Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
АЗАТТЫҚТЫ АЙҚЫНДАҒАН АТА ЗАҢ
31.08.2012 13:29

«Адам мен оның өмірі – мемлекеттің басты байлығы». Бұл Ата Заңымыздың алғашқы бабында айқын көрсетілген. Адамды және оның өмірін басты құндылық санайтын еліміздің Конституциясының қабылданғанына да 17 толды. Тарихы Тәуке ханның «Жеті жарғысынан» бастау алатын Ата Заңымыздың қабылданған күніне орай Н.Бекежанов атындағы қазақ музыкалық драма театрында салтанатты шара өтті.

Ұлылар «халықтың өмірі мемлекеттің өмір сүруінің мән-мағынасына айналғанда ғана адамдар рухани тірекке табан тірейді» деп тегін айтпаса керек. Тәуелсіздік - бұл азап пен төзімнің, халықтың сан ғасырлар бойы еркіндікті аңсаған қажырлы күресінің өтеуі. Жалпы, сан түрлі кедергілер мен ауыр сындарға қарамастан, ел тәуелсіздігінің әрбір қадамынан кеудемізді мақтаныш кернейді. Ата Заңымыздың арқасында еліміз либералды демократиялық даму жолына түсті. Сонымен қатар, ұлтаралық келісім мен саяси тұрақтылыққа негізделген сенімнің биік деңгейі бүкіл әлемде жоқ үлгіде сақталып отыр. Бүгінде мемлекетіміздің басты ұстанымы - азаттықтың мән-мағынасын нақты іспен толықтырып, бекіте түсу.

- Асыл мұраттардың бастауы болған Конституция күні құтты болсын. 17 жыл толып отырған Ата Заңымыздың тарихы тереңде деуге болады. Кезінде қазақ деген халықтың атын дала парламенті шығарғанын тарихтан жақсы білесіздер. Сол кездегі билер мен хандардың ұшқыр ойлылығын айтып жатудың өзі артық. Ел болып етек жеңімізді жинағанда қабылданған заңымызға бес мәрте өзгертулер мен толықтырулар енгізілді. Қазір еліміз даму жолында. Бүгінде экономиканы өндіріс арқылы өркендету жолында жасампаз жұмыстар атқарып жатырмыз, - деді Қызылорда облыстық мәслихат хатшысы Бекмырза Еламанов.

Азаттықты айқындаған Ата Заң салтанатты шара барысында театрландырған көріністермен ұлықталды. Одан әрі жергілікті өнерпаздардар патриоттық ән мен бимен шараға өзіндік әр кіргізді. Елімізді 130-дан астам ұлттар мен ұлыстар пана қылып отыр. Олар да Қазақстанды өз отаны санап, ел болып қалыптасуымызға өзіндік үлестерін қосып келеді. Бұл мерекеде де өзге ұлт өкілдері бірлігіміз жарасқан ел екендігімізді аңғартты.

Т.ӘЛЖАНОВ

 
БЕЗБҮЙРЕК АНА ТАБЫЛДЫ
08.08.2012 15:42

Кеше қаладағы «Бейімдеу және оңалту» орталығының ауласына белгісіз біреудің 1,5 және 7 айлық балаларды тастап кеткендігі жөнінде айтқанбыз. Оқиға орнына жедел жеткен тәртіп сақшылары мән-жайды анықтап, нәрестелердің ата-анасын іздестіруге кіріскен-ді.

Бір қызығы, арада көп уақыт өтпей Сырдария ауданының 23 жастағы тұрғыны жанына әпкесін ертіп, балаларын қайта іздеп келіпті.

Қызылорда қалалық ІІБ баспасөз қызметінің хабарлауынша, безбүйрек ана мұндай әрекетке күйеуімен ұрысып қалғаннан кейін барған екен.

Ерегістен есіріп, ашуын бейкүнә бауыр еті - балаларынан алған анаға қатысты қазіргі таңда тергеу-тексеру амалдары жүргізілуде.

 
КӨЛІК ҚЫЗМЕТКЕРЛЕРІНІҢ КӘСІБИ МЕРЕКЕСІ
08.08.2012 15:34

Тамыздың алғашқы жексенбісі - көлік қызметкерлерінің кәсіби мерекесі. Мерейлі мереке Ә.Тәжібаев атындағы облыс­тық әмбебап ғылыми кітапханада аталып өтті. Көлік қызметкерлерінің қуанышын облыс әкімінің міндетін атқарушы Р.Нұртаев бірге бөлісті.

Ел экономикасының күре тамы­ры саналатын жолдың маңыз­дылығын айтып жатудың өзі артық. Қазіргі таңда аймағымызда 2228,5 шақырымды құрайтын 135 облыстық және аудандық маңыздағы автомобиль жолдары бар. Үкіметтің «Автожол саласын дамытудың 2006-2012 жылдарға арналғ­ан бағдарламасына» сәйкес 15 694,8 млн. теңге қаржы қаралып, 753 шақырым жол жөнделді. Сондай-ақ, 1 көпір, 2 қалқымалы көпір және 2 паром өткелі, 5 су өт­кізгіш құбыры салынды. Қара жолдағы қарқынды жобаның бірі – «Батыс Еуропа – Батыс Қытай» халық­аралық көлік дәлізі. Мега жобан­ың 812 шақырымы Сыр елінен өтеді. Жалпы құны 188,1 млрд. теңгені құраған күре жол қарқынды іске асырылуда. Бүгінде айшылық алыс жерлермен жылдам жақындастыратын теміржол саласы да қарқынды түрде дамып келеді. Облыс аймағында 783 шақырым шойын жол бар. Еліміздің өзге аймақтарымен ғана емес, мемлекет­аралық 8 жұп пойызы да облыс халқы­на қалтқысыз қызмет көр­сетуде. Бұл салада да өңірімізде ірі жоба қолға алынды. Жалпы ұзындығы 988 шақырымды құрайтын «Жезқазған-Бейнеу» теміржолының алғашқы қадалары қағылды. Алдағы үш жылда шойын жолдың қызығын көреміз деген ниет бар.

- Қазіргі көлік саласындағы жағдайды осыдан он жыл бұрынғы кезеңмен мүлдем салыстыруға келмейді. Алға ілгерілеушіліктің айқын­ көрінісі байқалады. Қоғамдық көлік мәселесін де жүйелі түрде шешуді жоспарлап отырмыз. Бұл салаға да субсидия бөлу мәселесін қолға алмақ­пыз. Бас жоспар бойынша алдағ­ы жылдары Сырдария өзенінің сол жағалауына қарай қоныс­танамыз. Соған орай екі көпір салына­ды. Әуе жолында жуырда жағымды жаңал­ық болып қалады. Бүгінде аптасын­а түрлі бағытта 26 рейс орындалып отыр. Алдағы уақытта халықаралық талапқа жауап беретін­ әуежай статусын алуға жұмыс жасаймыз, - деді Р.Сәденұлы.

Құттықтау сөзден кейін осы сала­ға ерекше еңбек сіңірген сала ардагерлері мен бірқатар қыз­меткерге «Құрметті автожолшы» төсбелгісі табыс етілді. Осы салада бірнеше жыл тер төгіп, аянбай­ еңбек еткен бірнеше қызметке­р Көлік және коммуникация министрлігінің алғыс хаты, автомобиль жолдары комитеті төрағасының алғыс хаты, облыстың құрмет граматосы және облыс әкімінің алғыс хатымен марапа­тталды. Ал, концерттік бағдарла­ма кештің ажарын аша түсті.

Т.ЖОМАРТҰЛЫ

 
ПОЛИЦИЯНЫҢ ПОГОНЫНА ЖАРМАСҚАН
08.08.2012 15:34

Өткен аптада аймағымызда, Қызылорда облыстық ІІД-нің дерегіне сүйенсек, 87 қылмыс тіркелген. Соның 77-сін кімдердің жасағаны бір тәулік ішінде әшкереленді. Төбелеске тосқауыл қоямын деген тәртіп сақшысының жағасына жармасқан да енді заң алдында жауап беретін болады.

Тамыздың 1-і күні Қызылорда қаласының ІІІ ірілендірілген кварталында орналасқан «Қанағат» асханасының жанында екі жақ ерегісіп қалса керек. Артынша олардың бір-бірін төпелей бастағаны туралы хабар ештеңені қалт жібермейтін жедел басқару орталығына да жетеді. Бұзықтар оқиға орнына барған патрульді полиция инспекторларының өзіне оңайлықпен бағына қоймайды. Ең қызығы, бет жыртысып жатқан әйелдер еді. Араларындағы біреуі полиция қызметкерінің көйлегін жыртып, погонын жұлып алып, бетіне лақтырып жіберген. «Әбден жер-жебіріне жеткен», - деп хабарлайды облыстық ІІД-нің баспасөз қызметі. Шатақ шығарған Шымкенттен Қызылордаға қыдырып келген қонақ көрінеді. Енді оның полицейді погонынан айырғаны үшін жауап беруіне тура келеді.

 
ҚАТТЫ ЫСТЫҚ БОЛУЫ МҮМКІН
08.08.2012 10:17

«Қазгидромет» республикалық мемлекеттік кәсіпорны Қызылорда гидрометеорология орталығының хабарлауынша, 2012 жылдың 7-9 тамыз аралығында Қызылорда облысында +35, +40 градус, кей жерлерде қатты ыстық +43 градус цельсия шамасында күтілетіні жөнінде хабарлаймыз.

Осыған байланысты Қызылорда облысы Төтенше жағдайлар департаменті облыс тұрғындары мен қонақтарына қауіпсіздікті сақтау шараларына баса назар аударуын ескертеді.

Қызылорда облысы Төтенше жағдайлар

департаментінің Баспасөз қызметі

 
<< Бірінші < Алдыңғы 1081 1082 1083 1084 1085 1086 1087 1088 1089 1090 Келесі > Соңы >>

Күнтізбе

< Шілде 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары