Оқырманнан хат

Келіп кету есептегіші

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1030
mod_vvisit_counterКеше1906
mod_vvisit_counterОсы аптада12202
mod_vvisit_counterӨткен аптада15106
mod_vvisit_counterОсы айда40895
mod_vvisit_counterӨткен айда67488
mod_vvisit_counterБәрі4092824


Өзекті мәселелер

  • 17.10.19

    Қазақстан Республикасының Президенті Қасым-Жомарт Тоқаев Қазақстан халқына «Сындарлы қоғамдық­ диалог – Қазақстанның тұрақтылығы мен өркендеуінің негізі» атты алғашқы Жолдауын жариялаған­ы баршамызға белгілі. Сарапшылардың басым­  бөлігі бұл Жолдауға Қазақстан Республикасының Тұңғыш Президенті Н.Ә.Назарбаев айқындап берген саясаттың жалғасы деп баға беруде. Мұны еліміздің негізгі саяси бағыты с...

    Толығырақ...
  • 17.10.19

    Әнуар Дәуленбаев – 2016 жылдың наурыз айынан бастап №8 Төретам сайлау округі бойынша облыстық мәслихат депутаты. Өзінің сайлауалды бағдарламасында Байқоңыр қаласы мен Қармақшы ауданындағы кәсіптік білім беретін оқу орындарының базасын нығайтуға күш салатындығы туралы­  айтқан еді. Айтылған уәде бойынша мектепті жаңадан бітірген, тәжірибесі жоқ және жұмысқа орналаса алмай жүрген жастарды...

    Толығырақ...
  • 17.10.19

    Таңмен таласып, жұртпен жағаласып, кезекті күнімізді қарбаласпен бастап жатырмы­з. Бәрі де бір мақсатты күйттеп, бағыт алып барады. Біреуі жеке көлігімен, енді біреуі қоғамдық көлікпен кетпекші. Қолсағатыма қарасам, сабақтың басталуына­ небәрі 10-15 минутқа­ жетер-жетпес уақыт бар екен. Таксимен жеделд­етіп жетпек ниет­пен, тұрақта тұрған көліктің артқы есігін ашып, отыра кеттім. Тәуелсіздік да...

    Толығырақ...
  • 17.10.19

    «Сыбырлағанды да Құдай есітпей ме?» деген. Несіне жасырамыз, осыдан бірнеше жыл бұрынғы Қармақшының халін дүйім жұрт біледі. Экономикасы баяу, кәсіптің көзі жоқ, алға жылжиын десе халықта ынта болмаған еді. Мұндайда елдің есін жинайтын көреген басшы керек. Жұрттың да тілегені табылғандай, әуелі Жаратқанның, содан соң білікті басшылардың арқасында Қармақшы ауданында динамикалық өсу қарқы...

    Толығырақ...
  • 16.10.19

    Тәуелсіздік күні қарсаңында «Шіркейлі» арнасындағы көпірдің ашылу салтанаты өтеді... «7-20-25» бағдарламасы бойынша тұрғын үйлер халық игілігіне пайдалануға беріледі... Жыл басынан бері сәулет-құрылыс саласындағы заңнама талаптарын бұзған тұлғаларға 16 млн 822 мың теңге айыппұл салынған... 2019-2021 жылдары газдандыру жұмыстарына 22 млрд теңге қаржы бөлінеді...

Халық-хабар
ҚЫЗЫЛОРДА ОБЛЫСЫНЫҢ БЮДЖЕТІ НАҚТЫЛАНДЫ
18.10.2019 09:00

Облыс әкімі Қ.Ысқақовтың қатысуымен облыстық мәслихаттың 37-сессиясы өтті. Күн тәртібінде он жеті мәселе қаралды. Облыстағы жергілікті автомобиль жолдарының жайы және оны жақсарту шаралары, мүмкіндігі шектеулі балаларды әлеуметтік және медициналық-педагогикалық түзету арқылы қолдау шаралары мен 2016-2020 жылдарға арналған Қызылорда облысының даму бағдарламасын бекіту туралы баяндамалар тыңдалды.

2019 жылдың қаңтар-қыркүйек айларында өңір экономикасына тартылған инвестиция көлемі 264,1 млрд теңгені құрап отыр. Ауыл шаруашылығының жалпы өнімі – 80,4 млрд теңге, пайдалануға берілген тұрғын үйлер көлемі – 483,4 мың шаршы метр, құрылыс жұмыстарының көлемі – 115,9 млрд теңге, 2,3 есеге артқан. Сондай ақ, 9610 жаңа жұмыс орындары құрылған, оның 8918-і - тұрақты жұмыс орындары.

«Облыс бюджеті әлеуметтік бағыт-бағдарын сақтап келеді, бүгінгі бюджетті нақтылауда әлеуметтік салаға 1,3 млрдтеңге бағытталуда, яғни денсаулық сақтау, білім, спорт, мәдениет салалары біздің жұмыстың басты басым бағыттары болып қала береді. Сондай-ақ, ағымдағы жылдың 9 айының қорытындысымен өнеркәсіп өндірісін есептемегенде өңір экономикасын сипаттайтын барлық макрокөрсеткіштер бойынша өсім қамтамасыз етілді. Өздеріңіз білетіндей, өнеркәсіп өндірісінің 70%-ға жуық үлесін алып отырған мұнай өндіру көлемі жыл сайын кемуде. Есепті кезеңде 4,2 млн. тонна мұнай өндіріліп, өткен жылдың сәйкес кезеңіне қарағанда 584,9 мың тоннаға немесе 12 пайызға азайды. Дегенмен, өнеркәсіп саласындағы жағдайды қалыпқа келтіру және бұл салада да өсімді қамтамасыз ету үшін өңір экономикасын әртараптандыруды қолға алдық. Ағымдағы жылы Индустрияландыру бағдарламасы шеңберінде балық өңдеу зауыты, күйдірілген кірпіш өндірісі және де күрішті өңдеу, құрама жем өндірісі іске қосылатын болады», - деді аймақ басшысы Қуанышбек Ысқақов.

Сессия барысында облыс әкімі Қ.Ысқақов аймақтағы соңғы уақытта орын алған қоғамдық-саяси маңызды шараларға тоқталды.

Қыркүйек айында  ҚР Премьер-Министрі Асқар Ұзақбайұлы Мамин Байқоңыр қаласында жұмыс сапарымен болып, кездесудің нәтижесі – келесі жылы Байқоңыр қаласында тағы 50 пәтерлік 5 үйдің құрылысы жүргізілмек. Ал,  ауыл шаруашылығы дақылдарын жинау науқанын толығымен аяқталып,  ел тарихында күріш өндіруден рекордтық көрсеткіш биыл тағы да жаңаланып  87,9 мың гектар күріштің әр гектарынан 60,3 центнерден өнім алынып, қамбаға 530,5 мың тонна Сыр маржаны құйылған.  Сонымен, 2019 жылдың 3 маусымында бас жобалаушы «Жоба» ЖШС-мен «Түркістан қаласындағы халыққа қызмет көрсету кешені (Шығыс моншасы)» жоба-сметалық құжаттамалары әзірленіп, құрылыс жұмыстары жүргізілуде.

 

Облыс әкімінің баспасөз қызметі

 
ҚАНША ҚАРЖЫ ҮНЕМДЕЛЕДІ?
16.10.2019 14:20

Осы күні облыстық басқарма басшылары өңірлік коммуникациялар қызметінде ҚР Президенті Жолдауынан туындаған міндеттер туралы және алдағы жоспарлары жайында баяндама жасауға лек-легімен ағылып жатыр. Жаңа апта басталған шақта облыстық цифрлық технологиялар басқармасының басшысы Нәби Даужанов та БАҚ өкілдеріне арналған брифингте төбе көрсетті.

Өткен жылы өңірді цифрландыру аясында 3,5 млрд теңге қаржыға 29 жоба толық жүзеге асырылса, биыл «Ақылды» қалалардың эталондық стандартына сәйкес 9 бағыт бойынша («Білім беру», «Денсаулық сақтау», «Көлік», «Қауіпсіздік», «ТКШ», «Қалалық басқару», «Экология», «Ауыл шаруашылығы» және «Әлеуметтік сала») жалпы сомасы 13,322 млрд теңгеге 28 жоба қолға алынған. Нәтижесінде аталмыш жобаның 8-і толық аяқталып, 11-і жыл соңына дейін жүргізіледі. Ал, қалған 9-ы 2020 жылы жалғасын табады.

«Қауіпсіздік» бағыты бойынша тұрғындардың қауіпсіздігін қамтамасыз ету, көшелерде және қоғамдық орындарда қылмыстар мен әкiмшiлiк құқықбұзушылықтардың алдын алу, сондай-ақ қылмыстық iс-әрекеттердiң ашылуына жәрдемдесу, қылмысты төмендету мақсатында Қызылорда облысының полиция департаментімен қала аймағына 1400 дана бейнебақылау камералары орнатылатын болады. Жоба мемлекеттік-жекешелік әріптестік механизмі аясында істеледі.

«Қалалық басқару» бағытында «109-бірыңғай байланыс орталығы» (бұдан әрі – «109-ББО») жобасы жүзеге асырылуда. «109-ББО» жобасы тұрғын үй-коммуналдық шаруашылығы мәселелері бойынша өтініштер мен шағымдарды тәулік бойы қабылдауға бағытталған. Өтініштер мен шағымдарды «109» қысқа нөмірі, сайт (онлайн-консультант), мобильдік қосымша, Telegram-бот және электрондық пошта арқылы қабылдау мүмкіндігі қарастырылады. Аталған жобаларға облыстық бюджеттен 183,2 млн теңге қаражат бөлінген.

- «Білім беру» саласында цифрлық мемлекетке көшу бойынша 2019 жылы көрсететін мемлекеттік қызметтерді автоматтандыру жұмыстары жүргізілді. Оның ішінде, техникалық және кәсіптік білім берудегі оқу процесін автоматтандыру (http://college.smartnation.kz), тегін және жеңілдікпен тамақтануды ұсыну қызметі, білім алушылар мен тәрбиеленушілердің жекелеген санаттарына қала сыртындағы және мектеп жанындағы лагерьлерде демалуға жолдамалар беру, тегін тасымалдауды ұсыну (http://mektep.smartnation.kz) мемлекеттік көрсетілетін қызметтері қамтылған.

Сыбайлас жемқорлық тәуекелдерін болдырмау үшін білім беру саласындағы қызметкерлерді жұмысқа алу бойынша жоба іске асырылды, яғни білім саласындағы бос жұмыс орындары http://jumys.smartnation.kz сайтында жарияланады және түйіндеме қалдыру, психологиялық және педагогикалық сынамадан өту, әңгімелесу сайт арқылы онлайн түрде жүзеге асырылады, - деді Нәби Тоқмырзаұлы.

«Денсаулық сақтау» бағыты бойынша медициналық анықтамалардың шынайылығын қамтамасыз ету мақсатында 4 медициналық анықтама түрі автоматтандырылып (086/у, 083/у, 095/у және еңбекке жарамсыздық парағы), QR-код енгізілген. Анықтама түпнұсқалығын «Дамумед» мобильді қосымшасы арқылы тексеруге болады. Бұл жоба денсаулық сақтау ұйымдарында сыбайлас жемқорлықтың алдын алуға мүмкіндік бермек.

«Көлік» саласын цифрландыру бойынша жолаушылардың автобустарды күту уақытын үнемдеу, жолаушыларға қызмет көрсету сапасын жақсарту, автобустардың жұмыс уақытын, қозғалыс жылдамдығын, жиілігінің сақталуын қадағалау мақсатында қаланың қоғамдық көліктеріне электронды билет жүйесін желтоқсан айында пилоттық режимде енгізу жоспарланған. Сонымен қатар, жыл соңына дейін Қызылорда қаласындағы аялдамаларға 26 ақпараттық табло және 20 өткелге «Ақылды жаяу жүргіншілер өткелі» орнатылмақ.

«Экология» саласында «Табиғат пайдаланушыларының есебін қабылдау» электронды жүйесі енгізілген (https://emission.orda.gov.kz). Бұл жүйенің баламасы республиканың басқа өңірлерінде жоқ. Жоба аясында барлық табиғат пайдаланушылар (оның ішінде барлық кәсіпкерлік субъектілері, мемлекеттік қатысуы бар заңды тұлғалар және т.б.) облыс орталығына келмей тоқсан сайынғы қоршаған ортаға шығарылатын нақты эмиссиялар және қоршаған ортаны қорғау жөніндегі іс-шаралар жоспарын орындау туралы есептерін жүйеде электрондық цифрлық қолтаңба арқылы тапсыру мүмкіндігіне ие болды.

- Есептерді қабылдаудың электронды жүйесі арқылы орташа есеппен бюджет қаражатынан жылына 32-36 млн теңге үнемделеді. ҚР Цифрлық даму, инновациялар және аэроғарыш өнеркәсібі министрлігінің тапсырмасына сәйкес, қараша айында «Астана Хаб» халықаралық ІТ стартаптар технопаркімен бірлесіп аймағымызда «Роуд Шоу» және «Цифрлық Қазақстан» мемлекеттік бағдарламасын іске асыру аясында «Цифрландыру күні» іс-шарасын ұйымдастыру жоспарланып отыр, - деді облыстық цифрлық технологиялар басқармасының басшысы Нәби Даужанов.

Сондай-ақ, басқарма «Роуд Шоу» іс-шарасында «Астана Хаб» өкілдерімен ІТ компаниялар, жеке бағдарламалық өнім өндірушілер, мемлекеттік мекемелер мен ұйымдар, әлеуетті демеушілерді стартап жобаларға тарту бойынша тәжірибе алмасуды жоспарлап отыр.

Рыскелді  СӘРСЕНҰЛЫ

 
Намысты Назым әкесінің кәсібін қайта жандандыруда
16.10.2019 14:10

Назым Анарбекқызы «Бизнес-кеңесші» жобасын оқып, әкесінің кәсібін қайта жандандыруды қолға алды.

Қызылордалық Анарбек Күнтуаров осыдан 7 жыл бұрын жаяу жүргіншілер жолына төсеуге арналған брусчатка шығаруды қолға алады. Сол кезде кәсібі өрлеп, осы өнімді шығарудың қыр-сырын игеріп алады. Бірақ белгілі себептерге байланысты жұмысы тоқтап қалады. Бұл жолы көмекке қызы Назым келеді. Ол жұмыссыз болғандықтан «Бизнес-кеңесші» жобасын оқып, отбасылық бизнесті қайта жандандыруды қолға алады. Назымның жобасын Кәсіпкерлер палатасының мамандары әзірлеп береді. Одан әрі жобамен танысқан «Қызылорда» Өңірлік инвестициялық орталығы оны жүзеге асыру үшін 10 млн теңге жеңілдетілген несие береді.

«Қызым: «Осы кәсіпті қайта жандандырайық. Әке, басында ие болып тұрсаңыз, қалған ұйымдастырушылық жұмыстарды өзім атқарамын», - деген соң бұл ісімізді қайта қолға алдық. Үйімізде бұл кәсіпті жасау ыңғайсыз болды. Тарлық етті. Сонымен өнімділікті арттыру үшін өзге жерден бокс салдық, әрі өнімдерді тұтынушыға жеткізіп беру үшін жүк көлігін алып, жұмысымызды бастап жатырмыз», - дейді жас кәсіпкердің әкесі Анарбек Күнтуаров.

Күнтуаровтар отбасы қазір брусчатканың 6 түрін, көбіне сұранысқа ие түрлерін құйып жатыр екен. Одан өзге жаңа түрлерін де нарыққа әзірлеуде. 5 адамды жұмыспен қамтып отыр.

Жұмысшылар цементті әбден араластырып, қажетті түстерге бояйды. Содан соң түрлі пішіндердегі қалыптарға құйып, арнайы аппаратпен тығыздайды. Бұл жұмыстың барлығы тапсырыс берушінің қалауы бойынша жасалады. Одан бөлек өндіріс орнында жұмысшылар газоблок құюмен де айналысады. Шағын өндірісте тапсырысқа орай, күніне 50 шаршы метр брусчатка немесе 250 дана газоблок шығарады. Бағасы да көңілге қонымды. Брусчатканың 1 шаршы метрі 1700 теңгеден басталады.

Айта кету керек, биылғы жылдың өзінде «Қызылорда» Өңірлік инвестициялық орталығы арқылы жалпы құны 1 млрд 576 млн 400 мың теңгені құрайтын 397 жоба қаржыландырылды. Жеңілдетілген несие кәсіпкерлерге немесе кәсібін бастаймын деген жандарға 6-10 пайызбен берілуде.

Қызылорда облысы

кәсіпкерлер палатасының баспасөз қызметі

 
ӨРТ СӨНДІРІЛДІ
16.10.2019 14:05

2019 жылғы 15 қазанда 18 сағат 02 минутта «112» нөміріне Қызылорда қаласы КБИ мөлтек ауданы Мұнайшы көшесі №7 үйден өрт шыққандығы жөнінде хабарлама келіп түсті. Оқиға орнына 18 сағат 09 минутта өрт сөндіру қызметінің бірінші жауынгерлік есебі барлау жұмыстарын жүргізу барысында ауданы 41 шаршы метр болатын үй ауласындағы сарай және гараж жанып жатқаны анықталды. Оқиға орнында өрт сөндіру Қызметінің жылдам және нақты іс-қимылының нәтижесінде жанып жатқан тез жанғыш сұйықтық дизелді жанар-жағармайы 19 сағат 05 минутта оқшауланып, 19 сағат 23 минутта толығымен сөндірілді.

Өртті сөндіруге барлығы 26 жеке құрам, 6 бірлік техника, электр тораптарын тарату мекемесінен 3 қызметкер, 1 бірлік техника, жергілікті полиция қызметінен 10 қызметкер және 3 бірлік техника, Апаттар медицина орталығынан 4 қызметкер, 1 бірлік техника жұмылдырылды. Өрт салдарынан зардап шеккендер мен қаза болғандар жоқ. Қазіргі уақытта өрттің шығу себебі анықталуда.

 

Қызылорда облысы ТЖД Өрт сөндіру және авариялық құтқару қызметі

 
«Абай Дәулетке» дауыс берейік!
16.10.2019 14:00

11-12 қазан күндері Нұр-Сұлтан қаласында өткен республикалық «Қазақстанның үздік тауары - 2019» көрме-байқауына қатысқан 153 компанияның ішінде 27 отандық тауарөндіруші финалдық кезеңге өтті.

Қызылорда облысынан «Абай Дәулет» ЖШС «Үздік азық-түлік тауарлары» номинациясы бойынша финалдық кезеңге жолдама алып отыр. Кеше, яғни 15 қазан мен 25 қазан аралығында онлайн дауыс беру кезеңі өткізіліп, нәтижесімен жеңімпаздар анықталады.

Жергілікті тауарөндірушіміз жеңімпаз атансын десек, төмендегі сілтемеге өтіп, белсенді дауыс берейік https://golos.altynsapa.kz/

Айта кетейік, «АБАЙ ДАУЛЕТ» ЖШС 2016 жылы құрылған. Жұмысшылар саны – 80. Кәсіпорын директоры – Сарсенбаев Мұрат Абайұлы. Кәсіпорынның басты кәсібі – күріш өңдеу. Шаруашылықта заманауи, жоғары автоматтандырылған күріш зауыты бар, Бесарық және Байтабын шаруашылықтары жаңа прогрессивті технологияларды және техникалық жаңаруды қолдану арқылы күріш өнімділігін тұрақты түрде арттыра отырып күрішпен қамтамасыз етуде. Жыл сайын нарыққа шығатын өнім көлемі артып келеді. Күріштің бірнеше түрлерін өндіреді. Жақында сағатына 7 тоннадан астам өнім өндіретін жаңа зауытты іске қосты. Кәсіпорында қалдықсыз өндіріс жолға қойылған. Күріш қалдықтарын жем дайындауға пайдаланады. Өнім Қазақстанның барлық облыстары мен ТМД елдеріне экспортталады. Шаруашылық күріш өндірумен бірге төрт түлік мал өсірумен де айналысады. Шаруашылықтағы қошқарлардың салмағы 140 келіге дейін барады. Ал аналықтары 70-80 келіге жетеді. Жылына 110-120 төл алып отыр. Түйе саны 60 басқа жеткен. Күніне 150 литр шұбат дайындалып, облыс орталығына жөнелтілуде. «Абай Дәулет» серіктестігінде мал азығы да дайындалады. Сағатына 3 тонна өнім өндіретін шағын зауыт жұмыс істеп тұр. Кәсіпорын басшысы бизнестің әлеуметтік жауапкершілігін жоғары ұстанады. Шаруа қожалығы орналасқан елді мекендерді абаттандыру, асфальттау, әлеуметтік нысандарға күрделі жөндеу жұмыстарын жүргізу, демалыс орындарын қалыпқа келтіру, спорттық-мәдени шараларға демеушілік жасау, мектепке жаңа спорттық құрал-жабдықтар алу сияқты бірқатар жұмыстарды абыроймен атқарып келеді.

Қызылорда  облысы

кәсіпкерлер  палатасының  баспасөз  қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қазан 2019 >
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары