Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
БАЛДӘУРЕНДІКТЕР ЖАҢА ЖЫЛДЫ ТОЙЛАДЫ
08.01.2014 10:26

Тамаша сыйларға жаңажылдық мерекелерде «Балдәурен» қоғамдық қоры балалар мекемесінің тәрбиеленушілері де ие болды. Ал оларға ойыншықтар мен тәттілерді Жаңа жыл қарсаңында қамқоршылары – «ПетроҚазақстан Құмкөл Ресорсиз» АҚ-ның мұнайшылары  ұсынған еді.

«Балдәурен» қоғамдық қорында Жаңақорған ауданындағы 50-ге жуық жетім балалар мен тұрмысы төмен отбасылардан шыққан балалар тәрбиеленуде. Мекеме көптеген жылдар бойы ПҚҚР АҚ-ның қамқорлығына алынған. Бұл жерде балалар үшін үш рет тамақтану жағдайы ұйымдастырылған, жайғасып тұруға ыңғайлы бөлмелер, ойнайтын және басқа да үй-жайлар жан жадыратқандай, бұлар өз кезегінде қазіргі заманғы жабдықтармен қамтамасыз етілген. Бизнестің әлеуметтік жауапкершілігі ұғымы ПҚҚР АҚ үшін үстірт мәселе еместігін атап өту керек. Мұнайшылар әлеуметтік жауапкершілік қағидаларын бұлжытпай ұстауда, олардың ішінде жаңа жұмыс орындарын ашу, қызметкерлерге арналған көптеген әлеуметтік бағдарламаларды жүзеге асыру, салықтарды төлеу және басқа да шаралар бар. Аймақтағы ең танымал мұнай компаниясы әрқашан экономикалық қана емес, сонымен бірге әлеуметтік жағын да қамтитын салаларға басым көңіл бөле отырып, өз бизнесінің тұрақты дамуын қамтамасыз етуге ұмтылып келеді.

Өздерінің қамқоршыларын, жақындарын және салтанат қонақтарын «Балдәурен» балдырғандары әсем етіп безендірілген жаңажылдық шыршаның жанында сыңғырлаған әуезді әндерімен және өзінше ырғаққа толы билерімен қарсы алды. Танытқан өзгеше өнерлері мен шынайы таланттары үшін балалар ересектер мен өз ұстаздарының ду қол шапалақтаған ыстық қошеметтеріне бөленді. Карнавал киімдерін киген балалар ұлттық ертегілердің дәстүрлі кейіпкерлерімен бірге барлығы қосылып мейрамның басты меймандары – Аяз Ата мен Ақшақарды қошеметтеді, олар жаңажылдық іс-шараға ерекше сүйкімділік сипатын сыйлады.

Мұнайшылар балаларға өз сыйлықтарын – жұмсақ ойыншықтарды және тәттілерді ұсынды.

- Балалардың, ата-аналардың және тәрбиеленушілердің атынан бүлдіршін сәбилерге көңіл бөліп, қамқорлық танытқандары үшін «ПетроҚазақстан Құмкөл Ресорсиз» АҚ-ның басшылығы мен ұжымына шын жүректен алғыс айтамын, - деп  ыстық лебізін арнады «Балдәурен» қорының басшысы Айсара Нәлібаева. – Баршаңызды Жаңа жылмен құттықтаймын және қайырымдылық иелеріне жемісті еңбек пен гүлденіп көркейе беруді тілеймін!

Әсет ЖАЙЛАУБАЕВ.

Фото Андрей Тайгуновтікі.

 
«Шапағат»: Жаңа жылға арман-тілектер орындалады
08.01.2014 10:18

Жаңа жыл қарсаңында «Шапағат» мүгедек балаларға арналған қазалылық оңалту орталығында жаңажылдық шырша мейрамы болып өтті. Осыған орай қалыптасқан дәстүр бойынша балалар мекемесінің тәрбиеленуші жеткіншектерін ең бірінші болып «ПетроҚазақстан Құмкөл Ресорсиз» компаниясының өкілдері құттықтады. Мұнайшылар қауымының атынан кемтар балаларға тәтті сыйлықтар мен жұмсақ ойыншықтар тарту етілді.

«Шапағат» орталығында мерекелер әрдайым ұйымшылдықпен әрі көңілді аталып өтіледі. Дегенмен балаларға арналған шыршаны мерекелеу ең сүйікті іс-шаралардың бірі болып табылады. Мұнда олар үшін сүйікті мультиктер мен ертегілердің қаһармандары ойнайтын нағыз жаңажылдық ертегіні ұйымдастырыпты. Балалар да бар өнерін салыпты – жаңа әндер мен тақпақтарды және қызық мінезді «па»-ны жаттап алған. Балақайлардың қуанышында шек болған жоқ.

– Шапағаттықтар әр уақытта да «ПетроҚазақстан» компаниясының мұнайшыларын тағатсыздана күтіп жүреді, - дейді орталықтың психологы Шынар Есбергенова. – Балалар іс-шараның өтуіне айрықша көңіл күймен дайындалады, белсенділік танытады, тақпақтарды жаттайды, би билеуді үйренеді. Әдеттегі балдырғандар секілді олар әр жаңа жыл сайын Аяз Ата мен Ақшақардан өзгеше ғажайыпты – сауығып кетуді күтеді. Сол себепті осындағы тәрбиеленушілер үшін Жаңа жыл – көптен аңсап жетер ерекше мейрам.

«Шапағат» орталығында бүгінгі таңда медициналық-психологиялық және педагогтық көмекті мүмкіндігі шектеулі 40-тан астам бала пайдалануда. Мекемеде балалардың сауығып кетуі үшін іс-жүзінде барлық жағдай жасалған. Бұл игі істе «ПетроҚазақстан Құмкөл Ресорсиз» мұнай компаниясының еңбегі зор, ол алғашқы күндерден бастап-ақ «Шапағаттың» бүлдіршіндерін қамқорлығына алып келеді.

Сырқат балалар білікті жәрдемге ие болуда. Он тоғыз жыл ішіндегі іс-қызметтің ең басты нәтижесі мынау болып отыр – бірнеше ондаған балалар өз сырқаттарын жеңіп шығып, әдеттегі оқу парталарына отыруға мүмкіндік алды.

- Біздер барлық ересек кісілер балалар үшін бір ғана нәрсені – сырқаттарынан айығып кетуді тілейміз, - дейді ата-ана Айдын Қонарбаева. – Бұл жолда сіңіріп келе жатқан еңбектері үшін «Шапағат» тәрбиеленушілері ата-аналарының атынан орталықтың тәрбиешілері мен ұстаздарына, әсіресе – мекеменің басты қамқоршыларына - ПҚҚР АҚ-ның барлық мұнайшыларына алғыс айтсам деймін. Жаңа жылда оларға тек өсіп-өркендеу, отбастарына игілік-береке және барлық бастамаларына табыстар тілеймін!

Өтіп бара жатқан жыл «Шапағат» мүгедек балаларға арналған оңалту орталығы үшін жемісті жыл болды. Оңалту орталығы жаңа ғимаратты иеленді, балалардың осында тұруы үшін жағдайлар жақсара түсті, тәрбиеленушілер мен олардың ата-аналары үшін тегін көрсетілетін қызметтерді ұсынушы бірнеше қызметтер бірден ашылды. Қажырлы әрі тынбай еткен еңбегі үшін орталық басшысы Шынаркүл Жеңсікбаева «Алтын жүрек» Ұлттық сыйлығына ие болды.

Қонақтар, орталықтың ұстаздары, балдырғандардың ата-аналары балақайларды мейраммен жылы лебіз білдіріп, шын жүректен құттықтап жатты. Мейрамға №226 мектептің, сол сияқты «Бөбек» қорының ұжымы сый-сияпаттарын ала келді. Және ересек жандардың барлығы да бірге кішкене шапағаттықтарға ең бастысын – мықты денсаулықты және тезірек сауығып кетуді тіледі.

 
ЖИЫРМА АЛТЫ ЖЕДЕЛ ЖӘРДЕМ КӨЛІГІ БЕРІЛДІ
06.01.2014 09:25

Кеше орталық алаңда Қызылорда облысының әкімі Қырымбек Көшербаев 26 мамандандырылған санитарлы автокөліктің кілтін облыс және аудан орталықтарының жедел жәрдем станциясы қызметкерлеріне табыс етті.

Оларды Жаңа жылдарымен құттықтай отырып, аймақ басшысы денсаулық сақтау саласындағы автоматтандырылған диспетчерлік-ақпараттық қызметті енгізу және дәрілік препараттармен қамтамасыз ету және тағы басқа бірқатар жетістіктерді атап өтті.

Облыс әкіміне Қызылорда облысының құрметті азаматы Ернияз Омарұлы дәрігерлердің атынан өз алғысын жеткізді.

 
ОБЛЫСТА МЕРЕКЕ КҮНДЕРІ ТЫНЫШ ӨТТІ
06.01.2014 09:22

Кеше Қызылордада облыс әкімі Қырымбек Көшербаевтың төрағалығымен селекторлық отырыс өтті. Бұл туралы облыс әкімінің баспасөз қызметі хабарлады.

Селекторлық жиында аудандар мен Қызылорда қаласының әкімдері өз аймақтарындағы мереке күндеріндегі әлеуметтік-саяси жағдай туралы айтып берді. Қырымбек Көшербаев атап айтқандай, мереке кезінде облыстағы қоғамдық-саяси ахуал тұрақты болды.

Одан бөлек, 31 желтоқсан мен 3 қаңтар аралығында облыстық медицина орталығына және қалалық емхананың травмотологиялық бөліміне 235 адам медициналық көмекке жүгінген. Оның 8-і жол-көлік оқиғалары салдарынан, 100-і тұрмыстық жағдайда, ал 125-і көшеде жарақат алған, яғни көбінде мұз үстінде тайып құлаған.

Одан кейін облыс әкімінің аппарат басшысы Қанатбек Жайсаңбаев мемлекет басшысының 2013 жылдың 15 тамызындағы «Әкімдердің халыққа есеп беру кездесулерін өткізу туралы» №615 жарлығы аясында аудандар мен Қызылорда қаласы әкімдерінің есепті кездесулерін өткізу тәртібі туралы баяндады. Аймақ басшысы оған әкімдердің есепті кездесуін тиісті деңгейде өткізуді тапсырды.

Қоғамдық құқық тәртібінің сақталуы жөнінде облыстық ІІД-нің бастығы Жанарбек Бақтыбаев мәлімдеді.

Назерке САНИЯЗОВ

 
МҰНАЙШЫЛАРМЕН ЖӘНЕ АРДАГЕРЛЕРМЕН ЖҮЗДЕСТІ
27.12.2013 17:44

Кеше Қызылорда облысының әкімі Қырымбек Көшербаев бизнестің әлеуметтік жауапкершілігін иығына артқан «ҚОР», «Петро Қазақстан Құмкөл Ресорсиз», «Торғай Петролеум» сияқты мұнай компанияларының, «Игілік» короративтік қорының басшыларымен кездесті.

Облыс әкімінің баспасөз қызметі хабарлағандай, әкім мұнайшыларға аймақтың әлеуметтік-экономикалық дамуына, әлеуметтік проблемаларының шешілуіне үлес қосып жүргені үшін алғыс білдірді. Облыс экономикасының 96 пайызы кен өндіруші өнеркәсіптің үлесіне тиетіндіктен, аймақ басшысы мұнай компанияларын өндіру көлемін төмендетпеуді, сонымен қатар жаңа кен орындарын игеруге және қайта өңдеу саласын дамытуға шақырды. Сондай-ақ оларға алғыс хаттар табыстады.

Ал бүгін Қырымбек Көшербаев облыстық ардагерлер кеңесінің төрағасы Сейілбек Шаухаманов бастаған аймақ ардагерлерлерімен кездесті. Аймақ басшысы қазыналы қарттарды Жаңа жылдарымен құттықтап, олардың өңіріміздің қоғамдық-саяси өміріндегі ролі ерекше екенін атап өтті. Ақсақалдар өз кезегінде облыс әкіміне әртүрлі салалар бойынша сұрақтар қойды. Білім, әлеуметтік қамсыздандыру, жол жөндеу, тіл саясаты бағытындағы мәселелерді де көтерді.

Қырымбек Көшербаев олардың сұрақтарына жауап беріп, қоғамдық өмірге бейжай қарамайтыны үшін алғыс білдірді.

Назерке САНИЯЗОВА

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары