Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін3325
mod_vvisit_counterКеше3755
mod_vvisit_counterОсы аптада10120
mod_vvisit_counterӨткен аптада20075
mod_vvisit_counterОсы айда32625
mod_vvisit_counterӨткен айда58946
mod_vvisit_counterБәрі4213715


Өзекті мәселелер

  • 05.12.19

    «Құмкөл-Қызылорда» авто­жолы­ның 70-інші шақырымында «Кеңлік» кен орнынан Шымкент қаласына бағыт­ алған «Neoplan» маркалы автобус­ аударылып, 8 адам қаза тапты. 21 адам жарақат алған. Мәліметтерге сүйенсек, автобус ішінде барлығы 36 адам болған. Олардың барлығы – «Саутс Ойл» мұнай компаниясының қызметкерлері» деген ақпарат барша қазақстандықтың қабырғасын қа­йысты­рғаны  анық.

    Толығырақ...
  • 05.12.19

    Алты құрлықты ақпарат билеген уақытта оған ілесіп отырудың өзі жетіс­тік. Соңғы жылдары «жаңа медианың келешегі кемел, ал дәстүрлі БАҚ-тың болашағы бұлыңғыр» деген пікір бірен-саран айтылып жүр. Қай медианың алға озып, қайсысы артта қалатыны уақыт еншісіндегі дүние деп білеміз. Бірақ ел алдымен интернетте жылт еткен жаңалыққа емес, газет бетінде қатталған хабар­ға сенетіні анық. Ол – ақиқат. Толығырақ...

  • 05.12.19

     

    Ерғали  АБДУЛЛА


    Қу  ақша

    Бермеймін дегенді – бергізеді. Көрмеймін деге...

    Толығырақ...
  • 05.12.19

    Арнайы  бетіміздің  тұрақты айдарындағы кезекті қонағымызбен  сұхбаттасудың  сәті түсті. Бұған дейін есепшілер мен ұстаздар әулеті туралы жазған болатынбыз. Жасыратын түгі жоқ, бұл жолы кейіпкер таңдау оңайға соқпады. Нәти­жесі­нде таңдау арманы – бір, мақсаты – ортақ, бол­мысы – егіз, бірге оқып, медицина саласында бірге қызмет етіп, бір шаңырақтың түтінін түзу ұшырып отырған дәріг...

    Толығырақ...
  • 05.12.19

    Тұңғыш Президент Н.Ә.Назарбаев өткен жылғы 5 қазандағы Жолдауында «2019 жыл – Жастар жылы» деп жариялады. Жыл аяғы жақын. Күні бүгінге дейін елімізде жастар мәселесі бойынша озық істер орындалып, межелі мақсаттарға қол жеткізілді. Елбасы өзінің «Тәуелсіздік дәуірі» атты кітабында: «Менің ойымш­а, біздің жастар елеспен өмір сүрмеуге тиіс. «Қазақстанның әлеуметтік жаңғыртылуы: Жалпыға орт...

    Толығырақ...
Халық-хабар
ҚАЗАЛЫДАҒЫ БАЙРАҚТЫ БӘСЕКЕ
02.12.2019 12:00

Тебіренісімді баса алар емеспін. Шаршы алаңдағы шамырқана ширығып, қарсыласын бұрыштан-бұрышқа қуалап, соққылар тізбегін жаудырған шымыр тұлғалы өрен, қапысын тауып оңтайлы тұстан тиген жұмырықтан есеңгірген спортшыға есеп ашып бір... екі... үш деп санап жатқан ортадағы төреші, жекпе-жек арасындағы қысқа дембасарда тәлібіне жанталаса ақыл-кеңесін сыбырлай жеткізген бапкер, маңдайынан ащы тері сорғалаған боксшы, сыңғыр еткен гонг үні, жайшылықта жылдам, шайқас кезінде өтіп болмайтын жылға бергісіз минуттар, жеңістің ащы, жеңілістің кермек дәмі... сонау қиырда қалған балауса шақ көз алдымнан кино лентасынша жылжып жатты.

Алабұртқан сезім жетегінде аппақ киінген төрешілер шоғырының арасынан жаныма аса жақын адамды іздегенмін. Ақжарқын дағдысымен жымия күліп, қалың нөпірді қақ жарып (оның алдын кес-кестеу... әй, қайдам...) кіріп келетіндей көңілім өрекпіген еді. Бірақ... Аумақты залдың дәл ортасына ілінген үлкен билбордтағы жансыз бейнесі мен «Білікті бапкер, КСРО спорт шеберлігіне кандидат, талантты спортшы Тарғын Таңатарұлы Нұралиевты еске алуға арналған облыстық турнир» деген жазуды жанарым шалғанда жүрегім шым ете түсті.

Сонда ғана бұл шараның №17 Қазалы спорт мектебінің ғимаратында аудан әкімі Мұрат Ергешбаевтың бастамасы, Тарғынның шәкірттерінің демеушілігі, аудан әкімдігі мен облыстық спорт басқармасының ұйымдастыруымен өтіп жатқан облыстық турнир екені есіме түсті. Тарғын бапкерді еске алуға арналған турнирді өткізуге мақала авторы бас болып, шәкірттерінің тура төрт ай дайындық жасағанын айта кетсек. Біздің үй бұрынғы боксшылардың ақылдасар мекеніне айналды. Кімге кім ұстаз болмай жатыр? Шәкірті, оның ішінде спорттың бокс аталатын қатал түрімен шұғылданған төзімі темірдей шойын жұдырықты азаматтар әспеттеген бапкердің бағамы қаншалықты биік екенін пайымдай беріңіз. Әні-міне дегенше межелі мерзім де жетіп келді. Өткен жексенбіде Жанқожа батыр атындағы орталық мешітте профессор Мұхан Таңатарұлының бастауымен Нұралиевтер әулеті Тарғынның аруағына арнап ас берді. Жанқожа батыр атындағы мешіттің бас имамы Берік қажы Сүлейменов сазды үнмен оқыған қасиетті құранның аяттары киелі мекенге жиналған 200-ге тарта жанның көкейіне алуан ой салғандай. Асты өзге жұрт «Қазалының Левитаны» атандырған Кенже-Әлі Асқар өте шебер жүргізді. Дастарқан басында «Қазалы ауданының құрметті азаматы», «Құрметті теміржолшы», Қазалы аудандық ардагерлер кеңесінің төрағасы Оразғали Бекбанов өзге де жамағат Тарғын Таңатарұлының Қазалы боксының дамуына зор үлес қосқанын, жүздеген шәкірттерінің аудандық, облыстық, республикалық жарыстарда, халықаралық турнирлерде топ жарып, аудан абыройын көкке көтергенін тебірене жеткізді .

Келесі күні спорт мектебінің ғимаратында байрақты бәсеке басталды. Турнирдің ашылу салтанатындағы кіріспе сөзінде Қазалы ауданы әкімі Мұрат Нәлхожаұлы Тарғын Нұралиевтың көптеген ұландардың спортты серік етіп, денсаулығын нығайтуға, аудан боксының қарыштап алға басуына ерекше әсер еткенін, есімі халқымен қайта қауышқанын атап өтті.

Тарғынның дүниеден өткеніне санаулы айдан соң он жыл толады. Осы аралықта Қазалы боксының дамуы жолында телегей тер төккен білікті бапкердің есімі мүлде аталған жоқ. Қапияда көлік апатынан көз жұмған Тарғынды жерлеу кезінде оның шәкірттері мен сыйласқан азаматтар қаралы жиын өтетін шығар деп ойлаған едік. Ескерілмеді. Жылдар өте бапкердің көзін көрген қауым «Тарғын Нұралиевты еске алып турнир ұйымдастырылса, қажетті шығынды өзіміз табар едік, тек рұқсат берсеңіздер болды» деген өтінішпен әкімдіктің табалдырығын тоздырды. Тағы да бір бағытқа басын бұра ұзақ жүгіріп, мойны қарысып қалған қасқырдай лауазымдылар селт етпеді. Тарғынды қадірлейтін көпшіліктің тауы шағыла бастағанда Мұрат Нәлхожаұлы басшылыққа келіп, ұсынысты қызу қолдады.

Күллі тіршілік иесін жаратушы Алла әркімнің несібесін өлшеп қояды деген рас екен. Тарғынды еске алуға арналған турнир облыстық деңгейде дегенмен республикалық дәрежеде өтті. Жарысқа Қызылорда, Байқоңыр қаласы мен аудандарға қоса Қарағанды мен Шығыс Қазақстан облысынан командалар қатысып, аптаға жуық бақ сынасты. Турнирге қажетті барша қаражатты Тарғын Нұралиевтың шәкірттері, жеңімпаздар мен шараның өтуіне белсене атсалысқандарға қаржылай жүлдені Тарғынның достары, кластастары, Баймырза аталығындағы туыстары мен Өркендеу, Қожабақы ауылындағы жерлестері көтерді.

Турнирдің жабылуында аудан әкімінің орынбасары Әлімжан Жарылқағанов тебірене сөз сөйледі. Демеушілер дайындаған ақшалай, заттай сыйлықтар табыс етілді.

Турнир барысында өзіміз тілдескен белгілі спортшы Бақытбек Қазыбаев «Мұндай ауқымды жарыстың Қазалыда өткеніне қатты риза болдым. Ұйымдастырушыларға алғысым шексіз» деген пікірін білдірді.

Жарыстан соң турнирге қатысушылар жарыстың жоғары деңгейде өткенін, ашылу салтанаты мен жабылу рәсімі керемет ұйымдастырылғанын айтып ризашылықтарын жаудырды. Қазалыға алғаш рет қадам басқан Шығыс Қазақстан облысы мен Қарағандыдан келген меймандарымыз өздері бұрын-соңды атын да көп естімеген шалғайдағы аудандағы көркі келіскен заманауи үлгідегі спорт кешендерге, олардың спорттық құрал-жарақтармен жабдықталуына, әсіресе жарысқа арнап құрылған су жаңа рингке сүйсінгендерін жеткізді. Мақтағанды кім жек көрсін? Туған жерімізді мақтағанға мерейіміз тасып қалды. Баршаның басын қосқан спорт додасын өткізгеннен рухани тұрғыда ұтпасақ, ұтылмағанымызды терең түйсіндік.

Жұмабек  ТАБЫНБАЕВ,

Қазалы  ауданы

 
ҚАЗАЛЫДА ҚАЙЫРЫМДЫЛЫҚ ШАРАСЫ ҰЙЫМДАСТЫРЫЛДЫ
02.12.2019 11:50

Қазалыда Тұңғыш Президент күні қарсаңында тұрмысы төмен отбасылар мен көпбалалы аналарға 4 миллионнан астам теңгенің қайырымдылық көмегі жасалды.

Қайырымдылық шарасына аудан әкімі, орынбасарлары мен аудан әкімінің аппараты, облыстық, аудандық мәслихат депутаттары, мекеме-кәсіпорын басшылары, кәсіпкерлер атсалысты. Акция аясында 18 отбасыға қатты отын, 105 тұрғынға азық-түлік пен 40 оқушыға киім-кешек алынып берілді.

Мұндай шаралар алдағы уақытта өз жалғасын табатын болады. Осыған орай аудан тұрғындары мен мекеме-кәсіпорын ұжымдарын Тәуелсіздік күні мен Жаңа жыл мерекесінде ұйымдастырылатын қайырымдылық шараларына атсалысып, сауапты іс жасауға шақырамыз.

 

Қазалы ауданы әкімінің баспасөз қызметі

 

Сурет интернеттен алынды

 
ҚАЗАЛЫДА ТАРҒЫН НҰРАЛИЕВТЫ ЕСКЕ АЛУҒА АРНАЛҒАН ОБЛЫСТЫҚ ТУРНИР АЯҚТАЛДЫ
02.12.2019 11:30

Қазалыда талантты боксшы, білікті бапкер, КСРО спорт шеберлігіне кандидат Тарғын Нұралиевты еске алуға арналған облыстық турнир аяқталып, жеңімпаздар анықталды.

Турнирдің жабылу салтанатында аудан әкімінің орынбасары Әлімжан Жарылқағанов сөз сөйлеп, жас боксшыларды жеңісімен құттықтады.

Әйтеке би кентіндегі №17 Қазалы олимпиадалық резервтың мамандандырылған балалар-жасөспірімдер мектебінде өткен байрақты бәсекенің жеңімпаздарын аудандық ішкі саясат бөлімінің басшысы Әліби Әбиев, облыстық "Сыр бойы" газетінің Арал, Қазалы аудандарындағы меншікті тілшісі Жұмабек Табынбаев, Қазалы спорт мектебінің директорлары Жұмабек Құлбаев пен Қуанған Бәкен, Тарғынның ағасы мен досы, шәкірттері марапаттап, медальдарын тапсырды.

Айтакетейік, Қазалыда 25 қараша күні Тарғын Нұралиевты еске алуға арналған бокстан жасөспірімдер арасындағы республикалық турнир басталған болатын. Дүбірлі додаға Қызылорда облысының былғары қолғап шеберлерімен қатар, Қарағанды және Шығыс Қазақстан облыстары, Байқоңыр қаласының спортшылары қатысты.

Қазалы ауданы әкімінің баспасөз қызметі

 
Қызылордада ақын Әділ Ботпановтың 50 жасына арналған кеш өтті
29.11.2019 17:30

Осыдан 22 жыл бұрын 27 жасында хабар-ошарсыз жоғалып кеткен қызылордалық ақын Әділ Ботпановтың есімі жыр сүйер қауымға жақсы таныс. Өмірде бар-жоғы әлі күнге белгісіз тағдыры тылсымға толы ақын биыл 50 жасқа толды. Ақынның осы мерейтойына орай Аманжол Оңғарбаев, Дүйсенбек Аяшұлы бастаған сырбойылық достары Қызылордада «Мені өледі деген сөздер – ертегі…» атты поэтикалық жыр кешін ұйымдастырды.

Не бары 20 жасында қазақ поэзиясындағы «құбылыс» атанған Әділ Ботпановты барша қазақ білмегенімен, әдеби орта – ақын-жазушы, қалам иелеріне оның есімі, өлеңдері, аяқталмай қалған проза, драматургиясы таныс. Әділ жарқ етті де жоқ болды… Ізім-қайым. Не бары, не жоғы белгісіз…

Әділді ең алғаш болып белгілі ақын Жарас Сәрсек досы «Қазақ әдебиеті» газетінде «Қайдасың, Әділ?!» деген мақала жариялап, іздеді. Жазушы-журналист Қанат Тілеухан «Аққан жұлдыз» атты радиохабар жасады. Құрдасы, курстасы, ақын Бауыржан Бабажанұлы Әділ Ботпановтың шығармашылық кешін ұйымдастырып, жиып-теріп «Өмірзая» атты шағын ғана кітабының шығуына ұйытқы болды.

Кейінгі кезде курстасы, белгілі продюсер Базарбек Атығай «Алматы» телеарнасынан Әділ Ботпанов туралы «Сәуле-ғұмыр» атты телебағдарлама ұйымдастырды. Осындай шаралардың басы-қасында үнемі Аманжол Оңғарбаев атты досы жүрді.

Сыр елінде өткен ерекше кеш шымылдығы Әділ Ботпановтың өмірі мен шығармашылығынан арналған деректі фильмнен бастау алды. Онда көрермендерге ақын туралы жан-жақты мағлұматтар ұсынылды.

Жарқын естеліктерге толы фильм ақын Әділдің шығармашылығын арқау еткен қойылымға ұласты. Қойылымда қызылордалық жас таланттар ақынның өлеңдерін нақышына келтіре орындай отырып, «құбылыс» Ботпановтың болмысын жан-жақты аша түсті. Ақынның жүректерді тербеген жалынды жырлары көрермен көңілін тебірентіп, ерекше сезімге бөледі. Бір ғажабы ақынның өзінің өмірін «Өмірзая» деп бағалапты.

Өмірзая. Бұл – жай жұлдыз емес. Өзге жұлдыздардан ерте туып, түнгі аспанда айдың астын мекендейтін шамшырақ. Бір ерекшелігі, қараңғы көкке алғаш сәулесін шашқанымен, өзге жұл­дыздар оянғанда өшетін жұл­дыздың атауы – бұл. Адамдар да жұлдыздар іспетті. Бірі көк жүзінде түнімен жарқырап тұ­рады. Алайда, адамдарға берер әсері шамалы. Ал, бірі азғантай уақыт түнгі аспанда жарқ етеді. Ол пенденің санасында сағыныш сезімін тудырады.

Осындай «жұлдыздың» бірі – Әділ Ботпанов десек артықтық етпес. Өзі айтқандай қараңғы аспан төрін­де жарқ етті де ғайып болды. Сонан­ бері жұрт оны сағынып жүр. Оның тағы бір мәрте ай астын­ан көрінуін күтеді. Ал, Өмірзая оларды сағындыра түседі. Әділ Ботпанов жайлы сөз еткенде, жоғалған жұлдыз көз алдымы­зға елестейді. Ол жо­ғалды. Әлі де табылмай келеді. 27 жасында жоғалған ел азаматы жүрекке «Келеді» деген сенімді ұялатады. Әрине, өзі жоқ болғанымен, оның ұшқыр қаламынан туған жырлары ел аузында жүр…

Ақмешіт аспанын жырға бөлеген поэтикалық кеште оның курстас достары ақын Бауыржан Бабажанұлы, Кенже Байназаров, актер Әділжан Шомбалов та Сыр елінің төрінен табылды. Достары тағдырлы ақын туралы түрлі естеліктерімен бөлісті, оның жырларын жатқа оқыды.

«Қазығұрт» баспасының директоры Темірғали Көпбаев жоғарыда аталған «Өмірзая» кітабын алғаш болып 1000 данасын тегін шығарғаны ел есінде. Кейіннен қызылордалық жерлестері тағы да мың данаға тапсырыс беріп, арнайы шығартты. Бүгінгі кешке Әділдің досы Әділжан Шомбалов тағы да 500 данасын шығарып әкеліп, елге таратты. Оның бір бөлігі облыс пен аудандардағы барлық кітапханаға 10 данадан тегін берілетінін жеткізді.

Міне, өзі жоғалса да, өлеңі жоғалмаған ақынды дәріптеген поэтикалық кештің екінші бөлімі «Әділдің жыр әлемі – жүрегімде» атты республикалық ақындар мүшәйрасына ұласты.

Жыр мүшәйрасына алдын ала жасалған хабарландыру бойынша 30-ға жуық ақынның өлеңдері келіп түсіп, арнайы комиссия 8 ақынды іріктеп алыпты. Мүшәйра талабы бойынша ақындар 2 өлеңнен оқыды, біріншісі – тағдырлы ақын Әділ Ботпановқа арнау, екіншісі – еркін тақырыптағы өлең.

«Ақтөбе» газетінің бас редакторы, ақын Бауыржан Бабажанұлы, ақын, режиссер-сценарист Оңталап Нұрмаханов, айтыскер ақын, 2 мәрте «Алтын домбыра» иегері Мұхтар Ниязов республикалық жыр мүшәйрасына қазылық жасап, шын жүйріктерді анықтады.

Мүшәйра қорытындысымен қызылордалық Ақтілек Бітімбай, Айдана Ерболат, Алматы қаласынан келген Ақдидар Әлібекқызы, Көкбөрі Мүбәрак ынталандыру сыйлықтарына ие болды.

Үшінші орынға түркістандық Тілеубек Батысұлы мен қазалылық Әлихан Махашев лайық деп танылса, екінші орынды Павлодар қаласынан келген Алтынбек Елемесұлы қанжығасына байлады.

Ал, І орынды аралдық Биболат Сәтжан еншіледі.

Жүлдегерлердің барлығына қаржылай сыйлықтар табыс етілді.

Биболат Сәтжанға жүлдені тапсырған Әділ Ботпановтың досы Аманжол Сақыпұлы бүгінгі мүшәйрада жеңімпаз атанған ақынның жыр жинағын 1000 данамен өз қаражатына шығарып беретінін жеткізді.

Ерекше өткен поэтикалық кеш соңында ақынның туған ағасы Данабек Әнуарұлы мен Гүлсім Ботпанова сөз алып, ұйымдастырушыларға алғыстарын жеткізді. Ботпановтар отбасының атынан мүшәйраға қатысқан барлық ақындар мен қазылар алқасына, Әділ Ботпановтың достарына қазақтың қасиетті қара домбырасын, басқа да сыйлықтарын сыйға тартты.

P.S: «Әділдің атын атағаннан кейін үш нүкте қоюға мәжбүрміз. Бірақ бұл үш нүкте Әділдің өмірі мен шығармашылығына қойылған нүкте емес», – депті Маралтай ақын бір естелігінде. Солай болсын дейміз…

Нұрсұлтан МЫҚТЫБАЙ,

журналист.

Kyzylorda-news.kz.

 
ПАРАСАТТЫЛЫҚ МЕКТЕБІ АШЫЛДЫ
29.11.2019 17:25

Сыбайлас жемқорлыққа қарсы іс-қимыл агенттігінің төрағасы Алик Шпекбаев пен Қызылорда облысының әкімі Қуанышбек Ысқақовтың қатысуымен Қорқыт ата атындағы Қызылорда мемлекеттік университетінде «Парасаттылық мектебі» ашылды.

Университетте қазіргі таңда жалпы 5300 студент білім алуда. 2017 жылы «Бизнес-Start» инновациялық жобаларды жүзеге асыру орталығы (бизнес-инкубатор) ашылды. Бизнес-инкубаторда бүгінгі күнге дейін 85 білім алушылар 25 бизнес-жобаны жүзеге асырып, 14 шағын кәсіпкерлік субъектісі ашылды. Жас кәсіпкерлердің өз бизнестерін бастауға мүмкіндіктер жасалуда.

Соңғы 2 жылда Қорқыт Ата атындағы ҚМУ ғалымдары алған патент саны 50-ді құрайды. Университет ғалымдарының «Инновациялық жобалар каталогы» дайындалып 500 данасы шығарылып, технологияларды коммерциаландыру бойынша қызығушы отандық және шетелдік мекемелер мен бизнес-құрылымдарға ұсынылған.

Алик Шпекбаев оқу орнының студенттеріне «Парасаттылық сағатын» өткізді. Өз сөзінде: «Біз Сіздер сияқты санасы сергек, ойы орамды, жүрегі жалынды жастардың қолдауымен ғана жемқорлықтан арыла аламыз. Оқуда дана, еңбекте дара, елге пана болыңыздар», - деген тілегін жеткізді.

Қызылорда облысында өскелең ұрпақты рухани-адамгершілік және азаматтық-патриоттыққа тәрбиелеу мақсатында өңірдегі 293 жалпы білім беру ұйымында «Адал ұрпақ» ерікті мектеп клубтары жұмысын жүргізсе, 32 арнаулы орта және жоғарғы оқу орындарында «Саналы ұрпақ» клубтары құрылған.

Осылайша, жемқорлыққа қарсы 30 мыңнан астам жастың басы біріктірген жоба жүзеге асуда.

Сонымен қатар, Алик Шпекбаев «Адал ұрпақ» еріктілер клубының облыстық штабының белсенділерімен кездесіп, жастарға өмірде жетістікке жету үшін адал еңбек етудің, жас кезден бастап әр жеткіншектің бойына әділеттілік, парасаттылық және адалдық құндылықтарын сіңірудің маңыздылығын айтты.

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Желтоқсан 2019 >
            1
2 3 4 5 6 7 8
9 10 12 13 14 15
16 17 18 19 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары