Өзекті мәселелер

  • 12.07.18

    Қазақтың ұлттық болмысындағы өзіне ғана тән қасиеттердің бірі – «аманат­» қағидасы. Ұлы даланың демо­кра­тиялық принциптерінің нақты көрі­нісі болып табылатын осынау ерекше түсінік отарлық жүйенің қасаң саясатының негізінде «майдаланып» та кетке­нін жоққа шығару қиын шығар. Мұның сыртында ұлтымызды рухани мешел­дікке ұшырату мәселесі тұрғаны белгілі. Кезінде заманымыздың заңғар, данагөй қайратк...

    Толығырақ...
  • 12.07.18

    Шығармашылықтың шыңына лезде­  шығу екінің бірінің қолынан келе бермейтіні белгілі. Ал Аралдың жағасын­да  туып, анау асқаралы Алатауды бағындыру – бөлек әңгіме. Тұңғыш рет «Білім және еңбек» журналы­нда «Аралды қайтсек сақ­таймыз?» мақаласы басылды. Жұрт назары­ бірден ауған. Сонан соң «Қазақстан пионері» газетінде «Бо­з­айғыр»   әңгімесі   жарыққа  шықты. 1971 жылы республикалық жастарға арна...

    Толығырақ...
  • 12.07.18

    Жаз айлары еліміз үшін мерекеге толы. Сол мерекелердің бірегейі – Елордамыз Астана қаласының туған күні. Ел болып атап өтетін Ел­ордаға биыл – 20 жыл. Қызыл­орда қаласының 200 жылдығымен  тұспа-тұс келген мерейтойдың  қуанышты еселей­ түскені рас. Еура­зия­ның жүрегінде бой көтерген қаланың тынымсыз еңбек пен даму жолына түскеніне де жиырма жыл. Ару қала Астананың туған күнімен құт­тықтауды Сыр...

    Толығырақ...
  • 12.07.18

    Қазақта «балалы үй – базар, баласыз үй – мазар» деген мақал бар. Расымен, үйдің іші сыңғырлаған бала күлкісіне толы болғанға не жетсін, шіркін! Отбасын құрудағы басты мақсат та – осы. Алайда үлкен жауапкер­шілікті талап ететін бұл ұғым ер мен әйелге өзіндік қиыншылықтар тудырады. Дүниеге бала әкелу адамның денсаулығына байланысты, бірақ оған тәуелді емес. Физикалық, психологиялық және әлеуметті...

    Толығырақ...
  • 12.07.18

    Әке жүрегі таудан үлкен, ана жүрегі теңізден терең деп бекер айтылмаса керек. Әрбір ата-ана сәбиі дүниеге келген сәттен бастап мәпелеп, қанаттыға қақтырмай, тұмсықтыға шоқтырмай өсіреді. Бөбегінің былдырлаған тілін қызықтап жүріп, бірінші сыныпқа баратын уақытының келгенін де аңғармай қалады. Бірінші сыныпқа барған соң, оң-солын танытып, бар керегін алып беру үшін күні-түні еңбекте...

    Толығырақ...
Халық-хабар
Кәсіпкерлікті дамыту - ортақ міндет
18.07.2018 19:34

«Нұр Отан» партиясының «Қазақстан – 2021: Бірлік. Тұрақтылық. Жасампаздық» Сайлауалды бағдарламасын жүзеге асыру бойынша «Жұмыспен қамту және тұрғындардың әлеуметтік әлсіз топтарын қолдау» бағытындағы аймақтық комиссиясының кезекті отырысы өтті.

Онда «Президенттің бес әлеуметтік бастамасы» атты халыққа Үндеуінің төртінші бағыты, яғни «Шағын несие беруді көбейту» мәселесі жан-жақты талқыланды.

Жиын барысында Елбасының төртінші бастамасы аясында өңірде атқарылып жатқан жұмыстар жөнінде облыстық жұмыспен қамтуды үйлестіру және әлеуметтік бағдарламалар басқармасы халықты жұмыспен қамту бөлімінің басшысы Жанар Дәулетбаева айтып өтті.

Бөлім басшысының айтуынша, ағымдағы жылдың бюджетінде шағын несие беру бағдарламасына 42 млрд теңге бөлінген. Оның 31 млрд теңгесі ауылдық жерлерге, ал 11 миллиарды қалалар мен моноқалалар үшін қарастырылып отыр.

- Қазіргі таңда мемлекет басшысының тапсырмасымен қаржыландыру көлемі 20 млрд теңгеге ұлғайып, биыл 62 млрд теңгені құрады. Соның нәтижесінде шағын несиемен қамтудың жалпы көлемі 14 000 адамнан асты. Бұл өткен жылғы деңгеймен салыстырғанда екі есе көп, - дейді Жанар Дәулетбаева.

Өңірде Елбасы бастамасына сәйкес өз жеке ісін бастап жатқандарға, тұрақты жұмысы жоқтар мен өзін-өзі жұмыспен қамтыған азаматтарға басымдық берілуде. Осы мақсатта "Бастау-Бизнес" жобасы арқылы арнайы оқу курстары да қаралған. Мәселен, өткен жылы "Бастау-Бизнес" жобасы 5 аудан тұрғындарын қамтыған болса, биыл Жалағаш, Сырдария аудандары мен Қызылорда қаласының тұрғындары қатысуға мүмкіндік алып отыр. Бұл бағыттағы жұмыстарды облыстық кәсіпкерлер палатасы директорының орынбасары Қожахмет Ильясов егжей-тегжейлі баяндап өтті.

- Жалпы, жыл басынан облыс бойынша 553 азамат «Бастау-Бизнес» курсын аяқтап, 498 азамат жобасын қорғады. Соның ішінде 21 азаматтың жобасы 55,2 млн теңгеге қаржыландырылды. Қазір оқу курсының 3-ші легі басталып, 254 азамат оқып жатыр. Жыл соңына дейін 1600 қызылордалық оқытылып, кемінде 320 азаматтың жобасы қаржыландырылады деп күтілуде, - деді Қожахмет Ильясов.

Жиын барысында «Нәтижелі жұмыспен қамту және жаппай кәсіпкерлікті дамыту», сонымен қатар «Бизнестің жол картасы 2020», «Микробизнес-Кызылорда» бағдарламалары шеңберінде жеке кәсіпкерлікті қолдауға бағытталған барлық жұмыстардың нәтижелері мен алдағы орындалар міндеттер бойынша тиісті ұсыныстар жинақталып, қаулылар қабылданды.

«Нұр Отан» партиясы облыстық филиалының баспасөз қызметі

 
Инвестициялық жобалардың әкімшілік кедергілері талқыланды
18.07.2018 19:33

Қызылордада 12 инвестициялық жобаға сыбайлас жемқорлыққа қарсы сүйемелдеу бойынша келісімдерге қол қойылған.

Бұл туралы «Protecting Business аnd Investments» жобасы аясында инвестициялық жобаларды іске асыру барысында кездесуі мүмкін әкімшілік кедергілерді талқылау мақсатында өткізілген кездесуде айтылды.

Кездесуге аймақтағы отандық, шетелдік инвесторлар мен құзырлы мемлекеттік органдардың басшылары және өкілдері қатысып, инвестициялық жобалардың проблемалық мәселелері талқыланды.

Кездесуде хабарлама жасаған «Кәсіпкерлерді қолдау орталығының» директоры Қамар Бекетова тампонажды цемент өндіру зауыты құрылысын жүргізіп жатырған инвестор-компания «Чайна Триумф Интернэшнл Инжиниринг» ЖШС арқылы құрылыс жұмыстарына қажетті шетелдік мамандарды шақырту үшін виза алуға көші-қон полициясы органдарына өткізілген құжаттардың мерзімінде қаралмай, тиісті рұқсат беру құжаттарының рәсімделмей, созбалаңға салынып жатқандығын мәлімдеді.

Көші-қон полициясы басқармасына аталған мәселені дереу шешу тапсырылды.

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысы Абзал Мұхимов: «Агенттіктің бастамасымен қолға алынған «Protecting Business аnd Investments» жобасы аясында кез келген отандық және шетелдік инвестордың құқығы қорғалады және инвестициялық жобалардың жүзеге асырылуы барысында әкімшілік кедергілердің болмауына тұрақты түрде мониторинг жүргізіледі», - деді.

Б.Әбдіқадыров

 
ПРОАКТИВТІ ӨМІРДІ ТАҢДА!
18.07.2018 19:32

«Азаматтарға арналған үкімет» мемлекеттік корпорациясы «Проактивті өмірді таңда!» республикалық акциясын бастады. Іс-шара аясында қызметкерлер бір ай бойы емханаларды, перзентханалар мен перинатальдық орталықтарды аралап, болашақ аналарға бала туу бойынша мемлекеттік қызметтерді проактивті тәсілмен, яғни ХҚО-ға бармай-ақ, SMS арқылы алу жолдарын түсіндіреді.

Кезекті акция барысында корпорацияның Қызылорда облыстық филиалы мамандары «Ана мен бала» орталығына барды. Аталмыш қызмет бойынша ауқымды түсіндірме жұмыстары барлық аудан орталықтарында да жүргізілуде.

Былтыр желтоқсан айында іске қосылған жоба халық арасында кеңінен қолдау тапты. Бала туу бойынша мемлекеттік қызметтерді проактивті тәсілмен алу үшін қызмет алушылар ХҚО немесе электрондық үкімет порталындағы жеке кабинет арқылы мобильді азаматтар базасына тіркеліп, ЖСН-ін ұялы телефон нөміріне бекітіп қоюы тиіс. Сәбиі дүниеге келгеннен кейін жаңа босанған ананың телефонына автоматты түрде SMS-құттықтау келіп, қызметтерді проактивті тәсілмен алуға ұсыныс жасалады. Басқа мәліметтерді тіркеуші орган тиісті ақпараттық жүйелерден жинап, ал өзге деректерді хабарлама арқылы ата-анадан сұрайды. Сондай-ақ телефон арқылы шот нөмірін жіберіп, жәрдемақыларды рәсімдеуге және балабақшаға кезекке қоюға болады.

Қала тұрғыны Айгүл Әлижан – проактивті қызметтің игілігін көрген қызылордалықтардың бірі. Бас-аяғы 3 күнде мемлекеттік корпорация қызметкерлері сәбиінің өміріндегі алғашқы дайын құжатын табыс етті.

«Қызым дүниеге келгеннен кейін ұялы телефоныма құттықтау хабарлама келді. Артынша тиісті сұрақтарға жауап берген соң, көп ұзамай қызымның аты-жөні жазылған туу туралы куәлікті қолыма алдым. Құжат дайындау ешқашан мұндай жылдам әрі қарапайым болады деп ойламаппын. «Азаматтарға арналған үкіметке» біздің отбасымыздың қуанышына ортақтасып ғана қоймай, құжат рәсімдеуді өз мойындарына алғаны үшін үлкен рақмет айтамын. Уақытым мен қаражатым үнемделді», - дейді жас ана.

Бүгінгі түсіндіру жұмыстары облыстың барлық аудан орталықтарында өткізілуде. Акция аясында «Азаматтарға арналған үкімет» мамандары 100-ден аса жүкті әйелге бала туу бойынша мемлекеттік қызметтердің проактивті нұсқасы туралы түсініктеме беріп, нұсқаулықтар мен парақшалар таратып, 60 адамды мобильді азаматтар базасына тіркеді.

Айта кетейік, Қазақстан ТМД елдері арасында алғашқы болып мемлекеттік қызметтердің проактивті қағидатын енгізді. Жоба іске қосылғаннан бері облыс бойынша 4103 ата-ана Мгов базасына тіркеліп, сәбилі болған 3921 анаға проактивті қызметтерді алуға SMS-ұсыныс жолданды. Дайын туу туралы құжат 3000-нан аса адамға табысталып, балабақша кезегіне 2200 бала тіркелген.

Көп ұзамай баланы тұрғылықты жеріне тіркеу қызметі де проактивті нұсқада жүзеге асатын болады.

Корпорацияның Қызылорда облыстық филиалының баспасөз қызметі

 

 
Жетістікке жетелеген жобалар
18.07.2018 15:43

«Қолы қимылдағанның, аузы қимылдайдыны» білмейтіндер кемде-кем. Қандай қоғамда да бел шеше еңбек еткендердің есесі кеткен емес. Бұл әсіресе, нарық заңы өмірімізге дендеп енген бүгінгі таңдағы басты қағидаға айналғандай. Ел арасында Қазалы ауданын кіші Түркістан деп те атайды. Мұның астары өңірде сауда-саттықтың қарқынды дамығанында жатыр. Тарихқа зер салсақ, сауда-саттық Қазалы жерінде сонау ықылым заманнан бастау алғанын көруге болады. Ресей патшалығы тұсында, кеңес өкіметі кезінде қанатын жайған кәсіпкерлік ісі ауданда қазірде де жоғары деңгейде. Мақаланы жазу барысында Қызылорда облысының кәсіпкерлер палатасы Қазалы аудандық филиалының директоры Ермек Аймахановпен тілдескен едік. Осы саланың ыстығына күйіп, суығына тоңып жүрген басшы бізге қажет мәліметтерді тайға таңба басқандай баяндап берді.

Білгеніміз, палата тарапынан өткен жылы аудандағы кәсіпкер болуға ниеттенген 1160 адамға 3480 қызмет түріне кеңес берілсе, ағымдағы жылы осынау жағымды жаңалық жалғасын тапқан. Атап өтерлігі, кеңес беру барысында мемлекеттік бағдарламаларды насихаттап, түсіндіру, кәсіпкерлерді құқықтық қолдау, несиені алу, мақсатты жұмсау және қайтару мәселесіне ерекше назар аударылады. Білімді адамның қай кезде де есесі кетпесі анық. Бұл тұрғыда кәсіпкерлер палатасы белсенділік танытыпты. Филиал тарапынан ауданның Қарақұм беткейі мен Қызылқұм шекарасына дейінгі шетаймақ саналатын елді мекендерді аралап, ауыл кітапханаларына «Шағын бизнеске арналған 100 жоба» кітабы табысталыпты. Осынау қадам арқылы ауылдағы бастауыш кәсіпкерлер жаңа бизнес әдебиетімен қаруланды. Оған қоса филиалдың ұйымдастыруымен аудан әкімі аппаратымен бірлесіп қала, кент, барша ауылдық округ әкімі аппаратының бас мамандарының қатысуымен «Онлайн жүйеде кеңес алу» тақырыбында семинар өткізілуі де құптарлық жайт. Елді мекендердегі кәсіпкерлерге, кәсіпкер болуға ниеттілерге қолайлы жағдай жасау мақсатында онлайн режимде мемлекеттік бағдарламалар туралы кеңес беріп, селекторлық жүйеде ауыл азаматтарымен тікелей байланысып, ұсыныс-сауалдарына жауап беріп, қолдау көрсетуді көздеген семинарда ауыл әкімі аппараттарында арнайы электронды пошта ашылып, мамандарына түсіндірме жұмыстары жүргізілуі де көпшілік тарапынан оң бағаланды.

Кәсіпкерлердің құқығын қорғау бүгінгі таңдағы өзекті мәселе екені әмбеге аян. Осы бағытта атқарылған шараларға да тоқтала кетсек, артық болмас.

- Кәсіпкерлердің өтінішімен құқықтарын қорғау бойынша сот отырысының алты азаматтық ісіне қатысып, құқықтарын қорғап шығу оңай шаруа емес. Олардың қатарында «Қызылорда облысының жердің пайдаланылуы мен қорғалуын бақылау басқармасы» ММ Қызылорда облысының мамандандырылған ауданаралық экономикалық сотына 3 кәсіпкердің жер учаскелерін нысаналы мақсаты бойынша пайдаланбай отыруына байланысты мәжбүрлеп алып қою туралы талап арыз берген болатын. Талап бойынша филиал заңгері азаматтық істерге қатысып, Қазалы ауданының үш кәсіпкерінің жалпы аумағы 1500 шаршы метр құрайтын жер телімі қорғалды. Сондай-ақ, ҚР АШМ Су ресурстары комитетінің шаруашылық жүргізу құқығындағы «Қазсушар» республикалық мемлекеттік кәсіпорнынан 430 549 теңге «Жалаңтөс батыр» ЖШС-не өндірілді. Сот отырысында кәсіпкерге тиесілі 430 мың теңге қаржысы қорғалды. Ағымдағы жылы кәсіпкерлерге қолдау көрсету мен құқығын қорғау жайлы өтініштер келіп, қанағаттандырылуда. Кәсіпкерлердің сенімхаттары негізінде Қазалы аудандық сотының отырысына филиал заңгері қатысып, екі кәсіпкердің 310 мың теңге көлемінде қаржысы өндірілді, - дейді филиал басшысы.

Оған қоса, кәсіпкерлердің құқығын қорғау мақсатында бірлескен іс-шараға сәйкес филиалдағы «Прокурор кабинетінде» аудан прокуроры аптаның әр серсенбісінде азаматтарды, кәсіпкерлерді қабылдау өткізіп тұратынын, филиалдың бастамасымен кәсіпкерлерге, аудан тұрғындарына заңнамалық актілердің қолданылуы, құқықтық сауаттылығын көтеру мақсатында «Заңгерлер клубы» ашылғанын, кәсіпкерлерге бағыт-бағдар беру әкімшілік шара көрулерінен сақтау мақсатында жадынама ретінде алгоритм дайындалғанын (алгоритмнің тиімділігі сол, кәсіпкерлер жер телімін алудан бастап құрылыс нысанын тұрғызып іске қосуға дейінгі аралықта құжаттар жинақтап, тапсыру легін реттестіреді) естігенде, біздің де көңілімізді ризашылық сезімі кернеді. Халықты жаппай кәсіпкерлік негіздеріне оқыту да ауданда күн тәртібіне тұрақты қойылған. Кәсіпкерлік негіздеріне оқыту бағытында «Бизнес-кеңесші» жобасы бойынша бірқатар адам білімін жетілдірсе, «Бастау Бизнес» жобасымен өткен жылы 222 азамат кәсіпкерлік негіздеріне оқытылып, бизнес жобасын қорғап, сертификаттар табысталды. Ауыл тұрғындарын оқытуда кент, қала, Майдакөл, Құмжиек, Ғ.Мұратбаев, Қызылқұм ауылдық округтері ерекше белсенділік танытып келеді. «Бастау Бизнес» жобасымен ағымдағы жылға 220 тыңдаушыны оқуға қатыстыру жоспарланған. Аудан әкімі Мұрат Ергешбаевтың Кәсіпкерлер палатасына келіп, тыңдаушылармен кездесу жүргізіп, ұсыныс-пікірлерін тыңдап, алдағы жоспарларымен ой бөлісуі көпшілікті қанаттандырып, кәсібіне деген сенімді арттыра түскендей. Осынау қарапайым да қажетті қадам халқымыздың «Сен дегеннен не бітер, сіз дегеннен нең кетер?!» деген даналық лебізін ойға оралтты.

Ең бастысы, аудан әкімі Мұрат Нәлхожаұлының бастамасы, филиалдың ұйымдастыруымен оқу курсына қатысқан тыңдаушылармен бірге облыстық комиссияға ауыл әкімдері қатысып, жобалардың қорғалуына өз ықпалдарын тигізіпті. Нәтижесінде, қайтарымсыз инновациялық гранттық қаржыландыру бойынша өткен жылы ұсынылған жобалардың ішінен 19-ы грант ұтып алды. «Төртеу түгел болса, төбедегі келеді» деп текке айтылды деймісіз?!.

Жұмабек  Табынбаев,

Қазалы ауданы

 
І ЖАРТЫЖЫЛДЫҚТА МАКРОКӨРСЕТКІШТЕР БОЙЫНША ОҢ ДИНАМИКАҒА ҚОЛ ЖЕТКІЗІЛДІ
18.07.2018 15:30

Биылғы бірінші тоқсанның өзінде өңдеу өнеркәсібі саласындағы еңбек өнімділігі 10%-дан асып, шикізаттық емес өнім экспортының көлемі 2,7 есеге көбейді. Бұл туралы бүгін облыстық мәслихаттың кезекті сессиясында аймақ басшысы Қ.Көшербаев мәлімдеді.

Депутаттардың алдында сөз алған өңір басшысы бірінші жартыжылдықтың қорытындысымен барлық макрокөрсеткіштер бойынша оң динамикаға қол жетіп отырғанын айтты.

"Бірінші жартыжылдықтың қорытындысымен барлық макрокөрсеткіштер бойынша оң динамикаға қол жеткіздік. Атап айтқанда, инвестициялар көлемі - 117,2%, құрылыс жұмыстары - 115,9%, ауыл шаруашылығы өнімдерін өндіру - 102,7% және өңдеу өнеркәсібі көлемі - 100,5% жоғары. Ал, өңдеу өнеркәсібі саласындағы еңбек өнімділігі биылғы бірінші тоқсанның өзінде 10%-дан асса, шикізаттық емес өнім экспортының көлемі 2,7 есеге көбейді. Бөлшек тауар айналымындағы - 101,1% оң динамика біз үшін өте маңызды. Бұдан халықтың сатып алу қабілетінің біршама жоғарылағанын көреміз. Атап өту қажет, сәуір айында Жалпы өңірлік өнім өндірудің 2017 жылғы қорытындысы шығарылған болатын. 2017 жылы облыста жалпы құны 1,5 трлн теңгенің өнімі шығарылды, бұл 2016 жылмен салыстырғанда 0,8%-ға көп. Жалпы өңірлік өнім бойынша соңғы 4 жылда, алғаш рет оң векторға шықтық", - деді облыс әкімі.

Сондай-ақ, өнеркәсіптік өндіріс көлемі (95,3%) және тұрғын үй беру бойынша (74,3%) облыс аздап қалып келе жатқанын айтты. Алайда, жыл соңына қарай аталмыш екі көрсеткіш бойынша да өсім болады деген сенімді болжам бар.

Өңір экономикасын дамытуда оны әртараптандыру мәселесі әлі де өзекті болып қала бермек. Атап өтейік, индустрияландыру Картасының аясында 22 жоба жүзеге асуда, қазір оның 16-сы бойынша өнім өндіріліп, 1700 адам жұмыспен қамтылып отыр. Соңғы 6 айда осы жобалар шеңберінде жалпы құны 11 млрд. теңгеден астам өнім шығарылды. Бұл былтырғы осы кезеңмен салыстырғанда 30%-ға артық. Ал, осы Карта жобалары негізінде өндірілген өнім экспорты 37% -ға көбейген.

Облыстың аграрлық секторы да жақсы көрсеткіштерге қол жеткізіп отыр. Аймақ басшысының сөзіне қарағанда, тек биылғы жылдың өзінде ауыл шаруашылығының негізгі капиталына салынған инвестиция көлемі 85%-ға, ауыл шаруашылығы өнімдерін өндіру көлемі 2,7%-ға, азық-түлік өнімдерін өндіру көлемі 15%-ға артса, ауыл шаруашылығы өнімдері экспорты көлемі өнімнің заттай көрінісінде 66%-ға, ал, доллар эквивалентімен 7,3%-ға өсті.

Өнеркәсіптік бағытта облыс картоп, көкөніс және бақша өнімдерін өндіруді дамыта бастады. Ағымдағы жылы Қызылорда қаласында испан технологиясы бойынша жұмыс істейтін автоматтандырылған алғашқы жылыжай кешені салынады. Бұдан басқа, Шиелі ауданында тағы да 20 жылыжай салу жоспарланып отыр. Ал, Жаңақорған ауданында түрік инвесторларының қатысуымен қызанақ өсіретін ірі жобаны жүзеге асыру жоспарлануда.

Қазіргі уақытта экспорттық әлеуетті арттыру және өткізу нарығын ұлғайту жұмыстары мақсатты жүргізілуде. Естеріңізге сала кетейік, 2016 жылы бақша өнімдері экспорты, ал, 2017 жылы көкөніс және мал өнімдері экспорты қайта жаңғыртылған болатын. Ағымдағы жылы мақсары майын экспорттау басталды, алғашқы 11 тоннасы наурыз айында Қытай еліне жіберілді. Жыл соңына дейін тағы 500 тонна май экспорттау жоспарланып отыр.

Әлеуметтік нысандарды салу да басты назарда. Үстіміздегі жылы облыс аумағында 41 әлеуметтік нысанның құрылысы жүргізілді. Олардың 20-сы пайдалануға берілді. Қалған 10 нысан жыл аяғына дейін ашылады, ал, 11-нің құрылысы 2019 жылы аяқталатын болады. Білім саласында үстіміздегі жылы 15 нысан пайдалануға беріледі. Жыл басынан бері 4 мектеп және 6 балабақша іске қосылды. Тағы 4 мектеп пен балабақша екінші жартыжылдықта салынады.

Биыл Арал қаласында бюджет есебінен салынған 150 төсектік аудандық аурухана пайдалануға беріліп, Жаңақорған кентіндегі 250 келушіге арналған емхана құрылысы аяқталады деп жоспарлануда. Сонымен қатар, Шиелі кентінде 150 орындық аудандық аурухана, Қармақшы ауданының III Интернационал ауылында 10 төсектік аурухана құрылысы жүргізілуде, 2019 жылы екі нысан да пайдалануға беріледі. Сондай-ақ, Жалағаш ауданындағы апатты аурухананың орнына жаңадан аурухана салу да жоспарда бар.

Естеріңізге сала кетейік, 2018 жыл Қызылорда облысында жаппай кәсіпкерлікті дамыту жылы болып жарияланды. Маусым айында облыстың барлық аудандарында жиналыстар өткізіліп, аудан басшылары мен жауапты кураторлардың жұмыстары тыңдалды.

"Айта кету қажет, қабылданған шаралардың алғашқы нәтижелері байқалуда. Ағымдағы жылы облыста жұмыс істеп тұрған кәсіпкерлік субьектілер 11 пайызға көбейді. Аталған көрсеткіш бойынша Қызылорда облысы аймақтар арасында көш бастап тұр»,-деді облыс әкімі.

Мемлекеттік-жекеменшік әріптестік негізінде Қызылорда облысында 30 млрд. теңгеден астам қаржыға 73 жоба жүзеге асырылуда.

"Аймақты дамыту бағдарламасында облыстың әлеуметтік-экономикалық даму қарқынын сипаттайтын жылдың соңына дейін қол жеткізуге тиіс 121 индикатор қаралғанын айтқым келеді. Барлық осы сан-алуан жұмыстың нәтижелерін қорытындылайтын ең негізгісі, бұл өңірлік өнімнің физикалық көлемінің индексі болып табылады. Оны 100,4% -ға жеткізу - 2018 жылға міндет", - деді бірінші жартыжылдықты қорытындылаған аймақ басшысы.

Облыс әкімінің баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Мамыр 2018 >
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары