Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
ҚЫЗЫЛОРДАДАН ШЕТЕЛГЕ БАЛА КЕТКЕН ЖОҚ
10.01.2014 16:15

Бүгін Қызылорда облысының кәмелетке толмағандардың істері жөніндегі мамандандырылған ауданаралық сотының төрағасы Айбек Әбу мен судья Нұрлыбек Қосанов былтырғы жылы қаралған істерге қатысты есеп берді.

Араққа сылқия тойғандар стақандас еркекті зорлаған. Жаңақорғандық үш жігіт бас қосып, стақан соғыстырады. Жұпыны отбасыдан шыққан олар ішімдікті асыра сілтеп, ақыр аяғы бір-біріне қол жұмсайды. Содан не керек, 14 жастағы жасөспірім мен 18 жасқа толған азамат бірігіп жанындағы жолдастарын таяққа жығады. Айуандықпен қинап, өлтіреді. Мұнымен тоқтамай, жансыз денені зорлайды.

- Аса қатыгездікпен жасалынған бұл қылмысқа қатысты деп танылған кінәлі екі азаматқа да сот шешімі шықты. 14 жастағы жасөспірім 5 жыл 2 ай уақытын балалар колониясында өткізеді. Бұл – оның кәмелет жасқа толмағандығы ескеріліп, жазаның жеңілдетілген түрі. Ал қасындағы 18 жасқа толған серіктесіне бұған қарағанда көп жыл артылды. Жәбірленуші жақтан кешірім болмады,-деді Қызылорда облысының кәмелетке толмағандардың істері жөніндегі мамандандырылған ауданаралық сотының судьясы Нұрлыбек Қосанов есеп беру жиынында.

Бұл өткен жылы жасөспірімдердің қатысуымен жасалған қылмыстардың бірі ғана. Былтыр сот өндірісіне 109 қылмыстық іс келіп түскен. Оған 141 адам тартылды. Небәрі бір іс биылғы жылдың еншісінде қалды. Қылмыстық істер бойынша өңірімізде өткен жылы 10 қылмыскер түрмеге жабылса, 33 адам бас бостандығынан шектелді.

Баласына алимент төлемеген әкелер жыры бітпейтін дауға айналды. Алдағы уақытта алименттен қашқан әкелер бас бостандығынан айырылады. Алайда бұл шешім әлі заңды күшіне енген жоқ. Биылғы жылы осы жоба қоғамдық талқылауға түссе, келесі жылы нүктесі қойылады. Қазірде бұл жай айыппұл төлеумен, қоғамдық жұмысқа тартумен ғана шектеледі. Алимент төлейтін тұлға бір балаға айлығының – 25, екі балаға – 33, үш немесе одан да көп балаға 50 пайызын төлейді.

Некесіз баланың әлдиін әжесі айтады. Өткен жылы азаматтық істер бойынша 354 талап арыз сотқа жолданған. Оның 223-і бала асырап алуға өтініш білдірген. Барлығы толықтай қанағаттандырылды. Сондай-ақ бір жағдайда бала асырап алуды бұзу ісі қаралған. Онда бір отбасы 9 және 10 жастағы балаларды қамқорлығына алып, біршама уақыттан кейін оларды келген жеріне қайтарып жібереді. Сотқа айтқан уәжі – балалар үйінің тәрбиеленушілері асырап алушылардың баласын ұрған. Біздің аймақтан былтыр бірде-бір бала шекара асып кетпеді.

-Студент қыздар некесіз баланы дүниеге әкеледі. Содан оны қыздың әке-шешесі асырап алып жатады. Бөтен жерге емес, әжесі тәрбиелейтін болғасын біз бұл жағдайға көбіне қолдау танытамыз. Бала асырап алу жағдайының негізгі себептерінің бірі – ұзақ жылғы некеде баланың болмауы. Арал, Қазалы, Жаңақорған аудандарында осы жағдай жиі кездеседі, -деді Қызылорда облысының кәмелетке толмағандардың істері жөніндегі мамандандырылған ауданаралық сотының төрағасы Айбек Әбу.

Негізінен бала асырап алу – оңай шаруа емес. Өзіндік шарттары бар. Туберкулезбен, жұқпалы аурумен ауыратындар және сотталғандар бұл мүмкіншіліктен кенде. Дегенмен «сотталған» деген және ауырғандардың есепте тұру мерзімі алынғандығы жөнінде анықтама болса, бала асырап алу әп-сәтте жүзеге асады. Сонымен қатар, некеде тұрмаған ерлерге бала асырап алуға шектеу қойылған.

Былтыр сот өндірісіне әкімшілік құқықбұзушылық істердың 547-сі түскен. Оның 451-іне әкімшілік айыппұл салынса, 66 іс өндірістен қысқартылған. Әкімшілік құқықбұзушылық туралы хаттаманың дұрыс толтырылмауына сәйкес 30 іс кері қайтарылды. Жалпы алғанда 517 әкімшілік іс қаралған.

Г.ЕСІМОВА

 
ҚОҒАМДЫҚ КӨЛІКТЕР ҚАТАРЫ ТОЛЫҒУДА
10.01.2014 12:21

Қызылорда қаласына жуырда үлкен сыйымдылықтағы 20 жаңа автобус әкелінді. Ақпан айынан бастап олар халыққа қызмет көрсететін болады.

Бұл қоғамдық көліктер «Астана Сан Бао» компаниясымен келісімшарт негізінде жеткізіліп отыр. Естеріңізге салсақ, «Байқоңыр» инвестициялық форумы аясында облыс әкімдігі мен Еуропа қайта құру және даму банкі арасында өзара ынтымақтастық туралы меморандум қабылданған болатын.

Меморандум аясында «Байқоңыр ӘКК» ҰҚ» АҚ ЕҚДБ-мен бірлесе отырып, «Қызылорда қаласындағы автобус парктерінің құрылысын жүргізу» инвестициялық жобасын жүзеге асыра бастады. Жаңадан 20 автобустың әкелінуі – соның бір көрінісі.

- Биыл газбен жұмыс істейтін қазіргі заманғы 100 немесе одан да көп қоғамдық көлікті сатып алу, табиғи сұйытылған газбен толтыру станциясының инфрақұрылымын жүргізу, сонымен қатар біріктірілген билет жүйесінің жабдықтарын сатып алу мен орнату жоспарланып отыр, - дейді Қызылорда автобус паркінің директоры Мұрат Нұғыманов.

Қатары толыққан қоғамдық көліктер алдағы уақытта бұрынғыдай ерте тоқтап қалмай, түнгі сағат 10-11-ге дейін жолаушы тасымалдамақ.

Назерке САНИЯЗОВА

 
Тұман түсіп, жел болады
10.01.2014 11:33

Қызылорда облысы Төтенше жағдайлар департаменті баспасөз қызметінің «Қазгидромет» республикалық мемлекеттік кәсіпорны Қызылорда гидрометеорология орталығының мәліметіне сүйене отырып хабарлауынша, Қызылорда облысының кей жерлерінде 10 қаңтар күні тұман түсіп, 11-13- қаңтар күндері кей жерлерде желдің 15-20 м/с дейін күшеюі күтіледі.

Осыған байланысты облыс тұрғындары мен қонақтарына қауіпсіздікті сақтау шараларына баса назар аударуын ескертеді.

 
Тасбөгетте былтыр 5 көше, 25 аулаішілік жолдар жөндеуден өткізілді
10.01.2014 11:33

Бұл жөнінде қалалық ішкі саясат бөлімінің «Қазақстан – 2050» Стратегиясының Қызылорда қаласына қарасты елді мекендерде жүзеге асырылу барысы жөнінде ұйымдастырған баспасөз мәслихатында Тасбөгет кентінің әкімі Жұмабек Әлиев хабарлады.

Кент әкімі Тасбөгет кенті облыстағы тірек елді мекендер қатарына еніп, кентті жан-жақты дамытып, халықтың әлеуметтік-экономикалық жағдайын жақсартуда көптеген жұмыстар жасалып жатқандығын жеткізді.

Қазір Тасбөгет кентінде 28 765 адам тұрады. Кентте 4 орта мектеп, 1 бастауыш мектеп, 2 мемлекеттік балабақша, 1 ақылы балабақша, 3 мектеп жанындағы шағын орталық бар. Сонымен бірге 1 мәдениет үйі, 1 оқушылар мен жасөспірімдер үйі, 1 спорт мектебі, 1 емхана, халыққа қызмет көрсету орталығы, «Қазақтелеком», «Қазпочта», «Өртке қарсы қызмет» мекемесі, ҚІІБ-ның бөлімшелері орналасқан. Яғни кент - халыққа қажетті түрлі нысандармен қамтылған орталық.

Кентте облыс орталығының барлық аумағымен қоғамдық көлік қатынасы орнатылған. Кент аумағынан «Батыс Европа-Батыс Қытай» халықаралық автожолы, Қорқыт ата әуежайына баратын автомобиль жолдары өтеді.

Кент бойынша экономикалык белсенді халық – 16 684 адам немесе жалпы халық санының 58 пайызы, оның ішінде 2 613 адам бюджеттік мекемелерде, 7 171 адам жеке секторда, 6 102 адам өзін-өзі жұмыспен қамтығандар қатарында.

Елбасының бастамасымен жүзеге асырылып жатқан мемлекеттік бағдарламалардың нәтижелі жүзеге асырылуының арқасында Тасбөгет кентінде халықтың аз қамтамасыз етілген топтарын әлеуметтік қолдау мақсатында мемлекет тарапынан берілетін жәрдемақылар мен әлеуметтік көмек қаржыларының азаю тенденциясы байқалуда. Атап айтқанда, 2012 жылмен салыстырғанда, балалар жәрдемақысын алушылар саны 173-ке немесе 7,5 пайызға, тұрғын үй көмегін алушылар саны 498-ге немесе 30 пайызға азайған.

2011-2020 жылдарға арналған «Тұрғын үй-коммуналдық шаруашылығын жаңғырту мен дамыту» бағдарламасы аясында 2012 жылы 1 үй жаңғыртудан өткізілсе, 2013 жылы жылы 9 үйге жөндеу жүргізілді. Сонымен бірге кентте орналасқан «Мелиоратор» ЖШС-нің демеушілігімен «Наурыз» шағын ауданындағы 4 көпқабатты үйдің жылу жүйелеріне орташа жөндеу жұмыстары жасалған.

2013 жылы кенттің Жанқожа батыр, Ғ.Мұратбаев, З.Шүкіров және Е.Жүнісбаев көшелерінің бөліктеріне облыстық бюджеттен бөлінген 192,5 млн. теңгеге жалпы ұзындығы 4,84 км орта жөндеу жүргізілді. Амангелді көшесіне  1,0 км орта жөндеу жүргізілсе, Сапарбаев көшесіне 1,4 км тротуар, «Наурыз» және «Тасарық» шағын аудандарындағы 25 аулаға ішкі жолдар салынып, пайдалануға берілді.

 
Су тасқынының алдын алу мәселесі қаралды
10.01.2014 11:31

Сырдария өзені бойымен өтетін су көлемін үнемі бақылауда ұстап, су тасқынының алдын алу шараларын ұйымдастыру үнемі облыс әкімінің назарында.

Осы ретте, Қызылорда қаласы әкімдігінде қала әкімінің міндетін атқарушы Мұрат Тлеумбетовтің жүргізуімен тиісті сала мамандарының қатысуымен қыс-көктем мезгілдерінде Сырдария өзенімен келетін мол суды қауіпсіз өткізуге дайындық жұмыстары жөнінде мәжіліс өткізілді.

Айта кету керек, Қызылорда қаласы аумағынан өтетін Сырдария өзенінің бойында 88,5 шақырымды құрайтын қорғаныс бөгеттері орналасқан. Аталмыш қорғаныс бөгеттерді қатаң бақылауда ұстап, қауіпті жағдайлар туындаған жағдайда тез шара қолдану мақсатында қала әкімінің бекітуімен тиісті мекемелерге міндеттер жүктеліп, тапсырмалар берілген болатын.

Мәжіліс барысында «Қызылордасушар» өндірістік учаскесінің бастығы Ж.Нұрымбетов су тасқынының алдын алу жұмыстарын ұйымдастыру барысы туралы хабарлама жасап, қажетті ұйымдастыру шараларының қабылданғандығын жеткізді.

Мәжіліс қорытындысымен, қала әкімінің міндетін атқарушы Мұрат Тлеумбетов кент және ауылдық округ әкімдері мен тиісті сала басшыларына өз аймақтарында қорғаныс бөгеттеріне су тасқынының алдын алуға қажетті материалдардың дайындығын және өзге де алдын алу шараларын жоғары деңгейде ұйымдастыруды тапсырды.

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары