Өзекті мәселелер

  • 17.10.19

    Қазақстан Республикасының Президенті Қасым-Жомарт Тоқаев Қазақстан халқына «Сындарлы қоғамдық­ диалог – Қазақстанның тұрақтылығы мен өркендеуінің негізі» атты алғашқы Жолдауын жариялаған­ы баршамызға белгілі. Сарапшылардың басым­  бөлігі бұл Жолдауға Қазақстан Республикасының Тұңғыш Президенті Н.Ә.Назарбаев айқындап берген саясаттың жалғасы деп баға беруде. Мұны еліміздің негізгі саяси бағыты с...

    Толығырақ...
  • 17.10.19

    Әнуар Дәуленбаев – 2016 жылдың наурыз айынан бастап №8 Төретам сайлау округі бойынша облыстық мәслихат депутаты. Өзінің сайлауалды бағдарламасында Байқоңыр қаласы мен Қармақшы ауданындағы кәсіптік білім беретін оқу орындарының базасын нығайтуға күш салатындығы туралы­  айтқан еді. Айтылған уәде бойынша мектепті жаңадан бітірген, тәжірибесі жоқ және жұмысқа орналаса алмай жүрген жастарды...

    Толығырақ...
  • 17.10.19

    Таңмен таласып, жұртпен жағаласып, кезекті күнімізді қарбаласпен бастап жатырмы­з. Бәрі де бір мақсатты күйттеп, бағыт алып барады. Біреуі жеке көлігімен, енді біреуі қоғамдық көлікпен кетпекші. Қолсағатыма қарасам, сабақтың басталуына­ небәрі 10-15 минутқа­ жетер-жетпес уақыт бар екен. Таксимен жеделд­етіп жетпек ниет­пен, тұрақта тұрған көліктің артқы есігін ашып, отыра кеттім. Тәуелсіздік да...

    Толығырақ...
  • 17.10.19

    «Сыбырлағанды да Құдай есітпей ме?» деген. Несіне жасырамыз, осыдан бірнеше жыл бұрынғы Қармақшының халін дүйім жұрт біледі. Экономикасы баяу, кәсіптің көзі жоқ, алға жылжиын десе халықта ынта болмаған еді. Мұндайда елдің есін жинайтын көреген басшы керек. Жұрттың да тілегені табылғандай, әуелі Жаратқанның, содан соң білікті басшылардың арқасында Қармақшы ауданында динамикалық өсу қарқы...

    Толығырақ...
  • 16.10.19

    Тәуелсіздік күні қарсаңында «Шіркейлі» арнасындағы көпірдің ашылу салтанаты өтеді... «7-20-25» бағдарламасы бойынша тұрғын үйлер халық игілігіне пайдалануға беріледі... Жыл басынан бері сәулет-құрылыс саласындағы заңнама талаптарын бұзған тұлғаларға 16 млн 822 мың теңге айыппұл салынған... 2019-2021 жылдары газдандыру жұмыстарына 22 млрд теңге қаржы бөлінеді...

Халық-хабар
КИНОЛОГИЯЛЫҚ ЕСЕП ТОПТАРЫНЫҢ СЕРТИФИКАЦИЯЛАУ СЫНАҒЫ ӨТКІЗІЛУДЕ
15.10.2019 11:40

Құтқарушылар күні қарсаңында Төтенше жағдайлар комитетінің жедел құтқару жасақтарының кинологиялық есептоп сертификациялық сынақтары бойынша ағымдағы жылғы 14-17 қазан аралығында алғаш рет Қызылорда қаласында өткізілуде. Республика көлемінде ұйымдастырылған шараға еліміздің Алматы, Шымкент қалалары мен 7 облысынан 29 кинологиялық есеп қатысуда.

Шараның ашылу салтанатында Қызылорда қаласы әкімінің орынбасары Е.Бердібаев, Қызылорда облысы ТЖД бастығының орынбасары С.Молдақараев және «Қызылорда еріктілері» қоғамдық бірлестігінің төрайымы О.Чебакова сөз сөйлеп, қатысушыларға сәттілік тіледі.

Сертификаттау комиссиясы өрт сөндіру қызметінің мәжіліс залында сынға түсетін кинологиялық есептің кезектілігін жеребе бойынша анықтады. Комиссия құрамында Республикалық «Жедел құтқару жасағы» ММ Кинологиялық бөлімінің жетекшісі О.Гуржеева, Қостанай облысы ТЖД Өрт сөндіру және авариялық ққұтқару жұмыстары» ММ жедел-құтқару жасағы кинологиялық бөлімінің бас құтқарушысы В.Смолов, Қызылорда облысы ТЖД азаматтық қорғау бөлімінің бастығы, майор Б.Кенжебаев, Астана қаласы ТЖД « Өрт сөндіру және авариялық құтқару жұмыстары» ММ жедел-құтқару жасағы кинологиялық бөлімінің бас құтқарушысы В.Кислинский бар.

Сынақтың алғашқы күні лабрадор, неміс, бельгиялық овчаркалар және басқа да қызметтік иттер тіл алу және шапшаңдығын тексеру кезеңі бойынша сынаққа түсті.

Үш күнге жалғасатын шарада қызметтік иттер табиғи ортада және қираған ғимараттар мен құрылыстар үйінділері ортасында іздестіру-құтқару кезеңдері бойынша тапсырмаларды орындайды. Сынақ соңында арнайы сертификаттар табысталады.

Қызылорда облысы ТЖД

Өрт сөндіру және авариялық-құтқару жұмыстары қызметі

 
БІР ӨТІНІШПЕН АЛУҒА БОЛАТЫН МЕМЛЕКЕТТІК ҚЫЗМЕТТЕР САНЫ КӨБЕЙЕДІ
15.10.2019 11:05

«Азаматтарға арналған үкімет» мемлекеттік корпорациясы композитті түрде көрсетілетін қызмет түрлерін арттырмақ. Бұдан былай қандай да бір мемлекеттік қызметті алу үшін толтырылатын өтініш саны азайтылатын болады.

2020 жылы қызмет көрсету процесін оңтайландыру үшін 55 түрлі мемлекеттік қызмет 21 түрлі композиттік қызметке біріктіріледі деп жоспарланып отыр.

«Мұндай қызметтердің ішінде жер актісін алу қызметі үлкен сұранысқа ие деп ойлаймын. Мәселен, қазір бұл қызметті алу үшін 4 түрлі өтініш жазу керек. 2020 жылдан бастап, бұл актілердің барлығы біріктіріліп, «Сәйкестендіру құжаттарын әзірлеу және беру» сияқты бір қызмет арқылы қолжетімді болады. Бұған дейін біз зейнеткерлікке байланысты төлемдерді тағайындау бойынша барлық қызметті композит қызметіне біріктіргенбіз», – дейді мемлекеттік корпорацияның басқарма төрайымы Әсемгүл Балташева.

Айта кетейік, зейнеткерлік төлемдерді бір ғана өтінішпен тағайындауға мүмкіндік беретін қызмет бір жыл бұрын іске қосылған, содан бері композитті түрде 99,2 зейнетақы тағайындалған. Бұған дейін зейнет жасына жеткен азамат ХҚО-ға келіп жасына байланысты және базалық зейнетақыны төлеу бойынша 2 өтініш беретін, әрі бір айдан кейін қайтадан мемлекеттік кепіл төлем жасау туралы өтініш жазып, кейін  Бірыңғай жинақтаушы зейнетақы қорына барып, тағы бір өтініш толтыратын. Енді осы 4 қызмет үшін ХҚО-ға бір-ақ рет барып, бір ғана өтініш жазу жеткілікті.

 

«Азаматтарға арналған үкімет»

мемлекеттік корпорациясы» КЕ АҚ

Қызылорда облысы бойынша

филиалының баспасөз қызметі

 
ТАҒАЙЫНДАУЛАР
14.10.2019 15:00

Облыс әкімінің өкімімен Шаменов Бауыржан Серікұлы Қызылорда облысының табиғи ресурстар және табиғат пайдалануды реттеу басқармасының басшысы қызметіне тағайындалды.

Б.Шаменов 1981 жылы туған. Қазақ гуманитарлық заң университеті мен Құқық және нарық академиясын бітірген. Еңбек жолын «Рух» заң компаниясының заңгері ретінде бастаған. Әр жылдары Қызылорда облысының қазынашылық департаменті мен Қазақстан Республикасы Мемлекеттік қызмет істері агенттігінің Қызылорда облысы бойынша басқармасында жауапты қызметтер атқарған.

2008-2013 жылдары Қызылорда облысы әкімі аппаратының мемлекеттік-құқықтық жұмыстар бөлімінің басшысы болған.

2013 жылдың шілде айынан бастап осы кезге дейін Қызылорда облысының табиғи ресурстар және табиғат пайдалануды реттеу басқармасы басшысының орынбасары лауазымында қызмет атқарып келді.

*****

Қазақстан Республикасы Сауда және интеграция министрінің бұйрығымен Сүлейменов Ерқасым Жайбергенұлы Қазақстан Республикасы Сауда және интеграция министрлігі Тұтынушылардың құқықтарын қорғау комитетінің Қызылорда облысы бойынша департаментінің басшысы лауазымына тағайындалды.

Е.Сүлейменов 1963 жылы туған. Жамбыл гидромелиоративтік-құрылыс институтын, Әл-Фараби атындағы Қазақ ұлттық университетін және Қорқыт Ата атындағы Қызылорда мемлекеттік университеті мен Қазақстандық экономика және құқық институтын бітірген. Еңбек жолын «Қызылордаремводстрой» трестінің жұмысшысы ретінде бастаған. Әр жылдары Табиғи монополияларды реттеу және бәсекелестікті қорғау комитетінде жауапты басшылық қызметтер атқарған.

2017 жылдың тамыз айынан бастап осы кезге дейін Қазақстан Республикасы Ұлттық экономика министрлігінің Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаментінде бөлім басшысы лауазымында қызмет атқарып келді.

*****

Қазақстан Республикасы Энергетика министрлігі жауапты хатшысының бұйрығымен Қалжанов Саламат Сағынайұлы Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Қызылорда облысы бойынша аумақтық департаментінің басшысы лауазымына тағайындалды.

С.Қалжанов 1964 жылы туған. Қорқыт Ата атындағы Қызылорда мемлекеттік университеті мен Қазақ гуманитарлық заң университетін бітірген. Еңбек жолын Арал ауданында Орта кәсіптік техникалық училищесінде мастер болып бастаған.

2007-2008 жылдары Қызылорда облысының энергетика және коммуналдық шаруашылық басқармасының басшысы болған.

2008-2018 жылдары Мемлекеттік энергетикалық қадағалау комитетінің Қызылорда облысы бойынша аумақтық бөлімшесін басқарған.

2018 жылдан осы кезге дейін Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Алматы қаласы бойынша аумақтық департаментінің басшысы лауазымында қызмет атқарып келді.

 
ҚАЙЫРЫМДЫЛЫҚ КӨМЕГІН ЖАСАДЫ
14.10.2019 11:35

Өткен сенбіде облыс орталығында «Алтын дән – 2019» шарасы аясында Қазалы ауданының ауыл шаруашылығы өнімдерінің жәрмеңкесі ұйымдастырылды. Қаланың «Шұғыла» мөлтек ауданында болған жәрмеңкеге қазалылықтар елуге тарта көлікпен күріш, күріш қалдығы, ет және ет өнімдері, балық пен сүт өнімдері, ауданның мақтанышы іспеттті «Қазалы конфеті», бақша өнімдері мен көкөніс, 40 бас қой, тоқты апарған болатын.

Жәрмеңкеде 23 млн теңгенің ауыл шаруашылығы өнімдері нарық бағасынан 10-15 пайыз төмен бағада сатылды. Оған қоса Қазалы ауданы әкімдігінің ұйымдастыруымен тұрмысы төмен отбасыларға 500 мың теңге көлемінде заттай (күріш, картоп, жуа, сәбіз) қайырымдылық көмегі көрсетілді. Ауқымды шара барысында қазалылық өнерпаздар қала тұрғындарына концерттік бағдарлама ұсынып, көтеріңкі көңіл күй сыйлады.

 

Жұмабек Табынбаев,

Қазалы ауданы

 
БІЛІМ ОРДАСЫНЫҢ МЕРЕЙЛІ МЕЗЕТІ
14.10.2019 11:20

«Білім ап саяңнан...». Осынау өлең жолдарында қаншама мән-мағына жатыр десеңізші. Мұны Қазалы көлік-техникалық жоғары колледжінде өткен игілікті шараға қатысқан әрбір адамның жүзінен анық аңғарғандай болдық. Бұл күні тағылымы мол білім ордасын мерекелік көңіл күй кернеді.

Алғашқыда Қазалы паровоз депосының жанынан ФЗУ болып ашылып, кейін әртүрлі атауларды иеленген білім ошағы 2013 жылдың қаңтарынан Қазалы көлік-техникалық колледжі, екі жыл бұрын облыс әкімдігінің қаулысымен Қазалы көлік-техникалық жоғары колледжі статусын иеленді. Іргелі ұжымды қазіргі таңда Қазақстан Республикасы Білім беру ісінің үздік қызметкері, байырғы маман Болатбек Ахметов басқарады. Кезінде ұлан-ғайыр Кеңес одағының түкпір-түкпірінен келген курсанттар дәріс алып, теміржол саласының ұсталарын, вагон жөндеушілер мен қараушыларды, вагон ағаш ұсталарын, өзге де мамандық иелерін дайындаған білім ордасының әлі де бәсі биік.

Мұнан тура 90 жыл бұрын іргетасы қаланған, өмірдің сан белесін бағындырған, қазіргі таңда Қазалы көлік-техникалық жоғары колледжі атауын иеленген білім ордасындағы салтанатты шараға ардагер ұстаздар, білім ордасының түлектері, әр ауданның колледждерінен келген оқытушылар қатысты.

Колледждің мәдениет үйінде өткен салтанатты шарада Қазалы ауданы әкімі Мұрат Ергешбаев құттықтау сөзінде осынау іргелі білім ордасының өзіндік терең тарихы, бағыт-бағдары бар, тағылымы мол екенін, талай адамның бағын ашып, болашағының жарқын болуына себепші болғанын айтты. Аталмыш білім ордасы көпшіліктің мақтанышына айналғанын, теміржол саласының білікті мамандарын дайындайтын қара шаңырақ осы жылдар ішінде терең де ұлағатты тарихи жолдан өтіп, асқақ асуларды алғанын, арада өткен уақыт ішінде колледждің материалдық-техникалық базасы нығайып, педагогикалық кадрлар әлеуеті жоғары іргелі де бірегей оқу орнына айналғанын тілге тиек етті. Сондай-ақ, оқу орнын бітірген кадрлар облыстың, ауданның әлеуметтік-экономикалық, мәдени-рухани салаларын дамып, өркендеуіне өз үлестерін қосып жүргендерін, колледжді үздік бітірген Геннадий Шиповских Қазақстан Республикасы Парламенті Мәжілісінің депутаты екенін, білім бәсекесінде аудандық деңгейде ғана емес, облыстық көлемде зор маңызға ие колледждің тойы ортақ қуаныш саналатындығын тебірене жеткізді.

Келесі кезекте Мұрат Нәлхожаұлы бірқатар ұлағатты ұстаздарды облыс және аудан әкімінің «Алғыс хатымен» марапаттады. Шарада облыстық білім басқармасының басшысы Майра Мелдебекова, «Қазақстандық салалық Білім және ғылым қызметкерлерінің кәсіптік одағы» қоғамдық бірлестігі Қызылорда облыстық кәсіподақ комитетінің төрайымы Райкүл Байназарова, «Кәсіптік білім көкжиегі» газетінің бас редакторы Сексенәлі Раханов колледж ұжымын мерекелерімен құттықтады. Өз кезегінде Қазалы көлік-техникалық жоғары колледжінің директоры, Қазақстан Республикасы Білім беру ісінің үздік қызметкері Болатбек Ахметов өзі басшылық жасайтын білім ордасының жетістігіне тоқталып, қонақтарға ризашылығын білдірді.

Салтанатты шарада мерейтойға орай жарық көрген «Күре жолдың шамшырағы» атты кітаптың тұсауы кесіліп, меймандарға таратылды.

Жұмабек  Табынбаев,

Қазалы ауданы

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Қазан 2019 >
  1 2 3 4 5 6
7 8 9 10 11 12 13
14 15 16 17 18 19 20
21 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары