұйымдармен кездесу барысында әлеуметтік жобаларды қалыптастыру кезінде ғылыми-зерттеу орталықтарымен жүргізілген зерттеу жұмыстарының қорытындысы, өңірлік статистикалық көрсеткіштер, БАҚ-тар мен интернет ресурстарда жиі көтерілетін мәселелер, үкіметтік емес ұйымдардың бастамалары ескеріле отырып әзірленіп жатқанын айтты.

«Облыста ауылдық деңгейдегі ҮЕҰ әлеуетін арттыру үшін жергілікті бюджеттен қаржыландыру көлемі жылдан-жылға артып келеді. Мәселен, 2017 жылғы 181 жобаның 100-і Қызылорда қаласы және аудан әкімдіктерімен іске асқан болса, ағымдағы жылғы 139 әлеуметтік жобаның 79-ы аудандық деңгейде жүзеге асырылуда. Осы орайда жобаларың басым бөлігі қоғамдық келісімді және ұлттық бірлікті нығайтуға, жастар саясатын іскеасыру мен балалар бастамаларын қолдау, халықтың әлеуметтік тұрғыдан осал топтарына қолдау көрсету әлеуметтік қызмет салаларында екенін атап өткен жөн», - деді облыс әкімі.

Сондай-ақ, аймақ басшысы Қызылорда облысы ҮЕҰ қызметін қаржыландыру бойынша көшбасшылар қатарында екенін атап өтті.

«2017 жылдың қорытындысы бойынша Қызылорда облысы Үкіметтік емес ұйымдардың қызметін белсенді ету бойынша қаржыландыру жағынан Астана мен Алматы қалаларынан кейін 3-ші орынды иеленді. Бұл сіздер мен біздердің бірлікте атқарған жұмысымыздың нәтижесі деп білемін. Бұдан басқа, аймақта Үкіметтік емес ұйымдарды бюджеттен тыс көздерден қаржыландырылады», - деді аймақ басшысы.

Атап айтқанда, өңірде «Дағдарыс жағдайына тап болған балалар мен аналарға арналған әлеуметтік қонақ үй» жобасы іске асырылуда. Қазақстан Республикасы Діністері және азаматтық қоғамминистрлігінің гранты негізінде жергілікті Үкіметтік емес ұйымдарға әдістемелік көмек көрсету үшін жарияланған конкурстың жеңімпазы болып «Қызылорда облысының Азаматтық Альянсы» Қауымдастығы Үкіметтік емес ұйымдарға арналған ресурстық орталық тағайындалды.

Өңіріміздегі оңтайлы істердің жалғасы ретінде әлеуметтік жобаларды ұзақ мерзімді қаржыландыру мәселесі, оның ішінде мүгедек азаматтарды оңалту  мен әлеуметтендіруге бағытталған жобаларды қаржыландыру мәселесі оң шешімін тапқан. Мысалға: мүгедектердің ақпараттық технологиялық сауаттылығын көтеру, электронды әкімдік бағдарламасын қолдануды үйрету, «Инватакси» әлеуметтік жобалары.

Бұданбасқа, аймақтағы қоғамдық кеңестердің қызметін тұрғындар арасында кеңінен насихаттау мақсатында Үкіметтік емес ұйымдармен бірлесіп, қоғамдық бақылауды дамыту әлеуметтік жобасы іске асырыла бастады.

Жергіліктіқ оғамдық бірлестіктердің басшыларысалалары бойынша жүзеге асырылып жатқан жобалар туралы баяндама жасады.

Кездесу барысында билік пен үкіметтік емес ұйымдардың өзара қарым-қатынасын орнықтыратын кеңестер және орталық атқару органдарында салалық үкіметтік емес ұйымдар қатысуларымен консультативтік-кеңестік органдардың қызмет жасауы, еліміздің әлеуметтік модернизациясында үкіметтік емес ұйымдардың алатын орнымен билікпен бірлескеніс-қимылдың маңызы жайлы айтылды, азаматтық қоғам өкілдері үкіметтік емес секторын дамытушаралары жайлы ұсыныс-пікірлерін айтты.

Облыс әкімінің баспасөз қызметі

 
ЖАЙДАРЫ ЖАЗДЫҢ ҚЫЗЫҒЫ
18.06.2018 10:11

Жайдары жаздың жарқын күндерінде балалар үшін жағымды жаңалықтардың бірі жазғы лагерьдің ашылуы болды деуге болады. Осы орайда, балалардың жазғы демалысын тиімді әрі көтеріңкі көңіл күймен өткізу мақсатында №220 орта мектебінде «Балдәурен» жазғы тынығу лагері жұмыс жасап келеді. Лагерь ұжымы жұмыс барысында балаларды ойнатып ғана қоймай, балаларға күнделікті тәрбиелік мәні зор іс-шараларды ұйымдастырып жатыр. Бүгінгі таңда «Балдәурен» лагері бірінші ауысымын сәтті аяқтап, екінші ауысымға аяқ басып та үлгерді. Осы тұста екінші ауысым қызықты күндерімен бастау алды деуге болады.

Нақтырақ айтқанда, демалушы балалар Елбасымыздың «Рухани жаңғыру: болашаққа бағдар» атты бағдарламалық мақаласы аясында төл тарихымызға, бабаларымыздың өмір салтына бір сәт үңіліп, туған жердің тұлғаларын, тарихи өлкелерді тану мақсатында Ә.Нұрпейісов атындағы мұражайға және жаңадан ашылған рәміздер алаңына саяхаттап қайтты. Сонымен қатар, оқушыларды өрт кезінде қажет ететін алдын алу шараларымен таныстыру мақсатында Арал қаласындағы жаңа «Өрт сөндіру»  мекемесіне де арнайы саяхат ұйымдастырылды.

Жалпы, лагерьдің жұмыс барысы әр күн сайын қызғылықты іс-шаралармен ұштасып жатқандығын аңғартады. Оған балалар арасында өткізілген «Лагерь ханшайымы мен ханзадасы» және Астана қаласының 20 жылдығына орай «Асфальтқа сурет салу» сайыстары ме  үштілділікті дамыту негізінде «орыс тілі», «ағылшын тілі» үйірмелерінің де жүйелі жұмыс істеп келе жатқаны айқын дәлел.

Арал ауданы әкімінің баспасөз қызметі

 
Арал ауданында медиаторларды оқыту семинары өтті
18.06.2018 10:05

Жақында аудандық мәдениет үйінде «Бітім» медиация орталығы» қоғамдық бірлестігінің ұйымдастырумен медиаторларды оқыту мақсатында арнайы семинар өткізілді. Семинарға Арал аудандық сотының төрағасы Е.Тұрбаев, соттың қызметкерлері, кәсіпқой медиатор Б.Бердалиев және кәсіпқой емес медиаторлар қатысты.

Оқыту семинарын аудандық соттың төрағасы Е.Тұрбаев ашып, жүргізіп отырды. Семинар барысында Қызылорда облысының медиация орталығының басшысы, жаттықтырушы медиатор Ляззат Бақтыбаева сөз алып, медиациямен татуластыру орталығы Қазақстан Республикасы бойынша Қызылорда облысында ғана екендігін және осы оқу-семинардың мақсаты – қатысушылардың медиация саласында қызмет көрсету білімін, дағдыларды игеру, іс-шараларды жүргізу үшін қажетті қасиеттерді меңгеру екендігін атап өтті.

Осы орайда, аудандық сот төрағасы Е.Тұрбаев «Медиация туралы» Заңы қабылданғаннан бері, ауданында кәсіпқой медиатор Б.Бердалиев және кәсіпқой емес медиаторлар қызмет атқаратындарын, сонымен қатар медиаторлардың қатары көбейіп келе жатқандығын тілге тиек етті. Сонымен қатар, осы саланы жетілдіре түсу мақсатында түрлі іс-шаралар, семинарлар, дөңгелек үстелдер, жиналыстар болып тұратындығын жеткізген ол осы бағытта татуластыру рәсімдерінің тиімділігі мен азаматтардың дау-жанжалдарды соттан тыс реттеулерінің пайдалы тұстары жайлы ұдайы түсіндіру шараларын жүргізудің маңызды екендігін айтты.

Осы ретте айта кету керек, қазіргі таңда Арал аудандық соты медиация көмегімен татуластыру рәсімдерін қолдануда алдыңғы қатардан көрініп келеді. Осыған сәйкес, аудан медиаторлары Жоғарғы Сот Төрағасының грамотасын иеленіп те үлгерген.

Семинар соңында, қатысушылар осы шараның өзектілігі мен маңыздылығын қорытындылап, барлық қатысушылар арнайы сертификаттарға  ие болды.

 
ҚЫЗЫЛОРДАЛЫҚ ҮЗДІК ТҮЛЕКТЕРГЕ МЕДИЦИНАЛЫҚ УНИВЕРСИТЕТТЕРГЕ ГРАНТ БӨЛІНЕДІ
18.06.2018 09:59

Биыл Қызылорда облысында резидентураға 25 гранттан бөлек, аймақтың мектеп және медициналық колледждерінің үздік түлектеріне облыс әкімінінің гранттары бөлінетін болады. Бұл туралы облыс әкімі Қырымбек Көшербаев Медицина қызметкерлері күніне арналған салтанатты жиында хабарлады.

Облыстық музыкалық драма театрында Медицина қызметкерлерінің күніне арналған салтанатты шара өткізілді. Қызылорда облысының әкімі Қырымбек Көшербаев дәрігерлерді кәсіби мерекелерімен құттықтап, аймақта медицина саласын дамыту бойынша өткізіліп жатқан жұмыстар туралы баяндап берді. Атап айтқанда, соңғы 3 жылдан бері қажетті медициналық мамандықтар бойынша резидентураға гранттар бөлініп жатыр, ағымдағы жылы да 25 грант бөлінді.

«Биылдан бастап орта мектептер мен медицина колледждерінің үздік бітірушілеріне облыс әкімінің арнайы гранты тағайындалып отыр. Грант арқылы оларға оқу бітіргенше қолдау көрсетілетін болады. Облыс бойынша жергілікті бюджет қаражаты есебінен қажетті мамандықтарға қайта даярлауға 2017 жылы 68 млн теңге бөлінсе, 2018 жылы 2 есеге ұлғайып, 130 млн теңге қарастырылды. Айта кету керек, биыл мамандарымыз Корея мемлекетінде және Ресей, Татарстан Республикасының Қазан қаласында білімін жетілдіруге, Қытай, Австрия, Ресей мамандарымен тәжірибе алмасып, озық технологияларды енгізуге мүмкіндік алып отыр», - деді аймақ басшысы.

Жыл қорытындысы бойынша үздік қызметкер атанған дәрігерлерге 500 мың теңгеге сертификаттар табысталды.

Іс-шара мерекелік концерттік бағдарламамен аяқталды.

Естеріңізге сала кетейік, «Цифрлы Қазақстан» мемлекеттік бағдарламасына сәйкес сала медициналық ақпараттық жүйемен 100 пайыз қамтылса, цифрлық технологияларды енгізуге, компьютерлендіруге жергілікті бюджеттен ағымдағы жылға 365 млн теңге қаржы бөлінді. Одан бөлек, денсаулық сақтау саласында мемлекеттік-жекеменшік әріптестік те қарқынды дамуда. 2017 жылы 4 жоба іске асырылса, 2018 жылға жалпы құны 14 млрд теңгені құрайтын 28 жобаны іске асыру жоспарлануда.

Денсаулық сақтау саласының инфрақұрылымын жетілдіру мақсатында соңғы 5 жыл ішінде жалпы құны 27,4 млрд теңгеге 58 нысан пайдалануға берілді, оның ішінде 49-ы апаттық жағдайдағы нысандар орнына салынды.

Атқарылған шаралар жалпы өлім-жітімді 4 пайызға, оның ішінде нәрестелер өлімін 41,2 пайызға, қатерлі ісіктен - 22,8 пайызға, туберкулезден - 2 есеге азайтуға мүмкіндік берді. Нәтижесінде, облыс халқының күтілетін өмір сүру ұзақтығы соңғы бес жылда 2 жыл 6 айға артып, 72,2 жасты құрады.

Атап өтейік, ендігі кезекте Қазалы аудандық ауруханасы базасында Арал, Қазалы, Қармақшы аудандары мен Байқоңыр тұрғындарына кардиологиялық орталық ашу, Арал және Шиелі аудандарында 150 төсектік орталық ауруханалардың жұмысын аяқтау, Қазалы ауданындағы Әйтеке би кентінде 250 келушіге, Қызылорда қаласындағы Тасбөгет кентінде мемлекеттік-жекешелік әріптестік негізінде реабилитациялық орталығы бар 250 келушіге арналған емхана, сол жағалауда көпбейінді 300 төсек-орындық аурухана құрылысын бастау тұр.

Облыс әкімінің баспасөз қызметі

 
ДӘРІГЕР – ӨМІР ТІРЕГІ
18.06.2018 09:51

«Ақ халатты абзал жандар». Осынау бір ауыз сөзде қаншама құрмет пен жауапкершілік жатқаны анық. Дәрігерлер қауымына қандай ілтипат жасасақ та артық болмас еді.Соған орай елімізде медицина қызметкерлерінің кәсіби мерекесі дәстүрлі түрде аталып өтіледі. Бұл көрініс теңіз төскейінде де берік сақталған.

Мәдениет орталығында ұйымдастырылған шараға аудан әкімінің орынбасары Р.Өтешов, «Нұр Отан» партиясы Арал аудандық филиалы төрағасының бірінші орынбасары Т.Қанатов, аудандық мәслихат хатшысы Д.Мадинов, медицина саласының қызметкерлері мен ардагерлері, тұрғындар қатысты. Дәрігерлер қауымының құрметіне орай өткен салтанатты жиынды аудан әкімінің орынбасары Р.Өтешов ашып, ақ халатты абзал жандарды мерейлі мерекесімен құттықтады. Мұнан соң еңбегімен ел алғысына бөленген сала үздіктері аудан әкімінің және Арал аудандық «Нұр Отан» партиясы филиалы төрағасының алғыс хаттарымен марапатталып, құрмет төрінен орын алды.

Шара аудан өнерпаздарының арнайы концерттік бағдарламасына ұласты.

Жұмабек Табынбаев,

Арал ауданы

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Маусым 2018 >
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары