Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
Аймақта 24 жоба жүзеге асырылып жатыр
10.01.2014 11:30

2013 жылдың ІІ жартыжылдығындағы өзектендіру нәтижесімен Қазақстанның индустрияландыру картасы аясында облысымызда жалпы құны 151,7 млрд. теңгені құрайтын 24 жоба іске асырылуда. Оның ішінде «Шыны зауыты құрылысы» республикалық карта аясында қолға алынған. Жобаға 18,8 млрд. теңге көлемінде инвестиция салынатын болады. Жоғары технологияларды пайдалану арқылы экспортқа бағытталған өнім шығару арқылы аймақ экономикасының дамуына, облыстағы өндіріс саласын жаңа бір серпінге көтеруге зор ықпал жасайтын бұл өндіріс орнының алар орны ерекше.

Өңірлік индустрияландыру картасындағы 23 жобаның 14-і 2010-2012 жылдары іске қосылып, 799 жаңа жұмыс орындары құрылған.

2013 жылдың қорытынды есебі қаңтар айында шығарылатындықтан, іске қосылған жобалардың барлығының «жоспарлы  қуаттылықты» 100 пайызға меңгеруі күтілуде.

2013 жылы 20 желтоқсанда өткен «Индустрияландыру күні» жалпы ұлттық телекөпір аясында «СКЗ-U» ЖШС күкірт қышқылы зауытының ІІ кезеңі, жалпы құны 4,3 млрд. теңге көлеміндегі 18,5 мВт электр энергия өндіретін энергокешенді іске қосты. Энергокешеннің бір ерекшелігі, күкірт қышқылын өндіру барысында бөлінетін будан электр энергиясы өндіріліп, қоршаған ортаға залалы тимейтін өндіріс орыны болып саналады.

Сондай-ақ жаңартылмалы энергия көздерін пайдалану бағытында Жаңақорған ауданындағы «СКЗ-Ю» ЖШС-нің күкірт қышқылы зауыты жанында сағатына 420 квт электр энергиясын өндіретін күн электр станциясы іске қосылды.

Алдағы 2014-2018 жылдары индустрияландыру картасындағы қалған 10 жоба іске қосылып оның аясында 1881 жаңа жұмыс орындары құрылатын болады деп күтілуде.

Сонымен қатар жыл қорытындысымен өңірлік индустрияландыру картасына жалпы құны 6,6 млрд. теңгені құрайтын 5 жоба енгізілді.

2013 жылдың ІІ жартыжылдығында өткізілген өзектендіру қорытындысымен жобаларды индустрияландыру картасына енгізу көрсеткіші бойынша Қызылорда облысы республикада алғашқы 5-ке енді.

 
Қызылорда облысында үдемелі индустриялық-инновациялық даму бағдарламасының негізгі индикаторлары (2013 жылдың 11 айы бойынша)
10.01.2014 11:30

Өнеркәсіп өнімінің көлемі есепті кезеңде 1,2 трлн. теңгені құраса, нақты көлем индексі 2012 жылдың ұқсас кезеңімен салыстырғанда 99,8%-ды құрап отыр. Көрсеткіштің төмендеуі - мұнай өндіру көлемінің азаюымен байланысты болуда. Дегенмен, аталған көрсеткіштің нақты көлем индексі ай сайын көтерілуде. 2013 жылдың қорытындысы үстіміздегі жылдың қаңтар айында шығарылатындықтан, өнеркәсіп өнім көлемінің толығымен 100 пайызға орындалуы күтілуде.

Өңдеу өнеркәсібінің көлемі 58,1 млрд. теңгені құрап, 2012 жылдың ұқсас кезеңімен салыстырғанда 116,9%-ды құрады.

Өңдеу өнеркәсібіндегі 1 адамға шаққанда еңбек өнімділігі былтырғы 9 айда 9,5 мың АҚШ долларын құрап, 2012 жылдың ұқсас кезеңімен салыстырғанда өсу қарқыны 180,5%-ды құрады.

Шикізаттық емес тауарлардың экспорттағы үлесі 2013 жылдың 9 айында 1,5%-ды құрап, алдыңғы жылдың ұқсас кезеңімен салыстырғанда бір деңгейді құрады .

Негізгі капиталға салынған инвестиция көлемі 11 айда 298 млрд. теңгенің үстінде қаржыны құрап, өткен жылдың ұқсас кезеңімен салыстырғанда өсу қарқыны 1,5 есеге артқан.

Пайдалану бағыттары бойынша инвестициялардың басым бөлігі өнеркәсіп саласына (40 пайыз) және көлік және қоймалауға (48 пайыз) тиесілі.

Өңдеу өнеркәсібіне салынған инвестиция көлемі есепті кезеңде 3,1 млрд. теңгені құрап, өткен жылдың ұқсас кезеңімен салыстырғанда 114,6% көрсетуде.

Қазақстан Республикасында инвестицияларды тарту, арнайы экономикалық аймақтарды дамыту және экспортты ынталандыру жөніндегі 2010-2014 жылдарға арналған бағдарламасы аясында мемлекеттік бюджеттен инвестицияларды қоспағанда шикізаттық емес секторға тартылатан инвестиция көлеміне, оның ішінде тартылатын сыртқы инвестиция көлеміне 2013 жылға көрсеткіштер бекітілген.

Қызылорда облысына мемлекеттік бюджетті есептемегенде шикізаттық емес секторға тартылатын инвестиция көлемі 2013 жылға - 840,1 млн. АҚШ доллары, сыртқы инвестиция - 188,5 млн. АҚШ доллары көлемінде бекітілген.

Өткен жылдың 11 айында негізгі капиталға салынған инвестиция көлемінің ішінде мемлекеттік бюджетті есептемегенде шикізаттық емес секторға тартылған инвестиция көлемі 200,5 млрд. теңгені немесе 1,2 млрд. АҚШ долларын құрап, алдыңғы жылдың ұқсас кезеңімен салыстырғанда бұл көрсеткіш 2 есеге өскен.

 
ҚАЛАДА ҚОҒАМДЫҚ КӨЛІКТЕРДІҢ ЖҮРУ БАҒЫТТАРЫНА ӨЗГЕРІСТЕР ЕНГІЗІЛДІ
09.01.2014 09:01

Құрметті қызылордалықтар! Қалаішілік №4 Темір жол вокзалы–Сағымбаев көшесі, №5 Темір жол вокзалы-Тасбөгет кенті, №6 Темір жол вокзалы–Тасбөгет  кенті , №20 Арзан базары–Қызылжарма ауылы бағыттарына жүретін маршруттарға өзгеріс енгізілгендігін хабарлаймыз.

Яғни, №4 маршрут Қорқыт ата, Ынтымақ, Жеті асар, Жезқазған трассасы арқылы Сағымбаев көшесімен;

№5 маршрут Жібек жолы, Садуақасов, Желтоқсан, Мұратбаев, Абай даңғылы арқылы Желтоқсан көшесімен;

№6 маршрут Тасбөгеттен Жібек жолы, Сұлтан Бейбарыс, Жеңіс көшесі арқылы Әлихан Бөкейхан көшесімен;

№20 маршрут Жібек жолы, Сейтқасым Жүнісов, Қалжан Ахун, Түркістан көшесі арқылы Жеңіс көшесімен жүреді.

Аталған маршруттар өзгертілген бағыттармен 2014 жылғы 8 қаңтардан бастап жүретін болады.

Толық мағлұматты «Қызылорда» Автобус паркі» ЖШС-нен, қалалық ТКШ, қоғамдық жолаушылар көлігі және автомобиль жолдары бөлімінен немесе 21-25-75, 27-76-74 байланыс телефондары арқылы білуге болады.

 
Қызылорданың кітапханалар қоры 13 489 дана кітаппен толыққан
09.01.2014 09:01

Бұл жөнінде қалалық ішкі саясат бөлімі ұйымдастырған баспасөз мәслихатында қалалық мәдениет және тілдерді дамыту бөлімінің басшысы Айдын Қайруллаев хабарлады.

Қалалық мәдениет және тілдерді дамыту бөлімінің басты бағыты – мәдениет саласындағы мемлекеттік саясатты іске асыру, мәдени құндылықтар мен ақпараттық құралдарға халықтың еркін қол жеткізуін қамтамасыз ету, халықтың өнерпаздық және кәсіби шығармашылығының жан-жақты дамуына көмектесу, тұрғындардың мәдени демалыстарын ұйымдастыру, көркемөнерпаздар өнерін дамыту, қалада бірыңғай мемлекеттік тіл саясатын жүргізуді қамтамасыз ету.

Қала кітапханаларының жалпы кітап қоры 618 348 дананы құрайды. Қала кітапханаларының кітап қорына 2013 жылы жаңадан 12 489 дана кітап алынды.

Сала басшысының айтуынша, 2013 жылы жергілікті бюджеттен қаланың мәдениеті пен өнер саласына 234 млн. 404 мың теңге қаралды. Ал, қалалық мәдени-демалыс паркінде 2013 жылы 49 аттракционмен халыққа қызмет көрсетілген. Жазғы маусымда күніне орта есеппен 600 адамның бос уақыты тиімді ұйымдастырылған.

 
Құрылыс салудан Қызылорда - көш басында
09.01.2014 09:00

2013 жылы Қызылорда облысында 152 нысан пайдалануға берілді. Бұл 2012 жылмен салыстырғанда 2 есеге артық. (2012 жылы 76 нысан салынған). Оның ішінде 23 нысан білім саласына тиесілі, (19 мектеп, 4 балабақша), 16-сы –денсаулық сақтау нысаны (3 емхана, 11 амбулатория, 2 фельдшерлік-акушерлік пункт), 8 нысан - мәдени ошақтар.

Сондай-ақ 2 коммуналдық шаруашылық нысаны және 1 мемлекеттік мекеме ғимараты ашылды. Бұдан бөлек облыста 1 қоршаған ортаны қорғау нысаны, 1 табиғи және техногендік бағыттағы нысаны бой көтерді.

8 нысан «Бизнестің жол картасы-2020» бағдарламасы аясында салынды. Ал, 2013 жылы «Қолжетімді баспана-2020» мемлекеттік бағдарламасы бойынша 91 тұрғын үй пайдалануға берілді.

Қаржыландыру ісінде аталған құрылыс нысандарының 987-і републикалық бюджет есебінен, 54-і облыстық бюджет қаржысы есебінен салынды.

Осындай қарқынды жұмыстың арқасында Қызылорда облысы 2013 жылдың бірінші жарты жылдығында құрылыс салу қарқыны бойынша республикада бірінші орынға шықты.

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары