Өзекті мәселелер

  • 15.11.18

    Сыр елінің серпіні ерекше екенін аймақ тұрғындары да, сырт көз – сыншылар да жиі айтып жүр. Экономикалық даму тұрғысынан кей салаларда сәл шегініс болса, басым бағыттар да жеткілікті. «Жұмыла көтерген жүк жеңіл» екендігін дәлелдеп келе жатқан қызылордалықтар мемлекеттік бағдарламалар аясында біраз шаруасын шалқытып отыр. Әсіресе кәсіпкерлер тарапы жолдауда айтылған тапсырмалар бойынша өз міндет...

    Толығырақ...
  • 15.11.18

     

     

    Берікбол  БАЙХОЖАЕВ,

    ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызы...

    Толығырақ...
  • 15.11.18

    «Балама әйелді өзім таңдап алып беремін. Байдың байлығына қызықпаймын, бидің билігіне қызықпаймын, асыл пышақ қап түбінде жатпайды. Келінім ақылды болса, ұлымның елге даңқы кетеді. Би түскендей үй болу – әйелден. Әйелі жақсы болмай ер оңбайды? Ердің бақытын кетіретін де – әйел, ерге бақыт әперетін де – әйел» деп келінін өзі таңдайтынын айтқан Төле бидің Данагүлді қалай жолық­тырып, баласына айт...

    Толығырақ...
  • 15.11.18

    Қытық! Қызылы бар қызық сөз, құмары бар құнды сөз. Мұны солдан оңға қарай оқысаң да – қытық, оңнан солға  қарай  оқысаң да – қытық. Бұрын­ғы қыздардың бетінде қызарып, көз тартып­, көрініп тұрушы еді. Қазір ше? Зәру. Қат дүние. «Бүгінгі күні бүтін махаб­бат бар ма? Әй, қайдам? Сезім шіркін семіп кеткен. Ал қытық байғұс қырық жыл бұрын қайтыс болған» деп гөйітеді баз біреулер. Жо-жоқ, қытық әлі ...

    Толығырақ...
  • 15.11.18

    Бір күні қарап отырмай жеке бизнес жасағым келді. Жұрттың бәрі байып жатыр.­ «Кедей бол» деп менің маңдайыма біреу бормен бадырайтып жазып қоймағ­ан болар. Ауладағы жазғы үйді бұзып, «шындық» сататын дүкен аштым.

    - Әй, балам көп ұзамай тақырға отыра­сың,­ - деп әкем басын шайқады.

Халық-хабар
Инвесторлардың құқығын қорғау жобасы таныстырылды
08.11.2018 09:51

Қызылордада сыбайлас жемқорлыққа қарсы фронт офис алаңында отандық инвесторлармен кездесу өткізіліп, инвесторлардың құқығын қорғауға бағытталған «PROTECTING BUSINESS AND INVESTMENTS» жобасы таныстырылды.

Кездесуді Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаменті басшысының орынбасары Б.Байхожаев ашып, мемлекет басшысы Н.Назарбаевтың Қазақстан халқына арнаған биылғы Жолдауында айқындалған сыбайлас жемқорлыққа қарсы шараларға тоқталып өтті.

Облыстық департаментің сыбайлас жемқорлық профилактикасы басқармасының басшысы Б.Ізкенов сыбайлас жемқорлыққа қарсы сүйемелдеу бойынша жобаны таныстыра отырып, осы жоба аясында құрылған фронт офис бизнес субъектілерімен тығыз байланыс орнатуда үлкен көмек болып отырғанын жеткізді.

«Қазіргі уақытта фронт офиске инвесторлар мен кәсіпкерлерден 12 өтініш түсіп, оның 8-і өз шешімін тапса, қалған 4-еуі қаралу үстінде. Түскен өтініштер қатарында кәсіпкерлік субъектілерінің заңды құқықтары мен мүдделеріне нұқсан келтіргені үшін жекеленген лауазымды тұлғалардың әрекетіне қатысты өтініштер бар», – деп атап өтті ол.

«Мысалға, Арал аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы А.Тасқынбаевқа қатысты шағым бар. Ол өзінінің заңсыз әрекетімен «Жолаушы А.Б. Сервис» ЖШС-не өз қызметін жүзеге асыруға кедергі келтірген. Аталған лауазымды тұлға серіктестікпен жасалған ауданішілік жолаушылар тасымалдау шарты бола тұра ішкі істер органдары арқылы автобекетке серіктестіктің көлік құралдарын кіргізбеуді сұраған. Осылай кәсіпкерлік субъектінің қызметіне ашық түрде бөгет келтірген. Сондай-ақ, Шиелі аудандық ауыл шарушылығы бөлімінің басшысы М.Әшірбеков өзінің әрекетімен басқа кәсіпкерлік субъектілерінің мемлекеттік сатып алу конкурсына қатысу құқығын шектеген. Аталған тұлға жерге орналастыру қызметін сатып алуды жалпы конкурс негізінде өткізбей, бір көзден сатып алу тәсілімен «Госспецзем» ЖШС-мен шартқа отырған. Нәтижесінде басқа кәсіпкерлердің мемлекеттік сатып алу конкурсына қатысу құқығы шектелген. Осы мәселелер облыстық әдеп жөніндегі кеңес отырысында қаралып, кеңес шешімімен лауазымды тұлғалар «Атқарып отырған қызметіне сәйкес еместігі туралы ескерту» түріндегі тәртіптік жазаға тартылды» - деді ол.

 
Қызылордада «Бизнес-мектеп» аясында 368 жоба қаржыландырылды
07.11.2018 14:39

«Бизнестің жол картасы» бағдарламасы аясындағы «Бизнес-кеңесші» оқу курсы бүгінде қызылордалықтардың іздеп жүріп оқитын жобасына айналды. Екі күндік курста кәсіпкерліктің негіздері түсіндіріліп, жалпы бағыт-бағдар берілетін болғандықтан, «қандай іс бастасам екен?» деп жүрген азаматтар үшін бұл таптырмас мүмкіндікке айналуда.

Бүгінде аталмыш курсқа қатысып, өзінің бастаған ісіне береке бітіріп, қолға алған ісін алға жылжытып, дамытып отырған азаматтар ел ішінде де жетерлік. Солардың қатарында талсуаттық кәсіпкер Айсұлу Боранбаева да бар. Ол сіңлісі Қарлығашпен ақылдасып, отбасылық бизнесті қолға алады. Алдымен облыстық кәсіпкерлер палатасына барып, кеңес алады. Одан кейін екі күндік «Бизнес-кеңесші» оқу курсына қатысып, өзінің бизнес-жоспарын әзірлейді. Нәтижесінде Қызылорда қаласына қарасты Талсуат ауылдық округінде «Ислам» нан пісіру цехын ашады. Наубайхананың барлық жұмысын шаруашылықтан икемі бар сіңлісі Қарлығашқа тапсырады. Ол өз кезегінде кәсіпті дөңгелетіп алып кетті.

«Қазір ауылды нан өнімдерімен қамтамасыз етіп отырмыз. Шүкір, нанға сұраныс жоғары. Сондықтан да ендігі кезекте наубайханамызды кеңейтуді де ойластырудамыз. Наннан өзге кекс, рогалики, торттарды пісіріп жатырмыз», - дейді кәсіпкер Қарлығаш Балмолдаева.

Кәсіпкер «Қызылорда» өңірлік инвестициялық орталығынан алған 4 млн. теңге несиеге наубайханаға ең қажетті нан пісіретін пеш пен нан илейтін құрал және нан тарататын көлік сатып алады. Шағын ғана наубайханада ас атасының бірнеше түрі пісіріледі. Күніне 400 бөлкеге дейін нан пісіретін кәсіпкер өнімін жергілікті дүкендерден өзге, көршілес Айнакөл, Қаракөл ауылдарына да өткізеді. Тапсырыспен тоқаш, самсаларды да әзірлейді. Бүгінде 2 адамды жұмыспен қамтып отыр.

Айта кету керек, Қызылордада «Бизнес-кеңесші» оқу курсы бойынша осы жылдың 9 айының өзінде 1191 азамат оқытылды. Оған қоса «Бизнес өсу» жобасы аясында 107 азамат, «Тәлімгерлік оқыту» бойынша 65 азамат өз білімдерін жетілдірді.

Жалпы, «Бизнестің жол картасы» бағдарламасы шеңберіндегі  «Бизнес-Мектеп» аясында оқу курстарын аяқтаған 1363 азаматтың ішінен жалпы құны 839,608 млн. теңгені құрайтын 368 жоба қаржыландырылды.

Қызылорда облысы

кәсіпкерлер палатасының баспасөз қызметі

 
СОҒЫС ЖӘНЕ ЕҢБЕК АРДАГЕРІ БӨРІБАЙ ҚҰЛМАНОВ - 98 ЖАСТА
07.11.2018 14:34

Облыс әкімі Қырымбек Көшербаев Бөрібай Құлманұлының үйіне барып, туған күнімен құттықтады.

«Сіз өнегелі өміріңізбен баршаға үлгі бола білген, ел үшін еткен еңбегіңіз, халық игілігіне айналған, Отан үшін от кешкен ерлігіңіз жас ұрпаққа ұран болған адамсыз.  Сізді Сыр өңірі жұртшылығы атынан шын жүректен құттықтаймын,» - деді аймақ басшысы.

Ардагерді облыстық ардагерлер кеңесінің төрағасы Серік Дүйсенбаев, облыстық мәслихат хатшысы Наурызбай Байқадамов және басқа да қоғам қайраткерлері құттықтады.

Облыстың әлеуметтік-экономикалық дамуына елеулі үлес қосқаны үшін Б.Құлмановқа Қызылорда облысының Құрмет грамотасы табысталды.

Бөрібай Құлманұлы өзіне көрсетілген құрмет үшін алғысын білдірді.

Б. Құлманов 1920 жылы туылған. Еңбек жолын қарапайым ауылшаруашылық саласынан бастады. Ұлы Отан Соғысында Беларусь, Польша, Германия майдандарында соғысты. Соғыс аяқталған жылы Қытайда және Шығыс Түркістан Республикасында құпия миссия атқарды. Елге оралғаннан кейін облыстық ауылшаруашылығы басқармасында қызметте болды. Зейнеткерлікке шыққаннан кейін де Қызылорда экспериментальды-механикалық жөндеу заводында қызмет атқарды.Осындай ел мүддесі жолындағы еселі еңбектері үшін Құлманов Бөрібай ағамыз «Қызыл жұлдыз», «Отан соғысы» және «Еңбек Қызыл Ту», «Құрмет белгісі», «Құрмет» ордендерінің иегері, Қазақ КСР Жоғары Кеңесінің Құрмет грамоталарымен марапатталды.

 
ШЫҒЫС ҚАЗАҚСТАН ОБЛЫСЫ «ҮМІТ» БАЛАЛАР ҮЙІНІҢ ТӘРБИЕЛЕНУШІЛЕРІ ҚЫЗЫЛОРДАҒА КЕЛДІ
07.11.2018 09:53

Балалар Қорқыт ата мемориалдық кешенінде болып, "Байқоңыр" ғарыш айлағындағы мұражаймен танысты. Сонымен қатар, облыстық тарихи-өлкетану мұражайынан Қызылорда облысының тарихы туралы жәдігерлерді көзбен көрді және "Атамекен" балалар ауылындағы құрдастарымен бірлескен концерт өткізді.

Айта кетейік, Қызылорда облысында балалар үйі 2015 жылы жабылды, қазір аймақта 47 бала тәрбиеленіп жатқан "Атамекен" отбасы үлгісіндегі балалар ауылы жұмыс істейді.

Кеше облыс әкімі Қ.Көшербаев "Үміт" үйінің өкілдерімен кездесті.

"Қызылорда облысында 200 мыңнан астам бала тұрады, оның 150 мыңы - мектеп оқушылары. 2014 жылдан бастап 510 түлек РФ Үкіметі есебінен Мәскеу мен Санкт-Петербургтің беделді жоғары оқу орындарының гранттарына ие болды. Олардың ішінде балалар ауылының бұрынғы тәрбиеленушісі Кашапова Наргиз да бар. Дарынды балаларға, республикалық және халықаралық олимпиадалардың, ғылыми жобалардың жеңімпаздарына "Сыр дарыны" медалін табыстаймыз. Біздің елімізде білім алу үшін барлық жағдай жасалған. Сіздердің араларыңызда дарынды балалар да бар, олар өз талантымен елімізді ғана емес, Еуропаны да бағындырды. Сіздерге ұлы идеялар мен табысты жетістіктердің қозғаушы күші болуға тілектеспін", - деп атап өтті аймақ басшысы.

Қырымбек Көшербаев балалардың сұрақтарына жауап беріп, оларға естелік сыйлықтар табыс етті.

"Барлық "үміттіктердің" атынан Сізге жылы қабылдағаныңыз үшін алғыс білдіруге рұқсат етіңіз! Біз бұрыннан қонақжай Қызылорда жеріне баруды, өлкенің сұлулығын көруді армандаған едік. Мұнда біз жаңа апа-сіңлілер мен аға-қарындастар таптық және оларды шығыста көруге әрдайым қуаныштымыз", - деді "X-Factor.kz" телевизиялық музыкалық жобасының V маусым жеңімпазы Евгений Выблов.

Балалар бағдарламасы "Арай" аквапаркінде жалғасады, ал 7 қарашада балалар Түркістанға, Қожа Ахмет Яссауи кесенесіне барады.

Айта кетейік, "Ұлт руханиятының алтын қазығы – Сыр елім!" іс-шарасы "Рухани жаңғыру" бағдарламасы аясында облыстық білім басқармасының ұйымдастыруымен өтіп жатыр.

Облыс әкімінің баспасөз қызметі

 
ҚЫЗЫЛОРДА ОБЛЫСЫНДА АУЫЛ ТҮЛЕКТЕРІНЕ АРНАЛҒАН БІЛІМ БЕРУ ГРАНТТАРЫ 2 ЕСЕГЕ АРТТЫ
07.11.2018 09:50

Жыл сайын аймақта көпбалалы отбасылардан шыққан талапты ауыл жастары үшін әкімнің білім беру гранттары бөлініп келеді. Биыл білім гранттарының саны 200-ге жетіп отыр. Сонымен қатар, Мемлекет басшысының тапсырмасына сәйкес Сыр өңірінде кәсіптік мамандықтарға 500 грант бөлінді.

Мәжілісті ашқан облыс әкімі Мемлекет басшысының Қазақстан халқына арнаған Жолдауы аясында 2019 жыл «Жастар жылы» болып жарияланғанын атап өтті.

«Жастар арасында қалыптасқан әлеуметтік проблемаларды шешу, табысты, бәсекеге қабілетті және ұлтжанды жас қазақстандықтарды қалыптастыру - аға буынның міндеті. Осы мақсатта Қызылорда облысының мемлекеттік жастар саясатын дамытудың 2021 жылға дейінгі Жол Картасы бекітіліп, онда жұмысқа орналасу, тұрғын үй, білім алу, бос уақытын тиімді өткізу, т.б. жастардың өзекті мәселелері қарастырылған. Жыл сайын 100 дарынды да талапты ауыл балалары, оның ішінде, аз қамтылған және көпбалалы отбасынан шыққан жастар еліміздің белді жоғарғы оқу орындарында облыс әкімінің грантымен білім алуда. Биыл біз мұндай гранттардың санын екі есеге өсіріп, 200-ге жеткіздік»,-деді аймақ басшысы.

Сондай-ақ, «Бағдарламаға қатысушыларды техникалық және кәсіптік біліммен, қысқа мерзімді кәсіптік оқумен қамтамасыз ету» бағыты бойынша аймақтағы 20 кәсіптік-техникалық білім беру ұйымдарында жастар 16 кәсіби емес мамандық бойынша білім алуда.

«2018-2019 жаңа оқу жылына 500 орынға мемлекеттік тапсырыс бөлінді. Елді мекендерден шалғай орналасқан білім беру ұйымдарына барып-қайтуы үшін материалдық көмек те қарастырылған. Нәтижелі жұмыс істеп, колледж бітірушілерін жұмыспен қамту көрсеткішін жоғарылату, оқу орындарының материалдық-техникалық базасы мен оқытушылардың сапалық деңгейін арттыру, өңірде жұмысшы мамандарды даярлау бойынша белсенді жұмыс жасауымыз қажет»,-деп атап өтті облыс әкімі.

Естеріңізге сала кетейік, 2014 жылдан бастап Мәскеу мен Санкт-Петербургтің озық оқу орындарында 452 қызылордалық студент Ресей федерациясы үкіметінің гранты есебінен білім алуда. Осы жылы алғашқы 74 түлек оқуын тамамдады, олардың 43-і магистратурада оқуларын жалғастырады, қалғандары облыстың ірі кәсіпорындарына - «СКЗ-У» ЖШС, «Қызылорда жарығы» ЖШС, «Ансар Сервис» ЖШС, «Теплотехник» ЖШС, мамандандырылған мемлекеттік мекемелерге - индустриалды-инновациялық даму, энергетика және тұрғын үй-коммуналдық шаруашылық басқармалары мен жастар ресурстық орталығына және т.б. жұмысқа орналастырылды. Айта кетейік, келесі жылы тағы 150 түлек оқуын бітіреді деп күтілуде.

Жалпы, жастармен барлық бағыттар бойынша жұмыс жүргізілуде. Айта кету керек, Қызылорда облысы республикада алғашқылардың бірі болып «NEET категориясындағы жастармен жұмыс жасаудың кезеңдік жоспары» мен «2021 жылға дейінгі мемлекеттік жастар саясатын дамытудың жол картасын» қабылдады. Аталмыш құжаттар шеңберінде қоғамдық өмірдің түрлі салаларында жобалар жүзеге асырылуда.

Өткен жылдан бастап қызылордалық жастар ресурстық орталығы еуропалық жұмыс үлгісіне көшті. Оның шеңберінде орталықта жастарға қажетті барлық қызмет түрлері: коворкинг орталығы, жаттығу залы, тіл үйрету курстары, интернет қызметтері, заңгерлер, дәрігерлер мен басқа да мамандардың кеңес беруі, кинозал және т.б. қызметтер ұсынылады. Келесі жылы Сырдарияның сол жағалауында жаңа жастар ресурстық орталығы пайдалануға беріледі.

Қазіргі таңда аймақтағы халықтың 24%-ы - жастар, олардың ішінде 190 мыңнан астамы - 14-29 жас аралығында, ал экономикалық тұрғыдан белсенділері - 110 мыңнан астам. Айта кетейік, аймақ тұрғындарының жалпы саны 700 мыңнан астам адамды құрайды.

Облыстық жастар саясаты басқармасының басшысы Қуаныш Жанұзақов аймақтағы жастарды қолдау жөніндегі шараларды жүзеге асыру барысы жайлы баяндады.

«Білім және ғылым министрлігі мен Дүниежүзілік банктің бірлескен «ZhasProject» жобасының аясында Қызылорда облысында 266 жоба қолдау тауып, 900-ге жуық жастар жұмысқа орналасты», - деді Қуаныш Жанұзақов.

Сонымен қатар, басқарма басшысы жастарға қолдау көрсету бойынша мектептерде кәсіптік бағдар беру кабинеттерін ашу, кеңес беруді қамтамасыз ету үшін жастар мәслихатын қосу, жас аналарды қолдау және тұрғын үй мәселелерін шешу және т.б. бірқатар ұсыныстарын білдірді.

Мәжілісте облыстық білім басқармасының бастығы Майра Мелдебекова және қала мен аудан әкімдері сөз сөйледі.

«Келесі жылы жастар мәселесіне арналғаны өте маңызды, қоғамның бұл категориясы барынша қолдау және ерекше назар аударуды талап етеді. Осыған орай, «Жастар жылын» атап өтуге мамандар толық, барынша сай болуын қамтамасыз ету мақсатында жұмыстар жүргізіліп, барлық жауапты тұлғалар маңызды іс-шараларды ұйымдастыруға қатысуы тиіс», - деді аймақ басшысы.

Мәжілісті қорытындылай келе, облыс әкімі Қ.Көшербаев білімге, дағдыға, тәжірибеге байланысты адам капиталын дамытудың қоғам болашағы үшін маңыздылығын, «Болашақ жастарға тікелей байланысты» екенін атап өтті.

Облыс әкімінің баспасөз қызметі

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қараша 2018 >
      1 2 3 4
5 6 7 8 9 10 11
12 13 14 16 17 18
19 20 21 22 23 24 25
26 27 28 29 30    

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары