Өзекті мәселелер

  • 20.06.19

    ЕКІ  ЕСАЛАҢ

    Ол түнімен «Нақұрыстың өмірін» оқып шықты. Автордың жан дүние­сіне үңілді. Жаңбырдан соң ауаның балғындығын бүкіл тамырымен сезі­не­ отырып, тәтті қиялға берілді. Кенет, шулаған ессіз қыздардың ащы күлкісіне жиіркене қарады. «Олар айтқан жайтта қандай күлуге тұрарлық мән бар екен» деп ой алабына  сүңгіді. Күнде теріскей жақтан­ ке...

    Толығырақ...
  • 20.06.19

    ЕКІ  ЕСАЛАҢ

    Ол түнімен «Нақұрыстың өмірін» оқып шықты. Автордың жан дүние­сіне үңілді. Жаңбырдан соң ауаның балғындығын бүкіл тамырымен сезі­не­ отырып, тәтті қиялға берілді. Кенет, шулаған ессіз қыздардың ащы күлкісіне жиіркене қарады. «Олар айтқан жайтта қандай күлуге тұрарлық мән бар екен» деп ой алабына  сүңгіді. Күнде теріскей жақтан­ ке...

    Толығырақ...
  • 20.06.19

    Қазақ өз ұрпағына қашанда жақсы тәлім, өнегелі тәрбие беруден жалыққан емес. Тіпті тәрбиенің бір бастауы­н бесіктен­ бастап, оның ата-анасының да жауапкерш­ілігін жүктеп отырған. Бүгінде осы ұлы мін­детті жартылай да орындай алмай жүргендер бар.

  • 20.06.19

    «...Бізге керегі шын дарындар. Мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті». Иә, талантты да дарынды жастар – елі­міздің бетке ұстар мақтаныштары. Оны  жоғарыда айтылған Тұңғыш президентіміз Н.На­зар­баевтың сөзінен айқын байқауға болады. Жас ұрпақтың келешекке нық қадам басуы­ – қоғам үшін маңызды да жауапты күш. Еңсесін тіктеп келе жатқан ел...

    Толығырақ...
  • 20.06.19

    Жетімдер үйі.

    Аида бүгін алғаш рет жетімдер үйіне келді. Әрине, өзінің қалауымен емес. Күнкөріс қамымен жұмыс істеп, ақша табу үшін амалсыздан жетімдер үйіне жұмысқа тұрды.

    Бүгін, міне, оның жаңа жұмысына келген алғашқы күні. Шыны керек­, аяғы есікке қарай өз еркінсіз әлсін-әлсін беттеп келеді. Ішіне кіруге  зауқы жоқ. Бірақ амалы­ бар ма? Қазіргі сәтте оның отбасындағы қаржылық...

    Толығырақ...
Халық-хабар
СУДАҒЫ ҚАУІПСІЗДІКТІ САҚТАҢЫЗДАР
10.06.2019 09:55

Күн, ауа және суды дұрыс пайдаланған жағдайда адам ағзасын шынықтырудың және денсаулықты нығайтудың көзі болып табылады. Алайда су айдындарында әрекет ету ережелерін сақтамау қайғылы жағдайларға алып келуі мүмкін.

Адамдардың қаза болуының негізгі себептері: азаматтардың абайсыздығы, жабдықталмаған орындарда шомылуы, балаларды қараусыз қалдыру.

Суға шомылу маусымы басталғаннан бері Қызылорда облысы ТЖД қызметкерлері және Оңтүстік өңірлік аэроұтқыр жедел-құтқару жасағының құтқарушылары бірлесіп шомылуға рұқсат етілмеген орындарда демалушы тұрғындар арасында судағы қауіпсіздікті сақтау бойынша жаднамалар табыстай отырып, рейдтік шаралар жүргізуде. Өткізіліп жатқан рейдтердің мақсаты – бұзушылықтарды анықтау ғана емес, суда қауіпсіздікті сақтауға демалушылардың назарын аударту.

Қайғылы жағдайларды болдырмау үшін балалар мен ересектер судағы қарапайым қауіпсіздік ережелерін сақтауы қажет:

- ең бірінші және ең басты ереже – мектепке дейінгі және мектеп жасынан кіші балалар суда ересектердің бақылауымен ғана шомылулары керек;

- қоршау белгісінен тыс жүзбеу;

- тыйым салынған орындарда шомылмау;

- қайық, катер, айлақ және бұл мақсатқа бейімделмеген басқа да жерлерден секірмеу;

- кемелерге (моторлы), қайықтарға жақын жүзбеу;

- жүгіріп, ойнап терлегеннен кейін салқын суға бірден кірмеу қажет;

- мас күйінде суға түсуге және шомылуға тыйым салынады;

- үрленетін матрацта, автомобиль камераларында, үрленетін ойыншықтармен жүзбеңіздер;

- дауылды ауа райы немесе қатты толқынды жерлерде шомылуға болмайды;

- қараңғы уақытта суға түсуге болмайды.

Суда әрекет ету ережелерінің бұзылуына жол бермеңіздер! Өзіңіздің және балаңыздың өміріне қауіп-қатер төңдірмеңіз!

Қызылорда облысының ТЖД

 
«ШАҒАЛАДАҒЫ» ШАТТЫҚ
10.06.2019 09:30

Жадырап жазда жетті. Табиғат-ана маңайға бар мейірін шашып, көкте күн күлімдеп тұр.Тіршілік атаулы толысып, ажарлана түскен.Үлкен де, кіші де мәз-мейрам. Әсіресе, жазғы демалысқа шыққан ойын балаларының қуанышы ерекше. «Бар жақсы - балаларға» деген ұстанымның нағыз көрінетін шағы.

Тарихы кенен Қазалы қаласындағы «Шағала» балаларды сауықтыру демалыс орталығының атағы баршаға мәлім. Сырдарияның нақ іргесіне орналасқан орталық көпшіліктің назарына алыстан шалынды. Аумағы атшаптырым мекенге қадам басқаннан жайқалған жасыл желекке бөленген кейпі кеудеңізге қуаныш ұялатады.

Міне, «Шағала» орталығы жазғы тынығу маусымына балаларды кезекті рет қабылдады. Кез келген шарадан, оның ішінде ел болашығы балаларға арналған қуаныштан ел ағалары бой тартып қалмайтыны белгілі. Бұл жолы да солай өрбіді. Лагерьдің жазғы маусымының ашылу салтанатына қатысқан Қазалы ауданы әкімі Мұрат Ергешбаев бастаған ел ағалары демалыс кезінде балалардың жақсы тынығып, уақыттарын тиімді пайдалануларына тілектестігін білдіріп, өнерлі өрендер дайындаған концерттік бағдарламаны тамашалады.

Оқырмандарымызды төмендегі деректермен таныстыра кетсек. Бүгінгі таңда лагерьдің бірінші ауысымында125оқушы демалуда.Тынығушылар тәулігіне бес мезгіл тамақтанады. Олардың уақытты көңілді әрі тиімді өткізуі назарға алынған.Орталықта  13 тәрбиеші жұмыс істеп, арнайы дәрігер мен стоматолог бөлінген.

Жазғы жеті ауысымда 875 бала тынығатын болады. Тұрмысы төмен отбасылардың балаларының демалуы үшін жергілікті бюджеттен қаржы қаралған.

Жұмабек Табынбаев,

Қазалы ауданы.

 
ҚАЗАЛЫДАҒЫ ҚОНЫС ҚУАНЫШЫ
10.06.2019 09:20

«Ел іші-алтын бесік». Қазалыда көпшілік куә болған бұл оқиғыны көргенде осынау даналық лебіз ойға оралған болатын. Қасиетті Рамазан айы имандылық пен қайырымдылыққа, сауапты іске үндейтіні, әмбеге аян. Ораза айттан соң, ауданда игілікті істің жүзеге асуы имандының жүзі қашанда жарқын боларын тағы да аңдатты. Бұл күні қайырымдылық қоры бес бірдей тұрмысы төмен, көпбалалы отбасыларға тұрғын үйдің кілті табыс етті.

Еңсесі биік, әсем де жайлы пәтерлерді иеленген тұрғындардың қуанышында шек жоқ. Олай болмағанда ше?!. Басынан өткенін ұрпақ зердесіне тағылым қылып сіңірген қазекең «Үйің болмай, күйің болмас...» деп текке тебіренбегені анық. Міне, қаншама адамның көптен күткен армандары жүзеге асты. Бір ғажабы, көпшіліктің қуанышына ортақтасқандай ауа райы да шайдай ашық болды.

Өзінің сөзін қайырымдылық дағдысының қазақ халқының қанына сіңген қасиет екенінен бастаған Қазалы ауданы әкімі Мұрат Ергешбаев түрлі қайырымдылық іс-шаралары  аудан көлемінде жыл бойы жалғасып келе жатқанын айта келе, «Асыл Иман Ихсан» қайырымдылық қорының белсенді азаматтарына ризашылығын білдірді.

Мұрат Нәлхожаұлының ықылым заманнан жетімі мен жесірін жылатпаған, көмекке мұқтаж  жанның қолтығынан демеген ата-баба дәстүрі қашанда көмескі тартпағанын, аудан көлеміндегі тұрмысы төмен отбасыларға, жетім-жесірлер мен мүмкіндігі шектеулі жандарға қайырымдылық көмектер көрсету назарда тұрғанын,  жыл басынан бері ғана тұрмыстық жағдайы төмен 2300-ге жуық отбасыға 6 млн 873,2 мың теңгенің көмегі көрсетілгенін, оған қоса, жомарт  жандардың қолдауымен бірқатар отбасыларға азық-түлік пен киім-кешектер алып берілді деген лебізін естігенде көз алдыма қуаныштан жүзі бал-бұл жанған қарапайым жандар елестеп өткендей әсерге бөлендім.

Шарада Қазақстан мұсылмандар Діни басқармасының Қызылорда облысы бойынша өкілі Болатбек Ұласқан қиналғандарға қол ұшын созып, жанашырлық танытқан қайырымды қазалылықтарға ризашылығын білдірді. Мұнан соң жаңа салынған тұрғын үйдің кілттері тұрғындарға салтанатты түрде табыс етіліп, бірқатар қайырымды жандар «Жанқожа батыр» атындағы орталық мешіт пен «Асыл Иман Ихсан» қайырымдылық қорының «Алғыс хаттарымен» марапатталды.

Үйлерді аралап көріп, ахуалымен танысқан қонақтарға «Асыл Иман Ихсан» қайырымдылық қорының төрағасы Сәбит Аралбаев алдағы жоспарларымен бөлісті.

Осынау тұрғын үйлердің құрылысын аудандағы «Жанқожа батыр» атындағы мешіттің жамағаттары құрған «Асыл Иман Ихсан» қайырымдылық қоры жүргізгенін, қайырымдылық қорға «Жанқожа батыр» орталық мешіті жамағатымен қатар, аудандық, облыстық мәслихат депутаттары, аудан кәсіпкерлері қолдау көрсетіп, демеушілік жасағанын,  жиналған 10 млн теңгеге жуық қаржының есебінен Әйтеке би кентінен 5 отбасыға арналып тұрғын үй салынғанын, бірнеше айға созылған құрылысқа көптеген азаматтар көмектескенін, тұрғын үйлерге электр энергиясы, ауызсу, ыстық су, газ және кәріз жүйелері жүргізіліп, қажеттіліктердің барлығы жасалғанын атап кету ләзім.

Жұмабек Табынбаев,

Қазалы ауданы

 
ҚЫЗЫЛОРДАДА МЕМЛЕКЕТ БАСШЫСЫНЫҢ СЫБАЙЛАС ЖЕМҚОРЛЫҚПЕН КҮРЕС ЖӨНІНДЕГІ ТАПСЫРМАСЫ ТАЛҚЫЛАНДЫ
10.06.2019 09:15

Қызылорда облысының әкімдігінде Сыбайлас жемқорлыққа қарсы іс-қимыл мәселелері жөнінде мәжіліс өтіп, онда ҚР Президенті Қасым-Жомарт Тоқаевтың тапсырмасы талқыланды.

Облыс әкімінің кеңесшісі Мақсұт Нәлібаев Мемлекет басшысы анықтап берген сыбайлас жемқорлыққа қарсы күрестің бағыттарын атап өтіп, өңірде жүргізіліп жатқан жұмыстар туралы баяндады.

Естеріңізге сала кетейік, 20 мамырда Сыбайлас жемқорлыққа қарсы іс-қимыл жөніндегі кеңес өткен болатын. Онда Мемлекет басшысы сыбайлас жемқорлыққа қарсы іс-қимыл жоспарының негізгі бағыттарын айқындап берді: 1) азаматтардың құқығын қорғау; барлық мемлекетік органдар мемлекеттік қызметке жаңа қызметкерлерді қабылдағанда Конституциямызға сәйкес ұлтына, дініне, мүлік жағдайына қарамастан барлық азаматтар тең деген ереже басшылыққа алынуы қажет; 2) мемлекет пен азаматтық қоғам институттарының конструктивті әріптестігі; қоғамда жемқорлыққа мүлдем төзбеушілік қалыптасуы шарт; 3) қоғамдық бақылауды күшейту және мемлекеттік шешімдердің әділдігін қамтамасыз ету; 4) бюджеттік саясаттың ашықтығы; 5) жемқорлыққа қарсы саясатта өңірлердің рөлі және Елбасының «Жемқорлықтан еркін аймақтар» жобасын жүзеге асыру; 6) тұрмыстық жемқорлықты жоюдың бірден-бір көзі ретінде мемлекеттік қызмет көрсету ісіндегі үдемелі цифрландыру; 7) мемлекеттік сатып алу жүйелерін жетілдіріп, бизнеске әкімшілік қысымды төмендету.

Өз кезегінде облыс әкімі кеңесшісі Мемлекет Басшысының тапсырмаларын жүзеге асыру жөнінде бірқатар ұсыныстарын жеткізді.  Мәселен, «Ақмешіт – адалдық алаңы» жобалық кеңселерінің филиалдары жұмысын жандандыру қажет және Нұр-Сұлтан менАлматы қалаларының бастамасымен жасалып жатқан «Бюджетке қатысу» пилоттық жобасын зерделеп, «Барлығына қолжетімді, әркімге қолайлы» акциясын жалғастыру ұсынды.

Сондай-ақ, мәжілісте денсаулық сақтау саласындағы сыбайлас жемқорлыққа қарсы іс-қимыл мәселелері қаралды.

Облыстық денсаулық сақтау басқармасының басшысы Жақсылық Абдусаметов аталмыш саладағы сыбайлас жемқорлықтың алдын алу және туындау себептерін түсіндіру бойынша жүргізіліп жатқан жұмыстар туралы айтты.

«Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру мақсатында, сыбайлас жемқорлықтың деңгейін денсаулық сақтау саласында төмендету бойынша медициналық ұйымдармен бірлескен іс-шара жоспары бекітілді. Жыл басынан бері  330 арыз-шағым түскен, өткен жылмен салыстырғанда 9%-ға азайған", - деді Ж.Абдусаметов.

Айта кетейік, 2019 жылдың басынан 792 684  қызмет көрсетілді, бұл өткен жылдың сәйкес кезеңімен салыстырғанда 14 пайызға көбейген.

Сонымен қатар, "Ақмешіт-адалдық алаңы" жобасының жетекшісі Жандос Тұсмағамбетов өңірдің медициналық мекемелерінің қызметі бойынша  жасалған мониторинг нәтижесін айтты.

Мәжіліс қорытындысы бойынша облыс әкімі Қырымбек Көшербаев жауапты тұлғаларға мемлекеттік органдар қызметінің ашықтығы мен қолжетімділігін қамтамасыз ету, сондай-ақ өңірдегі сыбайлас жемқорлыққа қарсы іс-қимыл бойынша нақты шаралар қабылдау жөнінде тапсырмалар берді.

«Мемлекет басшысы сыбайлас жемқорлықты жою бойынша нақты міндеттерді белгілеп, негізгі бағыттарды айқындады. Мақсат – анық. Тек, барлық мемлекеттік органдар бұл бағыттағы жұмыстарды күшейтуі қажет. Жергілікті әкімдер, мемлекеттік орган басшылары, жемқорлықты түбегейлі жою - сіздердің жұмыстарыңыздың негізгі көрсеткішінің бірі. Жемқорлық бойынша бағынысты қызметкерлердің қылмыстық әрекеттері үшін бірінші басшылар сіздер тікелей жауаптысыздар»,-деді аймақ басшысы.

 

Облыс әкімінің баспасөз қызметі

 
БӨРІБАЙ ҚҰЛМАНОВ 99 ЖАСҚА ТОЛДЫ
06.06.2019 14:00

Облыс әкімі Қырымбек Көшербаев Соғыс және еңбек ардагері Бөрібай Құлмановтың үйіне барып, туған күнімен құттықтады.

Аймақ басшысы ардагер ақсақалға ұзақ ғұмыр тіледі.

Сондай-ақ, Б.Құлмановты облыстық ардагерлер кеңесінің төрағасы Серік Дүйсенбаев құттықтап барды.

Өңірдің әлеуметтік-экономикалық дамуына қосқан үлесі үшін ардагерге Қызылорда облысының Құрмет грамотасы табысталды.

Өз кезегінде, Бөрібай Құлманұлы өзіне көрсетілген құрмет үшін алғысын білдірді.

Б.Құлманов 1920 жылы туылған. Еңбек жолын қарапайым ауылшаруашылық саласынан бастады. Ұлы Отан Соғысында Беларусь, Польша, Германия майдандарында соғысты. Соғыс аяқталған жылы Қытайда және Шығыс Түркістан Республикасында құпия миссия атқарды. Елге оралғаннан кейін облыстық ауылшаруашылығы басқармасында қызметте болды. Зейнеткерлікке шыққаннан кейін де Қызылорда экспериментальды-механикалық жөндеу зауытында қызмет атқарды. Осындай ел мүддесі жолындағы еселі еңбектері үшін «Қызыл жұлдыз», «Отан соғысы», «Еңбек Қызыл Ту», «Құрмет белгісі», «Құрмет» ордендері және Қазақ КСР Жоғары Кеңесінің Құрмет грамоталарымен марапатталды.

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Маусым 2019 >
          1 2
3 4 5 6 7 8 9
10 11 12 13 14 15 16
17 18 19 21 22 23
24 25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары