Өзекті мәселелер

  • 17.01.19

    Марат  ӘЙТІМОВ:

    Қас талант тасада қалмайды. Түптің түбінде танылары хақ. Күндердің күні маңдайы жарқырап, жұлдызы биіктей түсетіні белгілі. Сөйтіп, аты мәшһүр адамға айналары сөзсіз. Бұған мыңдап мысал келтіруге болады. Айталық, миллиардтаған қытайды мойындатқан, әлемдік «мен» деген өнер майталмандарының өзі құрметпен ...

    Толығырақ...
  • 17.01.19

    Қызылордалықтар қашанда күн суыта бастасымен жандарын шүберекке түйіп отырады. Бұрыннан-ақ тосыннан келетін апат халықты дүрліктіріп қойған. Дария суының арнасынан асып, елге төндірер қаупін айтамыз. Бұл үшін жыл сайын бюджеттен қыруар қаржы да бөлініп келеді. Арнайы бөгеттер салынып, мұз жару жұмыстарына дейін ел қазынасынан ақша шығарылады. Иә, табиғаттың тосын мінезін біліп болмайсың. Десе д...

    Толығырақ...
  • 17.01.19

    Халық арасында білім саласына қатысты айтылатын сын көп. Әсіресе, жұмыс іздеп, мұғалім болу­ды армандайтындар, тіпті, еден жуушы болып жұмыс істегісі келетіндерден «мектептің ставкасы мынанша» дегенді естіп жүрміз. Алғашында сенбейтінбіз. Өркениетке қадам басқан елімізде еден жуушыдан пара сұрамайтын болар деп ойлайтынбыз. Бірақ дәл сондай жағдаймен бетпе-бет келгендердің бар екені жасырын емес...

    Толығырақ...
  • 17.01.19

    Баспанасыз жүргендердің бағы жанатын болды. Талайдың табал­дырығын тоздырып, пәтерден-пәтерге көшіп жүрген отбасылар енді өз елінен пана табады десек те қателеспейміз. Тек жиған-тергеніңіз қалтаңызда емес, банк есепшотында болса болғаны. Естеріңізде болса­, өткен жылы Қызылорда облысы әкімі Қ.Көшербаев халық алдындағы жылдық есеп беру кездесуінде:

  • 17.01.19

    Әрдайым әдемі болып жүруді қалайтын қыз-келіншектер киім үлгісіне келгенде ерекше талапшыл. Тіпті кейбір сұлулар үшін құрбы­ла­рының үстіндегі жейде немесе көрші­сінің спорттық белдемшесінің өзіні­кімен бірдей болуы «ғаламдық проб­лемамен» пара-пар. Мұндай көрі­ніс­ке сіздің де жиі куә болып жүрге­ніңізге сенімдіміз. Байқағанымыз, бұрымдылар өзгеше болуға ұмтылады. Бүгінде талғампаз бойжеткенде...

    Толығырақ...
Халық-хабар
«Сиқырлы әріптер сыры»
09.01.2019 16:55

Жақында Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен ҚСҚ-ның клубында француз тифлопедагогы Луй Брайльдің туған күніне орай «Сиқырлы әріптер сыры» атты ақпарат сағаты өткізілді. Кітапханашы З.Бисенова көз мүгедектерінің күні бүгінге дейін қолданып келе жатқан Брайль алфавитінің шығу тарихымен және алфавит авторы Луй Брайльдің өмірі мен қызметіне тоқталып өтті. Қазіргі кезде адамзат өмірінің барлық саласынан мәлімет беру үшін қолданып жүрген Брайль қарпі ғалымдармен қатар, қарапайым адамдарға да қолжетімді. Заманауи электронды құрал-жабдық кез келген хатты Брайль қарпіне алмастыра алады, бірақ бұл қаріптің алғашқы үлгісі әлі де болса маңызын жоғалтқан емес. І топ көз мүгедегі Ж.Тәжібаев - брайль қарпін өздігімен игерген оқырман, ол қазіргі уақытта кітап қорындағы брайль қарпімен жазылған кітаптарды үзбей оқитындығын және алдағы уақытта да осындай шаралар жиі ұйымдастырылып отырса, нұр үстіне нұр болар еді деп өз ойын түйіндеді.

З.Бисенова,

Қызылорда облыстық зағип

және нашар көретін азаматтарға

арналған арнаулы кітапханасының

абонемент бөлімінің кітапханашысы

 
ҚЫЗЫЛОРДА ОБЛЫСЫНДА 765 ОТБАСЫНА КӨМЕК КӨРСЕТІЛДІ
09.01.2019 16:35

Мерекелік қайырымдылық шаралар аясында мүмкіндігі шектеулі жандарға, көпбалалы аналарға, жетім балалар мен аз қамтылған отбасыларға жәрдем берілді.

Тұңғыш Президент күні, Қазақстан Республикасының Тәуелсіздік күні мен Жаңа жыл мерекесі қарсаңында Қызылорда облысы әкімінің тапсырмасымен «Нұр Отан» партиясының облыстық филиалы қайырымдылық шаралар ұйымдастырды. Оның аясында 765 қызылордалық отбасына сыйлықтар, азық-түлік пен қаржылай көмек берілді.

«Қайырымдылық шараға облыстық басқармалар мен департаменттер, сондай-ақ, қала мен аудан әкімдіктері атсалысты. Жиналған қаражатқа жаңа жылдық сыйлықтар мен мерекелік шараларға шақыру билеттері, көпбалалы және аз қамтылған отбасыларға азық-түлік сатып алынып, көмекке мұқтаж отбасыларға қаржылай көмек көрсетілді. Барлығы 765 отбасы қамтылды», - деді «Нұр Отан» партиясы облыстық филиалы төрағасының бірінші орынбасары Ибадулла Құттықожаев.

Естеріңізге салайық, облыс әкімі, «Нұр Отан партиясы» облыстық филиалының төрағасы Қырымбек Көшербаев Саяси кеңес бюросының отырысында аймақтағы көпбалалы және аз қамтылған отбасыларына көмек көрсетуді тапсырған болатын.

Облыс әкімінің баспасөз қызметі

 
Жаңақорғандағы жауапсыздық
04.01.2019 11:37

2018 жылы Жаңақорған аудандық прокуратурасымен 9 209 азаматтың құқықтары қорғалған. Бұл туралы аудан прокуроры Нұрболат Дүйсенбаев мәлімдеді.

Прокуратура – азаматтардың конституциялық құқықтарының қорғалуын қамтамасыз ететін құзырлы органдардың бірі. Осы бағытта аудан көлемінде атқарылған шаруалар шаш етектен. Түрлі құқықтық мәселелер бір ізге түсіп, заң бойынша шешімін табуда. Айталық, былтыр мүгедектермен жұмыс істейтін мұғалімдерге 40 пайыз қосымша үстемақы төленбегені анықталып, қадағалау актісі негізінде 478 мұғалімге 8 миллион теңгеге жуық қаржы төленген.

- Біздің араласуымыздан кейін аудандық орталық аурухананың 1 256 жұмысшысына 125 миллион теңге айлық жалақылары (тамыз, қыркүйек айларына) төленіп, басшылығы әкімшілік жауапкершілікке тартылды. Прокурорлық қадағалау актісінен кейін ғана медициналық көмектің кепілдік берілген көлемі шеңберінде 479 нәресте аудиологиялық скринингтік тексеруден өткізіліп, құқықтары қорғалған. Жедел медициналық көмек көрсету жағдайы талданып, енгізілген ұсынудың қаралу нәтижесінде жетіспейтін автоөкліктер сатып алынып, шектелмеген азаматтардың құқықтарының қорғалуына қол жеткізді. Екі жетім және ата-анасының қамқорлығынсыз қалған балалар тұрғын үй кезегіне қойылды, - деді аудан прокуроры.

Елімізде кәсіпкерліктің дамуына ерекше назар аударылып отыр. Кез келген дамыған экономиканың ажырамас бөлігі болып табылатын бұл сала заңмен қорғалады. Дерекке сүйенсек, Жаңақорғандағы кәсіпкерлердің құқықтары барынша заңмен реттеліп отыр. Мемлекеттік сатып алу конкурсына қатысқан 4 мердігерге шарттың орындалуын қамтамасыз ету сомалары заңмен белгіленген мерзімде қайтарылмай, олардың құқықтарына нұқсан келтірілген. Іске прокуратураның араласуынан кейін 1,1 миллион теңге кері қайтарылып, 4 кәсіпкердің құқықтары қорғалған.

Бюджет қаржысының мақсатты жұмсалуы да айрықша бақылауда. Прокурорлық қадағалау актілері негізінде мемлекеттік бюджетке 27 миллион теңге өндірілген. 11,6 миллион теңге бюджет қаржысын жымқыру дерегі бойынша аудандық жұмыспен қамту орталығының есепшісіне қатысты қылмыстық іс қозғалып, сот үкімімен 7 жылға шартты түрде сотты болды.

Жұмыспен қамту бағдарламасының қатысушыларына 2 жыл бойы берілмеген зейнетақы жарналары толық төленіп, 1337 адамның конституциялық құқықтары қорғалды. Нәтижелі жұмыспен қамту бағдарламсы аясында әлеуметтік жұмыс орнын формальді ашып, жалақы және зейнетақы жарнасына төлеп отырғаны жөнінде жалған мәліметтерді (жалған түбіртек) ұсынып, мемлекетке 500 мың теңгеге жуық шығын келтірген жеке кәсіпкер қылмыстық жауапкершілікке тартылды.

«Жұмыспен қамту – 2020» бағдарламасының кәсіпкерлік бастамаларды қолдау бағыты бойынша бюджеттік несиені мақсатына сәйкес пайдаланбаған кәсіпкер қылмыстық жауапкершілікке тартылып, мемлекетке келген 1,6 миллион теңге шығынды толық өтеген.

Сондай-ақ, мемлекеттік қызметшілердің тәртіптік қылықтары да аудандық прокуратура назарынан тыс қалмаған. Қызметтік жалғандық жасағаны үшін кент әкімі, ауыл әкімі мен бас маманына қатысты сыбайлас жемқорлық сипатындағы қылмыстық іс қозғалып, сот үкімімен кінәлі деп танылған.

24 миллион теңгені құрайтын 2 мемлекеттік сатып алу қорытындыларының күші жойылған. Мемлекеттік сатып алуды ұйымдастыру барысында мемлекеттік қызметке кір келтіретін тәртіптік теріс қылық жасағаны үшін кент әкімінің орынбасары мен бас маманы, мемлекеттік сатып алу, ауыл шаруашылығы бөлімдерінің басшылары мен бас маманы тәртіптік жазаға тартылған.

Жерді жалға беру жөнінде аукциондар бойынша келісімшартта көзделген сомалар белгіленген мерзімде төленбегені анықталып, қадағалау актісінен кейін мемлекетке 2,7 миллион теңге өндіріліп, 1,3 миллион теңгенің жер учаскесі мемлекетке қайтарылды. Одан бөлек жерді жалға беру мерзімін заңсыз ұзарту, жер учаскесінің жалдау құқығын сату төлемақысының мөлшерінен төмен бағада сатылу, жер бөлу комиссиясының оң қорытындылары комиссия мүшелерінің көпшілігінің қатысуынсыз өткізілетіні, пайдаланылмай жатқан жерлер, нысаналы мақсатына сәйкес пайдаланылмайтын жерлер және т.б. заңбұзушылықтар анықталған. Бұл заңсыздықтар үшін аудан әкімінің орынбасары мен жер қатынастары бөлімінің басшысы, мамандары тәртіптік жазаға тартылды.

«Цифрлық Қазақстан» мемлекеттік бағдарламасын іске асыру мақсатында ауданда қылмыстық істердің тергелуі электронды форматта жүргізілуде. Бұрынғыдай хат жазып, хат алыспай, азаматтар туралы жүйеге енгізілген ақпараттарды электронды түрде алып, тиімді жұмыс істеуге болады. «Е-қылмыстық іс» жобасын іске қосқалы 26 қылмыстық теріс қылықтар мен онша ауыр емес қылмыстар электронды форматта жүргізіліпті. 2000 құқық бұзушыға электронды форматта әкімшілік құқықбұзушылық туралы хаттамалар «Әкімшілік құқықбұзушылықтың бірыңғай тізілімі» жобасы негізінде толтырылған.

Жаңақорғанда аудан прокуратурасымен бірлесіп атқарылған жұмыстар легі осы. Елдегі құқық қорғау саласының сапасына үлес қосу үшін әлі де толайым тірліктер атқарыла бермек.

Ж.Қойшыбекова

 
Жолға жанашырлық қажет...
03.01.2019 10:36

Жеке хат қоржыныма Жанқожа батыр ауылының тұрғыны Рамазан Нұрымнан хат келді. Қашанда тура сөйлеп, тік айтатын мұғалім азамат бұл жолы аудан орталығынан Жанқожа батыр ауылына баратын ұлы жолдың Ақтан батыр ауылынан өткеннен кейін соңғы жауған қардың мұзға айналуынан жол қатынасын қиындатып жібергенін айтып, аудандағы құзырлы орындардың көңіл бөлуіне сетігімізді тигізуді өтініпті. Оқырман өтінішін орындау – кәсіби міндетіміз. Оған қоса жуырда Жанқожа батыр ауылына барған сапарымда мен де осы көріністерді көзіммен көрген едім. Назарларыңызға оқырман хатын қаз-қалпында ұсынып отырмыз.

«ЖКХ Қазалы, Қазалы ауданының әкімдігі, мына жолды адам өлімі болғасын тазалайсыңдар ма? Өткенде тек облыс əкімі үшін жолды тазалаған болып тұрсыңдар ғой. Ең болмаса анау трассаға құм сепсеңдер болады ғой, Ақтан батыр ауылы мен Жанқожа батыр ауылының ортасына. Күніне қаншама көлік аударылып жатыр, сол аударылған көліктердің шығынын кім төлейді?

Рамазан Нұрым».

 

Қазалының  құзыреттілеріне  құлаққағыс

Еліне кім бармайды, анасына,

Сағынса тайғағына қарасын ба?

Шідерлі дөненімдей зорға жеттім,

Жапсарлас қос ауылдың арасына.

 

Шығады иттің дауысы шәуілдеген,

Бөледі ортамызды жалғыз белең.

Япырмай, иек асты мекеніме,

Сағаттап жүргеніме, қалай сенем?

 

Айнадай жолдың үсті жалтырайды,

Шопырым зәресі жоқ, қалтырайды.

Көргенде тайып кеткен көліктерді,

Маңдайдан ащы тері тамшылайды.

 

Сыйынып, үнсіз келдік Жасағанға,

Үздіксіз, кім жалынған бас аманда,

Өмірдің кереметін жаңа сездік,

Көк мұздан көлігіміз босағанда.

 

Сөзіме көңіл бөлші, құзыретті,

Құмыңды, тұзға қосып жолға төкші.

Адамнан шығындану міндет емес,

Ойлашы, қысталаңда жүрген көпті.

 

Білеміз, қазынадан қаржы кетер,

Дабылдат, мәселені батыл көтер.

Қатеден азаматқа ажал тисе,

Жағымды жаңалықтың бәрі бекер!

«Сақтансаң, сақтармын» деген. Қолымызды мезгілінен кеш сермеп жүрмейікші!

 

Жұмабек Табынбаев,

Қазалы ауданы

 
Қызылорда медициналық жоғары колледжінде де «Адалдық дүкені» ашылды
03.01.2019 10:24

ҚР Мемлекеттік қызмет істері және сыбайлас жемқорлыққа қарсы іс-қимыл агенттігі облыстық департаментінің бастамасымен сыбайлас жемқорлықтың алдын алу мақсатында бірқатар жобалар жүзеге асырылып келеді.

Департамент тарапынан қаладағы барлық жоғарғы оқу орындары мен колледждерде «Адалдық дүкенін» ашу бойынша ұсыныс берілген болатын.

Осыған орай, Қызылорда медициналық жоғары колледжінің ІІІ оқу ғимаратында «Адалдық дүкені» салтанатты түрде ашылып, жұмысын бастап кетті.

«Адалдық дүкенін» ашу жастардың жағымды моральдық қасиеттерін, ішкі парасаттылық пен адалдықты тәрбиелеуге, сыбайлас жемқорлыққа қарсы иммунитетті қалыптастыруға бағытталып отыр.

«Адалдық дүкенінде» оқытушылар мен студенттер өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысатын болады. Яғни, дүкенде сатушы жоқ, затты сатып алушылар өздеріне қызмет көрсетпек. Сауда орнының басты ерекшелігі де осында.

Б.Әбдіқадыров

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қаңтар 2019 >
  1 2 3 4 5 6
7 8 9 10 11 12 13
14 15 16 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары