Өзекті мәселелер

  • 22.02.18

    Бүгінде заңдылықтың сақталуын қадағалайтын прокуратураға көмек сұрап келетіндер көп. Азаматтардың құқықтарының қорғалуын қамтамасыз ететін орган әділеттілікке қол жеткізе алмай жүрген қаншама жанның мәселелерінің оң шешімін табуына ықпал етеді, халықтың мұң-мұқтажын тыңдап, құқықтық көмек көрсетеді. Мысалы, бір ғана 2017 жылы Қызылорда облыстық прокуратура органдарына жеке және заң...

    Толығырақ...
  • 22.02.18

    Бас прокуратура, Ұлттық қауіпсіздік комитеті, Сыбайлас жемқорлыққа қарсы іс-қимыл ұлттық бюросы қазақ-қырғыз шекарас­ына бірігіп жүргізген атышул­ы операциясын аяқтады. Дәлірек айтсақ, контрабандалық тауарларға тосқауыл қоюдың орнына­, керісінше, қомақты сомаға оларды заңсыз өткізіп беріп жүрген шекара қызметкерлерін тұтқындады. Әйтпесе сүліктей соратын жемқорлар, арандай аузын ашқан парақорлар...

    Толығырақ...
  • 22.02.18

    Елдегі инфляциялық дүмпу салдарынан туын­дай­тын баға қымбатшылығы халықтың қалтасына оңай тимесі  анық. «Зейнетақы мен жәрдемақы, айлық өсті» деген хабар елдің құлағына тиер-тиместен нарық тауар­ларының құны шарықтап шыға келетініне көз үйренген.  Сыртқы  сауда  нарығындағы  жағдай да көңіл көншітерлік деңгейге жеткен жоқ. Мәселен, ресми мәлімет бойынша елдегі инфля­ция 2017 жылы 7,1 пайызды қ...

    Толығырақ...
  • 22.02.18

    Бүгінде ой санамыздың төмендеп  бара жатқандығынан ба, әлде масыққан тірлік пе, әйтеуір ішер асымыздың аяқасты болып, жейтін нанымыздың қадірсіз қалып жат­қанын жиі байқаймыз. Дас­тарқанымыздың төрінен түс­пейтін қасиетті асымызды бүгінде қаншалықты  қастерлеп жүрміз? Ал соңғы ғасырдың жаңашыл жастары астың үлкені деп дәріптейтін ұннан жасалған торттың бетіне туған күн кештерінде балауыз шамын ...

    Толығырақ...
  • 22.02.18

    «Жүз рет естігенше, бір рет көрген артық» дейді қазақ халқы. Иә, рас. Естігеннің қайсысы шын, қайсысы өтірік екенін саралап болмайсың. Осы заманда­ адамдарды күре тамырынан байлаған әлеуметтік желі мен теледидар болып тұр. Жатыпішер жалқаулар көбейіп, адамдар кітапқа емес, ұялы телефонға бас қойды. Бұрындары жетімнің басын сипайтын қолы қазір смартфон бетін сипаудан ары аса алмауда.­ Онымен қос...

    Толығырақ...
Халық-хабар
5 ЖЫЛДА ҚЫЗЫЛОРДА ОБЛЫСЫНДА 200 ӘЛЕУМЕТТІК НЫСАН БОЙ КӨТЕРДІ
14.02.2018 14:31

Сонымен қатар 2013 жылға дейін «сақалды құрылыс» саналған 34 ірі әлеуметтік нысанның құрылысы аяқталды. Бұл туралы Қызылорда облысының әкімі Қырымбек Көшербаев халықпен есепті кездесуінде мәлімдеді.

«Соңғы 5 жылда әлеуметтік саланың 200 нысаны пайдалануға берілді, бұл денсаулық сақтау, білім беру, спорт және мәдениет нысандары. Біз 2013 жылдың басына дейін күрмеуі шешілмеген проблема саналған миллиардтаған қаржының сақалды құрылысын, 34 әлеуметтік нысанды салып бітірдік», - деп мәлімдеді аймақ басшысы.

Сонымен қатар аймақта үш ауысымды білім беру мәселесі мерзімінен бұрын орындалды, апатты мектептер проблемасы шешілді. Жуырда жерасты суының көтерілуіне байланысты № 34 мектеп те апатты деп танылды. Әкімдік жаңа мектеп ғимаратының құрылысын жыл соңына дейін салуды жоспарлап отыр. Жалпы алғанда, аймақта 5 жыл ішінде 45 мектеп, оның 37-сі апатты нысандардың орнына салынды.

«2015 жылы біз 3 пен 6 жас аралығындағы балаларды мектепке дейінгі тәрбиемен 100% қамтып, республикада алғаш болып «Балапан» бағдарламасын толық жүзеге асырдық. Аймақтағы балабақшалардың 71% мемлекеттік-жеке меншік әріптестік аясында жұмыс істейді. 5 жылда олардың қатары 2 есеге артты», - деп хабарлады облыс әкімі Қ. Көшербаев.

Айта кетейік, қазіргі таңда аймақта мемлекеттік-жеке меншік әріптестік аясында кәсіптік-техникалық білім беру, денсаулық сақтау, көлік инфрақұрылымы, дарияның сол жағалауын игеру салалары бойынша 60 жоба жүзеге асып жатыр.

 
СЫР ӨҢІРІНДЕ ЭНЕРГИЯ ҮНЕМДЕЙТІН ӨНДІРІС ОРЫНДАРЫ МЕН «SMART CITY» ЖОБАСЫН ЖҮЗЕГЕ АСЫРЫЛМАҚ
14.02.2018 14:31

Қызылордада қытайлық инвесторлар күн және су электр стансаларының құрылысын бастап, «Smart city» жобасын жүзеге асыруға ниетті. Бұл туралы облыс әкімі Қырымбек Көшербаев халық алдындағы есепті жиын кезінде мәлімдеді.

«Қазір біз Қытайдың CNEEC мемлекеттік инженерлік құрылыс компаниясымен келіссөз жүргізіп жатырмыз. Компания әлемнің 70 мемлекетінде жылу, жел және су электр стансаларын, қоқыс өңдейтін зауыттар салған. Біздің өңір – күннің белсенділігі жоғары аймақ, әсіресе жаз мезгілінде, бұл қуаттылығы жоғары күн электр стансасын салуға негіз болады.  Сырдария өзенінде «Ақлақ» су тоспасы бар, сол жаққа қуаттылығы 20-25 мегаваттық су электр стансасын орнатуға болады»,- деді облыс әкімі.

Сондай-ақ, аймақта қалдықтарды өртеу және электр энергиясының белгілі мөлшерін шығаруды көздейтін екі міндетке негізделген қоқыс өңдеу зауытын салу жоспарланып отыр.

«Сонымен қатар біз «Smart city" (ақылды қала) жобасын жүзеге асыру үшін әлемге танымал «Huawei» компаниясымен өзара әріптестік туралы меморандум жасастық.  Мемлекеттік-жекешелік әріптестік негізіндегі алғашқы жобаларды биыл іске асырамыз, оның ішінде дарияның сол жағалауындағы жобалар бар. Бұл жобалар біз үшін аса маңызды. Бұл бағыттағы жұмыстар Елбасының жаңа Жолдауында айқындалды, сондықтан бұл бастамалар оны жүзеге асырудағы нақты шаралар!», - деп атап өтті аймақ басшысы.

 
БИЫЛ СЫРДАРИЯНЫҢ СОЛ ЖАҒАЛАУЫНДАҒЫ АЛҒАШҚЫ МӨЛТЕК АУДАН ПАЙДАЛАНУҒА БЕРІЛЕДІ
14.02.2018 14:29

Жыл соңына дейін Сырдарияның сол жағалауындағы алғашқы мөлтек аудан ашылады. Бұл туралы Қызылорда облысының әкімі Қырымбек Көшербаев халықпен есепті кездесуінде мәлімдеді.

«Қазіргі кезде мұнда 320 орындық балабақша, «Болашақ» университетінің кампусы мен жастар ресурстық орталығының құрылысы жүріп жатыр, неке қию сарайы салынады. Ең бастысы, 2017 жылы алғашқы 18 көпқабатты тұрғын үйдің құрылысын бастадық. Сол жағалаудағы бірінші мөлтек ауданды биыл пайдалануға беруді жоспарлап отырмыз»,- деп мәлімдеді аймақ басшысы.

Естеріңізге сала кетейік, қазір жаңа қалада Рухани жаңғыру орталығының құрылысы жүріп жатыр. Нысан 1925 жылы ұлтымызға қазақ атауы берілген тарихи шешім қабылданған Қазақ атқару комитеті ғимаратының сызбасы негізінде бой көтереді.

Бүгін, 2018 жылдың 14 ақпанында Н. Бекежанов атындағы театрда Қырымбек Көшербаевтың халықпен есепті кездесуі өтіп жатыр. Аймақ басшысының есепті жиынына ҚР Президенті Әкімшілігінің өкілі Н. Тлешов, Премьер-Министр кеңсесінің өкілі С. Кизат, Ішкі істер министрі Қ. Қасымов, «Нұр Отан» партиясының хатшысы Ғ.Абдрахимов, сондай-ақ жергілікті мемлекеттік органдардың басшылары, өңірдегі 264 елді мекен тұрғындары, саяси  партиялар, үкіметтік емес ұйымдар, қоғамдық кеңес, еңбек ұжымдары мен бұқаралық ақпарат құралдарының өкілдері қатысуда.

Есепті кездесудің тікелей трансляциясы «Facebook» және «Youtube» желілеріндегі «Қызылорда облысының әкімдігі» ресми парақшалары арқылы көрсетіліп жатыр.

 
ҚЫЗЫЛОРДАЛЫҚТАР «ОРДА» БАҒДАРЛАМАСЫ АРҚЫЛЫ БАСПАНА АЛА АЛАДЫ
14.02.2018 14:28

Қызылорда облысында  бастапқы төлемсіз тұрғын үй алуға мүмкіндік беретін «Орда» тұрғын үй құрылысының «Жол картасы» әзірленді.Бұл туралы облыс әкімі Қ.Көшербаев халыққа есеп беру кездесуінде мәлімдеді.

«Біз өңір тұрғындарының әлеуметтік осал тобын мейлінше қолжетімді тұрғын үймен қамтамасыз етуді мақсат етіп қойдық. Сол үшін 2017 жылы 3 жылға есептелген «Орда» тұрғын үй құрылысының «жол картасын» әзірледік.  Несиелік тұрғын үйдің көпбалалы отбасылар, мүмкіндігі шектеулі аз қамтылған топтарының барлығына бірдей  қолжетімді еместігін ескеріп, «Нұрлы жер» бағдарламасы аясында салынып жатқан несиелік тұрғын үйлерді жергілікті бюджет есебінен сатып алуға жыл сайын облыстық бюджеттен  2 млрд.теңгеден қаржы бөлу туралы шешім қабылдадық»,- деді аймақ басшысы.

Естеріңізге сала кетейік, кейін өз атына  өтеу құқығымен алғашқы төлемсіз ай сайынғы жалға алу құны шартымен тұрғын үйді жергілікті атқарушы органдардың  тізіміндегілер, мысалы, көп балалы және толық емес отбасылар,мүмкіндігі шектеулі балалары бар отбасылар, жетім балалар мен ата-анасының қамқорлығынсыз қалған балалар, 1, 2 топ мүгедектері, оралмандар және т.б. ала алады.

«Мысал үшін, осылайша, енді, көпбалалы отбасы екібөлмелі пәтерді ай сайын 42 мың теңге, ал, үшбөлмелі пәтерді 52 мың теңге төлей отырып, ала алады. Нақтылап айтсақ, басқа бағдарламаларда қаралған 30%-дық алғашқы төлемсіз!Айта кету керек, біздің бұл тәжірибеміз басқа облыстарға да іске асыруға ұсынылып отыр»,- деп атап өтті облыс әкімі.

 
ҚЫЗЫЛОРДА ОБЛЫСЫНДА 5 ЖЫЛДА 2 МИЛЛИОН ШАРШЫ МЕТР ТҰРҒЫН ҮЙ ПАЙДАЛАНУҒА БЕРІЛДІ
14.02.2018 14:27

Облыста соңғы 5 жыл ішінде пайдалануға берілген тұрғын үй көлемі 2 есеге артты. Бұл туралы облыс әкімі Қ.Көшербаев халыққа есеп беру кездесуінде мәлімдеді.

«Егер бізде 2013 жылы 270 мың шаршы метр тұрғын үй пайдалануға берілсе, бүгінде бұл көрсеткіш 600 мың шаршы метрден асып түсті. Яғни, екі есе көп берілуде! Нәтижесінде, облыс орталығының өзінде ғана соңғы жылдары 14 жаңа шағын аудан пайда болды. Облыста 5 жыл ішінде 2 млн.шаршы метр тұрғын үй берілді», - деп хабарлады облыс әкімі халықпен кездесуінде.

Өткен жылы облыстағы апатты тұрғын үйлер мәселесі толығымен шешілді.Тек соңғы жылдың өзінде 309 отбасы апатты үйдің орнына жаңа жайлы пәтерге ие болды.

«Соңғы 3 жылда жеке тұрғын үй құрылысы үшін 20 мыңнан аса жер теліміне инженерлік-коммуникациялық инфрақұрылым жүргізілді», - деді облыс әкімі.

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Ақпан 2018 >
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары