Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
Халық-хабар
ҚЫЗЫЛОРДАДА БҰЗАҚЫЛАР ДЕМАЛЫС САЯБАҒЫНЫҢ КҮЛ-ТАЛҚАНЫН ШЫҒАРДЫ
27.07.2012 17:16

Қызылордада белгісіз біреулер жақында пайдалануға берілген демалыс саябағының күл-талқанын шығарды.

1tv.kz сайтының тілшісі хабарлағандай, бір түн ішінде демалыс орнында 21 электр бағаны, 63 шам сынған, отырғыштар қиратылып, гүл салғыштар паршаланған. Полицейлер әзірге бұзақыларды таба алмай жатыр. «Көпшіліктің игілігі үшін жасалған жақсы дүниені бағаламаған бұзақылар табылып, жазаларын алатыны анық. Тек соншама күш салынып, жасалған дүниені жоқ қылғандары өкінішті», - дейді Тұрғын үй коммуналдық шаруашылығының бас маманы С.Егембергенов.

Айта кетейік, қала тұрғындарына арналған саябақ құрылысына бюджеттен бірнеше миллион теңге жұмсалған болатын. Алдағы уақытта мұндай бұзақылықтардың орын алуына жол бермеу үшін бейнебақылау камераларының жүйесін дамытып, олардың санын көбейтіп, сапасын жетілдіру қолға алынатын болды.

 
«БУШРА» ІСІНДЕГІ БАСТЫ ФИГУРАНТТАР ТЕРГЕЛІП ЖАТЫР
27.07.2012 15:58

Басы дауға қалған «Бушра» компаниясының басшыларын тергеу ісі аяқталуға таяу. Заң алдында сондай-ақ бірқатар мемлекеттік органдардың лауазым иелері жауап беріп жатыр. Айта кетейік, бұлар Қызылорда қаласындағы теміржол өткелінің құрылысын майшелпекке айналдырды деп айыпталған болатын. Кеше қызметке кіріскеніне жүз күн толған облыс прокуроры Сапарбек Нұрпейісов баспасөз брифингін жасады. Мемлекетті 200 млн. теңгеден астам материалдық шығынға батырған басты фигуранттардың қылмыстық ісі сотқа жолданатын күн алыс емес екенін сонда жеткізді.

- Тергеу нәтижелері туралы біз ақпарат құралдары арқылы халыққа міндетті түрде хабарлаймыз, - деді ол.

Ал Жаңақорғанда өткен ҰБТ төңірегіндегі дау ҰҚК және білім саласының бірен-саран қызметкері сотталған соң басылды. Бұл да жалғыз Қызылорда емес, ел аумағында қоғамдық резонанс туғызған «ірі» іс болатын.

Қадағалаушы сала өкілдері одан басқа әлеуметтік тапсырысты орындауға бағытталған бюджет қаржысының талан-таражға түскенін анықтап отыр.

- Қазалы ауданы әкімдігінің қызметкерлері мен жастар қоғамдық бірлестігінің төрағасы әлеуметтік тапсырыс шеңберінде ешқандай шара ұйымдастырмастан құжатқа қол қойып жіберген. Акт жалпы сомасы 750 мың теңгеге жасалған, - деді облыс прокуроры журналистермен жүздесуінде.

Аталған дерек бойынша Қылмыстық кодекстің 307-бабының 2-бөлігімен және 314-бабының 2-бөлігімен іс қозғалды.

Жалағаш аудандық әкімдігінің қызметкерлері де осындай жолмен 118 мың теңгені «желге шашқан» көрінеді.

Назерке САНИЯЗОВА

 
ЖҮКТІ ӘЙЕЛ ЖОЛДА КӨЗ ЖҰМДЫ
24.07.2012 14:39

Қызылорда қаласы көшелерінің бірінде кө­лік қағып кеткен жүкті келіншек жедел жәрдем жетпей көз жұмды. Рульде 23 жастағы жігіт болыпты. Қайғылы оқи­ғадан кейін әй-шәйға қарамай табанын жал­тыратқан. Алғашқы дәрі­герлік көмекке жүргін­шілер жүгінген. Алайда, аяғы ауыр әйел ауру­ханаға жетпей қайтыс болды. Адам өмірін арашалап қалуға асықпаған көлік жүргізушісі тек ерте­ңіне полицияға өзі келген.

Облыстық жол полициясы басқармасының хабарлауынша, соңғы уақыттары үлкен жылдамдықпен жүргін­ші­лер­ді қағып өту деректері жиілеген. Өткен аптаның өзінде осындай 80 жағдай тіркеліпті. Көбіне темір тұлпар тіз­гінінде мас адамдар отыра­тын  көрінеді.

Н.ШАМАУ

 
ҚЫЗДЫ СУДАН ҚҰТҚАРЫП ҚАЛДЫ
24.07.2012 14:39

20 шілде күні кешкі уақытта дария маңында кезекшілікте жүрген ҚР ТЖМ Оңтүстік өңірлік аэромобильдік жедел құтқару жасағының қызметкерлері Нұрлан Маханбетов және Андрей Федосияди суға батып бара жатқан қызды аман алып қалды. Оны жағаға шығарып, өміріне араша түсті. Құтқарылған азаматшағ­а сол мезетте алғашқы медициналық көмек көрсетілді. Бойжеткеннің ата-анасы қызын тілсіз жаудан арашалап, ажалдан аман алып қалған құтқарушыларға алғыстарын білдірді.

Қызылорда облысы ТЖД-нің баспасөз қызметі

 
ЭЛЕКТРОНДЫ ҚЫЗМЕТ АЯСЫ КЕҢІП КЕЛЕДІ
24.07.2012 14:38

Келер жылдан бастап жылжымайтын мүлікті сату-сатып алу шарттарын нотариус арқылы куәландыру оңай бола түспек. Бар-жоғы 30 минутта оны электронды түрде рәсімдей аласыз. Облысты­қ әділет департаментінің мамандар­ы осылай деп отыр. Ақпа­раттық техно­логияның соңғы жетістігі қазірдің өзінде заңды тұлғаларды тіркеу және некені заңдастыру ісінде кеңінен қолданыла бастады. Ағымдағы жарты жыл ішінде жеке кәсіп бастауға ынта біл­дірген 16 заңды тұлға интернеттің көмегімен тіркеуге тұрған. Ал 134 жұп өзде­рін ерлі-зайыпты деп тану­ды сұрап, электронды өтініш берген­. Мамандар мұның уақыт пен қаражат үнемдеуге таптырмас тәсіл екенін айтады.

- Некелесушілер үшін бар болғаны электронды цифрлы қолтаңба қажет. Оны жеке куәлігі мен СТН-ін көрсете отырып халыққа қызмет көрсету орталықтарынан  алуға  болады. Жарам­дылық мерзімі – бір жыл, - дейді об­лыстық әділет департаменті бастығының орынбасары И.Бәкішева.

Жыл аяғына дейін аталған салада ұсынылатын электронды қызмет түр­лері былтырғымен салыстырғанда кем дегенде 14,7 пайызға өспек. Ал ХҚКО арқылы көрсетілетін қызметтер саны 22-ге жетеді деп күтілуде.

Н.ҚАЗЫБАЙҚЫЗЫ

 
<< Бірінші < Алдыңғы 1011 1012 1013 1014 1015 1016 1017 1018 1019 1020 Келесі > Соңы >>

Күнтізбе

< Қыркүйек 2019 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары