Өзекті мәселелер

  • 20.06.19

    ЕКІ  ЕСАЛАҢ

    Ол түнімен «Нақұрыстың өмірін» оқып шықты. Автордың жан дүние­сіне үңілді. Жаңбырдан соң ауаның балғындығын бүкіл тамырымен сезі­не­ отырып, тәтті қиялға берілді. Кенет, шулаған ессіз қыздардың ащы күлкісіне жиіркене қарады. «Олар айтқан жайтта қандай күлуге тұрарлық мән бар екен» деп ой алабына  сүңгіді. Күнде теріскей жақтан­ ке...

    Толығырақ...
  • 20.06.19

    Қазақ өз ұрпағына қашанда жақсы тәлім, өнегелі тәрбие беруден жалыққан емес. Тіпті тәрбиенің бір бастауы­н бесіктен­ бастап, оның ата-анасының да жауапкерш­ілігін жүктеп отырған. Бүгінде осы ұлы мін­детті жартылай да орындай алмай жүргендер бар.

  • 20.06.19

    «...Бізге керегі шын дарындар. Мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті». Иә, талантты да дарынды жастар – елі­міздің бетке ұстар мақтаныштары. Оны  жоғарыда айтылған Тұңғыш президентіміз Н.На­зар­баевтың сөзінен айқын байқауға болады. Жас ұрпақтың келешекке нық қадам басуы­ – қоғам үшін маңызды да жауапты күш. Еңсесін тіктеп келе жатқан ел...

    Толығырақ...
  • 20.06.19

    Жетімдер үйі.

    Аида бүгін алғаш рет жетімдер үйіне келді. Әрине, өзінің қалауымен емес. Күнкөріс қамымен жұмыс істеп, ақша табу үшін амалсыздан жетімдер үйіне жұмысқа тұрды.

    Бүгін, міне, оның жаңа жұмысына келген алғашқы күні. Шыны керек­, аяғы есікке қарай өз еркінсіз әлсін-әлсін беттеп келеді. Ішіне кіруге  зауқы жоқ. Бірақ амалы­ бар ма? Қазіргі сәтте оның отбасындағы қаржылық...

    Толығырақ...
  • 20.06.19

    «Апа, Болатбек неге көзін ашпайды?». Жалғыздық мұңы кеп қамағанда өндірдей қыздың жалынышты дауысын естимін. Көкпеңбек болып ісіп-кеуіп кеткен кіш­кентай інісін «Тұр! Неге көзіңді ашпайсың? Жүр ойнаймыз» деп жұлқылап жатқан жалбыр шашты қызды аяймын. Күнде бірге ойнап жүрген тентек інісін оята алмай, жұдырықтай жүрегі әлдебір жаманшылықты сезіп, анасы мен әкесіне жаутаңдап қарайды. Әкесі бетін ...

    Толығырақ...
Халық-хабар
ҚАРМАҚШЫЛЫҚ ТҮЛЕКТЕРГЕ АТТЕСТАТ ТАБЫСТАЛДЫ
17.06.2019 11:15

Жосалы кенті орталығындағы іргелі білім ордасы Т. Көмекбаев атындағы №250 мектеп-лицейінің түлектеріне аудан әкімі Сұлтан Мақашов арнайы барып, аттестат тапсыру шарасына қатысты.

Жас түлектерге аудан басшысы Сұлтан Ысқақұлы алдағы өтетін ұлттық бірыңғай тестілеу сынағынан жоғары көрсеткіштерге қол жеткізіп, мамандық таңдаудағы маңызды қадамдарына ақ жол тілеп, ата-аналар мен ұстаздар қауымын құттықтады.

Т. Көмекбаев атындағы №250 мектеп – лицейде бүгінгі таңда 100-ге жуық жас түлек сапалы білім саналы тәрбие алса, оның ішінде 7 түлек «Алтын белгінің» және 1 түлек «Үздік аттестаттың» иегері атанды.

Қазіргі таңда ауданымызда мемлекеттік аттестаттаудың қорытындысы бойынша 484 мектеп бітірушінің 25-і «Алтын белгі», 17 түлек «Үздік аттестаттың» иегері болып отыр.

Қазіргі таңда кемел білім мен ғылымды басты бағдар еткен елімізде, әр азаматтың білім алып, қалыптасуына қажетті барлық жағдай жасалған.


Соның нақты көрінісі, бүгінде аудан мектептерінің материалдық -техникалық базасын нығайту, білім беру сапасын арттыру, жаңа технологияларды енгізу бағытында ауқымды жұмыстар жасалуда.

 

Қармақшы ауданы әкімінің баспасөз қызметі

 
МЕДИЦИНА КӘСІБІ – АДАМЗАТТЫҢ АСЫЛЫ
17.06.2019 11:00

Арал ауданында медицина қызметкерлерінің кәсіби мерекесі кең көлемде аталып өтті. Аудандық мәдениет орталығында өткен «Медицина кәсібі – адамзаттың асылы» атты салтанатты шара шымылдығы бір топ сала қызметкерлерінің орындауындағы «Жан қорғаны дәрігер» атты әсем әнмен түрілді.

Денсаулық сақшыларының басын қосқан мерекелік жиынды аудан әкімінің орынбасары Б.Жұмағұлов ашып, медицина қызметкерлерін төл мерекесімен құттықтай келе, ауданымыздағы денсаулық саласындағы бірқатар жетістіктерді атап өтті.  Бұдан кейін ұзақ жылдар бойы медицина саласында жемісті еңбек етіп келе жатқан бірқатар сала үздіктеріне аудан әкімінің алғыс хатын табысталып, аудандық аурухананың бас дәрігері М.Ршымбетов әріптестерін мерейлі мерекесімен құттықтап, жылы лебізін жолдады.

Салтанатты шара одан әрі аудан өнерпаздарының мерекелік концертімен өрілді.

Атап өту қажет, аудандағы өткен жылдың басты жаңалықтарының бірі – заманауи медициналық аппараттармен, медициналық және кеңселік  жиһаздармен жабдықталған жаңа 150 аудандық орталық аурухананың пайдалануға берілуі. Жаңа аурухана Жапония, АҚШ, Германия, Ресей, Ұлыбритания елдерінің емдеу-диагностикалық құрал-жабдықтарымен қамтылған. Мұнан өзге, мемлекеттік-жекешелік әріптестік аясында 3 елді мекеннен медициналық пункт (Ақбай, Тастақ, Сазды), 1 елді  мекеннен фельдшерлік акушерлік  пункт (Жаңақұрылыс) және 1 елді мекеннен дәрігерлік амбулатория (Бекбауыл) салу жұмыстары толығымен аяқталып, пайдалануға берілген.

Бұған қоса, арнайы медициналық жабдықтары бар реанимобильді автокөлігінің алынуы жағдайы ауыр науқастарды облыс орталығына жеткізу жұмысын жеңілдетсе, Қамыстыбас, Қарақұм, Аманөткел дәрігерлік амбулаторияларына жаңа медициналық жедел жәрдем автокөліктері беріліп, елді мекен тұрғындары игілігін көруде.

Мұнымен бірге, ауданның денсаулық сақтау саласын білікті мамандармен қамту, олардың біліктілігін көтеру мақсатында Арал ауданынан 2 дәрігер Татарстан Республикасының Казань қаласына барып, тәжірибелік білім жетілдіру орталығынан оқып келді.

Ал, биылғы жылы  ауданымызға қарасты Сексеуіл кентінде жоба-сметалық құны 817 млн 383 мың теңгені құрайтын 40 төсектік аурухана құрылысын бастау жұмыстары жүргізілуде. Сондай-ақ, Қосаман және Шөмішкөл елді мекендерінен мемлекеттік-жекешелік серіктестік аясында медициналық бекетке бейімделген ғимараттты сатып алу жоспарланып отыр.

Арал ауданы әкімінің баспасөз қызметі

 
ҚАЗАЛЫДА КАФЕЛЬ КЛЕЙІ ШЫҒАРЫЛАДЫ
13.06.2019 12:25

Қазекеңнің «желімше жабысып» деген теңеуін естіген шығарсыз?! Мәнісі баршаға түсінікті болар. Алайда бұл жолғы айтқымыз келгені басқа нәрсе. Жақсы жаңалықты көпшілікке паш етуге тырысатын дағдымызбен көрген-білгенімізді оқырмандарға жеткізуге асықтық.

Өзге көршілермен салыстырғанда Қазалының кәсіпкерлік саласында біршама өзгешелік бары әмбеге аян. Әсіресе, сауда-саттық қарқынды дамыған. Мұны әсем де талапқа сай жабдықталған базарларынан аңғару қиынға соқпайды. Бір сүйсінерлігі, соңғы кездері алуан бағыттағы жаңаша үрдісті түрлі цехтар ашылып, тұрғындарға сапалы қызмет түрін ұсынуда.

Жуырда пайлалануға берілген жоғары сапалы кафельге арналған клей шығаратын шағын цех сөзімізге нақты дәлел болады. Қай жұмысты да бастау оңайға соқпайтыны, шаруа алға басуы үшін қаражат қажеттілігі өзінен-өзі түсінікті. Бұл тұрғыда Жанқожа батыр ауылының тұрғыны Алмагүл Төлепованың айы оңынан туғандай. «Ауыл шаруашылығын қаржылай қолдау қоры» АҚ арқылы 3,5 млн теңге несие алған ол жоғарыда айтылған кәсібін батыл бастап та кетті. Көзі қарақтылардың пікірінше, жаңа өнімнің тиімділігі зор екеніне дау жоқ.

Цехқа қажетті құрал-жабдықтар, қондырғыларды Шымкент қаласынан алдырған кәсіпкер келіншек өнім сапасын басты назарға ұстаған. Осылайша арнайы аппараттың көмегімен әбден тазаланып еленген шеге құм, цемент, мрамор ұнтағы және вексула деген арнайы қоспаны қосу арқылы құрылыста кеңінен пайдаланылатын сыйымдылығы 25 келіні құрайтын «Мерей строй» деген жазуы бар қаптамаларға салынған клейді жасап шығарады.

– Бәсекелестік – нарық талабы. Тұрақты тұтынушыларымыздың санын көбейту үшін өнім сапалы, бағасы тиімді болуы шарт. Біз осы мақсатты ұстанамыз. Жергілікті жерде дайындалған өнімнің бағасы базардағыдан әлдеқайда арзан. Бүгінгі күні цехта 3 адам еңбек етеді. Баршасы сынақ бойынша қабылданған. Мамандардың білікті әрі өз ісін жетік білуі басты назарға алынған. Жұмысшылар Шымкенттен арнайы келген мамандардан дәріс алды. Алдағы уақытта өнім ауқымын, түрін ұлғайтып, облыстың өзге аудандарын да қамтысақ деген ойымыз бар, - дейді жеке кәсіпкер.

Оған қоса аталмыш цехта үйдің сыртын сылауға қажетті сәндік сылақ та (дождик) дайындалады. Өнімге сұраныс өте жоғары. «Талаптыға нұр жауар» деген. Талап оң болсын!

Жұмабек  Табынбаев,

Қазалы  ауданы

 
СЫР САХНАСЫНДАҒЫ «ҚҰСТАР ФЕСТИВАЛІ»
12.06.2019 17:00

Мәдениет майданындағы сүбелі үлесіміздің бірі – театр. Шын таланттарды тоғыс­тыратын өнер ордасының тарихы­ тереңде. Жазушы Жүсіпбек Аймауытов айт­қандай  «... театр­ ермек емес, көңіл көтеру де емес, ол – үлгі, ол – тәрбие, ол – өнер орны». Иә, рас, себебі онда ізгілік пен махаббат, зұлымдық пен қиянат секілді қасиеттердің арақашықтығы көрсетіледі.

Өткен аптада Қызылорда облыстық Нартай Бекежанов атындағы қазақ музыкалық драма театрында алғаш рет ұйымдастырылған драматург Д.Исабековтың «Құстар фестивалі» мюзиклының премьерасы көрсетілді. Фестивальде Қазақстанның еңбек сіңірген әртісі Бақытбек Алпысбай мен Қазақстанның еңбек сіңірген қайраткері Кәмила Әбжанова бастаған мәдениет қайраткерлері және сол саланың үздіктері өнер көрсетті. Спектакльді көрермен назарына ұсынған – Ш.Айтматов атындағы Халықаралық сыйлықтың лауреаты, Шымкент қалалық өзбек театрының бас режиссеры Қуандық Қасымов. Әйгілі драматургтың бұл шығармасының идеясы тың, мазмұны бөлек.

Жалпы, фестивальдің мақсаты – өнер саласындағы әділетсіздік пен бойкүйездікті, адамдар арасындағы алауыздықты құстар әлемінде бейнелеу. Туындыда 90-жылдардың аяғы мен 2000 жылдардың басындағы аумалы-төкпелі кезең көрініс тапқан. Қойылымның шиеленісті тұсы – бұлбұлдың тасада қалып, қарғаның топ жарып алдыға шығуы. Иә, дарынды өнерпаздың жолын кесетіндер әрдайым болады. Бірақ, шын таланттың жолын қанша бөгегенмен, оның бағын байлау мүмкін болмайды. Автор да бұлбұл мен қарғаның арасындағы өшпенділікті шебер суреттеген. Ал адамдар арасындағы пендешілікті құстар әлемінде жеткізу кімге болса да ой салары анық.

Кешті театрдың көркемдік жетекшісі, Қазақстанның еңбек сіңірген қайраткері Хұсейн Әмір-Темір қорытындылады. Ол спектакльге атсалысқан жандарға өз ризашылығын білдірді.  Бір қойылымның өзінде қаншама адамның еңбегі жатыр. Сахнаның безендірілуі, әдемі костюмдер, талантты өнерпаздар барлығы керемет үйлесім тапқан. Құстардың әрекеті арқылы астарлы ақиқатты жеткізген қойылымды көруге асыққан қала тұрғындары да әсем әннің, кереметтей мюзикл жанрының құдіретіне тәнті болып қайтты. Осылайша зұлымдықты сынап, адамдарға ізгілік пен имандылық жолын көрсеткен спектакльдің мәні мен мазмұны толықты.

Қорыта келе, өмір мен сахнаны байланыстыратын театр өнерінің әлі де бағындырар белесі көп. «Театр – адамдарды туыс қылатын шығармашылық отбасы» деп халық әртісі Шәкен Айманов атамыз айтқандай, халық үнемі рухани құндылықтарға бай мекеннен сабақ алып отырса, қазақ өнерінің шоқтығы биіктеп, мәдениетіміздің керегесі кеңейіп, театр әлемінің шаңырағы көкке көтеріледі.

Аружан  МЫРЗАЛЫҚЫЗЫ,

Қорқыт ата атындағы

ҚМУ-дың 2-курс студенті

 
Қызылордада 27 кәсіпкер «Қазақстанның үздік тауары» көрме-конкурсына қатысуға ниет білдіруде
12.06.2019 16:00

Кәсіпкерлер палатасының алаңында ҚР Президентінің «Алтын сапа» сыйлығы мен «Қазақстанның үздік тауары» көрме-конкурсына қатысушыларға арналған оқыту семинары өтті.

Айта кету керек, бүгінгі күнге дейін «Қазақстанның үздік тауары» өңірлік  көрме-конкурсына қатысуға 27 кәсіпкер өтініш берді. Құжат қабылдау 1 шілдеге дейін жүргізіледі.

Семинарды «Атамекен» ҰКП Әлеуметтік бастамалар департаментінің директоры Салтанат Әбдікәрімова жүргізді.

Шара барысында «Атамекеннің» өкілі «Алтын сапа» мен «Қазақстанның үздік тауары» көрме-конкурсына қатысу талаптарымен жан-жақты таныстырып өтті.

Бүгін назарларыңызға «Қазақстанның үздік тауары» көрме-конкурсын өткізу және дипломант атағын беру қағидаларымен таныстырып өтпекпіз.

Конкурсты ұйымдастырушылар: республикалық конкурсты ұйымдастырушы «Атамекен» Ұлттық кәсіпкерлер палатасы, өңірлік конкурсты ұйымдастырушы облыстық кәсіпкерлер палатасы.

Конкурстың негізгі мақсаттары:

- жеке және заңды тұлғалардың отандық өнімнің сапасын арттыруға бағытталған қызметін жандандыру;

- Қазақстан нарығын жоғары сапалы және бәсекеге қабілетті өніммен толықтыруға жәрдемдеу;

- отандық және халықаралық стандарттар негізінде сапаны басқару мен қамтамасыз етудің қазіргі заманғы әдістерін кеңінен енгізуге алғышарттар жасау және оған жәрдемдесу;

- сапа проблемаларын шешу қажеттілігіне өнеркәсіптік, коммерциялық және қоғамдық ұйымдардың назарын аудару;

- халық арасында сапа идеясын насихаттау болып табылады.

Конкурсқа қатыса алады:

- Қазақстан Республикасының аумағында өнеркәсіптік, азық-түлік тауарларын және өндірістік-техникалық мақсаттағы өнімдер өндіруді жүзеге асыратын;

- өнім сапасының тұрақты жоғары деңгейін және оны жүйелі түрде жақсартуды қамтамасыз ету жөнінде конкурсты ұйымдастырушы растаған оң нәтижелері бар дара кәсіпкер немесе заңды тұлға конкурсқа қатысушы бола алады.

Конкурсқа қатысуға ниет білдірген заңды тұлға немесе дара кәсіпкер Қазақстан Республикасының Үкіметі бекітетін «Қазақстанның үздік тауары» өңірлік және республикалық көрме-конкурстарына ұсынылатын материалдар мен өнімді ресімдеу, беру және алдын ала сараптамалық бағалау қағидаларына сәйкес материалдарды ресімдейді және конкурсты ұйымдастырушыға береді.

Конкурс үш номинация бойынша жүргізіледі:

- «Өндірістік мақсаттағы үздік тауарлар»;

- «Халыққа арналған үздік тауарлар»;

- «Үздік азық-түлік тауарлары».

Әр номинация бойынша үш жеңімпаз айқындалады.

Конкурс төрт кезеңмен жүзеге асырылады:

- бірінші кезеңде конкурсқа қатысуға өтінімдер қабылдау, материалдар мен өнімдерді сараптамалық бағалау жүзеге асырылады. Өңірлік конкурстарды ұйымдастырушылардың шешімімен құрылған сараптамалық топ өңірлік конкурстардың 9 жеңімпазын анықтайды. Өңірлік конкурстарды ұйымдастырушылар республикалық конкурсты ұйымдастырушыға өңірлік конкурс жеңімпаздарының қажетті құжаттарын жібереді.

- екінші кезеңде материалдар мен өнімдерді сараптамалық бағалау республикалық деңгейде жүзеге асырылады. Республикалық конкурсты ұйымдастырушының шешімімен құрылған сараптамалық топ үш номинация бойынша 27 финалисті айқындайды;

- үшінші кезеңде 27 финалист онлайн-дауыс беруге қатысады;

- төртінші кезеңде республикалық конкурсты ұйымдастырушы 27 финалистің материалдарын алдын ала қорытындыларымен және онлайн-дауыс беру нәтижелерімен бірге Комиссияның қарауына ұсынады.

Комиссия ұсынылған материалдар негізінде 9 конкурсқа қатысушыға «Қазақстанның үздік тауары» республикалық көрме-конкурсы дипломанты атағын беру туралы шешім қабылдайды.

Алдын ала қорытындының нәтижелері бойынша балл тепе-тең түскен жағдайда, жеңімпаз онлайн-дауыс беру арқылы айқындалады.

Конкурс жеімпаздарына берілетін стимулдар:

- Конкурс дипломанттары «Қазақстанның үздік тауары» республикалық көрме-конкурсының эмблемасымен және дипломымен марапатталады.

- Конкурс дипломанттарының тізімі бұқаралық ақпарат құралдарында жарияланады.

- Конкурс дипломанттары конкурстың эмблемасын жарнамалық мақсатта төрт жыл бойы пайдалану құқығын алады.

Барлық туындаған сұрақтар бойынша Кәсіпкерлер палатасының Жобаларды сүйемелдеу бөлімінің сарапшысы Гүлдана Таңатовамен байланысуды ұсынамыз. Байланыс құралдары:  тел.: 8(724)2-40-09-81 (вн.4311), e-mail: Бұл e-mail спам-боттардан қорғалған, оны көру үшін сізде Javascript қосулы болу керек

Қызылорда облысы

кәсіпкерлер палатасының баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Маусым 2019 >
          1 2
3 4 5 6 7 8 9
10 11 12 13 14 15 16
17 18 19 21 22 23
24 25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары