Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
ЖАҚСЫЛЫҚТЫҢ ЕРТЕ-КЕШІ ЖОҚ
25.12.2013 16:01

Әр мейрамды елеусіз қалдырмайтын «ПетроҚазақстан Құмкөл Ресорсиз» АҚ бұл жолы да үрдісінен жаңылмады. Компанияға еңбегі сіңген құрметті ардагерлерді өткен тәуелсіздік күнімен құттықтады. Жылы сөздерін аямаған ұжымның игі шарасы мұнымен шектелген жоқ. Шақырылған әрбір ардагердің қоржыны майланды. Әрқайсысын 90 келі болатын азық-түлікпен қамтамасыз етті. Оның ішінде    25 келіден қант, ұн, күрішпен қатар 10 келі макарон, 5 литр май,   2 келі үнді шәйі бар. Дәл осы сый 71 ардагерге жол тартты. Ырыс-несібесі ыдысына сыймаған ардагерлердің аузының салымы бар екен. Бұл сөзді қуаттаған «ПҚҚР» АҚ ардагерлер кеңесінің төрағасы Т.Дайрабаев:

- 1991 жылдан бастап осы компанияда жұмыс жасадым.   25 жыл еңбек өтілім бар. Зейнеткерлікке шыққан жұмыскерлерді компаниямыз елеусіз қалдырған емес. Мысалы, жылына екі рет басымызды қосады. Қарттар күнінде ақшалай сыйлық жасады. Компания көрсеткен қолдауға қарап отырмасақ та, осындай көңіл білдіріп жатқандарына көптен-көп рахмет. Өзге өңірлерде жүрген ардагерлерді де ұмыт қалдырған емес. Оларға ақшалай аударып жібереді. Шетке итеріп тастамайды. Біздің ризашылығымызды алған бұрынғы жұмыс орнымыздың ісі алға басары анық,-деді.

Бұл сөзді қаржыгер болып қызмет атқарған Айкүміс Рамбердиева да жоққа шығармады. Ақ дастархан үстіндегі басқосуда «ПҚҚР» АҚ-ның басқарма төрағасы Фан Цзячжун:

- Құрметті ардагерлер, барлықтарыңызды мерекелеріңізбен құттықтаймын! Біз сіздердің жемісті еңбектеріңізді жалғастырып жатырмыз. Сіздердің отбасыларыңызға бақыт, денсаулық тілейміз,- деді.

Жаңа жылға жақын қалса да, тәуелсіздік тұғырын одан да биік қойған ұжымның үлкендерге көрсеткен ілтипатынан үлгі алуға болады.

 

Г.ЕСІМОВА

 
ҚЫСТЫ КҮНІ БАЛАНЫ ҮЙДЕ ЖАЛҒЫЗ ҚАЛДЫРМАҢЫЗ!
25.12.2013 16:00

Өткен аптада өңірімізде өрттің жиілеуіне байланысты облыс прокурорының орынбасары Р.Райханов пен облыстық төтенше жағдайлар департаментінің бөлім басшылары брифинг өткізді.

Қылышын сүйретіп қыс келгелі аймақта өрт оқиғалары жиілеп кетті. Үйде пеш жаққан кезде халық көбіне немқұрайлылық танытады. Қауіпсіздік ережелері мүлде сақталмайды десе де болады. Салғырт­тықтың салдарынан 400-дің үстінде өрт оқиғалары тіркелген. Жуырда Қазалы ауданында өрт шыққан кезде, сол үйдің екі кішкентайы іште болған. Жұмыспен жүріп, баланы құлыптап кетуді көп адам құп көреді. Абыройсыздық аяқ астынан. Алда-жалда өрт шықса, осындай келеңсіздіктің кездесіп қалмауына кім кепіл?!

- Жыл сайын жылу маусымы басталған сайын өрттің саны арта түседі. Соның салдарынан зардап шегушілер де көп. Ағымдағы жылы өңірімізде 442 өрт фактісі тіркелген. Жылу қосылған 15 қазаннан бастап бұл көрсеткіш 11-ге артқан. Облыста өрттен 32 ересек адам, 14 кәмелетке толмаған жасөспірім жапа шекті. Сондай-ақ, осы аралықта бір адам қазаға ұшырады,-деді Р.Райханов.

Төтенше жағдайлар департаментінің қызметкерлері де барынша сақ болуды ескертеді. Сонымен қатар, қысты күні баланы үйде жалғыз қалдырмауды аймақ тұрғындарының қаперлеріне салады.

Г.АМАНҒАЛИҚЫЗЫ

 
ОБЛЫС ӘКІМІН «ЖИРЕН» ШАРУА ҚОЖАЛЫҒЫ ҚЫЗЫҚТЫРДЫ
25.12.2013 10:20

Кеше Қызылорда облысының әкімі Қырымбек Көшербаев мал бордақылайтын, соғым соятын және қымыз дайындайтын орны бар «Жирен» шаруа қожалығында болды.

Әділжан Ізтілеуовтің қала сыртындағы мал бордақылайтын орнында 40 бас жылқы және 80 бас ірі қара мал және 70-ке жуық қойы бар (негізгі шаруашылық Сырдария ауданында орналасқан). Мұнда 7 адам жұмыс істеп, әрқайсысы 40 мың теңгеден жалақы алады. Осы уақытқа дейін қожалық басшысы шаруашылықты өз қаржысымен көтеріп келген, бүгінде ол «ҚазАгроҚаржы»-дан несие алып, қасапхана ашып, ет өндіретін орталық ашпақшы. Келешекте сонымен қатар, қымыз сатумен де айналыспақ.

Облыс басшысы шаруашылықты көріп шығып, шаруашылық иесіне жасалған еңбегі үшін алғысын білдіріп, жұмысына табыс тіледі. Әсіресе, екі асыл тұқымды бұқа мен еділбай тұқымды қойға облыс әкімі ерекше қызығушылық танытты.

 
ТӘУЕЛСІЗДІК КҮНІ АУЫЛДАРДА ЖАҢА НЫСАНДАР АШЫЛДЫ
18.12.2013 09:48

Апта басында, яғни 16 желтоқсан – Тәуелсіздік күні Қармақшы және Жалағаш аудандарында бірнеше әлеуметтік нысан ашылды.

Облыс әкімі Қырымбек Көшербаевтың қатысуымен Ақай ауылдық округінде 150 орындық мәдениет үйі пайдалануға берілді. Мәдениет үйінде 10-ға жуық үйірме жұмыс жасайды, мысалы, жыр мектебі, күй мектебі, би, домбыра, бейнелеу, театр бөлімі, оған қоса, кітапхана мен концерттік залы бар.

Сондай-ақ, Тұрмағамбет ауылдық округінде де 10-ға жуық үйірмесі бар ауылдық клуб ашылды. Естеріңізде болса, 2006 жылы ескі клуб құлап қалған болатын. Енді, міне, құны 154 млн. теңге болатын жаңа клуб салынды.

Дәл осы күні Қармақшы ауданының орталығы – Жосалы кентінде «Жастар аллеясы» ашылды. Бұл саябақта Ауған соғысында қаза болған жауынгерлерге ескерткіш орнатылған. Облыс әкімі Қырымбек Көшербаев «Жастар аллеясының» ашылуына қатысып, ескерткішке гүл шоқтарын қойды.

Айта кетейік, болашақта осы жерден Жастар орталығы салынуы жоспарлануда және Жосалы кентінде Ардагерлер үйі де бой көтереді.

***

Жалағаш ауданының Жаңаталап ауылында «Ақбұлақ» бағдарламасы аясында қайта жаңғыртудан өткен ауызсу кешені пайдалануға берілді.

Ауылдағы 200-ден астам тұрғын үйге дейін су құбырлары тартылмақ. Мұның бәрі – ауыл тұрғындарына Тәуелсіздік күніне тарту.

***

Ал, кеше Шиелі және Сырдария аудандарында да бірқатар әлеуметтік нысандар ашылды.

Шиелі кентінде облыс әкімі Қырымбек Көшербаевтың қатысуымен 600 орындық №270 орта мектеп ашылды. Мектеп құрылысын жасаған мердігер компания - «Бақ-Жай» ЖШС құрылысты 2013 жылы қаңтар айында бастаған болатын. Екі қабатты ғимарат 4 блоктан тұрады және барлық қажетті құрал-жабдықпен қамтылған. Мердігер мекеме білім ошағының ашылуына орай мектеп ұжымына «Газель» автокөлігін сыйға тартты.

Сондай-ақ осы күні Шиеліде емхана ашылды. Құрылысы 2012 жылы қараша айында басталған. Барлық емдеу бөлмелері толық медициналық құрал-жабдықтарымен жабдықталған. Бұл нысанға да мердігер мекеме – «Дәнекер» ЖШС автокөлік сыйлады.

***

Сырдария ауданының орталығы Тереңөзек кентінде ауызсу жүйелерін кеңейту және қайта құрылымдау жұмыстарының 2 кезеңі іске қосылды. Жұмыстың жалпы сметалық құны - 1 180,7 млн. теңге. 2013 жылға республикалық бюджеттен 192,342 млн. теңге бөлініп, 11 айдың қорытындысымен 152,756 млн. теңге игерілді. Енді үй-үйге құбыр арқылы ауызсу жетіп тұр.

Өңір басшысы, сондай-ақ, шаруа қожалық басшыларымен және инвесторлармен кездесіп, алдағы егін егу жайын сөз етті. Айта кетейік, Қызылорда облысы биыл астық жинаудан рекордтық көрсеткішке ие болды.

Сонымен қатар, 2014 жылы Сырдария ауданында 16 жоба жүзеге асады. Олардың ішінде: МТС құрылысы, мұнай қалдықтарын өндеу, құрама жем, цемент және құрылыс заттарын шығаратын зауыттар, бордақылау алаңы және т.б.

 

 
МАЙТАЛМАН МАМАНДАР МАРАПАТТАЛДЫ
17.12.2013 14:21

Тұғырлы тәуелсіздіктің 22 жылдық мерейлі мерекесіне орай еңбек жолында елеулі жетіс­тіктерді еңсеріп жүрген сала мамандары­  қала әкімінің алғыс хатымен  марапатталды.

Тәуелсіздікке жеттік деп, тізгінді босатуға болмайды. Себебі тәуелсіздікке қол жеткізгеннен оны мәңгі сақтап қалу қиын да жауапты міндет. Ол үшін ел араздығы емес, халық бірлігі қажет-ақ. Үздіктердің еңбегін ескеру өзгелер­ді үміттендіреді. Сапалы қызмет пен бәсекеге қабілетті кадр саны еселей түседі. Осыны ескерген қала әкімінің орынбасары Руслан Рүстемов өткен жұмада сан қилы сала маман­дарымен жүздесті. Қоғам үшін қалтықсыз қызмет етіп жүрген қала әкімі аппаратының қызметкерлері мен «Ұшқын» қоғамдық бірлестігінің өмірге құштар жандарын, белсенді жастардың жетекшілерін және дін өкілдерін, ұлағатт­ы ұстаздар мен республикалық сайыстарда топ жарған­ оқушыларды, спорт саңлақтарын саралады. Биік белестерді бағындырған 84 майталман маманды марапаттап, арқасынан қақты. Төл мерекемізбен жиылған жұртты құттықтап, «Тәуелсіздікке жетпей қалған боздақтар үшін еселеп іс атқаруымыз керек» деп ұлт келешегі үшін кемші­ліксіз еңбек етуге шақырды.

Басқосу барысында азаматтардың бірқатарына облыс әкімінің алғыс хаты табыс етілді. Қала әкімі аппаратының ұйымдастыру-инспекторлық бөлімінің бас инспекторы Е.Рүстемов, қалалық тұрғын үй коммуналдық шаруашылығы, жолаушылар көлігі және автомобиль жолдары бөлімінің бас маманы Қ.Абсултанов және қалалық тұрғын үй инспекциясы бөлімінің басшысы О.Абдуллаевтардың еңбегі ескерілді. Марапат иелеріне гүл шоқтары табыс етілді. Салтанатты шара естелік суретке түсумен тәмамдалды.

Ж.ӘКІМ

 
<< Бірінші < Алдыңғы 1021 1022 1023 1024 1025 1026 1027 1028 1029 1030 Келесі > Соңы >>

Күнтізбе

< Қаңтар 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары