Өзекті мәселелер

  • 18.10.18

    Диас  БАХРАДДИН,

    байдарка және каноэде есуден Жасөспірімдер олимпиада ойындарының чемпионы:


    Толығырақ...

  • 18.10.18

    Бұл өлке – өрелі өркениеттер тоғысы­нда тарихын тереңнен тартқан мекен.­ Талай қаһарман хандар мен білекті батырлар, суырыпсалма ақындар шыққан жер. «Жүз жырау» дүниеге келген осы Қармақшы елі әр қазақ үшін қастерлі, қасиетті. Аудан толығымен Тұран ойпатыны...

    Толығырақ...
  • 18.10.18

    Сыр  өңірінде  өзінің  тарихымен, экономикасымен, даңқты тұлғаларымен дараланған бір аудан болса, ол – киелі Шиелі өңірі. Жер көлемі 3426915 га  құрайтын  аудан – ежелгі  Сырдария  өзенінің  орта  ағысынан­ орын тепкен мекен, талай тарихи оқиғаның к...

    Толығырақ...
  • 18.10.18

    «Алдағы  бес  жыл  ішінде білім, ғылым, денсаулық сақтау­  салаларына  барлық көздерден  жұмсалатын қа­ра­жат­ты  ішкі  жалпы өнімнің  10  пайызына дейін жеткізу  қажет».

     

    ЖАЛАҚЫ  КӨБЕЙЕ   БАСТАДЫ

    Мұндай пәрменді ел Президенті өз Жолдауында атап көр­сеткен болатын. Бұл сала мамандары үшін жақсы м...

    Толығырақ...
  • 18.10.18

    Лақ бірде жайылымда жүріп ұйықтап қалды. Оянған соң қараcа, көзіне ешнәрсе­ шалынбады. Далада жалғыз қалыпты. Отардың соңынан қуып, жүгіре жөнелді. Жүгіріп келе жатып қасқырға кезікті.

    – Ей, мұнда неғып жүрсің? - деді қасқыр­  көзі  оттай  жанып.

    – Қуаласпақ ойнап, - деді лақ тез ес жиып.

    – Кіммен?

    – Ағаммен. Сөйтті де, артына бұрылып:

    Толығырақ...
Халық-хабар
ҚЫЗЫЛОРДАДА ЖАҢА ОҚУ ОРТАЛЫҒЫ АШЫЛДЫ
18.10.2018 16:34

Оқу орталығында 3 дәрісхана, көрме залы және 2 конференц-зал, сырттан келген қатысушыларға арналған хостел мен асхана бар. Аталмыш ұйым семинарлар, турнирлер және басқа да білім беруге қатысты іс-шараларды өткізу бойынша қызмет көрсетеді.

Қызылордада «ЖанАрай» ЖШС-де оқу орталығы мен қонақүй кешенінің ашылу салтанаты өтті. Еске салайық, «Жан Арай» ЖШС-нің зауыты үй жануарларына арналған азық-түлік өнімдерін шығарумен айналысады. Ал 2016 жылы кәсіпорында қаз фермасы ашылған болатын. Қазіргі уақытта, агрокешен 250 ге жуық адамды жұмыспен қамтамасыз етіп, тәулігіне 150 тоннаға жуық күріш, 170 тонна ұн мен 80 тонна жем өнімдерін өндіруде.

«ЖанАрай» мекемесі –  заманауи талаптарға сай ауқымды агроиндустриялық кешен. Бүгінгі күні оқу орталығы, мейрамхана мен қонақүй ашылып отыр. Бұл өңірдің экономикасына инвестиция салудың және тұрақты жұмыс орындарын құрудың тағы бір жарқын көрінісі»,-деді аймақ басшысы оқу орталығының ашылу салтанатында.

«ЖанАрай» оқу орталығы ғимаратында экран, проектор және басқа да құрылғылармен жабдықталған 80 және 50 адамға арналған 2 конференц-зал, 3 дәрісхана, 200 орындық көрме залы, 50 адамдық хостел және 100 адамға дейін қабылдай алатын асхана бар.

«Мұнда оқу семинарлары мен мастер-кластар, шахмат турнирлері және басқа да іс-шаралар өткізуге болады. Жақында ауыл әкімдеріне арналған біліктілікті арттыру курстары өтті. Ауылшаруашылық қызметкерлері үшін кәсіпорында көрнекі тәжірибелік оқулар өткізуге өте ыңғайлы», - деді «Жан-Арай-Жем» ЖШС бас директоры Бақдәулет Махашов.

Айта кетейік, оқу орталығы, қонақүй және мейрамхана кәсіпкердің жеке қаржысына салынған.

Облыс әкімінің баспасөз қызметі

 
ҚЫЗЫЛОРДА ОБЛЫСЫНДА ШАҒЫН ЖӘНЕ ОРТА БИЗНЕСТІ ДАМЫТУ АРҚЫЛЫ 14 МЫҢ АДАМ ЖҰМЫСҚА ОРНАЛАСТЫ
18.10.2018 10:05

Ағымдағы жылдың 1 қазаны бойынша, қолданыстағы шағын және орта бизнес субъектілерінің саны 41 393-ті  құрады.  Соңғы жылы олардың саны 11 пайыздан асқан еді. Бұл ШОБ өсу қарқыны бойынша республикадағы өңірлер арасында ең жақсы нәтиже болып табылады.

16-17 қазанда Қызылорда облысы әкімдігінде жаппай кәсіпкерлікті дамыту бойынша мәжіліс өтіп, онда 9 айда атқарылған жұмыстар қорытындыланды.

Естеріңізге сала кетейік, жаңа жұмыс орындарын ашу, 2018-2020 жылдардағы өңірлік өнімдегі шағын және орта кәсіпкерлік субъектілерінің үлесін арттыру және  жұмыссыздар мен өзін-өзі нәтижесіз жұмыспен қамтығандардың санын азайту  мақсатында аймақта жаппай кәсіпкерлікті дамыту мен қолдаудың үш жылдығы  жарияланды.

Жиналысқа ауылдық округ пен аудан әкімдері, кураторлар - ауылдық жерлердегі кәсіпкерлікті дамытуға жауапты аймақтық департаменттер мен инспекциялардың, басқарма мен өңірлік қаржы институттарының басшылары қатысты.

«Жылдың басында жұмыссыздар мен өзін-өзі нәтижесіз жұмыспен қамтығандар саны 97,5 мың болса, бүгінгі күні олардың саны 35,8 мың адамды құрайды. Яғни 62 мыңға жуық адам жұмыспен қамтылған және ресми түрде тіркелген. Оның ішінде 14 мыңнан астам адам жаппай кәсіпкерлікті қолдау шаралары аясында жұмыс істеуде», - деді аймақ басшысы.

Сондай-ақ, 2017 жылдың қорытындысы бойынша облыстың ішкі өңірлік өніміндегі шағын және орта бизнестің үлесі 14,2 пайызды құрайтынын атап өтті.

«2018 жылдың соңында шағын және орта бизнес субъектілерінің үлесі кемінде 15 пайызды, 2020 жылы 25 пайызды құрауы керек. Мемлекет басшысының бастамасы бойынша, «Бизнестің жол картасы-2020» бағдарламасы тағы 5 жылға ұзартылды.  Осыған орай, ауылдық округтердегі  кәсіпкерлікті дамытуға жауапты тұлғаларға ауыл әкімдерімен бірлесіп, нақты жобалар аясында, оның ішінде  зәкірлі жобаларды қолдауды  және олар іске қосылғанша бақылау жасауды тапсырамын», – деді аймақ басшысы.

Аудан, ауылдық округ әкімдері мен кураторлар кәсіпкерлік субьектілерін ашу бойынша жүргізілген жұмыстар жайлы есеп берді. Мысалы, жыл басынан бастап 1 қазан аралығында Сырдария ауданында - 2167, Қызылордада  26099 шағын және орта бизнес субьектісі тіркелген. Аймақ басшысы қала басқа аудандарға үлгі болуы керек екенін нақтылап, жыл соңына дейін мемлекеттік органдар басшыларының өз саласы бойынша ШОБ дамыту бойынша жүргізілген жұмыстарының қорытындысы  тыңдалатынын атап өтті.

Мәжілісте кейбір ауылдық округтердің әкімдері мен олардың кураторларына  сөгіс пен ескерту берілді, жыл соңына дейін оң нәтиже бермеген жағдайда, жұмыстан босатылатынын ескертті.

«Мемлекет барлық жағдайларды жасауда: қаражат бөлінді, бағдарламалар әзірленді,  сіздерден тек осы жұмыстарды өңірімізде  ұйымдастыруға деген ниет қажет. Біз облыс тұрғындарының әл-ауқатына жауаптымыз, жауапкершілікті алып, нәтижелі жұмыс істеуге тиіспіз. Жыл соңында  әрқайсыларыңыздың есептеріңіз тыңдалып, жергілікті кәсіпкерлікті дамытуға қосқан үлестеріңіз қарастырылатын болады», - деді Қ. Көшербаев.

Сонымен қатар, аймақ басшысы екінші деңгейдегі банктердің басшыларына несие портфелін ұлғайтуды тапсырды.

«Егер банктердің филиалдары жұмыс істемесе, аймақтағы ШОБ-тің дамуына үлес қоспаса, онда қызметін дұрыс атқармайтын жергілікті  филиал директорларын жұмыстан босатуға  немесе филиалды мүлдем жабуға қатысты басшыларынан талап етуге  тура келеді», - деді облыс әкімі.

Кездесуді қорытындылай келе, аймақ басшысы  жергілікті кәсіпкерлікті дамытуда әрбірінің  жеке жауапкершілік таныту керектігін ескертті.

Анықтама: Естеріңізге сала кетейік, биылғы жылы облыс әкімдігінің, облыстық мәслихаттың, «Нұр Отан» партиясы Саяси кеңесінің, облыстық қоғамдық кеңестің және Қызылорда облысы кәсіпкерлер палатасының бірлескен шешімімен 2018-2020 жылдар өңірде жаппай кәсіпкерлікті дамытудың  үшжылдығы  ретінде жарияланды. Осы уақыт аралығында аймақта шағын және орта бизнесті дамытуға басымдық берілетін болады. Жаппай кәсіпкерлікті дамыту облыста үш маңызды мәселенің шешім табуына: салық базасын ұлғайтуға, тұрғындарды жұмыспен қамтуға және қоғамдық тұрақтылықты қамтамасыз етуге ықпал етеді. ШОБ субъектілерін қаржыландыру үшін облыстық бюджеттен 32 млрд. теңгеден астам қаржы бөлінді. Оның ішінде стартап жобаларына 3 млрд. теңгеден астам қаржы қарастырылған. Болашақ және өз істерін бастаған кәсіпкерлер үшін барлық қолайлы жағдайларды жасау мақсатында Кәсіпкерлер үйі ашылды. Мұнда облыстық Кәсіпкерлік және туризм басқармасы, «Қызылорда» Өңірлік инвестициялық орталығы, Кәсіпкерлерге қызмет көрсету орталығы, «Жобаларға сараптама жүргізу орталығы» ЖШС, Өңірлік кәсіпкерлер палатасы, «Цеснабанк» АҚ  Қызылорда филиалы және өзге де мекемелер орналастырылған.

Облыс әкімінің баспасөз қызметі

 
Мая Сыдық: «Қолөнерім – кәсібім»
18.10.2018 09:58

Бүгін біз Шиелі ауданы, Ыбырай Жақаев ауылының тұрғыны, 27 жастағы кәсіпкер Мая Сыдық туралы айтпақпыз.

Тігін тігіп, тоқыма тоқу Маяның алғашында жай ғана қызығушылығы болатын. 19 жасында тұрмысқа шығып, бүгінде 3 баланың анасы атанған ол осыдан төрт жыл бұрын балаларына, тұрмысқа қажетті заттарды өзі тігіп, тоқуды үйренеді. Істеген жұмысы өзінің ғана емес, ауыл тұрғындарының да көңілінен шығып, тапсырыстар түсе бастайды. Осылайша жас келіншектің қызығушылығы кәсіпке айналып, нәсібін табуға себеп болады.

«Ауыл тұрғындары тарапынан түскен тапсырыстың артуы қажетті құрал-жабдық алып, шығаратын өнім түрлерін де көбейтуге себеп болды. Құрал-жабдықтар әзірлеп, сатқан өнімдерден түскен қаржыға алынды. Тапсырыс көлемінің артуынан қасыма көмекші алдым. Бір жылдай болды бірге жұмыс істеп келе жатырмыз. Қазір қыз жасауын, жаңа қонысқа қажетті төсек-жабдықтар дайындап жатырмыз», - дейді Мая Сыдық.

«Кәсібімнің облыс көлемінде танылуына Кәсіпкерлер палатасы көп көмектесті», - дейді. Аудандық, облыстық көлемде өткізілетін көрмелерге қатысу арқылы өніміне деген сұраныс та еселене түскен. Осындай жас кәсіпкерлердің жобаларына арналған көрмелердің бірі осы жылдың қыркүйек айында Астана қаласында «Атамекен» Ұлттық кәсіпкерлер палатасының ұйымдастыруымен өтті. Байқаудың өткізілетіні туралы Палата мамандарынан естіген Мая жолдың алыстығына қарамастан, Астанаға келіп, ұлттық нақыштағы өнімдерін Елорда төрінде көрсетті.

«Астанадағы жас кәсіпкерлердің жобаларына арналған көрмеде жүлдеге ие болғаным жоқ, бірақ тәжірибе жинақтадым. Өзім секілді өзге де жас кәсіпкерлердің өнімдерімен таныстым. Алдағы уақытта мұндай байқауларға қандай дайындықтың болуы қажет екендігін көрдім, ойыма түйдім», - дейді жас кәсіпкер.

Мая жақында «Еңбек» бағдарламасы аясында 240 мың теңге мемлекеттік грантқа ие болды. Аталмыш қаржыға тігін машинасын алып, кәсібінің көлемін одан әрі арттыра түспек. Жас кәсіпкердің кәсібі табысты болсын деп тілек білдіреміз.

Қызылорда облысы

кәсіпкерлер палатасының баспасөз қызметі

 
БІРҚАТАР МИНИСТРЛІК БАСШЫЛАРЫ ҚЫЗЫЛОРДА ОБЛЫСЫНА КЕЛДІ
18.10.2018 09:44

ҚР Ішкі істер министрі Қалмұханбет Қасымов, ҚР Денсаулық сақтау, Білім және ғылым вице-министрлері мен комитет басшыларынан құралған Қазақстан Республикасы Үкіметінің республикалық ақпараттық-насихаттық тобы Мемлекет басшысының Қазақстан халқына Жолдауын түсіндіру бойынша кездесулер өткізіп, аймақтың әлеуметтік-өндірістік нысандарының жұмысымен танысты.

Жұмыс сапары барысында ҚР Ішкі істер министрі Қызылорда облысы ІІД-нің «Бірыңғай төтенше қызмет «112» жобасымен танысты. Қызылордада «Смарт Қауіпсіздік» жобасын іске асыру аясында өрт қауіпсіздігі, құтқару қызметі, полиция, жедел жәрдем және авариялық газ бойынша кезекші қызметтерді біріктіретін «112» Бірыңғай төтенше қызметі енгізілуде. «112» қызметінің мониторинг жүйесі барлық кіріс қоңырауларын, сондай-ақ, қаланың электрондық картасы бойынша экипаждарды көрсетеді. Патрульдік жасақ мобильдік қосымшасы бар планшеттермен қамтылған, онда барлық қоңыраулар оқиғаның сипаттамасымен қоса келіп түседі.

Сонымен қатар, Ішкі істер министрі Қалмұханбет Қасымов ағымдағы жылдың маусым айында ашылған Жалағаш АІІБ әкімшілік ғимаратында болды. АІІБ-ның үш қабатты әкімшілік ғимаратында бақылау-өткізу пункттері, «бір терезе» қағидаты бойынша мемлекеттік қызметтерді ұсыну кабинеттері бар. Сондай-ақ, кешен қызметкерлерге арналған жатақхана, арнайы мекеме, жауап алу мен тир бөлмелерін қамтиды.

Облыс активімен кездесу барысында Елбасы Жолдауының негізгі міндеттерін іске асыру механизмдері  талқыланды.

Ақпараттық топпен кездесуде облыс әкімі Қ.Көшербаев Жолдаудан туындайтын тапсырмалардың аймақта орындалу барысымен таныстырды.

«Мемлекет басшысы әрқашан қазақстандықтарға әлеуметтік қолдау көрсету мәселесіне баса назар аударып келеді. Осы Жолдауда мемлекеттің бәсекеге қабілеттілігін арттыратын бұрын қабылданған мемлекеттік бағдарламалардың жалғасы ретінде әлеуметтік-экономикалық дамудың жаңа бағыттары ұсынылды», - деді аймақ басшысы.

ҚР Ішкі істер министрі Қалмұханбет Қасымов Жолдаудың міндеттері бойынша водомстваның  атқарған жұмыстары жайлы баяндады.

«Мемлекет басшысы Жолдауында негізгі басымдықтарды айқындап берді. Оның ішінде полиция қызметінің құрылымын жаңғырту, оны жаңа деңгейге көтеру туралы нұсқау берілді. Себебі қоғамдық қауіпсіздік бәрінен де маңызды болып табылады. Қазіргі таңда көп істер атқарылды, бірақ ішкі істер органдарының жұмысында әлі шешілмеген мәселелер бар, сондықтан әлде де атқаратын жұмыстар көп», - деді ҚР Ішкі істер министрі.

Өз кезегінде, ҚР Денсаулық сақтау вице-министрі Ләззат Ақтаева денсаулық сақтау саласын жаңғырту, медицина қызметкерлерінің мәртебесін көтеру мен олардың жүктемесін төмендету  Жолдау басымдықтарының бірі екенін атап өтті.

«Денсаулық сақтаудың электрондық паспорттарын енгізу дәрігерлердің жүктемесін айтарлықтай азайтады. Бүгінгі күні 15 млн. Қазақстандық электрондық медициналық паспортпен қамтылған, ал 2020 жылға қарай барлық азаматтар электрондық денсаулық паспортымен қамтамасыз етілетін болады», - деді Ләззат Ақтаева.

Білім және ғылым вице-министрі Асхат Аймағамбетов Жолдауда мұғалімдердің мәртебесін жоғарылату, артық тексерулерді жою, ынталандыру шаралары мен мектеп оқушыларына жүктемені төмендету жөнінде ерекше атап өтілгенін  айтты.  Статистика бойынша Қазақстан ТМД елдері арасында оқушыларына ең жоғары жүктеме қоятынын,  қазіргі таңда министрлік білім беруді жетілдіру бойынша ұсыныстар жинақтап жатқанын айтты.

«Қызылорда облысында мемлекеттік-жекеменшік әріптестік аясында балабақшалар ашудың озық тәжірибесі бар екенін атап өткім келеді. Мектепке дейінгі мекемелердің 72 пайызы жекеменшік, сондай-ақ, мектеп жасына дейінгі балаларды  жүз пайыз балабақшамен қамту мәселесі шешімін тапқан», - деді вице-министр.

Ақпараттық-насихат топ өңірдегі әлеуметтік және өндірістік нысандардың жұмысымен танысып, аудандарда халықпен кездесулер өткізді.

Облыс әкімінің баспасөз қызметі

 
БЮДЖЕТТІК БАСЫМДЫҚТАР ӘЛЕУМЕТТІК САЛА МЕН КӘСІПКЕРЛІКТІҢ ДАМУЫНА БЕРІЛЕДІ
17.10.2018 16:00

2019-2021 жылдарда Қызылорда облысы бюджетінің басымдықтары әлеуметтік мәселелер мен жаппай кәсіпкерлікті дамытуға беріледі. Бұл туралы облыстық мәслихаттың отырысында облыс әкімі Қ.Көшербаев мәлімдеді.

Мәслихат отырысында аймақ басшысы алдағы үш жылға арналған бюджет жобасымен  таныстырды.

«Өткен жылдардағыдай, облыстық бюджет әлеуметтік бағытын сақтауда.  Бұл әлеуметтік-экономикалық дамуға ерекше мән берілген Мемлекет басшысының ағымдағы Жолдауы аясында да маңызды болып табылады. Мысалы, Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасы және облыс бойынша жергілікті маңызы бар автомобиль жолдарын дамытудың 2018-2020 жылдарға арналған Жол картасы аясында облыстық, аудандық маңызы бар жолдардың жақсы және қанағаттанарлық жағдайын 64 пайызға жеткізу мақсатында тиісті қаржылар бөлініп, жолдарды жөндеу жұмыстары жалғаса береді»,-деді аймақ басшысы.

Мемлекеттік-жекеменшік әріптестік шеңберінде Қорқыт Ата әуежайының терминалын салу, облыстың медицина мекемелерін арнайы техникамен жабдықтау, 600 орынға арналған колледж бен 200 адамға арналған жатақхана құрылысы, сондай-ақ қоғамдық қауіпсіздік жобалары сияқты бірқатар жобаларды жүзеге асыру жоспарланып отыр.

Сонымен қатар, аталған жұмыстар тірек елдімекендерді одан әрі дамыту жоспарының шеңберінде жүзеге асырылатын болады, жалпы алғанда 16 тірек елдімекенді, сондай-ақ, «Орда» тұрғын үй бағдарламасын іске асыру жалғасады.

Естеріңізге сала кетейік, биылғы жылы облыс әкімдігінің, облыстық мәслихаттың, «Нұр Отан» партиясы Саяси кеңесінің, облыстық қоғамдық кеңестің және Қызылорда облысы кәсіпкерлер палатасының бірлескен шешімімен 2018-2020 жылдар өңірде жаппай кәсіпкерлікті дамытудың  үшжылдығы  ретінде жарияланды. Жаппай кәсіпкерлікті дамыту облыста үш маңызды мәселенің шешім табуына: салық базасын жақсартуға, тұрғындарды жұмыспен қамтуға және қоғамдық тұрақтылықты қамтамасыз етуге ықпал етеді.

«Мемлекеттік бағдарламалар аясында кәсіпкерлік саласына қолдау көрсету мақсатында біршама қаражат бөлінуде. Атап айтсам, нәтижелі жұмыспен қамту және жаппай кәсіпкерлікті дамыту бағдарламасы аясында шағын несие беру үшін облысқа жалпы 3,4 млрд. теңге қаралған. Осы қаражат аясында облыстағы 679 кәсіпкердің жобасына 2 млрд. 145 млн. теңгеден аса шағын несие ұсынылған. Шағын несие беру аясын кеңейту мақсатында «Қызылорда» өңірлік инвестициялық орталығына облыстық бюджеттен бөлінген 1 млрд. теңге шағын несие қаражаттары негізінде облысымыздың микробизнес субъектілерінің 280 жобасы қаржыландырылып, 600-ден аса жаңа жұмыс орындары құрылды. Одан бөлек, тұрақты бизнестің 102 жобасына аймағымыздың екінші деңгейлі банктері арқылы «Бизнестің жол картасы 2020» бағдарламасы аясында 5 млрд. теңгеге жуық несие қаражаттары ұсынылған»,-деді аймақ басшысы.

Айта кетейік, биылғы жылы облыста 184,5 мың гектар жерге ауылшаруашылық дақылдары егілді. Оның ішінде күріш егісінің көлемі  87,3 мың гектарды құрады, қазіргі таңда күріш жинау жұмыстары жалғасуда.

Облыс әкімінің баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Шілде 2018 >
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары