Өзекті мәселелер

  • 18.07.19

    Жалпы, қай жерде болмасын статистиканың орны бөлек. Статис­тика – адам сүйсініп не күйініп оқитын бірден-бір ақпарат. Яғни, ол – әрдайым оқылымды материал­. Сондықтан  болар, Ұлттық экономика министрл­ігі Статистика  комитетінің  http: //stat.gov.kz/ сайтын әлсін-әлсін шолып тұратынымыз бар. Бұл жолы біз өз облысымызға қа­тысты біршама сандық деректерге тап болдық. Оны жүйелеп, оқырман ...

    Толығырақ...
  • 18.07.19

    Қызылордада құрылыстың қарқынды дамы­ғаны соңғы бесжылдық десек, асыра айтқандық емес. Алдымен тұрғындарды әлеуметтік нысандармен қамтуды басты бағыт санаған жергілікті басшылар қаладағы көпқабатты тұрғын  үйлердің де көптеп бой көтеруіне мән берді. Оған соңғы 6 жылда облыста 2 млн шаршы метрден астам тұрғын үй пайдалануға берілгені дәлел. 2013 жылы 270 мың шаршы метр тұрғын үй салынса, 2018 жы...

    Толығырақ...
  • 18.07.19

    Бүгінгі күні ауданда балық шаруашылығы саласы қарқынды дамыды деп айтуға толық негіз бар. Өйткені балық шаруашылығы өңір экономикасының дамуына және халықтың әлеуметтік жағдайының жақсаруына, оларды жұмыспен қамтамасыз етуде маңызды рөл атқарып отыр. Себебі Арал теңізі мен Сырдария өзенінің жағасында қоныстанған жергілікті халықтың өмірі мен тұрмысы балық шаруашылығымен тығыз б...

    Толығырақ...
  • 18.07.19

    «Рас, үйленбей тұрып әйел­ді «ашсам – алақанымда, жұм­сам – жұдырығымда ұстаймын» дегеннің бірі мен едім» деп бас­тады автобуста отырған жігіт ағасы. Өзі ащы судан аздап ұрт­тап алғанға ұқсайды. Сәлден соң салбыраған басын қисаң­дата көтеріп, көзін жартылай ашып-жұмып «менде бәрі бар еді, көлігім де, үйім де...» деп тағы налыды. Ал, әйелін айт­қандағы байғұстың жыларман түрі мен шарасыздықтан с...

    Толығырақ...
  • 18.07.19

    Сүйріктей саусақ, сәнді тырнақ – кез келген қыз-келіншектің арманы. Тырнағын әсемдеу әйелге сенімділік сыйлайды. Өз-өзін бағалайтынын байқатады. Бүгінде гельді тырнақ бояуын қолданбайтындар сирек. Екінің бірі осы әдісті жасатады. Оның кәдімгі бояудан артықшылығы көп. Бір айға дейін жылтыр әрі тартымды түсін сақтайды. Бірақ... Сұлулыққа құштарлық денсаулыққа қауіп төндіруі мүмкін. Ма...

    Толығырақ...
Халық-хабар
ҚЫЗЫЛОРДА ОБЛЫСЫНЫҢ ҚҰРЫЛЫС БРИГАДАЛАРЫ АЙ СОҢЫНА ДЕЙІН АРЫС ҚАЛАСЫНДАҒЫ ЖҰМЫСТАРЫН АЯҚТАЙДЫ
19.07.2019 12:20

Бүгінгі күнге 145 үйдің жөндеу жұмыстары аяқталып, 102 үй қалпына келтірілуде және 6 үйдің жөндеу жұмыстары басталды.

Арыс қаласында орналасқан тұрғын үйлердің Қызылорда облысына тиесілі №6 аумақта 14 көше барлығы 254 жеке тұрғын үй, 5 әлеуметтік және 10 коммерциялық нысан орналасқан.

"Арыс қаласын қалпына келтіру жұмыстары  аймақтар арасында 17 секторға бөлінген, №6 учаске Қызылорда облысына бекітілген – мұнда  254 жеке тұрғын үй, олардың бірі толық қалпына келтіруді талап етеді және 15 нысан орналасқан. Жөндеу жұмыстарын жүргізуге біздің облыстың 20 құрылыс компаниясы жұмылдырылған,  барлығы 186 адам  жұмыс істеуде. Шілде айының соңына дейін барлық жұмыстарды аяқтауды жоспарлап отырмыз", - деді облыстық құрылыс, сәулет және қала құрылысы басқармасының басшысы Мұхамедиса Әлсеріков.

Естеріңізге сала кетейік, облыс әкімі Қуанышбек Ысқақов Арыс қаласында Сыр өңіріне бөлінген нысандарды жөндеу жұмыстарымен танысып қайтқан еді.

Сондай-ақ, 2019 жылдың 9-18 тамыз аралығында Арыс қаласынан 150 бала Қызылорда облыстық білім басқармасының "Облыстық олимпиадалар мен қосымша білім беру орталығында" тегін демалады. Балалар үшін психологиялық тренингтер, тауға экскурсиялар, түрлі үйірмелер ұйымдастырылады.

2800 астам мемлекеттік қызметші, бюджеттен қаржыландырылатын мекемелер, қоғамдық және үкіметтік емес ұйымдар, кәсіпорындар, акционерлік қоғамдар мен серіктестіктер, шаруа қожалықтары, жеке кәсіпкерлер мен меценаттар қаржылай  көмегін көрсетті.

Мәселен, «Аралтұз» АҚ Арыс қаласының тұрғындарына өз қаражаты есебінен бір күндік жалақы қорынан материалдық көмек көрсетті. Сонымен қатар, зауыттың 500-ден астам қызметкері «Аралтұз» АҚ басшылығының бастамасына қолдау білдірді және зардап шеккен тұрғындарына көмек көрсету үшін бір күндік табысын қосымша қорға аударды.

«Біздің кәсіпорын да әлеуметтік жауапкершілікті сезіне отырып, барлық қазақстандықтар үшін қиын кезеңде отандастарымызға қолдау көрсетуді жөн санайды», - деді «Аралтұз» АҚ президенті Айдынбек Тауасаров.

 

Облыс әкімінің баспасөз қызметі

 
ҚАРМАҚШЫДА БИЛЕР КЕҢЕСІ МӘСЕЛЕЛЕРІ БОЙЫНША КЕҢЕС ОТЫРЫСЫ ӨТТІ
17.07.2019 19:05

Қармақшы ауданының әкімдігінде Билер кеңесі мәселелері бойынша кеңес отырысы өтті. Кеңесті аудан әкімінің орынбасары Суйеубаев Жалғас Оңғарұлы ашып, жүргізіп отырды.

Кеңестің басты мақсаты жастарға бағыт-бағдар, тәлім-тәрбие беру, адасқандарды жолға салып, оларды жат қылықтардан аулақ болуға үйрету, ауыр емес қылмыстарды сотқа жеткізбей шешу болып табылады.

Осы ретте аудан әкімінің 2019 жылғы 20 мамырдағы «Қармақшы ауданында билер кеңесін құру туралы» №254 өкімімен билер кеңесінің құрамы және билер кеңесінің ережесі бекітілген болатын.

Жиында сотқа дейінгі татуласу мәселесін жетілдіру, «Билер кеңесі»  ережесін түсіндіру және әрі қарай бағыттары, билер кеңесінің енгізілу  мақсаттары  туралы мәселелер талқыланды.

Жиынға облыстық билер кеңесінің төрағасы Нұрсейтов Зейнолла Әлімжанұлы, облыстық билер кеңесінің мүшесі Төребаев Шакизат Хамитұлы, аудандық соттың төрағасы Кентбаев Дархан, аудандық сайланған билер кеңесінің мүшелері және кәсіпқой емес медиаторлар қатысты.

Шара барысында аудандық сот төрағасы Дархан Кентбаев өз сөзінде билер кеңесі туралы ереженің бекітілуі билер кеңесінің өкілеттігін реттеп, мәртебе беретіндігін және ереже бекітіліп қана қоймай атқарылатын жұмыстардың нәтиженің де болуы қажет екендігін атап өтті.

Қоғамдық кеңестің төрайымы Раева Күлжауһар Төлегенқызы дауларды сотқа дейінгі реттеудің маңыздылығына пікірін білдіріп, Билер кеңесінің жұмысы туралы ойын ортаға салды.

 

Жиын соңында ауыр емес қылмыстарды сотқа жеткізбей шешу мәселелері бойынша толығырақ түсіндірме жұмыстарын жүргізу керектігі айтылды .

Қармақшы ауданы әкімінің баспасөз қызметі

 
ҚЫЗЫЛОРДАЛЫҚ ЖАС ӨРЕНДЕРГЕ АДАЛДЫҚ ҚАҒИДАЛАРЫ ТҮСІНДІРІЛУДЕ
17.07.2019 17:34

Қызылорда облысында «Парасаттылық мектептері» жұмысын бастады.

Аталған мектептерде аға буын өкілдері өскелең ұрпаққа адалдық және парасаттылық қағидаларын түсіндіруде.

Осы мақсатта Мемлекеттік басқару академиясының филиалы мен облыстық мемлекеттік қызмет істері және сыбайлас жемқорлыққа қарсы іс-қимыл департаменті өкілдерінен құралған спикерлер тобы балалардың жазғы тынығу лагерлерін аралауда.

«Парасаттылық мектебінің спикерлер тобы өз жұмысын Жаңақорған ауданындағы «Талдысу» лагерінен бастап, 240 оқушыға әділеттік пен адалдық құндылықтары туралы лекциялар оқыды. Лекциялар барысында «Адалдық - жетістікке жетудің кілті», «Адалдық отбасыдан басталады», «Адал еңбек ету – ертеңгі күнге деген сенімділік» тақырыптары қамтылды. Алдағы уақытта, аймақтағы 10 тынығу лагерін аралап, балғындарды парасаттылық қағидаларына баулитын боламыз», - дейді департаменттің басқарма басшысы Бағдат Ізкенов.

«Парасаттылық мектептері» облыстағы 3 жоғары оқу орны мен 27 колледжде жалғасын табады.

 

Б.Әбдіқадыров

 
Қызылордалық жедел уәкілдер бұрынғы күйеуін өлтіруге тапсырыс берген азаматшаны құрықтады
17.07.2019 16:10

2019 жылдың 9 шілдесінде жедел-іздестіру шараларының нәтижесінде өзінің бұрынғы жұбайын өлтіру үшін 20 000 АҚШ доллары сомасындағы қаражатқа Түркістан облысының тұрғынын жалдаған 48 жастағы азаматша анықталды. Орындаушы өз кезегінде жалған түрде өлтірген болып, полицияға арызданды.

Тапсырыс беруші жалдаған азаматты Шымкент қаласына шығарып салу  барысында Қызылорда қаласының шет аймағында оған 10 000 теңге көлемінде ақша беріп, қалған соманы жұбайының мүліктерін сатып болғаннан кейін беретінін жеткізді. Сол жерде ол полицейлермен құрықталды.

Ұсталған азаматша  күдікті ретінде танылып, оған қатысты қамауға алу түріндегі бұлтартпау шарасы қолданылды. Азаматша Қызылорда қалалық Полиция басқармасының уақытша ұстау абақтысына қамаққа алынды.

Қазіргі таңда аталған дерек бойынша Қазақстан Республикасы Қылмыстық кодексінің 24-бабының 3-бөлігінің (Қылмысқа дайындалу және қылмысқа оқталу), 99-бабының 2-бөлігінің 8-тармағымен (Адам өлтіру) сотқа дейінгі тергеп-тексеру амалдары жүргізілуде.

 

Қызылорда облысы Полиция департаментінің баспасөз қызметі

 

 
ҚЫЗЫЛОРДА ОБЛЫСЫНДА І ЖАРТЫЖЫЛДЫҚ ҚОРЫТЫНДЫЛАНДЫ
17.07.2019 16:00

Облыс әкімі Қуанышбек Ысқақов өңірдің 6 ай ішіндегі дамуын қорытындылап, алдағы міндеттерді белгіледі.

Ағымдағы жылдың 6 айының қорытындысымен Қызылорда облысының әлеуметтік-экономикалық дамуының барлық көрсеткіштері бойынша, өнеркәсіптік өнім көлемін қоспағанда, оң динамика қалыптасты.

«Экономикаға тартылған инвестиция 2 есе,  құрылыс 2,4 есе, тұрғын үйді пайдалануға беру 21,6 пайыз көлемі бойынша және ауыл шаруашылығында 2,3 пайыз  өсім қамтамасыз етілді. Соңғы 6 жыл ішінде облыста мұнай өндіру көлемі 4,2 млн.тоннаға қысқарды. Болжам бойынша, биылғы жылы  тағы 1,1 млн.тоннаға қысқарады деп отырмыз. Жалпы өңірлік өнімнің 35% және өңірдегі барлық өнеркәсіп өндірісінің 70% астамы мұнай өндіруге тиесілі екенін ескерсек, бұл әлбетте экономиканың барлық салаларына тікелей және жанама әсер ететіні белгілі. Облыстың экономикалық дамуындағы өсімге қол жеткізу үшін біз аймақ экономикасын индустрияландыру арқылы әртараптандыру стратегиясын жүзеге асырудамыз. Қазіргі таңда индустриялық-инновациялық дамудың  мемлекеттік бағдарламасы аясында жүзеге асырылған 24 жобаның 18-і 90%-дан 100%-ға дейін жоспарлы қуаттылығын игерді»,-деді аймақ басшысы.

Айта кетейік, ағымдағы жылдың 1 жартыжылдығында шығарылған өнім көлемі былтырғы жылдың ұқсас кезеңімен салыстырғанда 18%, ал экспорт көлемі 37% артты.

Облыстың ірі инвестициялық жобаларымен қатар шағын өндірістерді дамыту бойынша да тиісті жұмыстар жүргізілуде.

«Осыған байланысты біз "қарапайым заттар экономикасы" бағдарламасы аясында жалпы құны 12,6 млрд. теңге болатын 124 жобаны жүзеге асыру бойынша жұмыс жасаудамыз. Бұл - ет-сүт өнімдерін өндіру және қайта өңдеу, сусындар мен құрылыс материалдарын шығару. Осы жобаларды жүзеге асыру арқылы біз импортты төмендете отырып, бір мезгілде өзіміздің жергілікті шикізат базасын дамытамыз»,-деп атап өтті аймақ басшысы.

Облыс әкімі өңірде жүзеге асырылып жатқан бағдарламаламалар туралы айтты. Мәселен, "Ауыл – Ел Бесігі" жобасы аясында әлеуметтік және инженерлік инфрақұрылымды жақсартуға бағытталған облыстың екі аудан орталығында 21 жобаны жүзеге асыру бойынша тиісті  жұмыстар жүргізілуде. Келесі жылы жоба аясында облыстың басқа аудан орталықтары бойынша да жұмыстар жалғасатын болады.

Сондай-ақ, "Байқоңыр" кешенін дамыту бойынша жұмыстар жүргізілуде. Үстіміздегі жылдың мамыр айында өңірге жасаған жұмыс сапары барысында Президент Байқоңыр космодромы ғарыш саласының негізі болып табылатынын және облысқа жоғары технологияларды дамытуға жаңа мүмкіндіктер беретінін атап өтті.

«Сонымен қатар, коммуналдық қызметтердің жоғары тарифі мен қолданыстағы салықтық режим тұрғындардың кәсіпке деген белсенділігін тежеп отыр. Осыған байланысты, Қазақстан Республикасы мен Ресей Федерациясының XV аймақаралық ынтымақтастығының форумы барысында Қазақстан Республикасының Тұңғыш Президенті–Елбасы Нұрсұлтан Әбішұлы Назарбаевтың "Байқоңыр" кешенінде еркін экономикалық аймақ құруды пысықтау туралы тапсырмасын жүзеге асыру мақсатында, біз өз тарапымыздан "Байқоңыр" еркін экономикалық аймақ құру тұжырымдамасын және "Байқоңыр" арнайы экономикалық аймақ құру туралы үкіметаралық келісім жобаларын дайындадық. Президенттің қолдауын күтудеміз», - деді Қуанышбек Досмайылұлы.

Өздеріңізге белгілі, өңірдің жедел дамуын қамтамасыз ету және тұрғындардың өмір сүру сапасын жақсарту мақсатында ағымдағы жылдың 7 ақпанында Қазақстан Республикасының Тұңғыш Президенті-Елбасы Н.Ә. Назарбаевтың төрағалығымен өткен Қауіпсіздік Кеңесінің отырысында Қызылорда облысының өзекті мәселелері қаралды. Елбасы әкімдіктің барлық ұсыныстарын қолдап, Қызылорда облысының 2019-2022 жылдарға арналған әлеуметтік-экономикалық дамуының кешенді жоспарын бекітуді тапсырған еді.

«Аталған тапсырманы орындау мақсатында ағымдағы жылдың маусым айында Үкіметпен Кешенді жоспар қабылданды. Кешенді жоспарды іске асыру нәтижесінде 2022 жылдың қорытындысымен жалпы өңірлік өнім көлемі 2 трлн 62 млрд.теңгеге ұлғайтылатын болады»,-деді облыс әкімі.

«Қазақстан Республикасының Президенті Қасым-Жомарт Кемелұлы Тоқаевтың төрағалығымен Үкіметтің кеңейтілген мәжілісі өтті. Мәжілісте Мемлекет басшысы Үкіметке және аймақ басшыларына халықтың табысын көтеріп, әл-ауқатын жақсартуға бағытталған тоғыз міндетті жүктеді.  Олар: индустрияландыру, агроөнеркәсіптік кешенді және кәсіпкерлікті дамыту, тұрақты макроэкономикалық орта қалыптастыру, бюджет қаражатын пайдаланудың тиімділігін арттыру, өмір сүру сапасын жақсарту, білім және денсаулық сақтау жүйесін нығайту, аймақтарды дамыту, мемлекет басқару тиімділігін және мемлекеттік қызметтер сапасын арттыру мәселелері. Біздің ендігі міндет – аймақта басталған жұмысты қарқынды дамыту. Бұған біздің әлеуетіміз де, мүмкіндігіміз де толық жетед»,-деп атап өтті аймақ басшысы.

Облыс әкімінің баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Шілде 2019 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары