Өзекті мәселелер

  • 10.10.19

    Мұны бәріміз де көп күттік. Жиырма жыл. Аз уақыт емес. Сөз жоқ, бұл жеңістің өзі оңайлықпен келген жоқ. Жасыл алаңда жан беріп, жан алысқан сәтті теледидардан телміре тамашалап, күйініш пен сүйінішті көрудің өзі бір ғанибет­  екен. Бұл күнге дейін не айтыл­мады, мақтау да, даттау да айтылды, бірақ біздің жігіттер жарады. Біздің айтып­ отырғанымыз – жексенбі күні елорда төріндегі «Астана Арена» ...

    Толығырақ...
  • 10.10.19

    Елбасының «Нұр Отан» партиясының ХVIII съезінд­е ұсынған «Әлеуметтік қамқорлық» жаңа әлеуметтік саясаты қоғамның барлық саласын қамтиды. Әсіресе, президент көпбалалы отбасыларға қол­дауды арттыру қажеттігіне ерекше тоқталды. Өйткені, елімі­здегі баспанаға мұқтаж азаматтар саны азаймай тұр. Сандарды сөйлетсек, елдегі үй кезегінде тұрған аз қамтылған, көпбалалы отбасылардың жалпы­  саны 28 мыңнан...

    Толығырақ...
  • 10.10.19

    Қызылорда облысында экономика саласын дамытуда мемлекеттік-жекеменшік әріптестік тетік­тері тиімді пайдаланылып келеді­. 2017 жылдан бастап мұнай өндіру көлемінің айтарлықтай төмендеуіне қарамастан, жалпы өндірістік өнім көрсеткіші бойынша оң өзгеріс байқалады. Бүгінде өңір экономикасының барлық салас­ында тұрақты өсім қамтамасыз етілуде. Тек өнеркәсіп өндірі­сінде мұнай ұңғымаларының сулану­ы ...

    Толығырақ...
  • 10.10.19

    Облыстың оңтүстігінде, қарт Қаратаудың іргесінде,  Сырдария өзенін жағалай қоныстанған, халқы – жайсаң, жері – жомарт Жаңақорған дейтін аудан бар. Батпағының өзі – бренд. Шөбі – шүйгін. Табиғи қазба байлығы талайды тамсандырған өңір. Жайылмалық жұрт жерсіндірген қарбызын алыс-жақын шетеліңіз таласып әкететіні тағы бар. Қысқасы, қазір Қаратаудың етегінде орныққан елдің бірлі...

    Толығырақ...
  • 10.10.19

    Байқоңырлық бұқараның әлеуметтік мәселелері оң шешімін тауы­п келеді­. Бұрын «Ресейдің иелігінде» деп онша иек артпайтын аумақ еді, соңғы жылдары­ екі елдің Үкіметаралық келісімдерінің арқасында «жұлдызды қалашықта» да біраз істің беті бері қарап қалды.  Түсінікті болу үшін тақырыпты тарқатайық.

Халық-хабар
КӘСІПКЕРЛІКТІ ӨРКЕНДЕТУ КҮН ТӘРТІБІНЕН ТҮСПЕЙДІ
29.01.2013 15:55

Елбасы нарықтық экономиканың арқауы саналатын шағын және орта бизнесті дамытуға әркез айырықша маңыз беріп келеді. Осы орайда облыста кәсіпкерлікті өркендету – күн тәртібіндегі өзекті мәселе. Аталған мәселе кеше аймақ басшысы Қырымбек Көшербаевтың төрағалығымен өткен жиында талқыланды.

Бұл жағынан Қызылорда әзірге көптеген облыстан қалыс қалып келеді. Бірақ бізде ел экономикасының локомотивін алға жетелеуге қажетті ресурстар жеткілікті. Сондықтан қолда барды ұқсата білу, халықтың кәдесіне жарата білу керек. Өткен аптада Елбасының қабылдауында болған облыс әкімі Қырымбек Көшербаев өңірдің индустриялық әлеуеті және өндірісті дамыту перспективалары туралы хабардар етті. Мемлекет басшысы өз кезегінде тиісті тапсырмалар жүктеді. Айта кету керек, аймақты дамытудың табысты жолын жандандыруға президент бастамасымен республикада бірқатар игі шаралар атқарылуда. Мысалы, кәсіпкерлікті қолдау инфрақұрылымын жетілдіру мақсатында алдағы уақытта республикалық бюджеттен 50 млрд. теңге қаржы бөлінгелі отыр. Одан бөлек, «Бизнестің жол картасы», «Жұмыспен қамту» бағдарламалары да жалғасын табатын болады. Ендігі міндет – сырбойылық бизнес қауымдастығы осыдан үлес алып, туған жерді түлетуге, халықтың әл-ауқатын арттыруға ұмтылуы тиіс.

Облыстық кәсіпкерлік және өнеркәсіп басқармасының бастығы Ардагер Ақжігітовтың сөзіне сүйенсек, 2010 жылдан бастап облыстың индустрияландыру картасына құны 259,9 млрд. теңгені құрайтын 28 жоба ұсынылды. Соның 25-і картаға енгізіліп, 1 940 жаңа жұмыс орны құрылды. Атап айтқанда, «Ақшабұлақ» кен орнындағы газды тиімді пайдалану кешенінің 2-кезегінің, «Құмкөл» кен орнында қосымша 2 газ-турбиналық электр стансасының, асфальт, битум шығару зауыттарының құрылысы – қарқынды жобалардың қатарында. 2012 жылдың қорытындысымен өңдеу өнеркәсібінде 47,029 млрд. теңгенің өнімі өндіріліп, өткен 9 айда еңбек өнімділігі 7,6 мың АҚШ долларына жеткен. Етектен тартқан мәселелер де жоқ емес.

- «Шапағат сүт» ЖШС-нің қолдауымен салынған сүт зауыты бүгінде бәсекелестікке төтеп бере алар емес. Жаңақорған ауданындағы «Тату Агро» серіктестігінің томат өнімдерін шығаратын цех жобасы іске аспай отыр. Битум шығаратын зауыт әзірге өзінің қажеттілігін ғана өтеумен келеді, - деді А.Ақжігітов.

Жаңақорғандағы бірнеше шаруа қожалығының басын құрап, жұмыс жасап келе жатқан «Тату Агро» ЖШС-нің басшысы Әділхан Асқаров әкімнің алдына мәселені төтесінен қойды.

- Бізде жарық пен су мәселесі күрделі күйінде қалып отыр. Осының шешілуіне ықпал етсеңіз, - деді ол.

Кедендік одақ кезінде бәсекелестікке төтеп бере алмаған өндіріс орындарының жабылып қалу ықтималдығын баса айтқан Қырымбек Көшербаев облыстық кәсіпкерлік және өнеркәсіп басқармасына мейлінше ірі және өміршең жобаларды қолға алу қажеттігін ескертті. Сондай-ақ құрылыс жұмыстарына техникалық базасы заман талабына сай жабдықталған жергілікті компанияларды көптеп тартуды тапсырды. Аймақ басшысының ерекше назарын аударған – инновациялық-медициналық технологиялар ғылыми зерттеу институты мен фармацевтикалық зауыт құрылысының жобалары болды. Жоба бастамашылары фармацевтикалық зауытта қатерлі ісікке қарсы нармоген препараты өндірілетінін алға тартады. Және оның сұраныс үдесінен шығатынына сенімді. Болашақтың еншісіндегі тағы бір тың жоба – Жаңақорған ауданында салынатын құс фабрикасы. Ол ауыл шаруашылығына бағытталған 6 000 тонна құс етін өндіретін болады. Облыс әкімі өз кезегінде халықтың тілегін дөп басатын осындай бастамаларды қолдауда тиісті орындардың аянып қалмауы керектігін атап өтті.

Жиында «Қызылорда» ӘКК» ҰК АҚ инвестициялар жөніндегі департаментінің директоры Ләззат Алдоңғарова кәсіпкерлікті кешенді дамытудағы корпорацияның үлесі және алдағы жоспарлар жайын баяндады. Бизнес қауымдастығының серіктесі саналатын бұл ұйымның негізгі міндеті – жобаларды қаржыландырып, иығынан демеп жіберу. Дегенмен, аймақ басшысы айтқандай, корпорациялардың жалпы республика бойынша жолы болмай-ақ қойды. Сондықтан Қырымбек Көшербаев «Қызылорда» ӘКК-не Қазақстанның брендіне айналған «Байқоңыр» атауын беруді ұсына келе, оны бұдан былай өзі басқаратынын жеткізді. Басқосуда Қызылорда облыстық туризм, дене шынықтыру және спорт басқармасы бастығының орынбасары Құрмангүл Датқабекова Сыр өңірінде туризм саласын дамыту бағытында қолға алынған жобалар жайын тілге тиек етті. Сондай-ақ жергілікті кәсіпкерлер өз ойларымен бөлісіп, ұсыныс-тілектерін жеткізді.

Назерке САНИЯЗОВА

 
БАЙҚОҢЫРҒА ҚАТЫСТЫ ЕКІ ЕЛ МИНИСТРЛЕРІ ТҮСІНІК БЕРДІ
25.01.2013 17:31

«Интерфакс-Қазақстан» агенттігі таратқан мәліметке сүйенсек, бүгін Қазақстан сыртқы істер министрі Ерлан Ыдырысов Байқоңыр ғарыш айлағына қатысты Ресеймен арада "ешқандай жанжал, сенсация жоқ" деп мәлімдеген. Ыдырысов мұны Мәскеуде Ресей сыртқы істер министрі Сергей Лавровпен кездесуден соң айттыпты.

Ерлан Ыдырысов бұған дейін ресейлік "Коммерсантъ" басылымына берген сұхбатында Ресейдің Қазақстанға Байқоңыр ғарыш айлағына қатысты жобаларды тоқтатуы жайында нота жібергені туралы ақпаратты "ақылға қонымсыз" деп бағалаған еді. "Біздің мұндай ынтымақтастықтан бас тартатынымыз туралы кез келген ұйғарым - ақылға қонымсыз. Қазір Байқоңырдың әлеуетін толықтай пайдалану және оны ары қарай технологиялық тұрғыдан дамыту шараларын бірлесе ойластырып, оны жүзеге асыру туралы әңгіме жүріп жатыр" деген-ді ол әлгі сұхбатында.

Агенттіктің хабарлауынша, Сергей Лавров кездесуден соң нота туралы "Мен оны кімнің жариялағанын білмеймін. Мұны болмашы нәрсені дабырайтып көрсеткісі келетіндер істеді деп санаймын" деген. Осыдан бір күн бұрын ресейлік ақпарат құралдары "Ресей сыртқы істер министрлігі Қазақстанға Байқоңырдан зымыран ұшыру мәселесіне қатысты ультиматум қойған нота жолдады" деген ақпараттар таратқан еді.

Сыртқы істер министрі Ерлан Ыдырысов кешеден бері Ресейде ресми сапармен жүр.

 

 
Болатбек Қуандықов ҚР Бәсекелестікті қорғау агенттігінің басшысы болды
25.01.2013 14:20

Бүгін Астанада ҚР Премьер-Министрі Серік Ахметов ҚР Бәсекелестікті қорғау агенттігінің ұжымына ведмоствоның жаңа басшысы Болатбек Қуандықовты таныстырды, деп хабарлады Үкімет басшысының баспасөз қызметінен. Бұл ақпаратты BAQ.kz таратты.

«Б.Қуандықов Ұлттық Банк жүйесінде, экономика және бюджеттік жоспарлау, төтенше жағдайлар министрліктерінде басшылық қызметтер атқарды. Қызылорда облысының әкімі болды, өңірлердің жағдайын жақсы біледі»,- деді С.Ахметов.

Үкімет Басшысы Агенттік алдына еліміздің Президенті бірқатар маңызды міндеттер қойып отырғанын атап көрсетті. «Біріншіден, азық-түлік тауарларының бағасы айрықша бақылауда болуы керек. Бұл әлеуметтік маңызды мәселе, сондықтан әкімдермен бірлесе отырып, азық-түлік бағасының негізсіз көтерілуіне жол бермеу қажет. Сонымен қатар, отын, жанар-жағар май нарығындағы баға саясаты мұқият қадағаланып отыруы тиіс»,- деді С.Ахметов.

Сондай-ақ С.Ахметов агенттіктің бұрынғы төрағасы Ғабидолла Әбдірахымовқа жемісті еңбегі үшін алғыс айтты. Мемлекет басшысының Жарлығымен Ғ.Әбдірахымов Президент Әкімшілігі Басшысының орынбасары болып тағайындалғаны белгілі.

 
БАЙҚОҢЫРҒА ҚАТЫСТЫ ДАУ ӘЛІ БАСЫЛАР ЕМЕС
25.01.2013 14:04

Ал Мәскеу Астанаға тағы да наразылық нотасын жолдады. Бұл жолы құдайы көршімізге айлақтан ұшырылатын «Протон» зымыран санын аз-кем қысқартқан Қазақстан Үкіметінің шешімі қатты шымбайына батыпты. Енді оны «өзгертпесеңдер» келісілген барлық ғарыштық жобаларды тоқтатамыз деп күшке мініп отыр.

Сондағы Қазақстан Үкіметінің кінәсі 2013 жылы Байқоңырдан ұшырылатын «Протон» зымырандарының санын 14-тен 12-ге қысқартқанында екен. Ресей шешімді қайта қарауды талап етіп отыр. Бұл туралы ресейлік басылымдар жерден жеті қоян тапқандай шулап қоя берді. Ал еліміздің Сыртқы Істер министрлігі наразылық нотасын алғандарын растап, бірақ онда Мәскеу Астанаға ешқандай талап-міндет қоймағанын алға тартты. Айта кетсек, дипломатиялық жанжал Ұлттық ғарыш Агенттігінің төрағасы Талғат Мұсабаевтың «Байқоңыр меншікке қайтарылуы мүмкін» деген тосын мәлімдемелерінен басталған еді. Бүгін Сыртқы істер министрі Ерлан Ыдырысов Мәскеуге аттанып кетті. Келіссөздер жүргізу үшін. Оның барысында айлаққа қатысты шыққан дауға нүкте қойылады деген үміт бар.

Жанболат Үсенов, ҚР СІМ халықаралық ақпарат комитеті төрағасының орынбасары:

- Әрине бұл мәселе күрделі технологиялық кешен, күрделі инфрақұрылым және сол өңірде тұратын халықтың тағдыры жайлы болып отыр. Дегенмен Қазақстан мен Ресей өзінің 21 жылдық ынтымақтастығы барысында бұдан да ауыр мәселелерде өзара тиімді шешім таба білген. Байқоңыр мәселесі де екі жақтың өзара мүдделерін қанағаттандырып, өз шешімін табатынына сенімдіміз.

 
ҚЫЗЫЛОРДА – ЕЛІМІЗДЕГІ ЖҰМЫССЫЗЫ АЗ БІРДЕН-БІР ҚАЛА
25.01.2013 14:04

Қалалық жұмыспен қамту және әлеуметтік бағдарламалар бөлімінің бастығы Аманжол Алдамжаровтың айтуынша, екі қолға бір күрек таппай жүргендердің саны 500-ге жетпейді екен.

2012 жылы шаһарымызда 4 мыңның үстінде жаңа жұмыс орны ашылған. Сонша адам еңбекпен қамтылыпты. Бірақ еңбек нарығында сұранысқа ұсыныс сай емес.

- Гуманитарлық, педагогикалық мамандық иелері мен экономистер толып жатыр. Әсіресе, экономист көп. Бірақ оларға сұраныс жоқтың қасы, - дейді бөлім бастығы.

Ұсыныс пен сұраныстың тепе-теңдігін қамтамасыз ету мақсатында жұмыспен қамту картасы жасалыпты. Ендігі үміт – сонда. Қолына папка ұстап, басына шапка киюге құмар көптің қатарын осылай азайтуға бола ма, жауабы – уақыттың еншісінде. Былтыр «Жұмыспен қамту - 2020» бағдарламасы аясында 2 жарым мыңға жуық адам жұмыспен қамтылған. Біразы курс оқып, кәсіптік білімдерін жетілдірді.

- Бағдарламаның екінші бір бағыты бойынша облыс орталығында 60 пәтерлі тұрғын үй бой көтеріп, оған Арал, Қазалы, Жалағаш аудандары мен қаладан осынша отбасы қоныстанды. 71 адам өзіне жұмыс тапты, - дейді қалалық жұмыспен қамту орталығының директоры Лариса Кәрібаева.

Назерке САНИЯЗОВА

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Қазан 2019 >
  1 2 3 4 5 6
7 8 9 10 11 12 13
14 15 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары