Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
Елбасы Н.Ә.Назарбаевтың 2014 жылғы Қазақстан халқына жолдауына орай Қызылорда облысы әкімі Қ.Е.Көшербаевтың пікірі
20.01.2014 10:53

Елбасының «Мәңгілік ел» идеясы баршамызды бір мақсатқа, ортақ мүддеге жұмылдыратын ұранға айналуы тиіс. Осыдан әрқайсымыз ой түйіп, Тұңғыш Президентіміз айтқандай Қазақ елінің, қазақ тілінің мәңгілік болуына аянбай еңбек етуіміз керек. Елбасы белгілеп берген «Қазақстан-2050» стратегиясы ұлттың ұлы бағдары. Елулікті еңсердік, енді дамыған отыз мемлекеттің қатарына енуді мұрат етіп отырмыз. Осы «Стратегияны мүлтіксіз орындап, емтиханнан мүдірмей өту –ортақ парыз, абыройлы міндет» деп, Елбасымыз ашып айтты. Ендеше осы ортақ мақсатқа жұмылып, аянбай атсалысуға Сыр бойы халқы дайын.

Сөзімнің соңында айтарым- Елбасының ресми мәжілісте халыққа Жолдауын «сүйікті халқым» деген жүрекжарды тілегімен аяқтауы болашаққа деген үмітімізді бекітіп, сенімімізді арттырады!

 
ЖОЛДАУДА АЙТЫЛҒАН 10 СЕНСАЦИЯ
20.01.2014 10:52

Мемлекет басшысы Нұрсұлтан Назарбаев Қазақстан Халқына дәстүрлі жыл сайынғы Жолдауында болашақта мемлекетте жүзеге асыруға тиісті 10 ірі жобаны атады.

1. Қазақстанда қоғамдық көліктер экологиялық таза көліктерге алмастырылады. Соның ішінде электромобильдер қолданылатын болады. Соған қатысты барлық инфрақұрылымдар электромобильдерге арналып жасалады.

2. Қазақстан ядролық энергетиканы дамытады және атом стансаларының құрылысын жүргізеді. Келешекте әлем экономикасының арзан атом энергетикасына деген сұранысы арта береді.

3. Ғылым саласы ЖІӨ-нің 3 пайызынан кем емес деңгейде қаржыландырылады.

4. Қазақстанда ұялы, мультимедиалық, нано және ғарыш технологиялары, робототехника, гендік инженерия, болашақ энергия көздерін іздеу және енгізу сынды жаңа салалар пайда болады.

5. Тиімді жер нарығы жасалады. Ауыл шаруашылық жерлерін тек инвестиция тартудың және алдыңғы қатарлы технологияларды пайдаланудың негізінде жалға беру Қазақстан ауыл шаруашылық саласын бәсекеге қабілетті етеді.

6. Табиғи азық-түліктен бөлек, елде шөлге төзімді гендік-модификацияландырылған дәнді-дақылдарды жасақтау басталады.

7. Қазақстанда жаңа мұнай өңдеу зауыты ашылады.

8. Міндетті медициналық сақтандыру жүйесін енгізу мәселесі қарастырылады. Жұмыскердің денсаулығына мемлекет, жұмыс беруші және жұмыскердің өзі бірдей жауапкершілікте болады және ол медициналық қызмет жүйесінің ең басты талабы ретінде бекітіледі.

9. Елде қазақстандық қоғамның негізгі құндылықтарын негіздейтін жаңа құжат - «Мәңгілік ел» Патриоттық актісі жасалады.

10. Қазақстанда мәдениетті саясаттың тұжырымдамасы жасақталады.

 
Жолдау жолданды, 18-ші рет
20.01.2014 10:52

17 қаңтарда Астанада ҚР Парламентінің қос палатасының біріккен отырысында Мемлекет басшысы Нұрсұлтан Назарбаев жыл сайынғы Қазақстан халқына Жолдауы «Қазақстандық жол – 2050: Ортақ мақсат, ортақ мүдде, ортақ болашақ» атты Жолдауын жолдады.

«2014 жылы Президент Жолдауын алғаш рет Тәуелсіздік Сарайында жолдады. 1997 жылдан бері бұл Жолдауы Президенттің Қазақстан халқына стратегилық Жолдауларының 18-іншісі болды»,- деп жазады «www.strategy2050» сайты.

Қазақстан Президенті – өз Жолдауын қос тілде айтатын әлемдегі жалғыз Көшбасшы. Ғаламтордың іздеу жүйелері «Қазақстан Президентінің Жолдауы» сұранысына үш тілде 20 миллионнан астам сілтеме тауып береді.

2014 Жолдауында Үкімет пен мемлекеттік органдарға 15 нақты тапсырма берілген. Сонымен қатар, Нұрсұлтан Назарбаев 80-нен астам инновациялық идеяларды атады.

Президенттің «Қазақстандық жол – 2050: Ортақ мақсат, ортақ мүдде, ортақ болашақ» Жолдауы 3 842 сөзден тұрады. «Қазақстан» және «қазақстандықтар», «инновация» және «инновациялық» сөздері Жолдауда 50-ден астам рет кездеседі. «Экономика» Жолдауда 17 рет айтылса,«білім» 8, «әлеуметтік» 10 рет айтылған. «Сапа» және «сапалы» сөздері Жолдауда 10 реттен астам рет аталып, «құру» және «құрылым» сөздері 20-дан астам рет айтылған.

Сонымен биылғы жолдауда не айтылды, қысқаша тоқталып өтейік.

ҚР Президенті Нұрсұлтан Назарбаев халыққа арнаған кезекті Жолдауында Үкіметке азаматтық қызметкерлердің еңбегін өтеудің жаңа моделін әзірлеуді тапсырды. «Үкіметке азаматтық қызметкерлердің еңбегін өтеудің жаңа моделін әзірлеп, 2015 жылдың 1 шілдесінен бастап енгізуді тапсырамын. Ол денсаулық сақтау қызметкерлерінің жалақысын - 28 пайызға дейін, білім саласы қызметкерлерінің жалақысын 29 пайызға дейін, әлеуметтік қорғау қызметкерлерінің жалақысын 40 пайызға дейін арттыруды қамтамасыз етеді», - деді.

Сондай-ақ, Елбасы 2015 жылдың 1 қаңтарынан бастап мүгедектігі бойынша және асыраушысынан айырылуы тұрғысындағы әлеуметтік жәрдемақылары көлемін 25 пайызға арттыруды тапсырды. «Мүгедектер бірлестігінің құқықтық базасының қызметін жетілдіру керек. Атап айтқанда, олармен барлық мемлекеттік органдардың жұмысын күшейту қажет, яғни Үкіметтен бастап жергілікті әкімге дейін», - деді Президент.

Н. Назарбаев өз сөзінде мүмкіндігі шектеулі адамдар үшін Қазақстан еш кедергісіз аймақ болуы тиіс екенін қадап айтты.

Қазақстанда мемлекеттік қызметшілердің еңбекақысы 2015 жылғы 1 шілдеден бастап 15%, 2016 жылғы 1 шілдеден бастап тағы 15% арттырылады. «Үкіметке келер жылдың шілде айынан «Б» корпусы мемлекеттік қызметкерлерінің жалақысын он бес пайызға дейін арттыруды жүктеймін. Ал 2016 жылдың шілдесінен тағы он бес пайызға артатын болсын», - деді Назарбаев халыққа жасаған баяндамасында.

2020 жылға қарай 3-тен 6 жас аралығындағы Қазақстан балаларын мектепке дейінгі білім берумен қамтамасыз ету жоспарлануда.

«Алдағы 3 жылдың көлемінде білім беру орындары тапшылығын жойып, қажет жерлерде еліміздегі барлық мектептерді екі ауысымға өткізу көзделеді.

Үкімет 2016 жылдың 1 қаңтарынан бастап шәкіртақы көлемін 25 пайызға көтеретін болады. Міндетті медициналық сақтандыруды енгізу мәселесін зерттеп, зерделеген жөн», - деді Елбасы.

2014 жылдың 1 тоқсанының соңына дейін Үкімет 4-ші мұнай өңдеу зауыты мен атом стансасы құрылысының мерзімін анықтауы тиіс.

«Үкімет ағымдағы жылдың 1 тоқсанының соңына дейін төртінші мұнай өңдеу зауыты мен атом электр стансасын орналастыру, инвестициялау және салу мерзімі бойынша мәселелерді шешуі керек», - деді Қазақстан Президенті. Бұл ретте Қазақстан Президенті газ, мұнай сынды табиғи отынға бай елде атом электр стансасының неліктен қажет екендігін де тарқата айтып берді. Үкімет қолға алатын шаруаларды халыққа түсіндіру жұмыстарын күшейту қажеттігін баса айтты. «Болашақ атом электр стансасында», - деді Елбасы.

«Біз әкімшілік реформаны жүргізудеміз. Бұл қажет емес қағазбастылық пен құжат айналымның қолайсыз үдерісіне айналмауы тиіс. Бүгінде әкім жұмысын бағалау миллиондаған құжатқа айналды. Мен Білім және ғылым мен Денсаулық сақтау министрліктерінде қанша құжат айналымы болып жатқандығы туралы айтқан болатынмын. Осы мәселені қараңдар да, бұл қағаздың барлығын жойыңдар. Осы қағаздардың ар жағында кабинеттерді иеленіп отырған адамдар отыр. Үкімет аппараты Президент аппаратымен бірге осы бағытта жұмыс істеуі қажет», - деді Президент. Сонымен қатар Елбасы жергілікті жерлердегі басқару органдарына дербестікті көбірек беру керектігін атап өтті.

Қазақстанның 2050 жылға дейінгі даму бағдары ел тарихына нық қадам басатын жаңа дәуірдің кемел келбеті екенін айтты.

Осыдан 1 жылдан астам уақыт бұрын Қазақстанның 2050 жылға дейінгі дамуының жаңа саяси бағдарын жария еткендігін атап өткен Мемлекет басшысы: «Соның ішіндегі ең басты мақсат - елімізді дамыған 30 елдің арасына енгізу. Ол мәңгілік Қазақстан жобасы. Ел тарихына нық қадам басатын жаңа дәуірдің кемел келбеті болып табылады»,- деді. Сондай-ақ Қазақстан Президенті еліміз 22 жылдың ішінде қыруар іс тындырғанын баса айтты. «Біз үлгілі дамудың өзіндік моделін қалыптастырдық. Әрбір отандастарымыздың жүрегінде еліне деген шексіз мақтаныш сезімін ояттық. Қазақстандықтар ертеңіне, елдің болашағына сеніммен қарайтын болды», - деді мемлекет басшысы.

 
ИНДУСТРИЯЛЫҚ АЙМАҚТАР САНЫ АРТАДЫ
17.01.2014 14:27

Елбасы «Қазақстан-2050» стратегиясы – қалыптасқан мемлекеттің жаңа саяси бағыты» атты жолдауында экономиканы дамытуда шағын және орта кәсіпкерліктің рөлі зор екендігін атап өтті. Өңіріміз бұл бағытта республика бойынша алдыңғы орындарға шықпаса да, орта деңгейден көрінуге талпыныс жасауда. Қызылорда қалалық салық басқармасының мәліметіне сүйенсек, қалада шағын және орта кәсіпкерліктің саны 26104-ке жеткен. Үстіміздегі жылдың қаңтар айына дейін облыс орталығында 1108 жаңа жұмыс орны ашылған. Оның ішінде сауда, білім және денсаулық, өнеркәсіп, уақытша, маусымдық және өзге де қызмет түрлері бар. Кәсіпкерлік субъектілерінен бюджетке тұрақты түсім де түсіп отыр. Мысалы, 2014 жылдың 1 қаңтарына дейінгі есеп бойынша қалалық бюджетке 42 млрд. теңгеден аса қаржы түскен.

Қызылорда қалалық кәсіпкерлік, өнеркәсіп және туризм басқармасының басшысы Қ.Ілиясовтың мәлімдеуінше Үдемелі индустриалды-инновациялық даму мемлекеттік бағдарламасы аясында Қызылорда қаласы бойынша 2010-2012 жылдар аралығында жалпы құны 12,9 млрд. теңге құрайтын 17 жоба жүзеге асырылып, 400-ге жуық жаңа жұмыс орындары ашылған. Ал 2013 жылы қалада аталмыш бағдарлама аясында жобалық құны 1659,3 млн теңгені құрайтын 2 жоба іске қосылып, 65 жұмыс орны ашылды. Ал биылғы жылдың соңына дейін жобалық құны 4 млрд. 272 млн. теңгені құрайтын 9 жоба іске қосылады деп жоспарлануда.

- Қызылорда қаласын өндіріс орталығына айналдыруды көздейтін индустриалды аймақ құру үшін Титов қыстағынан 760 га жер көлемі бөлінген. Индустриялық аймаққа «Самұрық-Қазына Инвест» ЖШС-нің «Шыны шығару зауытының құрылысы», «Узаков» жеке кәсіпкерлігінің «Қабырға және жаяу жүргінші жолдардың материалдарын өндіріс кәсіпорнын құру» жобалары орналастырылады. Өздеріңізге белгілі, өткен жылы облыс әкімінің бастамасымен аймақта инвестициялық форум ұйымдастырылды. Форум нәтижесіз қалған жоқ. «Қызылорда мұнай өңдеу зауыты» ЖШС жылына қуаттылығы 600 мың тонна қуаттылықтағы мұнай өңдеу зауытының құрылысын бастамақ. Сондай-ақ, «МАКСима логистикс Казахстан» ЖШС жоғары сапалы керамикалық қыш өнімдерін өндіруді алдағы жылы қолға алатын болады,- деді Қызылорда қалалық кәсіпкерлік, өнеркәсіп және туризм басқармасының басшысы Қ.Ілиясов бұқаралық ақпарат құралдары өкілдеріне жасаған баяндамасында.

Кәсіпкерлік саласында әлі де атқарылуға тиіс ауқымды істер көп. Әсіресе кәсіпкерлікті дамытуға арналған мемлекеттік бағдарламаларды іске асыруға барынша күш салған дұрыс. Жергілікті билік мұндай маңызды мәселелерге бейжай қарап қалмай, алда іргелі істермен көрінеді деген сенім бар.

Ә.АЛДАБЕРГЕН

 
ЖАҢАҚОРҒАНДА БІР БОС ОРЫНҒА ЖЕТІ РЕТ КОНКУРС ЖАРИЯЛАНҒАН
16.01.2014 17:25

Қызылорда облысында 7 саяси мемлекеттік қызметші бар. Бұл құрамға облыс әкімі мен оның орынбасарлары және қала әкімі кіреді. Айлығы көбейеді деген «А» корпусының мемлекеттік әкімшілік қызметші саны – 14. Одан төмендетілген «Б» корпусы бағанында – 3496, «С» корпусы санатында – 1664, «Д» корпусы дәрежесінде – 426, «Е» корпусы еншісінде – 1406 мемлекеттік әкімшілік қызметші қызмет атқарады. Гендерлік саясат аймағымызға «дегенін» жүргізіп тұр. Облыстағы мемлекеттік қызметші әйелдер үлесі 45,5 пайызды құрайды. Сондай-ақ облысымызда «А» корпусына ілінген бір азаматша еңбек етуде.

Мемлекеттік қызметшілер арасында белсенділік танытып тұрғандардың жас шамасы 30-39 жасқа дейінгілер. Бұлар, сірә «отызында орда бұзбаған, қырқында қамал алмайды» деген принципті ұстанған болуы керек. Алдыңғы буын ағалардың жолын орамайтын жастар жас шамасы бойынша көрсеткіште кенжелеп тұр. Осы лауазымға қол жеткізгендердің көбісінің саласы – экономика. Ауылшаруашылығы саласының мамандарына бұл қызмет онша бұйыра бермейді екен.

- Бұрын мемлекеттік қызметшілер бір саладан келесі салаға ауысып жүре беретін. Қазір олай емес. Егер сіз экономика саласында қызмет атқаратын болсаңыз, қаржы саласына кете алмайсыз. Бірақ кейбір департаменттердің ережелері бар. Мысалы, салық департаментінде жұмыс жасайтындар қалалық жерден ауданға қызмет ауыстыра алады. Сондай-ақ мемлекеттік қызметшілердің бос орнына міндетті түрде конкурс жарияланады. Оған қатысудың өзі оңай емес. Конкурсқа қатысушылар тест тапсырады. Бұрын 4 заң бойынша тапсыратын болса, қазір 8 заң бойынша тесттен өтуі шарт. Көбісі Парламент туралы заңнан қате жіберіп жатады. Конкурс талабы бұрынғыға қарағанда қатал. Жаңақорғанда бір бос орынға жеті рет конкурс жарияланған. Өйткені қатысушылардың барлығы тесттен құлап қалған,-деді ҚР Мемлекеттік қызмет істері агенттігінің Қызылорда облысы бойынша департаментінің басшысы Ғ.Тұрсынбаев өткен жылға есеп беру жиынында.

Конкурс өткізу – әкімдердің командасын құруға кедергі болады-мыс. Былтыр біздің облыста конкурс негізінде 368 тұлға мемлекеттік әкімшілік лауазымына орналастырылған.

Бүгінде Қызылорда облысы бойынша 33 адам «А» корпусына кадрлық резервте тұр. Бұлар – сыннан сүрінбей өткендер. Алғашында «А» корпусы мүшелігіне дәмелі болған 62 үміткер құжат тапсырған. Кейін екеуінің құжаттары біліктілік талаптарына сәйкес келмеуі салдарынан кері қайтарылды. Қалған 60 үміткердің ішінде төртеуі тестке қатыспай қояды. Сынақ тапсырған 56 үміткердің 19-ы тест нәтижесінде шектік мәннен аса алмай қалды. Бірінші кезеңді сәтті аяқтаған 37 үміткердің 35-і ҚР Президенті жанындағы кадр саясаты жөніндегі Ұлттық комиссиясына барып қайтыпты. Одан олардың екеуі өтпей қалады. Бүгінде «А» корпусына кадрлық резервте тұрған 33 адамның 3-еуі – әйел, қалғандары – ер адам.

ҚР Мемлекеттік қызмет істері агенттігінің Қызылорда облысындағы Тәртіптік кеңесі өткен жылы 12 отырыс өткізген. Онда 45 мәселе қаралған. Мемлекеттік орган басшыларының ҚР «Мемлекеттік қызмет туралы», «Сыбайлас жемқорлыққа қарсы күрес туралы» заңдарының және ҚР Мемлекеттік қызметшілерінің Ар-намыс кодексі талаптарын сақтамайтындығы кеңес мүшелерінің талқылауына түскен.

- Өткен жылы облыста 22 мемлекеттік қызметшіге және оған теңестірілген адамдарға тәртіптік жаза қолдандық. Он бесін қызметінен босаттық, біреуіне ескерту, екеуіне сөгіс, үшеуіне «қызметіне толық сәйкес еместігі туралы» ескерту жазасы қолданылды. Бір азаматтың лауазымы төмендетілді,- деді Ғ.Тұрсынбаев.

Тәртіптік жазаға үш ауыл әкімі тартылған. Олардың екеуі қызметімен қош айтысса, біреуі соңғы ескертудің арқасында орнын сақтап қалыпты.

Г.ЕСІМОВА

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары