Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
ҚЫЗЫЛОРДАДА ТАҒЫ БІР ЗАУЫТ ІСКЕ ҚОСЫЛДЫ
28.01.2014 10:32

Кеше аймақ басшысы Қ.Елеуұлының қатысуымен «Тозығы жеткен автокөлік дөңгелектерін қайта өңдеу арқылы резеңке ұнтақтары мен жерасты суару түтіктерін шығару өндірісін ұйымдастыру» жобасының ашылу салтанаты өтті.

Бүгінде еліміз даму даңғылын нақты айқындап, қарқынды өсіп келеді. Осы ретте Қызылорда қаласындағы «Smart Rubber» ЖШС мен «Дорстрой» ЖШС-нің аталмыш жаңа жобасы қызылордалықтар үшін игі бастамаға айналатын түрі бар. Жобаның жалпы құны 500 млн. теңгені құраса, зауытта барлығы 40-тан астам азамат жұмыс жасайтын болады. Неміс технологиясының күшімен алдағы уақытта 3 млн. 800 метр жерасты суару түтігі, 440 тонна белсенді резеңке ұнтағы, 270 тонна резеңке түйіршіктері шығарылатын болады. Жарамсыз дөңгелектерді қайта өңдейтін зауыт Астана мен Қызылорда қалаларында ашылған.

Игі бастама қала тынысы, яғни табиғатқа экологиялық залал келмейтіндей етіп жасалған. Облыс әкімі ешбір қоспасыз өңделетін өндірістің өңір үшін берері мол екенін айта келіп:

- Облысымызды жасыл аймақ ету керек. Бұл жоба өңіріміздің дамуына үлкен септігін тигізеді. Осы мүмкіндікті пайдалана отырып, ұлттық инновациялық технологияны қолдау қорына, осы жоба барысында жұмыс жасаған неміс әріптестерге алғысымды білдіремін,-деп ағынан жарылды.

Салтанатты рәсімде жобаны ойлап тапқан Г.Фридел сөз алып, зауыттың қысқа мерзімде жүзеге асып, қолдауға ие болғанына алғысын айтты. Дегенмен, талайғы жобаларды атойлап ашқанымыз болмаса, олардың өмірі қысқа болып жатады. Десе де, келешекте кемел жолға бастайтын инновациялық-индустриалдық жобалар көп болғай.

Н.ШӘКІМ

 
ЖАСТАР ЖОЛДАУДЫ НАСИХАТТАДЫ
27.01.2014 14:42

Үстіміздегі жыл өзінің оң өзгерістерімен есте қалмақ. Бұлай деуімізге де себеп бар. Мемлекет басшысы Қазақстан халқына дәстүрлі жолдауын жария еткені баршамызға белгілі. Бастысы, биылғы жолдау халқымыздың еңсесін көтеретін, биік мақсаттарға жеткізетін «Мәңгілік ел» ұлттық идеясының жариялануымен де құнды болып отыр. Осы мақсатта сырбойылық белсенді жастар Елбасының «2050 Стратегиясын» қала тұрғындарына насихаттау үшін орталық алаңнан сап түзеп, «Жібек жолы» сауда-саттық, ойын сауықтыру орталығында және адамдардың көп жүретін жерлерінде кітапшалар (брошюра) таратты. Аты айтып тұрғандай, «Жолдауды қолдаймыз» атты акцияның мақсаты айқын. Қызылорда қалалық ішкі саясат бөлімі және «Жас Отан» жастар қанаты жастар ұйымының ұйымдастыруымен өткен насихат жұмысы тұрғындар тарапынан оң көзқарасқа ие болды. Осы ретте «Жас Отан» жастар қанаты Қызылорда филиалының атқарушы хатшысы А.Кардашов биылғы Жолдаудың өзі сияқты студенттерге берері мол екенін тілге тиек етті.

- Өздеріңіз білетіндей, «Қазақстандық жол – 2050: Бір мақсат, бір мүдде, бір болашақ» атты президенттің биылғы жолдауы еліміздің алпауыт мемлекеттермен тереземізді тең ұстау үшін жасалған игілікті іс деп білемін. 2016 жылы студенттердің шәкіртақысы 25 пайызға өсетіндігі де халқымыздың ертеңі саналатын жастарға қолдау болып табылады, - деді ол.

Акцияға барлығы 40-тан астам белсенді жас қатысты. Солардың бірі Т.Тілес:

- Елбасымыздың биылғы жолдауының өн бойында елімізде жүзеге асырылып жатқан ілкімді істердің біршамасы айтылды. Солардың ішінде жастардың ғылымның түрлі саласымен айналысуына мүмкіндік жасалған. Техниканың дамыған заманы нано-технология мен био-технологияның, энергетикалық ресурстардың жаңа түрлерінің ғасыры екенін мойындауымыз керек. Сол себепті, бәсекеге қабілетті болу үшін қолда бар мүмкіндіктерді уыстан шығарып алмау – жас ұрпақтың басты міндеті, - деген ойын ортаға салды.

Бұған дейін де Елбасының жолдауына сәйкес бірқатар іс-шаралар өткізілді. «Жаны саудың – тәні сау» демекші, жақында ғана қаладағы бір топ белсенді жастар шанадан жарыс өткізді. «Қыс мезгілінің қызықты ойыны денсаулыққа пайдалы» дейді олар. Осылайша белсенді жастар алдағы уақытта да ойларында жүрген тың идеяларымен жолдауды қолдап, насихаттай беретіндігін жеткізді.

Н.ШӘКІМ

 
БЕЛСЕНДІ ЖАСТАР БЕЙҚАМ КҮН КЕШПЕЙДІ
27.01.2014 14:39

Жұма күні Қызылорда облыстық жастар саясаты мәселелері басқармасының басшысы Ж.Базартай баспасөз мәслихатын өткізіп, өткен жылы жүзеге асырылған жұмыстардың біршамасын БАҚ өкілдеріне мәлім етті.

Жастарды қолдау - қашанда алдыңғы кезектегі іс. «Заманына қарай адамы» демекші, бүгінгі жастар «Алтын ғасырдың» алтын қазығы бола алады ма? Уақыт бір орында тұрмасы анық. Сол себептен жастардың мәдениеті мен сауаттылығы басты назарда тұр. Еліміздің егемендік жолында қара жүкті қасқайып көтерген кешегі жастар - бүгінгі ел ағалары. Енді бүгінгі ұрпақтың билікке араласатын күні де алыс емес. Жастар - елдің ертеңі, кезегі келгенде халқымыздың мықты мемлекет болуына атсалысатын солар болмақ. Артымызда кім келе жатыр? Ертең елді көгертетін ізімізді басып келе жатқан бүгінгі жастар қандай? Жалпы, ертеңіміз қандай болмақ? Бұл - әрқайсысымыздың көңілімізде жүрген сауалдар. Не десек те, жастар заманының алды, аға буыннан озып тұрғанда ғана қоғам дамып, елдің тәуелсіздігі баянды болады. Ол - өмір заңы.

Бүгінде аймағымызда 14 пен 29 жас аралығындағы тіркеуде тұрған 204 666 азамат бар. Олардың ішінде ауыл жастары - 135 445, қала жастары - 69 221 адам. 2012 жылы құрылған басқарма да жастардың жағдайын жасауда, олардың белсенділігін арттыруда жұмыс жасап келеді. Өңірде жастар саясатын жүзеге асыруға өткен жылы 82 млн. 655 мың теңге қаралған болатын. Қомақты қаражат 29 әлеуметтік жобаны жүзеге асыруға жұмсалды. 2012 жылмен салыстырғанда өңірде жастар саясатын қолдау үшін бөлінген қаражаттың өсімі 204 пайызға өскен. Бұл да болса, жастарды қолдауға, сонымен қатар олардың тың идеяларын жүзеге асыруға бірден-бір мүмкіндік.

Сондай-ақ, былтыр тұрмысы төмен отбасылардан шыққан жастарға қоғамдық көлікте жеңілдікпен жүру үшін 84 млн. 414 мың теңге қаралды. Айтпақшы, өткен жылы жастар саясатын дамыту бойынша 2014-2015 жылдарға арналған «Жол картасы» бекітілген болатын. Оған жалпы 298 млн. теңге бөлініп, 31 әлеуметтік жобаның іске асырылуына жұмсалатын болады. Оның ішінде алғаш рет «Бас бостандығынан айырылғандарды әлеуметтендіру арқылы олармен қайталап жасалатын қылмыстар санын азайту», «Жас оралмандарды әлеуметтік-құқықтық қолдауға бағытталған әлеуметтік қызмет жұмысын ұйымдастыру», «Еліңді көркейтуді өз аулаңнан баста!» «Жас ұлан» балалар мен жасөспірімдер ұйымын дамыту» сияқты бірқатар ірі жобалар өз кезегінде тұр. Енді оны іс жүзіне айналдыру керек.

Қай кезеңде де қазақ ұлтының басын біріктіру күрделі мәселенің бірі болатын. Енді осы мәселені шешу үшін болашақты бағдарлау жолында жастарға сену керек. Сеніп ғана қоймай, сол сенімнің үдесінен шығатын «арыстандай айбатты, жолбарыстай қайратты…»  ұрпақты тәрбиелеу бүгінгі күннің еншісінде.

Н.ШӘКІМ

 
Аймақ басшысы бастаған АНТ аудандарды аралап жүр
27.01.2014 09:47

Бүгінде Қызылордада Елбасы Жолдауын өңір тұрғындарына түсіндіру үшін облыс әкімі Қырымбек Көшербаев бастаған ақпараттық насихаттау тобы аудандарды аралап жүр. Жұмыс сапары Арал ауданынан басталды.

Қазақстан Республикасының Президентi Н.Ә.Назарбаевтың Жолдауы жарияланған күннен бастап халықты саяси маңызды құжатпен таныстыру және халыққа оның негiзгi бағыттарын түсiндiру мақсатында кеңiнен ақпараттық насихаттау жұмысы жүргiзiлуде.

Облыс әкімінің баспасөз қызметі хабарлағандай, АНТ жұма күні Арал ауданында болды. Топ құрамында Қазақстанның Еңбек Ерi, күрiшшi Абзал Ералиев те бар. Алдымен аймақ басшысы бастаған топ «Тағзым алаңына» гүл шоқтарын қойып, тарихи өлкетану мұражайын аралады. Бүгінгі таңда мұнда 8 мыңға тарта жәдігер бар, олардың екі жарым мыңы көрме залдарына орналасқан. Музей негізінен 6 көрме залынан тұрады. Мұнда 9 адам қызмет жасайды.

Сондай-ақ, аймақ басшысы бастаған топ аудан активімен кездесіп, Елбасы Жолдауын талқылады. Облыс әкімі: «Терең мағынаға ие жаңа Жолдау - ең алдымен, егемен еліміздің жарқын болашағына бастар бағыт» - деп атап өтті. Жолдауда көрсетілген тапсырмаларға сәйкес аймақта бірқатар игі бастама жүзеге асырылғанын, мысалы, «Бейнеу-Бозой-Шымкент» магистральдік газ құбырының құрылысы, «Батыс Еуропа-Батыс Қытай» халықаралық дәлізі салынып жатқаны, «Сексеуіл-Бейнеу» темір жолы іске қосылғанын алға тартты. «Мәңгілік Ел идеясы ұсынылған биылғы Жолдау еліміздің кемел келешегіне жол сілтеді. Онда айтылған әрбір бағыт-бағдар мен міндеттер ел өмірі үшін ерекше маңызға ие», - деп сөзін қорытындылай келе, облыс әкімі аудан тұрғындарын Елбасы идеясының аясына бірігіп, ол жүктеген тарихи міндеттерді жұмыла жүзеге асыруға шақырды.

Облыс әкімінің қатысуымен Қарашалаң елді мекенінде 100 орындық жаңа мектептің ашылу рәсімі болды.

***

Сол күні Қызылорда облысы әкiмi Қырымбек Көшербаев бастаған Елбасы Жолдауын ақпараттық-насихаттау тобы Қазалы ауданын аралады. Топ құрамында Еңбек Ерi, облыстық күрiшшiлер қауымдастығының төрағасы Абзал Ералиев, мәслихат депутаттары, үкіметтік емес ұйымдар өкілдері, жастар қоғамдық бірлестігі бар.

Аймақ басшысы бастаған топ аудан активімен кездесіп, Елбасы Жолдауын талқылады. Жолдауда көрсетілген тапсырмаларға сәйкес аймақта бірқатар игі бастама жүзеге асырылғанын, мысалы, «Бейнеу-Бозой-Шымкент» магистральдік газ құбырының құрылысы, «Батыс Еуропа-Батыс Қытай» халықаралық дәлізі салынып жатқаны, «Сексеуіл-Бейнеу» темір жолы іске қосылғанын алға тартты.

Облыс әкімінің айтуынша, үдемелі индустриялды-инновациялық даму бағдарламасы аясында былтырғы жылы Қазалы ауданы бойынша 9 жоба толық іске қосылды. Алдағы уақытта 7 жоба бойынша, түрлі өнім өндіретін цехтар пайдалануға беріледі. Олар: негізінен нан өнімдерін, құрылысқа қажетті материалдар, асфальт шығаратын, сондай-ақ, балық өнімінен фарш дайындайтын жобалар.

Кездесуде, сондай-ақ, Қазақстан Республикасының Еңбек Ері, облыстық күрішшілер Қауымдастығының төрағасы Абзал Жұмашұлы, аудандық мәслихат депутаты, «Сыр маржаны» ЖШС-ның директоры М.Өтеев, Қазалы ауданы «Жас Отан» жастар қанатының атқарушы хатшысы, «Сыр үміті» сыйлығының иегері Әлібек Нұрланұлы, Социалистік Еңбек Ері, ардагер Карбоз Әлимаевтар сөз сөйледі.

«Мәңгілік Ел идеясы ұсынылған биылғы Жолдау еліміздің кемел келешегіне жол сілтеді. Онда айтылған әрбір бағыт-бағдар мен міндеттер ел өмірі үшін ерекше маңызға ие», - деп сөзін қорытындылай келе, облыс әкімі аудан тұрғындарын Елбасы идеясының аясына бірігіп, ол жүктеген тарихи міндеттерді жұмыла жүзеге асыруға шақырды.

***

Қасиетті жұма күні Қазалыда халық көптен күткен Жанқожа батыр атындағы мешіт ашылды. Бұл туралы аудан әкімінің баспасөз қызметі хабарлады.

Салтанатты шараға облыс әкімі Қырымбек Көшербаев, Қазақстанның Еңбек Ері, күрішші Абзал Ерәлиев, республикамыздың әр аймағында жүрген қазалылықтар қатысты.

«Осыдан алты жыл бұрын құрылысы басталған мешіт биыл халық қолдауымен қайта қолға алынған болатын. Халықтан жиналған 70 млн. теңгеден астам қаржыға мешіттің күмбезі сырланып, сырты арнайы материалмен қапталды», - дейді аудан әкімінің баспасөз хатшысы Дәурен Тілеуімбетов.

Есіктері ауыстырылып, ұлттық нақыштағы ою-өрнектермен көмкерілді. Мешітке барлық инженерлік коммуникациялар тартылды. Екі қабаттан тұратын құлшылық үйінде 150 адамға арналған асхана, медресе, неке залы, тағы басқа бөлмелер бар. Ал екінші қабатында 1000 адамға арналған намаз оқитын бөлме орналасқан.

***

Сенбі күні Қызылорда облысының әкімі Қырымбек Көшербаев бастаған ақпараттық-насихаттық топ мүшелері Ақай ауылдық клубында Байқоңыр қаласы, Төретам, Ақай елді мекендерінің тұрғындарымен кездесті.

Келелі басқосуда биылғы жолдаудағы басым бағыттар, оның ішінде халықтың әлеуметтік-экономикалық жағдайын арттыру мақсатындағы мемлекет басшысының тапсырмалары туралы сөз болды. Байқоңырлықтар мен ауыл азаматтары өз ой-пікірлерін ортаға салды.

Айта кетейік, АНТ мүшелерінің қатарында Қазақстанның Еңбек ерлері, жерлестеріміз, белгілі кардиохирург Юрий Пя, күрішші, кәсіпкер Абзал Ерәлиев, сондай-ақ Қармақшы ауданының әкімі Нәжмадин Шамұратов, тағы басқалар бар.

Ақай ауылдық округінің әкімі Райхан Байшораеваның айтуынша, бүгінде мұнда 5 мыңға жуық адам тұрады. Ауылда 1 мектеп пен 3 балабақша бар. «Соңғы кезде көшіп келушілердің қатары артып келеді. 50 шақты кәсіпкерлік нысаны жұмыс істейді. Мемлекеттік бағдарламалар аясында мал шаруашылығы даму үстінде», - дейді Райхан Байшораева.

***

Сол күні Қармақшы ауданындағы Қорқыт ата кесенесiнің маңынан зиярат ету орталығы ашылды. Бұл туралы облыс әкімінің баспасөз хатшысы Бекзат Жүсіп хабарлады.

Нысан мердігері - «Дорстрой» ЖШС. Мейрамхана, намазхана, қонақүй, монша, бассейнi бар кешен тәу етушiлерге, туристерге, жолаушыларға қызмет көрсетеді. «Байқоңыр» ғарыш айлағы мен Қорқыт ата кесенесі «ЭКСПО - 2017" көрмесінің үлесіндегі нысандар қатарында. Салтанатты шара алдында көпшiлiк құран бағыштап, құрбандық шалды.

Айта кетейік, қазіргі күні Елбасы Жолдауын халыққа түсіндіру мақсатында облыс әкімі Қырымбек Көшербаев бастаған ақпараттық-насихаттық топ мүшелері аудандарды аралап жүр. Сенбі күні олар Қармақшыға аялдады.

Жұмыс сапары кезінде сондай-ақ Жосалы кентінде аудандық соттың жаңа ғимараты пайдалануға берілді. Салтанатты рәсімге қатысқан аймақ басшысы жергілікті тұрғындарды қуанышты жаңалықпен құттықтады.

Бекзат Жүсіп хабарлағандай, ескі сот ғимаратының пайдаланылып келгеніне отыз жылға жуық уақыт болған. Жаңа ғимаратты «Өмірзақ» ЖШС-нің құрылысшылары салды.

Құрамына қос Еңбек Ері - Юрий Пя мен Абзал Ералиев енген топ Жосалыда өткен аудан активімен кездесуге қатысты. Ал ІІІ Интернационал ауылында Социалистік Еңбек Ері Цай Ден Хактің бюстіне гүл шоқтарын қойып, мұражайын аралап көрді. Ауылдық мәдениет үйінде тұрғындармен кездесіп, тілектерін тыңдады.

Сонымен қатар Ақжар елді мекенінде 150 орындық ауылдық клубтың ашылу салтанаты өтті. Белгілі күрішші, Социалистік Еңбек Ері Сәлима Жұмабекова халықты қуанышымен құттықтап, ақ батасын берді.

АНТ мүшелері одан кейін абаттандырылған Жаңажол ауылының тыныс-тіршілігімен танысты.

Назерке САНИЯЗОВА

 

 
«ИНТЕЛЛЕКТУАЛДЫ ҚИЫЛЫС» ІСКЕ ҚОСЫЛДЫ
24.01.2014 10:10

Қызылорда қаласының екі ірі көше қиылыстарында ағымдағы жылдың 20 қаңтарынан бастап «Интеллектуалды қиылыс» бағдарламасы іске қосылды. Бұл туралы Қызылорда облыстық ішкі істер департаментінің баспасөз қызметі хабарлады.

Қала орталығындағы автокөліктер көп жүретін Ғ.Мұратбаев көшесі мен Абай даңғылы қиылысында және Бейбарыс көшесі мен Жібек жолы даңғылы қиылысында орнатылған бұл қондырғыны алу үшін жергілікті бюджеттен 33 млн. теңге бөлінген. «Интелектуалды қиылыстың» ерекшелігі жол-көлік оқиғаларына тікелей септігін тигізетін өрескел құқықбұзушылықтарды анықтайды.

Атап айтар болсақ:

  1. Тоқтау сызығынан асып тоқтау. Бағдаршамның тыйым салынатын сигналына өтіп кету. Аталған құқықбұзушылық жасаған жүргізушіге ҚР ӘҚБтК-нің 463-8-бабының 1-бөлігімен 5 айлық есептік көрсеткіш мөлшерінде, яғни 9260 теңге айыппұл салынады.
  2. Бағдаршамның тыйым салынған белгісіне жүру. Аталған құқықбұзушылық жасаған жүргізушіге ҚР ӘҚБтК-нің 463-6-бабының 1-бөлігімен 10 айлық есептік көрсеткіш мөлшерінде, яғни 18520 теңге айыппұл салынады.
  3. Жол қозғалысы Ережесімен тыйым салынған, жолдың қарсы бағыты үшін тағайындалған жолдың қарсы бағытына шығу. Аталған құқықбұзушылық жасаған жүргізушіге ӘҚБтК-нің 463-3-бабының 3-бөлігімен 15айлық есептік көрсеткіш, яғни 27780 теңге айыппұл салынады.

Қондырғы іске қосылғалы тәулігіне 300-400 жол ережесін бұзушылықты тіркеген. Анықталған құқық бұзу фактісі бойынша ұйғарым «Қазпошта» АҚ-ның қызметі арқылы мекен-жайларға жолданып, танысқан күннен бастап 30 тәулік мерзімінде айыппұл төлену қажеттігі ескертіледі. Заңда көрсетілген мерзімде айыппұл төленбеген жағдайда ҚР Әкімшілік құқықбұзушылық туралы Кодексінің 708, 709 баптарына сәйкес жазбаша өкім мәжбүрлеп өндіру үшін сот органдарына жолданады.

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Маусым 2020 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары