Өзекті мәселелер

  • 18.07.19

    Жалпы, қай жерде болмасын статистиканың орны бөлек. Статис­тика – адам сүйсініп не күйініп оқитын бірден-бір ақпарат. Яғни, ол – әрдайым оқылымды материал­. Сондықтан  болар, Ұлттық экономика министрл­ігі Статистика  комитетінің  http: //stat.gov.kz/ сайтын әлсін-әлсін шолып тұратынымыз бар. Бұл жолы біз өз облысымызға қа­тысты біршама сандық деректерге тап болдық. Оны жүйелеп, оқырман ...

    Толығырақ...
  • 18.07.19

    Қызылордада құрылыстың қарқынды дамы­ғаны соңғы бесжылдық десек, асыра айтқандық емес. Алдымен тұрғындарды әлеуметтік нысандармен қамтуды басты бағыт санаған жергілікті басшылар қаладағы көпқабатты тұрғын  үйлердің де көптеп бой көтеруіне мән берді. Оған соңғы 6 жылда облыста 2 млн шаршы метрден астам тұрғын үй пайдалануға берілгені дәлел. 2013 жылы 270 мың шаршы метр тұрғын үй салынса, 2018 жы...

    Толығырақ...
  • 18.07.19

    Бүгінгі күні ауданда балық шаруашылығы саласы қарқынды дамыды деп айтуға толық негіз бар. Өйткені балық шаруашылығы өңір экономикасының дамуына және халықтың әлеуметтік жағдайының жақсаруына, оларды жұмыспен қамтамасыз етуде маңызды рөл атқарып отыр. Себебі Арал теңізі мен Сырдария өзенінің жағасында қоныстанған жергілікті халықтың өмірі мен тұрмысы балық шаруашылығымен тығыз б...

    Толығырақ...
  • 18.07.19

    «Рас, үйленбей тұрып әйел­ді «ашсам – алақанымда, жұм­сам – жұдырығымда ұстаймын» дегеннің бірі мен едім» деп бас­тады автобуста отырған жігіт ағасы. Өзі ащы судан аздап ұрт­тап алғанға ұқсайды. Сәлден соң салбыраған басын қисаң­дата көтеріп, көзін жартылай ашып-жұмып «менде бәрі бар еді, көлігім де, үйім де...» деп тағы налыды. Ал, әйелін айт­қандағы байғұстың жыларман түрі мен шарасыздықтан с...

    Толығырақ...
  • 18.07.19

    Сүйріктей саусақ, сәнді тырнақ – кез келген қыз-келіншектің арманы. Тырнағын әсемдеу әйелге сенімділік сыйлайды. Өз-өзін бағалайтынын байқатады. Бүгінде гельді тырнақ бояуын қолданбайтындар сирек. Екінің бірі осы әдісті жасатады. Оның кәдімгі бояудан артықшылығы көп. Бір айға дейін жылтыр әрі тартымды түсін сақтайды. Бірақ... Сұлулыққа құштарлық денсаулыққа қауіп төндіруі мүмкін. Ма...

    Толығырақ...
Халық-хабар
ҚУАНЫШБЕК ЫСҚАҚОВ ҚЫЗЫЛОРДА ҚАЛАСЫНЫҢ НЫСАНДАРЫН АРАЛАП КӨРДІ
05.07.2019 09:40

Қызылорда облысының жаңа әкімі Қуанышбек Ысқақов Қызылорда қаласы нысандарының жұмысымен танысып, қалалық автобус паркін, Ғ. Мұратбаев атындағы орталық стадионды және Қызылорда ЖЭО аралады.

Жоспарланған нысандардан бөлек облыс басшысы жоспардан тыс, алдын ала ескертусіз тұрғындар тарапынан әлеуметтік желі арқылы келіп түскен мәселелер бойынша №11бағыттағы автобуспен Тасбөгет кентіне барып, қоғамдық көліктердің жұмысымен танысты. Автобус салонында Қуанышбек Ысқақов жолаушылармен сөйлесіп, олардың ұсыныстары мен тілектерін тыңдады,сондай-ақ облыс тұрғындарымен тікелей байланыс үшін өзінің Твиттер-аккаунты арқылы өңірді дамытуға қатысты ой-пікірлерімен бөлісіп бірге жұмыс істеуге шақырды.

Сондай-ақ, өңір басшысы "Сәулет" шағын ауданында болып, тұрғындардың осындағы көлшіктің жанында заңсыз қоқыс тастау орны пайда болғаны туралы шағымдарын тыңдады. Аймақ басшысы қала әкімінің міндетін атқарушы Бектас Нұриддиновке осы мәселені бір ай көлемінде шешуді тапсырды.

Аймақ басшысы 758 автокөлік жұмыс істейтін 26 қалаішілік және 6 қала маңындағы маршруттардан тұратын автобус паркіне барды. Оның ішінде сыйымдылығы үлкен 112, сыйымдылығы орташа 293, аз сыйымдылықтағы 343 автобус.

Сыйымдылығы үлкен жаңа үлгідегі 112 автобус бейнекамералармен, мүгедектерді отырғызуға арналған құрал-жабдықтармен (аппарельдермен) жабдықталған. Сонымен қатар, № 2 қалалық маршрутта қатынайтын 2018 жылы "ПАЗ 32054" маркалы 10 автобус сатып алынды. "Қызылорда" автобус паркі " ЖШС-не 450 адам жұмыс істейді.

Сондай-ақ, Қуанышбек Ысқақов 1969 жылы салынған Ғ. Мұратбаев атындағы орталық стадионды қайта жаңғырту жұмыстарымен танысты. Айта кетерлік жайт, 2001 жылы стадионды толық қайта құру жұмыстары жүргізіліп, келесі жылдары оның конструкциялары ішінара ауыстырылып, жөндеуден өтті. Қазір стадионның сыйымдылығы 7000 орынды құрайды, нысанның жалпы ауданы-16700 ш. м.

2018 жылдың тамыз айында стадионды қалпына келтіру жұмыстары басталды. Мердігер мекеме "Интегрострой" ЖШС футбол алаңында жасанды газонды және трибунадағы орындықтарды ауыстыруды орындайды, сайдингпен қапталған металл қалқа орнатады, сондай-ақ жылыту, дренаждық, кәріздік және су құбыры жүйелерін ауыстыруды және бетон және темір бетон конструкцияларын орнатуды жүргізеді.

Облыс әкімі "Қайсар"футбол клубының ойыншыларымен кездесті.

"Қырымбек Елеуұлының сіздерге ыстық сәлемін жеткізгім келеді. Алда "Шахтермен" өтетін ойында сәттілік тілеймін. Біз өз тарапымыздан сіздерге тиісті қолдау көрсетеміз. Ал сіздер жанкүйерлеріңізді жеңістеріңіздермен қуантыңыздар", - деді аймақ басшысы.

Өз кезегінде, қайсарлықтар да толық жаңғыртудан өткен заманауи талапқа сай стадион үшін алғыстарын айтты.

Одан бөлек, Қуанышбек Ысқақов "Қызылорда ЖЭО" МКК 2019-2020 жж. жылыту маусымына дайындық барысымен танысты. "ҚТЭО" МКК директоры Руслан Нұрмағамбетов хабарлағандай, дайындық кестеге сәйкес жүргізілуде, қондырғыларды ағымдағы жөндеуге арналған қаражаттың бір бөлігі, резервті мазут отынының қалдықтары кәсіпорын филиалдарының нормативтік-пайдалану қорында сақталуда.

"Сонымен қатар, 2019 жылдың 1 шілдесіне кәсіпорын алдында 388,7 млн. теңге дебиторлық қарыздары бар, оның ішінде көпқабатты үйлер тұрғындарының қарызы 328,4 млн. теңгені, жеке сектор тұрғындары – 54,4 млн. теңгені, шағын және орта бизнес нысандары – 54,4 млн. теңгені және бюджеттік мекемелер – 1,96 млн. теңгені құрайды. Электр қуатын пайдаланушылардың дебиторлық берешегі 132,0 млн. теңгені құрайды, оның ішінде: "Энергосервис" ЖШС - 70,0 млн.теңге, "Қызылорда СуЖүйесі" МКК - 62,0 млн. теңге", - деді Руслан Нұрмағамбетов.

Облыс әкімінің баспасөз қызметі

 
ОБЛЫСТЫҚ ҚОҒАМДЫҚ КЕҢЕСТІҢ ТӨРАҒАСЫ Б.САЙЛЫБАЕВ: «ХАЛЫҚТЫҢ МӘСЕЛЕЛЕРІН БИЛІККЕ ЖЕДЕЛ ЖЕТКІЗЕТІН БОЛАМЫЗ»
04.07.2019 17:40

Бүгін облыс әкімі Қуанышбек Ысқақов облыстың қоғамдық кеңесінің төрағасы Бақытжан Сайлыбаевпен кездесті. Кездесуде аймақ тұрғындарының өзекті мәселелері талқыланып, кеңестің жартыжылдық жұмыс қорытындысы бойынша қысқаша есеп берілді.

«Аймақ басшысына облыстық қоғамдық кеңесінің жұмысы туралы қысқаша баяндап, облыс халқының өзекті мәселелері бойынша бірқатар ұсыныстар айттым. Қазір халықты алаңдататын мәселелер: аяқ сумен қамту, газдандыру және табиғи газ тарифтері, көпбалалы отбасыларды әлеуметтік қамту мәселелері бойынша көпшілікті алаңдатып отырған сұрақтар. Облыс әкімі Қоғамдық кеңестің басты мақсат-міндеті – тұрғындарды алаңдататын өзекті проблемаларын билікке жедел түрде жеткізу, яғни, жергілікті билік органдарының жауапкершілігін арттыруға ықпал етуі қажет екенін айтты», - деді Бақытжан Әбдіхалықұлы.

Облыс әкімінің баспасөз қызметі

 
ЕЛГЕ ЕҢБЕГІ СІҢГЕН АРДАГЕРЛЕР «ҚЫЗЫЛОРДА ОБЛЫСЫНЫҢ ҚҰРМЕТТІ АРДАГЕРІ» МЕДАЛІМЕН МАРАПАТТАЛАТЫН БОЛАДЫ
04.07.2019 17:25

Бүгін облыс әкімі Қуанышбек Ысқақов облыстың ардагерлер кеңесінің төрағасы Серік Дүйсенбаевпен кездесті. Аймақ басшысы ардагерлер кеңесінің жартыжылдық жұмыс қорытындысы бойынша қысқаша есебін тыңдады.

«Облыс әкімі Қуанышбек Досмайылұлының қабылдауында болып, Сыр өңірі ардагерлер кеңесінің жұмысы туралы қысқаша мәлімет бердім. Аймақ басшысы бірқатар тапсырма жүктеді. Сондай-ақ, қала, аудандарды аралау барысында жергілікті ардагерлермен кездесу туралы ұсыныс айттым. Әрі қарай да бірлесіп жұмыс істейтін боламыз», - деді Серік Әбішұлы.

Жалпы, Қызылорда облысының ардагерлері өңірдің қоғамдық өміріне белсене араласып келеді. Мерекелік іс-шаралар мен күнделікті жұмыс барысында ақыл-кеңестерін беріп, жастарға патриоттық тәрбие беруден жалыққан емес.

«Осы жылдың 6 айдың өзінде біраз жұмыс атқарылды. Мәселен, сәуір айындағы ҚР Президентінің сайлауалды науқанында Сыр ардагерлерінің қосқан үлесі ерекше. Халықпен кездесіп, ақпараттық және үгіт-насихат жұмыстарына белсене араласты. Ардагерлеріміздің аймақ дамуына қосқан үлестері үшін алғысымыздың белгісі ретінде «Қызылорда облысының Құрметті ардагері» медалін әзірледік. Сыр өңірінде үлкен абыройға ие, белсенді жұмыс істейтін ардагерлерді осы медальмен марапаттайтын боламыз», - деді Серік Дүйсенбаев.

Облыс әкімінің баспасөз қызметі

 
Абайлаңыздар, аптап ыстық сақталады!
03.07.2019 14:30

Қызылордада  «Сабалақ» саяжайында қайғылы оқиға тіркелді. Кешегі аптап ыстықта ер-азамат суға түсіп, көз жұмды. Су арнасындағы  мәйітті құтқару жасағының қызметкерлері алып шықты, - деп хабарлайды облыстық төтенше жағдайлар департаменті бастығының орынбасары, полковник Саид Молдақараев.

Облыс әкімдігінің баспасөз орталығында өткен брифингте С.Молдақараев шомылу маусымы басталғалы 17 адамның ажалы судан келгенін айтады. Жан тапсырғандардың 12-сі ересек болса, 5-еуі – кәмелет жасына толмаған балалар.

Күн ысығалы жағажайларда адам толастамайды. Суға түсіп, шомылатындардың саны артқан сайын төтеншеліктердің де жұмысы көбейеді. Олар  күндізгі сағат 15.00-ден кешкі 22.00-ге дейін жұмыс істейді. Бірақ абайсызда суға кетіп, ажал құшатындар көбейген. Төтеншеліктердің мәлімдеуінше, жыл басынан бері балық аулап жүріп, 3 адам суға батып кеткен.  Ал белгіленбеген жерлерде шомылған 9 адам ажал құшыпты. Екі кісі атпен өтеміз деп, өзенге ағып кеткен. Ал бір кісінің мүрдесі су арнасынан табылған.

– Аптап басталғалы адамдар суға шомылуға жиі барады. Жалпы, шомылушыларға суға батырмайтын  арнайы  киімді  сатып алуға кеңес береміз. Бірақ адамдар  мұны орындамайды. Соның салдарынан зардап шегеді. Көбісі кешкі мезгілде суға түседі. Мекемедегі 50 қызметкердің барлық тұрғынға бақылау жүргізуге қауқары жетпейді,-дейді «Оңтүстік өңірлік аэроұтқыр жедел құтқару жасағы» ММ басшысы Бақыт Ембергенов.

Облыстық төтенше жағдайлар департаменті бастығының орынбасары С.Молдақараевтың айтуынша, жаз маусымында өрт ошағы да көбейген. 2019 жылдың 6 айында облыс бойынша 247 өрт тіркелген. Шығын 31 443 мың теңгені құрады. Былтырғы жылмен салыстырсақ, өткен жылы 223 өрт оқиғасы болған. 22 449 мың теңге материалдық шығын келген.  Биылғы 247 өрттің 15-сі нысанда, 166-сы тұрғын үй секторларында, 64-і автокөлікте  болған. Биыл суға кету, өрт жағдайының өткен жылмен салыстырғанда өскені байқалады.

Ал «Қазгидромет» РМК Қызылорда облысы бойынша филиалының  бөлім бастығы Әйгерім Жөкелова шілдеде ауа райының ыстық болатынын хабарлады.

Иә, шілденің 1-і қызылордалықтардың есінде қалды. Температура 47 градусқа көтерілді. Сынап бағанасы жоғарылап, кей аумақта солтүстік-шығыстан 15-20 м/с жел соқты. Иран аймағынан жылжыған жылы ауа массасының әсерінен ауа температурасы +47°С-қа жетті. Бірнеше күн бұрын әлеуметтік желіде «60°С ыстықта қызылордалықтардың бауырсақты отсыз пісіргендігі» туралы бейнеролик  тараған болатын. Алайда Әйгерім Болатбекқызы  мұның  жалған ақпарат екенін алға тартты.

– 60°С ыстық әлем бойынша тіркелмеген. Тіпті сахара шөлінде де мұндай  ыстық болмаған. Ал сұйық майдың қайнау температурасы – 220 градус. Бұл халықтың назарын аудару үшін жасалған. Бізде термометрлермен ауа температурасы стандартқа сай өлшенеді,-деді Ә.Жөкелова.

Алдағы күндері атмосфералық фронттардың өтуіне байланысты тұрақсыз ауа райы  байқалады. Сынап бағанасы +47°С-тан  +30+35°С-қа және солтүстік аудандарда 25°С-қа дейін төмендейді. Қатты жел тұрып, найзағай ойнап, жаңбыр жауады. Тіпті бұршақ жаууы ықтимал. Ал апта соңында 35-40 градусқа ыстыққа дейін жоғарылайды. Шілденің 2-3 онкүндігінде де аптап ыстық сақталады.

Құттыбике  Нұрғабыл

 
Қызылордада мал терісін сатып алу пункттерінің жабылуы проблемаға айналуда
01.07.2019 18:20

Бұл туралы Кәсіпкерлер палатасының Агроөнеркәсіптік кешен бөлімінің бастығы Жасұлан Серіков айтты.

Облыс тұрғындарының 56 проценті ауылдық аймақтарды тұрады деген Палата өкілі олардың басым көпшілігі мал шаруашылығымен айналысатын өзін-өзі жұмыспен қамтыған ауыл тұрғындары және жеке кәсіпкерлер екендігін айта келе ауыл азаматтарының бүгінгі таңда кездесіп отырған проблемасына тоқталды.

«Өткен жылдан бері проблема болып тұрған мәселелердің бірі – мал терісін сатып алу пункттерінің жабылуы. Осы жылдың ақпан айынан бастап ірі қара малдың өңделмеген терісін 6 айға дейін шетелге шығаруға тыйым салынған. Сол себепті мал терісінің бағасы 10-15 есеге дейін түсіп, көп аудандарда мал терісін сату мүлде тоқтап қалды. Осылайша мал шаруашылығы кәсібіндегі азаматтар қосымша табыстан айырылып, ал ауыл тұрғындары теріні қоқысқа тастап жатыр. Қоқыстағы терілер елді мекеннің экологиялық проблемасын туғызу қаупі де бар», - дейді Жасұлан Серіков.

Мал шаруашылығымен айналысатын азаматтарға кедергі келтіріп отырған бұл проблема Қазақстан Республикасы Индустрия және инфрақұрылымдық даму министрінің 2019 жылғы 19 ақпандағы № 89 бұйрығымен бекітілген «Қалпына келтiрiлетiн қағазды, картонды, макулатураны және қалдықтарды, ірі қара малдың өңделмеген терісін әкетуді реттеудің кейбір мәселелері туралы» құжатынан кейін туындаған.

Аталмыш құжатта «ірі қара малдың өңделмеген терісін (Еуразиялық экономикалық одақтың Сыртқы экономикалық қызметінің бірыңғай тауар номенклатурасы коды 4101) әкетуге алты ай мерзімге тыйым салу енгізілсін», - деп көрсетілген.

Қазір облыстық кәсіпкерлер палатасы «Атамекен» Ұлттық кәсіпкерлер палатасының орталық аппаратына және  Ауылшаруашылық министрлігіне аталмыш мәселе жөнінде хат жолдап, кәсіпкерлердің проблемасын жеткізді.

Алайда Жасұлан Серіковтың айтуынша, Индустрия және инфрақұрылымдық даму министрлігі осы жылдың тамыз айында бұл шектеуді 5 жылға дейін созуды жоспарлап отыр екен. Аймақ кәсіпкерлері бұл жаңалыққа алаңдаушылықтарын білдіруде.

Қызылорда облысы

кәсіпкерлер палатасының баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Шілде 2019 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары