Көптен күткен ҚПЛ ойындары да басталды.  9-10 наурыз күндері биылғ­ы маусымның ал­ғашқ­ы ойындары өтіп, ел күткен де, ең күтпеген нәтиже де таблоға жазылып жатты. Былтыр да солай болған. "Қайсар" ойыншылары 2018 жыл­ғы маусымды өз алаңындағы сәтсіздікпен бас­тағаны ел есінде шығар. Қосалқы құрам ойын­шыларынан жасақталған "Ақтөбе" Қызылордада жерлестерімізді 1:0 есе­бі­мен тізе бүктіріп кеткен еді. Биыл да бірінші айналымның бірінші ойынында  батыстық ұжымды  қабылдады. "Қайсардың" ерекше басым бол­ғанына  қарамастан, "Атырау" ойын соңына дейін бір гол  айырмасын сақтай алды.

Өткен жазда бүкіл әлемде, соның ішінде футбол әлемінде күтпеген жағдай болды. Ғаламдық жұлдыз, Португалия ұлттық құрамасының капитаны Криштиану Роналду мадридт­ік «Реалдан» туриндік «Ювентус» сапына­ ауысты. Бұл жағдай миллиондаған жанкүйерлерді есеңгіретті.

«Халық» газетінің №1 (956) санында «Жейдеге латынша жазуға тал­пынса...» деген тақырыпта мақала жазыл­ған болатын. Ондағы мақсат – ҚПЛ клубтары үшін маңызсыз саналатын төл дыбыстарымыздың (ә, і, ң, ғ, ү, ұ, қ, ө, һ) қолдану аясын кеңейту, тіліміздің ырғағын сақтау. Өткен аптад­а жергілікті «Қайсар» футбол клубы басшылығының осы мәселе төңірегіндегі шешіміне риза болыстық. Иә, 2019 жылғы ел біріншілігін біздің «қасқырлар» латын қарпімен жазылған жейдемен бастайды. Қуануға тұрарлық жаңалық. Өйткені, бұл – тарих!

ҚПЛ ойындарына жеребе тарту рәсіміне «Қайсардың» спорттық директоры Талғат Сыздықов қатысты. Және ол себеттен бірінші нөмірді таңдады. Бұл – күнтізбеде әр тур сайын «Қайсар» бірінші тұрады деген сөз.

Жақсы ырымы қырын кетпеген халықта­нбыз ғой. Иә, «экс-қасқыр» әрі бүгінгі күні «Қайсар» футбол клубы сапын­да басшылық құрамда отырған Талғат  Сыздықовтың  қолына ілінгені 1 саны болды деп жатырмыз. «Жақсы сөз – жарым ырыс». Әлбетте, біз мұны жақсылыққа балаймыз. №1 деген жағым­ды естіледі емес пе? «Түйе сұрасаң, бие береді» деген ғой. Бастысы, бізде сенім мен үміт бар. Ал, үміттің ойын басталмай жатып болатынын және ең соңында ғана өшетінін ұмытпаймыз.

Тәуелсіздік алғалы елімізде екінші стадион­ салынбақ. Былай қарасаң, күлкілі жағдай. Футболды дамытамыз дейміз, оның үстіне дәл осы футболға бөлінетін қаржы көпшіліктің қытығына тиеді. «Байдың­ асын байғұс қызғанады» дегенде ғана  тоқтаймыз. Бақылауы жоқ қаржы ма еді? Білмедік. Екі стадион дедік ғой, біріншісі – Астана қаласындағы «Астана Арена» стадионы. Маңызды саналған ойынд­ардан соң қарсылас команданың футболшылары үнемі жасанды алаңның кері әсері туралы пікірін айтады. Ол ол ма, соңғы жылдары баспасөз беттеріне Қазақстанға келмей жатып «Астана Аренада­» доп тебудің тиімсіз тұстарын айтуда­н тартынбай жүр. Иә, жоқтан жақсы...