Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
ҚЫЗЫЛОРДА ОБЛЫСТЫҚ КОММУНИКАЦИЯЛАР ОРТАЛЫҒЫ ҚЫЗМЕТІНЕ КІРІСЕДІ
22.01.2014 09:25

Облыс тұрғындарының назарына! Ақпараттық кеңістікте жаңа бастама!

Осы жылдың қаңтар айынан бастап «Сыр медиа» жауапкершілігі шектеулі серіктестігі жанынан құрылған Қызылорда облыстық коммуникациялар орталығы қызметіне кіріседі.

Мақсат - жергілікті атқару органдары қызметінің ашықтығын арттыру, өңірде атқарылып жатқан шараларды, келелі мәселелерді кеңінен насихаттау. Бұл орайда қала, аудан әкімдері, департамент, басқарма басшылары қатысуымен белгіленген кестеге сай брифинг ұйымдастырылады.

Жаңа орталық қызметінде алғашқы болып 22 қаңтар күні сағат 11.00-де облыстық жұмыспен қамтуды үйлестіру және әлеуметтік бағдарламалар басқармасының басшысы Жазира Жақсылыққызы Жылқышиева мәлімдеме жасайды.

Осы салаға қатысты маңызды сауалдарыңыз болса, алдын ала kz.com.centre.kz@maіl.ru электронды поштасына жолдауларыңызға болады.

«Сыр медиа» жауапкершілігі шектеулі серіктестігі жанындағы Қызылорда облыстық коммуникациялар орталығы

 
ТӘЖІМҰРАТТЫҢ ТӨСБЕЛГІСІ
22.01.2014 09:18

«Халық» газетінен түлеп ұшқан әріптесіміз, қазір «Қазақстан-Қызылорда» телеарнасының редакторы Тәжімұрат Әлжанов ҚР Көлік және коммуникация министрлігінің «Батыс Еуропа - Батыс Қытай» жобасына қатысушы төсбелгісімен және арнайы куәлігімен марапатталды.

Өздеріңіз білетіндей, басқа өңірлермен салыстырғанда халықаралық көлік магистралі құрылысының ең үлкен учаскесі, дәлірек айтқанда, 812 шақырымы Қызылорда облысының үлесіне тиеді.

Т.Жомартұлы осы күре жолдың еліміз үшін маңыздылығы жөнінде жиі қалам тербеп жүр. Министрліктің марапаты – оның еңбегінің еленгенінің көрінісі екені даусыз. Әріптесімізге «жазар таусылмасын!» дейміз.

Назерке САНИЯЗОВА

 
АЙМАҚ АКТИВІ ЖОЛДАУДЫ ТАЛҚЫЛАДЫ
22.01.2014 09:07

Кеше «Қазақстан жолы - 2050: бір мақсат, бір мүдде, бір болашақ!» атты Елбасымыз Нұрсұлтан Назарбаевтың дәстүрлі Жолдауын талқылау мақсатында облыс активтерінің отырысы өтті.

Облыс әкімі Қырымбек Көшербаев бұл стратегиялық құжаттың мемлекет үшін маңыздылығын баса айтып, ондағы қойылған мақсаттардың аймақ болашағына қатысты тұстарын сараптады. Мәселен, өңіріміздегі маңызды салалардың бірі – металлургия. Елбасымыз атап өткеніндей, инвесторларды тарта отырып, бізге өңірдің инвестициялық климатты арттыру бойынша нақты жұмыстар жүргізу қажет. Елбасы Жолдауында айқындалған басым бағыттар аймақтың дамуына жол ашады. Бұл жолда Баласауысқандық және Құрымсақ ванадий кен орындарын, Шалқия қорғасын-мырыш, мыс кен орындарын барлап, игеру, уран өндірісін одан әрі дамыту көзделіп отыр.

«Жасыл» экономиканы құру жолында Қазақстан қарқынды дамып келеді. «Болашақ Энергиясы» «ЭКСПО-2017» бүкіләлемдік көрменің тақырыбы болып таңдалды. Сонымен қатар, Қызылорда қаласының тұрғындарына сапалы тасымалдау қызметтерін көрсету үшін автобустық парк құрылуда. Елбасы қоғамдық көлікті отынның экологиялық таза түрлеріне көшіруді тапсырды. Биылдың өзінде ауаны ластамайтын, экологиялық таза өнім - сұйытылған табиғи газбен жүретін 100 автобус алынатын болады.

Елбасы Жолдауда «Үлгерімі жоғары студенттер мен оқушыларға қолдау көрсетудің тиімді жүйесін құру қажет деп санаймын» деп баса айтты. Былтырғы жылы бұл міндеттің алғашқы іргетасын қалап, талабы мен таланты зор жастарды қолдау мақсатында облыс әкімінің 123 гранты тағайындалды. Биылғы жылы грант саны 300-ге жеткізілмек.

Сонан соң Қызылорда облыстық мәслихатының хатшысы Бекмырза Еламанов Елбасы Жолдауын насихаттауға шақырды. ҚР Еңбек Ері, облыстық күрішшілер одағының төрағасы Абзал Ералиев еліміздің келешегі әрбір қазақстандыққа байланысты екенін айтып өтті. Облыс әкімінің кеңесшісі, облыс мәслихатының кеңесшісі Нұрмұрат Ерманов мүмкіндігі шектеулі жандарға көрсетілген әлеуметтік көмектің маңыздылығын сөз етті.

Жиынды қорытындылай келе, аймақ басшысы: «Жаңа қазақстандық патриотизмнің негізгі идеясы – Мәңгілік ел. Осы құндылықтарымызды сақтап, дамытып, берік ұстау» - дей келе, осы жолда әрдайым алға ұмтылу біздің негізгі мақсатымызға айналуы қажет екендігін айтып өтті. Яғни, «Сыр жұртшылығы Мемлекет басшысының «Мәңгілік Ел» болу жолындағы жасампаз істеріне әрдайым қолдау білдіріп отырады», - деді.

Шынар БЕКБАН

 
ОБЛЫСТЫҚ МОНОПОЛИЯҒА ҚАРСЫ ИНСПЕКЦИЯНЫҢ БАСТЫҒЫ ПАРАМЕН ҰСТАЛДЫ
22.01.2014 09:05

2013 жылғы 16 қаңтарда өткізілген арнайы жедел-іздестіру шараларының нәтижесінде Қызылорда облысы бойынша Экономикалық қылмысқа және сыбайлас жемқорлыққа қарсы күрес департаменті (қаржы полициясы) облыстық Монополияға қарсы инспекциясының бастығы А.Аймырзаевқа қатысты пара алу фактісі бойынша қылмыстық іс қозғады.

Оған 2014 жылғы 15 және 16 қаңтар күні «Қызылорда тазалығы» ЖШС директорынан мемлекеттік сатып алу бойынша келісімшарттың мерзімін ұзартуды келісу үшін 2 мың АҚШ доллары және 295 мың теңге көлемінде пара алды деген айып тағылуда.

18 қаңтарда сот Аймырзаевты үй қамауына алуды санкциялады.

Қылмыстық іс тергелуде, өзге ақпарат тергеу мүддесіне байланысты жарияланбайды.

 
ЖОЛДАУҒА ҚОЛДАУ БІЛДІРДІ
20.01.2014 10:58

17 қаңтарда Қорқыт ата атындағы ҚМУ-дің Студенттер сарайында Қазақстан халқы Ассамблеясының мәжілісі өтіп, онда биылғы Елбасы Жолдауы талқыланды. Бұл жөнінде Қызылорда облысы әкімінің баспасөз қызметінен хабарлады.

ҚХА-ның облыстық филиалы хатшылығының меңгерушісі Асылбек Жұмабаев жаңа Жолдау өндіріске жаңа технологиялар енгізу, инфрақұрылымды дамыту, «жасыл экономиканы» өркендету және тағы басқа мәселелерді қамтығанын атап өтті.

Одан кейін Ассамблеяның ғылыми-сараптама тобының өкілі, «Болашақ» университетінің тәрбие жұмыстары жөніндегі проректоры Мұрат Насимов, Қорқыт ата атындағы ҚМУ-дің құқықтану кафедрасының доценті Мәдина Жүсіпбекова, қалалық білім бөлімі басшысының орынбасары Наталья Жұмаділдаева, аймағымыздағы түрлі ұлттардың қоғамдық-мәдени бірлестіктерінің өкілдері маңызды саяси құжат туралы ойларын ортаға салды.

Мемлекет басшысы Нұрсұлтан Назарбаевтың Қазақстан халқына арнаған биылғы «Қазақстандық жол – 2050: ортақ мақсат, ортақ мүдде, ортақ болашақ» атты Жолдаудын қызылордалықтар қызу қуаттады. Олардың қатарында аймағымыздағы ірі кәсіпорындардың бірі – «ҚазГерМұнай» БК ЖШС-нің ұжымы да бар. Жұма күні «Ақшабұлақ» кенішінде мұнайшылар Парламент палаталарының бірлескен отырысынан тікелей трансляцияны тамашалап, Елбасы Жолдауын бірге тыңдады.

Содан кейін саяси маңызды құжаттың ерекшеліктерін екшеді. Жолдауда келешектің келелі міндеттері сараланып көрсетілген. Елбасы болашақта мемлекетте жүзеге асырылуға тиіс он ірі жобаны атады. Соның бірі ретінде елімізде мұнай өңдеу зауытын ашу міндеті қойылды.

Мұнайшылар басқосуында компания директоры Медет Кәрім дәстүрлі Жолдаудан туындайтын міндеттерді орындау үшін, ортақ мүдде, ортақ мақсат жолында күш жұмылдыруға дайын екендіктерін жеткізді.

Басты құжатты эфирден «Абзал және К» ТС ұжымы да тамашалады. Еңбек Ері, аталмыш компанияның басшысы Абзал Ералиев Елбасының ауылшаруашылығына қолдауын жоғары бағалайтындығын айтады.

Әсіресе ІЖӨ өсуі үлкен жетістік дейді. Ал, серіктестік ұжымы шағын және орта бизнесті дамытуға мемлекет тарапынан жасалып отырған қамқорлықтың жоғары екенін айтады. Биыл да Елбасы өз Жолдауында кәсібін ашам дегендерге дем беру керектігін қадап айтты. Демек, кәсібін дөңгелетем деген адамға бар мүмкіндік бар дейді, «Абзал және К» ТС қызметкерлері.

Елбасы Жолдауын Қорқыт Ата атындағы Қызылорда мемлекеттік университетінің оқытушы-профессорлары мен студент-жастары да ерекше ықыласпен тыңдады.

2050 жылға дейінгі ел дамуының даңғыл жолына бастар мақсат-міндеттерді айқындаған дәстүрлі Жолдаудан ғалымдардың түйген ойлары да аз болмады. «Мәңгілік ел» болу мұратын мақсат тұтқан маңызды құжатта білім мен ғылым саласын дамытып, отандық ғылымды өркендетудің басты бағыттары айтылды. Әсіресе студенттер Жолдауда айтылған 2016 жылдың 1 қаңтарынан бастап шәкіртақы мөлшерін 25 пайызға көтеру, үлгерімі жоғары студенттер мен оқушыларға қолдау көрсетудің тиімді жүйесін құру жұмыстарын естіп қуанып қалды. «Бұл біздің білімге деген ынта-ықыласымызды одан әрі арттыруға үлкен мүмкіндік береді», - дейді Елбасы Жолдауын асыға күткен университет жастары.

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары