Өзекті мәселелер

  • 22.08.19

    Елімізде дәрінің көмегімен өмір сүретін азаматтар аз емес. Олардың дәрілік препаратсыз қауқары жоқ. Антибиотикке тәуелді науқасқа кім қарайды? Ақысыз берілетін дәрі-дәрмектерді кімдер, қайдан және қалай ала алады?

  • 22.08.19

    Халық «Елін сүйген ер болар» дейді. «Ер жігіт ел үшін туады, ел үшін өледі» дейді тағы  да.

    Иә, ел намысы үшін ерлік­ке бара алар азаматтарды кебен­ек ішінде танып-білу аса маңызды.

    Кебенек – сыртқы киім. Оны көбіне-көп жорықта, аңшылықта киеді. Демек, бұл киімді кез келген адам кие алады. Олай болса, «Ерді кебене­к ішінде  таны» деген – ер жігітті киіміне қарап емес, жан дүниес...

    Толығырақ...
  • 22.08.19

    ТЫНДЫРЫМДЫ   ІС – НӘТИЖЕЛІ   КӨРСЕТКІШ

    Қаланың экономикалық тұрғыда дамып­, қалыптасуында стратегиялық міндет жүйелі түрде өз-өзін айқындап отырады. Шаһардың болашағына байлан­ысты әр жоспар, әр бағыт өзіндік құнымен маңызды. Осындай іргелі істерді атқару барысында Қызылорда қаласының әкімі Нұрлыбек Нәлібаевтың іскерлік һәм басшылық міндеті ж...

    Толығырақ...
  • 22.08.19

    Өткен бейсенбіде облыстық кәсіпкерлік және туризм басқармасының қолдауымен, өңірлік коммуникациялар қызметінің ұйымдастыруымен БАҚ өкілдері Шиелі ауданына баспасөз турына барды. Жолай біз бағыт алған өңірдегі баратын нысандардың тізімі қолымызға тиді. Риза болғанымыз, бір-біріне ұқсамайтын бес қызмет түрін жандандырып отырған шағын кәсіп иелерімен таныстық. Оның ішінде ауқымды жерді алм...

    Толығырақ...
  • 22.08.19

    192   ШАҚЫРЫМ  ЖОЛ  ЖӨНДЕЛЕДІ

    Елдегі көлік саласы маңызды рөлге ие. Оған сауда-экономикалық бағыттағы тауарлардың көліктің қай түрімен болсын тасымалдануы дәлел. Одан өзге аймақтар үшін республикалық, облыстық және аудандық маңызы бар жол­дардың  өзектілігі  жоғары.  Өткен  жылы осындай жолдар мен көшелерді дамыту­ға республикалық бюджеттен 1...

    Толығырақ...
Халық-хабар
ҚАТЕРЛІ ІСІК: қауіп қайдан?
30.05.2012 16:19

«Ауырып ем іздегенше, ауырмайтын жол ізде» дейді қазақ. Осы сөздің түбіне терең бойлай білсек, ауру атаулыға дес бермес едік-ау. Ел естімеген аурулар көбейді. Қатерлі ісік деген тажал жер шары тұрғын­дарын жалмап барады. Ең сорақысы, бұл ауру көбіне адам өлімімен аяқталуда. Басты мәселе де – осы. Бірақ мамандар дер кезінде алдын алсаң, бұл қатерді де жеңуге­ болатынын айтады.

Дүйсенбіде облыстық онкология орталығында маманда­р дөңгелек үстел басына жиналды. Дүние­жүзіндегі сияқты аймағымызда да 14 мамырда “Қатерлі ісік ауруларын ерте анықтау және алдын алу” айлығы басталды. Мамандар шараның маңызды­лығына тоқталды. Сонымен қатар ұлт көшбасшысы Н.Ә.Назарбаевтың Қазақстан халқына жолдауындағы адам денсаулығына қатысты басым бағыттарды назарға­ алды. Статистикалық мәліметке жүгінсек, еліміз­де жыл сайын 29 мыңдай адам қатерлі ісікпен ауырып, оның 17 мыңға жуығы қайтыс болады екен. Ал Қызыл­орда облысы адам өлімі бойынша ІІ орынға шығып отыр. Бұған негізінен өмір салты мен қоршаған орта факторлары – темекі шегу, дұрыс тамақ­танбау, ауаның ластануы мен физикалық белсен­діліктің төмендігі әсер етеді. Сала мамандары аурудың алдын алуға, белсенді профилактикалық тексеру арқылы ерте анықтауға, тіпті болмаса, медициналық көмек арқылы адам өмірінің сапасын жақсартуға толық мүмкіндік барын айтады. Осы мақсатта денсаулық сақтау министрлігі онкологиялық ауруларды анықтау үшін арнайы қаражат бөліп, сүт безі, жатыр мойны және тік, тоқ ішектерін тексерістен өткізу шараларын қолға алды. Жағымд­ы жаңалық, алдағы уақытта облыс­ аумағынан 175 орындық онкологиялық орталық бой көтермек. Жалпы сметалық құны шығарылған, құрылыс­ 2013 жылы басталады. Оған қоса, кешен жаңа медициналық құрал-жабдықтармен толықтырылатын болады.

Әрбір азамат өз денсаулығына жауапты. Олай болса­, аурудың алдын аламын деушілер тиімді тамақтанып, салауатты өмір салтын ұстанып, уақытылы тексеру­ден өтуі тиіс.

А.МАМАНҚЫЗЫ

 
МЕМЛЕКЕТТІК ТІЛДІ МӘРТЕБЕЛЕГЕНДЕР МАРАПАТТАЛДЫ
24.05.2012 17:31

Бүгін Қызылорда облысының тілдерді дамыту басқармасы облыста мемлекеттік тіл саясатын бұқаралық ақпарат құралдарында кеңінен насихаттау, мемлекеттік тілдің қазақ және орыс тілді басылымдарда насихатталу белсенділігін арттыру мақсатында ұйымдастырылған «Мемлекеттік тіл және бұқаралық ақпарат құралдары» атты облыстық байқауын қорытындылады. Еліміздің қоғамдық өмірінде мемлекеттік тілдің қызмет ету аясын кеңейту мен мәртебесін нығайту жолында мемлекеттік тілдің қазіргі ахуалы туралы тұщымды мақалалар мен бейнехабарлар дайындаған журналистер қатарында «Сыр бойы» газетінің тілшісі Жұмагүл Оралбаева, «Кызылординские вести» газетінің тілшісі Айнагүл Манабаева, «Қазақстан-Қызылорда» телеарнасының редакторы Толқын Қабылшаева және «Қызылорда news» интернет газетінің тілшісі Алмат Кенжебаевтар «Үздік журналист» номинациясын иеленсе, «Кому что?» газетінің тілшісі Наталья Денисова, Арал аудандық «Толқын» газетінің тілшісі Аққу Мелдешова, «Қоғам ТВ» телеарнасының тілшісі Ізмұрат Құрбанбаев «Тіл жанашыры» номинациясымен марапатталды. Ал, «Толқын» газетінің тілшісі Жаңабай Кемал, «Ақмешіт апталығы» газетінің тілшісі Гүлбану Мақаджан, «Кому что?» газетінің тілшісі Денис Пак және Қазалы аудандық «Қазалы» газетінің әдеби қызметкері Сахи Қапар ынталандыру сыйлығына ие болды.

Байқау жеңімпаздарын құттықтаған басқарма басшысы Руслан Рүстемұлы мемлекеттік тілдің мәртебесін көтеріп, ана тілімізді татулық тілі деңгейінде тану жолында біріге жұмыс жасауды жеткізді.

Халық-хабар

 
«ҰЛТ TIMES» ұлтты ұйыстыруға қадам басты
24.05.2012 12:01

Қазақ баспасөзі тағы бір талғамы биік, талабы зор апталық газетпен толықты. Басылым «Ұлт Times» деп аталады.

Құндылықтардың қадірі қашып, қолымыздағы барды қастерлей алмай жүрген мына қоғамда «Ұлт Times»-тың ұстанымы қандай болмақ деген сұрақтың тууы заңды.

Басылым басшылығының сөзімен айтсақ, «…Ынтымағы жарасқан қоғам ыдыраудың сәл-ақ алдында тұр. Сындарлы шақта оң-солын айтады-ау деген оппозицияның да оңдырып жүргені шамалы. Қадау-қадау мәселені қадап айтатын қадірі болмай тұр. Бұрынғының бас болар от тілді, орақ ауызды би-шешені де жоқ. Шетінен түгел мәймөңке, әрі жәдігөй! Қайтпек керек? Біз осы тұста қажетпіз-ау! Рас, дәп осы тұста «ҰЛТ TIMES» бой көрсетсе дейміз! Ұлтты ұйыстыра алатындай үнпараққа айналсақ деп армандаймыз. Қоғамның қордаланып қалған қоңыр тірлігін қолдан келгенше көтеруге күш салсақ деп үміттенеміз».

Газет бетіндегі қосымша айдарлардың қос сөздерден құралуы газеттің өзіндік ерекшелігін айқындайды. «Нақпа-нақ», «Әңгіме-дүкен», «Қым-қуыт», «Әл-ауқат», «Түп-тұқиян», «Ел-жұрт», «Салт-сана», «Жайма-шуақ» сынды газеттегі бет атаулары қоғамның түйткілді мәселелерін көтеруді мақсат тұтады. Алғашқы санынан-ақ салмақты мақалаларды көзіміз шалды.

«Times» деген атауының өзі айтып тұрғандай, қазақтың Ұлт сағаты соқты деп білейік біз де.

P.S. «Ұлт» сөзін ұстанған шығармашылық ұжымның арасында «Халық» газетінен қанат қаққан әріптесіміз Гүлжан Рахман бар екенін мақтанышпен айта кеткіміз келеді.

 

 
«АЛДАРКӨСЕНІҢ ҰРПАҒЫНЫҢ» ТҰСАУЫ КЕСІЛДІ
23.05.2012 14:34

Танымал журналист, ғалым Нұрлан Көбегенұлының есімі Сыр өңіріне ғана емес, елімізге мәлім. Әрі сатирик, уытты тілді сыншының «Алдаркөсенің ұрпағы» атты тұңғыш жинағының жарық көр­геніне де бір жылдай уақыт болды. Сейсенбіде қалалық №6 кітапханада аталмыш кітаптың тұсаукесері өтті. Кешке қазіргі таңда Сыр елінде сатира жанрында қалам тартып жүрген сатириктер қатысып, журналист әрі әдебиетші Н.Көбегенұлының туындысына оң бағасын берді. Сондай­-ақ, облыс орталығындағы №7, №264 мектеп оқушылары автордың туынды­ларынан көрініс қойса, «Ақмешіт» гуманитарлық-техникалық институт сту­денттері сықақшының сыни өлеңдерін нақышын­да орындады.

- Нұрлан Нұрмаханов - сатираның атасы саналатын жерлесіміз А.Тоқмағамбетовтың бүгінгі таңда ізін жалғастырушы. Оның уытты тілі әкімді де, билеушіні де аямайды. Себебі ол - халықтың ұлы, ұлтының жанашыры. Туындысының аты айтып тұрғандай, халқымыздың жыртығын әзілмен жалғайтын азамат болғанына қуаныштымын, - деді танымал сатирик, Қазақстан Журналистер одағының мүшесі Қазыбек Әшірбекұлы.

Кеш соңында Н.Көбегенұлы ізін басқан шәкірті, «Жас Алаш» газетінің­ меншікті тілшісі Н.Сауяевпен сыни диалог құрып, нағыз сатири­к екенін көрермендерге тағы бір дәлелдеді.

Д.САДЫҚ

 
ТАЛАПТЫҢ МІНГЕН ТҰЛПАРЫН
23.05.2012 14:32

Бәрекелді! Талабы мен талантын қатар ұштаған жас таланттың тасы өрге домалап келеді. Поэзияға жаны құмар Бауыржан Қожантайдың жергілікті “Тұмар” баспа­сынан «Талаптың мініп тұлпарын» атты өлеңдер жинағы жарыққа шықты.­ Орамды ой, сүбелі сөздерін жанына серік етіп жүрген қойын дәптеріне түртіп қоюдан жалықпаған оның болмыс­ы ерек. Бұған дейін талай асу-белесті бағындыр­ған жас талант – түрлі мүшәйралардың жеңімпазы.­

Б.Боранбайұлы 1997 жылдың 24 қарашасында Жалаға­ш ауданы, Аққұм ауылында өмірге келген. Бүгінде қаладағы Ә.Молдағұлова атындағы №173  орта мектебінің 8 сыныбында оқиды. Қара өлеңнің қасие­тін жастайынан ұғынған оның талабын ұстаздары ерте-ақ байқаған. Қаламының ұшымен қарымды дүниелерді дүниеге әкелген жас ақынның кітабы 4 бөлімнен тұрады.­ Атап айтар болсақ, «Ана-әке мейірімі – тірлікті еткен ғаламат» бөлімінде ата-анасына деген ізгі ілтипатын жеткізсе, «Елім деп соққан жүрегім» бөліміне патриоттық тақырыптағы туындылары енген. Одан кейінгі «Сезім сыры» бөліміне нәзік сезім төңірегіндегі жырлары және «Тіл-дінім – діңгегім» бөлімінде тіл мен дінге деген құрметін айрықша айшықтаған жыр шумақ­тары топтастырылған.

Әлі мектеп қабырғасында жүрсе де, көркем әде­биетті жаны сүйетін Бауыржан Қожантайдың осындай жетістігіне бірге қуана отырып, алдағы уақытта шығармашылық табыс, шалқар шабыт тілейміз. Сүбелі сөздің сардарына айналуына ниеттеспіз.

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Тамыз 2019 >
      1 2 3 4
5 6 7 8 9 10 11
12 13 14 15 16 17 18
19 20 21 23 24 25
26 27 28 29 30 31  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары