Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
Жерлесіміз «Бингодан» автокөлік ұтып алды
16.01.2014 14:51

Сүйінші! Қызылордалық 29 жастағы қала тұрғыны Сержан Амантай «Бинго» телеойынынан «Lada priora» маркалы автокөлігін еншіледі. Лотерея билетін оның әйелі Меңтай Әбжапбарова сатып алған. Олардың бұл «Бинго» ойынының билетін бірінші рет ойнауы екен. «Қуған жетпейді, бұйырған кетпейді» деген осы. Ойын жыл аяғына жақын, желтоқсанның 8-іне болғанымен, автокөліктің кілті кешегі жексенбіде қолдарына тиген. Билет «Қасиет» сауда орталығының маңындағы дүңгіршектен сатып алынған. Өткен аптада оларды Алматыға «Бинго» ойынының тікелей эфиріне шақырған және автокөліктің құжаттарын біржола рәсімдеп берген.

- Алматыға барғанда бұл ойынды ұйымдастырушылар бізге көп көмектесті. Автокөліктің құжаттарын рәсімдегенде де, ана жерден мына жерге бару үшін көлік жіберіп отырды. Тікелей эфирдегі ойынға әйелім екеуміз барып қайттық. Алғашында ойламаған жерден ұтыс шыққан кезде қуанышымыз қойнымызға сыймады,-дейді ұтыс иегері С.Амантай.

Г.ЕСІМОВА

 

 
АУЫЛ ШАРУАШЫЛЫҒЫ САЛАСЫ ҚАРЫШТЫ ДАМУДА
16.01.2014 14:15

Өткен жылы облыс бойынша өсірілген 74,0 мың га күріш дақылы уақытылы жиналып, барлығы 360,8 мың тонна күріш салысы қамбаға құйылды. Орта өнімі гектарына 48,8 центнерден келді. Бұл - тәуелсіздік жылдарындағы ең жоғары көрсеткіш.

Облыстың негізгі дақылы күріштің 1 гектарына төленетін субсидия нормасы 25 мың теңгеге ұлғайтылып, шаруашылықтар шығындарының бір шамасы өтелді.

Облыста күріш кластерін дамыту мақсатында, яғни облыста өндірілетін күріштің бәсекелестігін арттыру бағытында биылғы жылы консорциум құрылды. «Жалағаш элеваторы» ЖШС-гі сатып алынды. АгроХолдингтің жарғылық капиталын қалыптастыру мақсатында «Байқоңыр» ӘКК» ҰК» АҚ-нан 500 млн. теңге бөлінді.

Ауыл шаруашылығы құрылымдарының машина-трактор паркін жаңалау мақсатында, биылғы жылы 50 ат күші бар доңғалақты трактор жинастыру жөнінде «АралАзов Агромаш» БК ЖШС мен «АМТ» Белград компаниясы арасында келісімшарт жасалды. Оның 50 пайыз қаржысы аударылып, 15 дана трактордың жинақтаушы құрал-жабдықтары, 121 дана техника алынды.

2013 жылы «ҚазАгро» ҰБХ» АҚ-ы арқылы 73 шаруа қожалығы 468,3 млн. теңге несие алып, 2644 бас сиыр және 142 бас асыл тұқымды ет бағытындағы бұқа алынды. Бұдан өзге шаруашылықтардың өз қаржылары есебінен ет бағытындағы асыл тұқымды «Қазақтың ақбас» сиыры тұқымының 100 бас қашары мен 20 бас бұқасын және «ҚазАгроӨнім» АҚ-на еншілес «KazMeat» ЖШС-нен ет бағытындағы мал шаруашылығын ұйымдастыру мақсатында 37 млн. теңге несие алып, 210 бас тауарлы сиыр және 7 бас ет бағытындағы асыл тұқымды бұқа сатып әкелінді. Жыл басынан бері облыс бойынша аталған бағдарлама аясында барлығы 2954 бас сиыр мен 169 бас бұқа сатып алынып, жоспар 123,1 пайызға орындалды.

«Сыбаға» бағдарламасының аясында ағымдағы жылы 500 бас мүйізді ірі қара малына арналған жалпы құны 139,0 млн. теңгені құрайтын бір мал бордақылау алаңының құрылысы қазан айында бітіп, іске қосылды.

Мемлекеттік ветеринариялық ұйымдарды материалдық-техникалық жарақтандыруға республикалық бюджеттен 518,6 млн. теңге бөлінді. Осы қаржыға 8 «Ветстанция» МКК және ауылдық округтердегі ветеринариялық пункттердің 135-не арнайы автокөлік, ұйымдастыру техникасы, офистік жиһаздар (кітап және киім шкафтары, жазу үстелдері, орындықтар), жануарларды қозғалтпай ұстауға арналған құрылғы, ветеринариялық құралдар және тағы басқалар сатып алынды.

«Дипломмен ауылға» бағдарламасы бойынша 2013 жылы 306 маман жеңілдетілген несиемен тұрғын үй алып, 754,7 млн.теңге игерілді. Сонымен қатар, 271 маман көтерме жәрдемақы алып, 98,7 млн.теңге игерілді.

Азық-түлік қауіпсіздігін қамтамасыз ету мақсатында облыс тұрғындарын негізгі азық-түлік өнімдерімен қолжетімді бағада тұрақты қамтамасыз ету үшін жыл басынан бері 29 рет ауыл шаруашылығы өнімдерінің жәрмеңкесі өткізіліп, 220,2 млн. теңгенің өнімдері сатылды. Сонымен қатар Астана қаласында ауыл шаруашылығы өнімдерінің жәрмеңкесі өткізілді.

Қызылорда облысы әкімінің баспасөз қызметі

 
АЙМАҚТА СПОРТ АЛАҢДАРЫ КӨПТЕП САЛЫНДЫ
16.01.2014 14:09

2013 жыл да облыстың спорт саласы үшін бөтен жыл болған жоқ. Облыс әкімінің баспасөз қызметі таратқан мәліметке сенсек, былтыр облыс көлемінде 75 шағын спорт алаңдары салынса (қалада -15, аудандарда - 60), жеті ауданда жасанды шөппен стандартқа сәйкес 7 стадион қалпына келтіріліп, Арал мен Қармақшы ауданында жаңадан стадион салынды. Сонымен қатар Қазалы, Шиелі, Жаңақорған аудандарында спорт клубтары (3 мемлекеттік коммуналдық кәсіпорын) және «Сырдария» кәсіби көгалды хоккей клубы, «Мұз айдыны» мекемелері құрылып, жұмыс жасауда. Осы спорт мекемелерінде барлығы 2000-нан астам шұғылданушылар әртүрлі спорт түрлерімен айналысуда.

Жасөспірімдерді спортқа тарту мақсатында аймақта бұрын болмаған қазіргі бессайыс, байдарка және каноэда есу, мәнерлеп сырғанау секілді жаңа спорт түрлерінен секциялар ашылды.

Бұқаралық спортты дамытуға, салауатты өмір салтын насихаттау мақсатында 2013 жылы 1540 спорттық-бұқаралық іс-шаралар өткізіліп, оған 440 000-дай адам қатысты. Оның ішінде ауыл спортшыларының кешенді «Алтын күз» спартакиадасы, ұлттық спорт түрлерін дамыту барысында қазақ күресінен «Алтын белбеу» дүбірлі сайысы төртінші рет өтті. Бұл жарыста елді мекендерден бастау алып, аудан, қала және облыстық ақтық сайысқа барлығы 7000 жасөспірім балуан ұлттық өнерді дамытуға атсалысты. Сондай-ақ, Елбасының Қазақстан халқына арнаған дәстүрлі  Жолдауын жүзеге асыру жолында қазақ күресінен 3 жас ерекшелігі бойынша «Жас барыс» республикалық турнирінің ақтық сыны ұйымдастырылды.

Спорттың олимпиадалық түрлерінен өткен Қазақстан чемпионаттарында облыс спортшылары 482 медальды (155-і - алтын, 126-сы - күміс, 201-і – қола) жеңіп алса, Әлем, Азия чемпионаттарында 74 медаль (31-і - алтын, 26-сы - күміс және 17-сі қола) иеленді Оның ішінде дзюдодан жасөспірімдер арасында жерлесіміз Бауыржан Жауынтаев Қазақстанда тұңғыш мәрте Әлем чемпионы атанды. Ауыр атлетикадан XXX жазғы Олимпиада ойындарының қатысушысы, Әлем чемпионатының күміс жүлдесіне ие болған, ҚР еңбек сіңірген спорт шебері Алмас Өтешовтың жетістігі ерекше.

 
АКАДЕМИК ӘЗІРЛЕГЕН 2020 ЖЫЛҒА ДЕЙІНГІ ДАМУ БАҒЫТТАРЫ
16.01.2014 14:09

Қызылорда облысының 2020 жылға дейінгі даму стратегиясының қабылдануы өткен жылдың басты жаңалығы болды. Оны академик А.Аганбегян бастаған ғалымдар тобы әзірледі.

Облыс әкімінің баспасөз қызметі хабарлағандай, сондай-ақ былтыр 2013-2014 жылдарға арналған денсаулық сақтау саласын дамытудың жол картасы жасалды. Бір жылдық қаржыландыру көлемі есепті кезеңде 402,5 млн. теңгені құрады.

Жол картасының аясында былтыр 9 ауылдық емхана, емдеу ұйымдары ашылды. Емханаларда тар буынды мамандар штаты пайда болды. Нәтижесінде қан айналымы жүйесі ауруларының, туберкулездің, онкологиялық аурулардың, сәби мен аналар арасындағы өлім-жітімнің азайғаны байқалады.

«Мүгедектердің өмір сүру сапасын жақсарту, құқықтарын қамтамасыз ету мақсатында да 2013-2014 жылдарға арналған жол картасы қабылданды. Оны жүзеге асыруға 130,8 млн теңге көлемінде қаржы бөлінді», - делінген хабарламада.

Назерке САНИЯЗОВА

 
Екі айдың ішінде жаңа білім ошағы Қызылордада тұрғызылды
16.01.2014 14:08

Былтыр Қызылорда облысының білім саласында көптеген жағымды жаңалықтарымен есте қалды. Бұл туралы облыс әкімінің баспасөз қызметінен хабарлады.

Бұл ретте «Назарбаев Зияткерлік мектебінің» ашылуын, үздік педагогтарға – 1 миллион теңгенің, ауыл түлектеріне облыс әкімінің 123 грантының тағайындалуы, үш ауысымда оқу мәселесінің шешілуін атап өтуге болады.

Талдыарал мектебіндегі апатты жағдайдан кейін аймақ басшысының тапсырмасымен небәрі екі айдың ішінде жаңа білім ошағы тұрғызылып, заманауи талапқа сай жабдықталды.

Уақытылы жүргізілген жөндеу жұмыстары және жаңадан жабдықталған оқу құралдары, ҰБТ-ға дайындықты қадағалау, жаңашыл педагогтарды марапаттау секілді жаңалықтар нәтижесін берді. 66 оқушы «Алтын белгі» иеленсе, 49 бала халықаралық және республикалық олимпиадалар мен конкурстардың жеңімпазы атанды.

Шынар БЕКБАН

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары