Өзекті мәселелер

  • 08.11.18

    Халық – сыншы әрі әр­қашан әділ. Өткен аптада Арал, Қазалы аудан­дарына іссапармен барға­н облыс әкімі Қырымбек Көшербаев ел алғысын арқал­ап қайтты. Бұқараның базы­насын ескеріп, жұртшылықтың жағдайын  жақсартуда аймақ басшысы бір­қатар тірліктер атқарып жүр. Өткен аптада жер­гілікті тұрғындар сол игі істер­дің жалғасына куә болды.

    Алдымен Арал ауданы орталы­ғындағы жаңа аурухананың аш...

    Толығырақ...
  • 08.11.18

    Кез келген тауарды сырттан тасымалдау үлкен тәуеке­л мен көп шығынды талап ететіні сөзсіз. Дамыған­ елдердің көпшілігі тұтынатын тауарын өзі өндіріп, кәсіпкерлері шаруасын шыр айналдырып отыр. Ал бізде ше? Қандай өнім бар дегеннен гөрі, нендей өнім жоқ дегенге жауап табу тез болып тұр. Былай қарағанд­а, қарапайым қаламсап шығаратын зауы­тыңыз  да  жоқтың  қасы. Қайтпек  керек?

    Толығырақ...
  • 08.11.18

    Қазір әлеуметтік желі үлкен күшке ие. Ойыңызда жүрген жайтты жақсылап тұрып жазып, көпшіліктің талқысына тастай саласыз. Мұнда  сөздің  байыбына баратын, оны саралай алатын да, көкпардағы  серкедей  жүнін  жұлып, ту-талақай  ет етін де  жұртшылық бар. Ал, күшке ие дегеніміз – көп  мәселенің  шешімін  табатынында. Жама­н жері  кейде жаны ашып жазғандар да жазықты болып жатады­. Атын шыға...

    Толығырақ...
  • 08.11.18

    Нәзіктік пен әсемдіктің символы – қыз баласы қашаннан сұлулыққа құмар. Ару­лар­ға ақыл мен  әдеміліктің қатар қажет екенін қазақ бұрыннан айтып кеткен емес пе? Көріксіз қыз – тұзсыз нанмен тең. Ендеш­е  сұлулығын  арттырып, тартымды бола түсу – бұрымдылар үшін сүйікті «мәселе». Бүгінде  айқабақ,  алтын  кірпік, қызыл ерін  сылқымдар кірпігін қалай  күтіп  жүр? Сырт көзге сөз қылуға тұр­майтын т...

    Толығырақ...
  • 08.11.18

    Айжарық  СӘДІБЕКҰЛЫ

    Редакция  қызметкерінің іссапармен бармайтын жері жоқ. Асулардан асып шыңға шығады, еңіске түсіп теңіз кешеді, балықшы мен диқанның қосына­ түнейді, шопандар мен жылқышыларға жолығу үшін жайлауды аралап шаршайды. Иә, жорналшы дегендер өмір бойы солай жол үстінде жүрген­дерінде бұрын көріп білмеген пенделердің талайымен жүзд...

    Толығырақ...
Халық-хабар
ЖЫЛУ ЭЛЕКТР ОРТАЛЫҒЫН ДАМЫТУ КӨЗДЕЛДІ
06.02.2013 17:39

Бүгін облыс әкімі Қырымбек Көшербаевтың төрағалығымен өткен жиында Қызылорда қаласын жылумен жабдықтау және жылу электр орталығын дамыту концепциясының тұсауы кесілді.

Халық игілігіне жарап келе жатқалы жарты ғасырдың шамасы болған қаланың бас жылу пеші заман талабына сай қайта жаңалауды қажет етеді. Орталықта әуелгіде қатты отынның көмегімен 6 турбогенератор және 9 бу қазандығы жұмыс істеп тұрды. Ол кезде электр қуаттылығы 184 МВт, ал жылу қуаттылығы 370 Гкал болатын. Бүгінде станцияның тозығы жетуіне байланысты бу қазандықтары мен турбогенераторлардың біразы істен шыққан. Сондықтан қымбатқа түссе де, облыс орталығына жаңа бір жылу орталығы қажет. Жобаны жүзеге асыруға құлшылық танытып отырған шетелдік инвесторлар бар. Басқосуға жиналғандарды жылу энергия станциясын дамыту концепциясымен Ресейден келген «Институт КазНИПИЭнергопром» АҚ-ның президенті Геннадий Андреев таныстырды. Институт мамандары әзірлеген әртүрлі нұсқаны назарға ұсынған ол:

- Қандай шешім қабылданса да, халық санының өсімін, өндіріс әлеуеті мен қаланың бас жоспарын ескерген дұрыс. Алдымен, инвестициялық бағдарлама жасап, жобаның техникалық экономикалық негіздемесін әзірлеу керек, - деді Геннадий Андреев.

Бас жылу пешін қайта салғанда тарифті өсіруге тура келетіні – нарық талабы. Жобаға құйылған инвестицияны өтеудің бірден-бір жолы – осы. Ресейдің «Балтийская русская энергетическая компания» ЖАҚ бас директорының орынбасары Александр Макаров, қытайлық «ТВЕЛ» ААҚ-ның бас өкілі Джан Юн инвестор есебінде Қызылорда облысында жаңа нысанның құрылысына атсалысуға ынталы екендіктерін жеткізді.

Жылу орталығын салу мәселесінің аймақ үшін өзекті екенін айтқан Қырымбек Көшербаев тез арада жобаның техникалық-экономикалық негіздемесін әзірлеу жөнінде тиісті сала басшыларына тапсырма жүктеді.

Назерке САНИЯЗОВА

 
ЖЕЛ КҮШЕЮІ МҮМКІН
30.01.2013 15:57

Қызылорда облыстық Төтенше жағдайлар департаментінің Баспасөз қызметі «Қазгидромет» республикалық мемлекеттік кәсіпорны Қызылорда гидрометеорология орталығының мәліметіне сүйене отырып, 2013 жылдың 31 қаңтары мен 2 ақпаны аралығында Қызылорда облысының кей жерлерінде тұман, көктайғақ сақталып, шығыстан және оңтүстік-шығыстан соғатын желдің жылдамдығы 15-20 м/с дейін күшеюі  күтілетінін хабарлайды.

Осыған байланысты Қызылорда облысы Төтенше жағдайлар департаменті облыс тұрғындары мен қонақтарына қауіпсіздікті сақтау шараларына баса назар аударуын ескертеді.

 
ТАҒЫ ДА ҚАРАЛЫ КҮН...
30.01.2013 15:25

Тағы да ұшақ апаты. Бұған дейін де бір емес бірнеше мәрте орын ал­ған әуе апаты әуреге салған­ еді. Шека­ра қызметіне қарасты ұшақтардың апатынан соң ес жияр ма екенбіз деп ойлағанбыз. Жоқ, олай болмады. «Ә» дегеннен аузымызды күйдірген тосын жайттар «қырсық бір айнал­дырса, шыр айналдыр­ады» дегенді дәлелдеп бергендей. Бұл жолы аспан­да апатқа­ ұшыраған ұшақ - «SCAT» әуекомпаниясы» АҚ-ның №760 әуерейсін орындаушы «Challen­ger-200» ұшағы. «Көкшетау-Алматы» бағытында ұшып шыққан ұшақ Алматы облысы Іле ауданы, Қызылтау елді мекенінің маңында 13 сағат 13 минутта радардан жоғалып кеткен.

Оңтүстік Астана әуежайына 12 сағат 50 минутта қонуға тиіс 50 орындық әуе кемесінің бортында 16 жолаушы және 5 экипаж мүшесі болған. Олардың арасында екі жастағы сәби де бар. Кейбір дере­к көз­деріне сенсек, ұшақтың қонуына Алматы­ әуежайы рұқсат бермеген көрінеді. Тұмшалаған қалың тұманда жолынан адасқан ұшақ апатқа ұшыраған. Құқық қорғау органдарының таратқан мәліметіне сәйкес, Алматы қаласының әуежайына шамамен 5 шақырым жетпей құлаған ұшақтан тек 12 адамның ғана денесі бүтіндей табыл­са, қалған қаза тапқандардың мүрделері сәйкестендірілу үшін геномд­ық сараптамаға жіберілмек. Бүгінде оқиғаның анық-қанығын тексеру мақсатында құрылған арнайы комиссия апат салдарын анықтау үстінде. 21 адамның қаза табуына себепш­і болған CRJ 200 LR ұшағы 2000 жылы шығарылған. Әуеде 25 707 сағат ұшып, 22 975 рет жерге қонған. Соңғы рет жөндеуден 2011 жылдың 26 маусымында өткізілген. Ал ұшу жарамдыл­ығы ағымдағы жылдың 20 қыркүйегіне дейін деген мәліметтер анықталды.

Әуе кемесіне мініп ойда-жоқта қаза  тапқан  жолаушылардың  аты-жөндері толықтай зерделеніп, қазіргі күні туған-туыстарына көңіл айтылуда. Біз де марқұмдардың отбасылары мен ағайын-туыстарына қайғы­ларына ортақтасып, көңіл қосын білдіреміз.

Ал ертең  елімізде жалпыұлттық қаралы күн жарияланды.

Н.ҚАЗИҚЫЗЫ

 
ҚҰРМЕТТІ ҚЫЗЫЛОРДАЛЫҚТАР ЖӘНЕ ҚАЛА ҚОНАҚТАРЫ!
30.01.2013 08:49

Пайғамбарымыздың (Алланың оған игілігі мен сәлемі болсын) дүниеге келген айы мүбәрак болсын!

Осыған байланысты Сіздерді 2013 жылдың 9 ақпан күні Қызылорда облыстық Н.Бекежанов атындағы музыкалық драма театрда өтетін Мәуліт кешіне шақырамыз. Басталуы – сағат 11-де. Кіру тегін.

Пайғамбарымызға салауатты бірге айтайық!

Қызылорда облыстық «Ақмешіт-Сырдария» мешіті

 
ЖАҢАДАН ШАҒЫН АУДАН САЛУҒА БЕТБҰРЫС ЖАСАЛДЫ
30.01.2013 08:48

Облыс әкімі Қырымбек Көшербаевтың төрағалығымен кеше сәулет және қала құрылысы жөніндегі кеңестің кезекті мәжілісі өтті.

Үкіметтің 2009 жылғы қаулысымен бекітілген Қызылорда қаласының бас жоспарына сәйкес атқарылып жатқан және алдағы уақыттың еншісіне тиесілі жұмыстар туралы алдымен облыстық сәулет және қала құрылысы басқармасының бастығы Өмірбек Шәменов баяндама жасады. Бас жоспарда Сыр елінің бас шаһарын дарияның сол жақ бөлігіне қарай дамыту көзделген. Бүгінде әртүрлі құрылыс нысандарын салуға 1 532 га жер бөлініп отыр. Онда тұрғын үйлер мен басқа да зәулім ғимараттар бой көтермек. Сөйтіп, уақыт өткен сайын абаттанып, ажарланып келе жатқан қаламызда болашақта тағы бір жаңа шағын аудан пайда болады.

- Сондай-ақ газбен жұмыс жасайтын автономды жылу құбырлары салынады. Қорғаныс бөгеттері қаралған, - деді Ө.Шәменов.

Басқарма бастығы атап өткендей, жаңа ауданға электр жарығы оңтүстік және батыс подстанциялары арқылы жеткізіледі. Сырдария өзенінің үстінен көлік қатынасына ыңғайлы 4, жаяу жүргіншілерге арналған 2 көпір салу жоспарланған. Енді тек ол аумақтың геологиялық жағдайын зерттеу қажет. Қырымбек Көшербаев облыстық экономика және бюджетті жоспарлау басқармасына тиісті қаржыны тез арада бөлуді тапсырды. Соған сәйкес геологиялық тексеру жұмыстарын бірден бастау керек. Облыс әкімі сондай-ақ судан келер қауіпті ескермеуге болмайтынын қаперге салды.

- Қаншама құрылысты салғаннан кейін оны су шайып кетіп жатса, еңбектің зая кеткені. Онда бұл жоба емес, нағыз қылмыс болады. Сондықтан судан қауіп төнбейтініне көзіміз жетуі керек. Бізге кепілдік керек. Жердің жағдайын жіті зерттеп алмай, жұмыс басталмайды, - деп тиянақтады аймақ басшысы өз сөзін.

Қаланың қанат жайып, өсіп-өркендеуіне ынта білдіріп отырған жергілікті кәсіпкерлер баршылық. Мемлекет оларды қай кезде де қолдауға әзір. Облыс орталығының жақын перспективадағы даму мәселесін сөз еткен қала әкімі Мархабат Жайымбетов:

- Батырлар аллеясы жобасын жандандырсақ деген ойымыз бар. Бүгінде Достық, Шығармашылық үйлері бой түзеуде. Алдағы уақытта өнер адамдарына, спортшыларға арнап үй салуды жоспарлап отырмыз. Илья Ильин атындағы ауыр атлетика орталығының құрылысы да – алдағы уақыттың еншісінде, - деді.

Жиынды қорытындылаған облыс әкімі Қырымбек Көшербаев қаланы дамытуға мүдделі тиісті сала басшыларына алақандай ғана аймақтық бюджетке қарап отыра бермей, республикалық қаржы тайқазанынан үлес алуға ұмтылуды жүктеді.

Назерке  САНИЯЗОВА

 
<< Бірінші < Алдыңғы 861 862 863 864 865 866 867 868 869 870 Келесі > Соңы >>

Күнтізбе

< Маусым 2018 >
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары