Өзекті мәселелер

  • 10.10.19

    Мұны бәріміз де көп күттік. Жиырма жыл. Аз уақыт емес. Сөз жоқ, бұл жеңістің өзі оңайлықпен келген жоқ. Жасыл алаңда жан беріп, жан алысқан сәтті теледидардан телміре тамашалап, күйініш пен сүйінішті көрудің өзі бір ғанибет­  екен. Бұл күнге дейін не айтыл­мады, мақтау да, даттау да айтылды, бірақ біздің жігіттер жарады. Біздің айтып­ отырғанымыз – жексенбі күні елорда төріндегі «Астана Арена» ...

    Толығырақ...
  • 10.10.19

    Елбасының «Нұр Отан» партиясының ХVIII съезінд­е ұсынған «Әлеуметтік қамқорлық» жаңа әлеуметтік саясаты қоғамның барлық саласын қамтиды. Әсіресе, президент көпбалалы отбасыларға қол­дауды арттыру қажеттігіне ерекше тоқталды. Өйткені, елімі­здегі баспанаға мұқтаж азаматтар саны азаймай тұр. Сандарды сөйлетсек, елдегі үй кезегінде тұрған аз қамтылған, көпбалалы отбасылардың жалпы­  саны 28 мыңнан...

    Толығырақ...
  • 10.10.19

    Қызылорда облысында экономика саласын дамытуда мемлекеттік-жекеменшік әріптестік тетік­тері тиімді пайдаланылып келеді­. 2017 жылдан бастап мұнай өндіру көлемінің айтарлықтай төмендеуіне қарамастан, жалпы өндірістік өнім көрсеткіші бойынша оң өзгеріс байқалады. Бүгінде өңір экономикасының барлық салас­ында тұрақты өсім қамтамасыз етілуде. Тек өнеркәсіп өндірі­сінде мұнай ұңғымаларының сулану­ы ...

    Толығырақ...
  • 10.10.19

    Облыстың оңтүстігінде, қарт Қаратаудың іргесінде,  Сырдария өзенін жағалай қоныстанған, халқы – жайсаң, жері – жомарт Жаңақорған дейтін аудан бар. Батпағының өзі – бренд. Шөбі – шүйгін. Табиғи қазба байлығы талайды тамсандырған өңір. Жайылмалық жұрт жерсіндірген қарбызын алыс-жақын шетеліңіз таласып әкететіні тағы бар. Қысқасы, қазір Қаратаудың етегінде орныққан елдің бірлі...

    Толығырақ...
  • 10.10.19

    Байқоңырлық бұқараның әлеуметтік мәселелері оң шешімін тауы­п келеді­. Бұрын «Ресейдің иелігінде» деп онша иек артпайтын аумақ еді, соңғы жылдары­ екі елдің Үкіметаралық келісімдерінің арқасында «жұлдызды қалашықта» да біраз істің беті бері қарап қалды.  Түсінікті болу үшін тақырыпты тарқатайық.

Халық-хабар
«АШЫҚ ЕСІККЕ» НЕГЕ АДАМ КЕЛМЕДІ?
20.02.2013 15:23

Қызылорда облысының мамандандырылған ауданаралық эко­номикалық сотында «ашық есік күні» өтті. Оған облыстық соттың азаматтық және әкімшілік істер жөніндегі апелляциялық алқа төрағасы­ Қ.Адранов, экономикалық сот төрағасы А.Дәуренбеков пен судьялар қатысты. Шаран­ың негізгі мақсаты – осы салаға қатысты сұрақтар­ мен мәселелердің шешімін табу арқылы халық­қа біртабан жақындау. Алайда, «ашық есікке» «сұрағым бар еді» деп, сырттан келген ешкімді көзіміз шалмады. Сот мырзалардың өзі мен БАҚ-тың бірен-саран өкілінен басқа.

- Бар-жоғы 10 адамның төбесі көрініп отыр. Сонда­ бүгін сот есігінің ашық екені жайлы жұрт білмей ме, әлде бұл ұйымдастыру қызметінің осалдығынан ба? - деп төтесінен қойдық.

Сот төрағасы А.Дәуренбеков:

- Хабарландыру берілді. Жергілікті телеарнаның жүгіртпе жолынан да өтті. Дегенмен, біздің тарапымыздан кемшілік барын мойындаймын. Мұндай шараны­ алдағы уақытта да өткіземіз. Сын ескерілетін болады, - деді.

Жыл басынан бері экономикалық сотқа 361 талап арыз және 13 азаматтық іс түскен. Соның ішінде мәресін­е жеткені 236-ны құрап отыр.

Г.ЕСІМОВА

 
ҒАЛЫМ ӘМІРЕЕВ – ОБЛЫС ӘКІМІНІҢ ОРЫНБАСАРЫ
19.02.2013 19:22

Қызылорда облысы әкімінің 2013 жылғы 19 ақпандағы өкімімен ҚР Президенті әкімшілігінің келісімімен облыс әкімінің орынбасары лауазымына Ғалым Әміреев тағайындалды. Оны бүгін облыс активіне аймақ басшысы Қырымбек Көшербаев таныстырды.

Әміреев Ғалым Махмұтбайұлы 1970 жылы Қызылорда қаласында дүниеге келген. Мәскеу экономика-статистикалық институтының қаржы және несие, сондай-ақ Қорқыт ата атындағы Қызылорда мемлекеттік университетінің заңгер мамандықтары бойынша түлегі.

Еңбек жолын 1991 жылы «Фарид ЛТД» АҚ-ның брокері ретінде бастаған. 2001-2011 жылдары ҚР Экономика және сауда министрлігінде, ҚР Индустрия және сауда министрлігінде, сондай-ақ ҚР Индустрия және жаңа технологиялар министрлігінде түрлі басшылық қызметтерде болды.

2012 жылдан осы кезге дейін «Самұрық-Қазына» АҚ-ның инновациялық саясат департаментінің директоры қызметін атқарып келді.

- Ғалым Махмұтбайұлы – кәсіпкерлік және инвестициялық саясат салаларында үлкен тәжірибе жинақтаған жоғары дәрежелі маман, - деді облыс әкімі өз сөзінде.

Жаңа лауазым иесі сондықтан кәсіпкерлікті дамыту мен инвестициялық саясат мәселелеріне жетекшілік ететін болады. Оған аймағымызда үдемелі индустриялық-инновациялық дамудың 2010-2014 жылдарға арналған мемлекеттік бағдарламасы бойынша жұмыс жүргізу жүктелді.

 
ЖАҢА БАС МҮФТИ – ЕРЖАН МАЯМЕРОВ
19.02.2013 17:09

Қазақстан мұсылмандары діни басқармасының жаңадан бас мүфтиі сайланды. «Muslym.kz» сайты хабарлағандай, Ержан Маямеров – енді еліміздің бас мүфтиі, дінбасы. Талап бойынша бас мүфти болу үшін қырық жастан асқан, жоғары білімі болуы керек. Барлық ел имамдары кандидатурасын бірауыздан қолдаған Ержан Малғажыұлы құрылтайда өзінің найб мүфтилерін сайлады. Мүфтидің орынбасарлары болып «Әзірет Сұлтан» мешітінің бас имамы Қайрат Жолдыбайұлы мен Қостанайдағы «Марал ишан» мешітінің хатиб-имамы Серікбай Ораз тағайындалды. Маямеров Ержан Малғажыұлы 1972 жылы дүниеге келген. Мысырдағы Әл-Азһар Ислам университетінің шариғат және заң факультетінің түлегі. 2006-2008 жылдары аралығында Мысыр елі муфтиятының пәтуа шығару бөлімінде білімін жалғастырды. 2011 жылы 10 қазан күні бас мүфти Әбсаттар қажы Дербісәлі хазіреттің ұйғарымымен ол ҚМДБ-ның Семей өңіріндегі өкіл имамы болып тағайындалды. Үйленген, 3 баласы бар.

 
ҮШ АУДАННЫҢ ӘКІМДЕРІ ҚЫЗМЕТТЕРІНДЕ ҚАЛДЫ
19.02.2013 16:58

Кеше аймақ басшысы Қырымбек Көшербаевтың төрағалығымен тұрақты кеңес өтті. Кеңес отырысы тағайындаулардан басталды. Сонымен, Қызылорда облысы әкімінің 2013 жылғы 18 ақпандағы өкімімен Жаңақорған ауданының әкімі Сұлтанбек Тәуіпбаев, Сырдария ауданының әкімі Ғизат Әбілтай, Жалағаш ауданының әкімі Серік Сермағамбетов өз қызметтеріне қайта тағайындалды.

***

Тәуіпбаев Сұлтанбек Тәуіпбайұлы 1956 жылы Жалағаш ауданында дүниеге келген. Жамбыл гидромелиоративті-құрылыс институтын инженер-гидротехник мамандығы бойынша бітірген.

Еңбек жолын 1973 жылы Жалағаш ауданындағы «Мырзабай» ұжымшарында жұмысшы ретінде бастаған. Жамбыл гидромелиоративті-құрылыс институтын бітірген соң Қазақстан мен Ресейдегі оқу орындарында оқытушылық және ғылыми қызметпен айналысқан. Техника ғылымдарының докторы, 2005-2007 жылдар аралығында Қызылорда облыстық мәслихатының депутаты болып сайланған.

2003-2008 жылдары «Қызылордасушаруашылығы» МКК-ның директоры, 2008-2012 жылдары Сырдария ауданының әкімі қызметтерін атқарды. 2012 жылдан осы кезге дейін Жаңақорған ауданының әкімі лауазымында қызметін атқарып келеді.

***

Әбілтай Ғизат Майданұлы 1976 жылы Қызылорда қаласында дүниеге келген.

Қорқыт Ата атындағы Қызылорда гуманитарлық университетін экономист-шығыстанушы, сондай-ақ Бизнес және ақпараттық технологиялар халықаралық университетін экономист (қаржы және несие) мамандықтары бойынша бітірген.

Еңбек жолын 1997 жылы Зейнетақы төлеу жөніндегі мемлекеттік орталықтың Қызылорда облыстық филиалының операциялық бөлімінің аға маманы ретінде бастаған. 1998-2000 жылдары аталған орталықтың экономикалық талдау және әдістемелік бөлімінің бастығы. 2000-2003 жылдары Қызылорда облысы әкімі аппаратының нарықтық инфрақұрылымды қалыптастыру бөлімінің жетекші маманы, бас маманы. 2003-2005 жылдары Қызылорда облыстық аймақтық даму және кәсіпкерлікті қолдау басқармасы бастығының орынбасары. 2005-2007 жылдары Қызылорда облысы әкімі аппараты басшысының орынбасары. 2007-2008 жылдары Қызылорда облысының жолаушылар көлігі және автомобиль жолдары басқармасы бастығының орынбасары. 2008-2011 жылдары «Қазмұнайгео» және «Бушра» ЖШС-лерінде басшылық лауазымдарда қызмет атқарған. 2011-2012 жылдары Қызылорда облысының кәсіпкерлік және өнеркәсіп басқармасының бастығы. 2012 жылдың қаңтар айынан бастап Сырдария ауданының әкімі лауазымында.

***

Сермағамбетов Серік Сағитжанұлы 1965 жылы Қазалы ауданында туылған. Мамандықтары – экономист, заңгер.

1988 жылы Алматы шаруашылық институтын бітірген соң сол жылы Алматы қаласында Балық шаруашылығы Министрлігінің материалдық-техникалық жабдықтау орталық базасының аға экономисті болып жұмысын бастады.

1989-1991 жылдары «Дәурен» кооперативінде, мемлекеттік аграрлық өндірісі жанындағы балық шаруашылық кооперативінде экономист, аға маман қызметтерін атқарған. 1991-2000 жылдары Қызылорда облыстық Халық Кеңесі депутаттарының аға есепшісі, облыс әкімі аппаратының аға инспекторы, бөлім кеңесшісі, қала әкімі жанындағы өндірістік-пайдалану бірлестігінің директоры болып жұмыс жасаған. 2000-2004 жылдары «Қызылорда қаласы әкімі аппаратының жанындағы қаржы шаруашылық басқармасы» МКК-ның бастығы қызметін атқарды. 2005-2008 жылдары Қызылорда қаласы әкімі аппаратының жетекшісі, 2008-2009 жылдары Шиелі ауданы әкімінің орынбасары, 2009-2011 жылдары Қызылорда облысының кәсіпкерлік және өнеркәсіп басқармасының бастығы лауазымдарында қызмет атқарды.

2011 жылдан осы кезге дейін Жалағаш ауданының әкімі лауазымында қызмет атқарып келеді.

 
ЖҰМЫС БЕРУШІЛЕР МҮГЕДЕКТЕРДЕН НЕГЕ АЯҒЫН ТАРТАДЫ?
18.02.2013 14:49

Қызылорда облысында халық санының 3,5 пайызын мүгедектер құрайды. Мүмкіндігі шектеулі 24828 адамға арналған медициналық, әлеуметтік және кәсіптік бағытта оңалту бағдарламасы бар.

- Соның ішінде мүгедектерді еңбекпен қамту көрсеткіші көңіл көншітпейді. Жұмыс берушілер баяғы әдетке салынып, аяқ тартып тұрады, - дейді облыстың бақылау және әлеуметтік бақылау департаментінің директоры Нұрлыбек Жолдасбаев.

Кембағал жандардың арасында қан тамырлары және жүрек сырқатына шалдыққандардың қарасы көп. Одан кейінгі орындарда қатерлі ісік пен туберкулез тұр. Сиырқұйымшақтанған және бір мәселе жайында.

- Талсуат ауылында балаларға арналған психоневрологиялық оңалту орталығы 2010 жылдың желтоқсанында қолданысқа берілуі тиіс болатын. Алайда, мердігердің салдыр-салақтығынан әлі күнге дейін адам қабылдаған жоқ, - дейді Н.Жолдасбаев.

Назерке САНИЯЗОВА

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Қазан 2019 >
  1 2 3 4 5 6
7 8 9 10 11 12 13
14 15 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары