Өзекті мәселелер

  • 18.10.18

    Диас  БАХРАДДИН,

    байдарка және каноэде есуден Жасөспірімдер олимпиада ойындарының чемпионы:


    Толығырақ...

  • 18.10.18

    Бұл өлке – өрелі өркениеттер тоғысы­нда тарихын тереңнен тартқан мекен.­ Талай қаһарман хандар мен білекті батырлар, суырыпсалма ақындар шыққан жер. «Жүз жырау» дүниеге келген осы Қармақшы елі әр қазақ үшін қастерлі, қасиетті. Аудан толығымен Тұран ойпатыны...

    Толығырақ...
  • 18.10.18

    Сыр  өңірінде  өзінің  тарихымен, экономикасымен, даңқты тұлғаларымен дараланған бір аудан болса, ол – киелі Шиелі өңірі. Жер көлемі 3426915 га  құрайтын  аудан – ежелгі  Сырдария  өзенінің  орта  ағысынан­ орын тепкен мекен, талай тарихи оқиғаның к...

    Толығырақ...
  • 18.10.18

    «Алдағы  бес  жыл  ішінде білім, ғылым, денсаулық сақтау­  салаларына  барлық көздерден  жұмсалатын қа­ра­жат­ты  ішкі  жалпы өнімнің  10  пайызына дейін жеткізу  қажет».

     

    ЖАЛАҚЫ  КӨБЕЙЕ   БАСТАДЫ

    Мұндай пәрменді ел Президенті өз Жолдауында атап көр­сеткен болатын. Бұл сала мамандары үшін жақсы м...

    Толығырақ...
  • 18.10.18

    Лақ бірде жайылымда жүріп ұйықтап қалды. Оянған соң қараcа, көзіне ешнәрсе­ шалынбады. Далада жалғыз қалыпты. Отардың соңынан қуып, жүгіре жөнелді. Жүгіріп келе жатып қасқырға кезікті.

    – Ей, мұнда неғып жүрсің? - деді қасқыр­  көзі  оттай  жанып.

    – Қуаласпақ ойнап, - деді лақ тез ес жиып.

    – Кіммен?

    – Ағаммен. Сөйтті де, артына бұрылып:

    Толығырақ...
Халық-хабар
83 алтын, 52 күміс, 109 қола қоржынға түсті
25.06.2014 16:09

Аймағымызда дене шынықтырумен және спортпен жүйелі шұғылданатындар саны - 172473 адам. Бұл жалпы облыс халқының 23,4 пайызын құрайды. Және республикалық орта көрсеткіштен 0,3 пайызға артық. Бұл жайында бүгін «Сыр медиа» ЖШС жанындағы облыстық коммуникациялар орталығында өткен басқосуда облыстық дене шынықтыру және спорт басқармасы басшысының орынбасары Бағдат Кендебайұлы мәлімдеді.

-Соңғы 5 жылда облысымызда 320 шағын спорт алаңдары пайдалануға берілді. Барша аудан орталықтарындағы стадиондарға жасанды шөп төселіп, көрермендер орыны жөндеуден өтті. Биыл бұқаралық спортты дамыту үшін облыстық бюджеттен 103,6 миллион теңге бөлінді. Бүгінде 283 спорт нұсқаушы 142 елді мекенді қамтып отыр,- деді Б.Қаленов.

Жалпы, облыстық спорттың қарқыны көңілге қонымды. Жыл басынан бері 2 ҚР халықаралық дәрежедегі спорт шебері, 45 ҚР спорт шебері, 59 спорт шеберлігіне үміткерлер әзірленді. Сыр спортшылары ҚР чемпионаттарында 83 алтын, 52 күміс, 109 қола медальды иеленіп, 295 спортшы ұлттық құрама сапына ілікті.

Алда атқарылар істер де ауқымды. Мәселен, ағымдағы жылы қала орталығында Илья Ильин атындағы спорт кешенінің негізі қаланады. «Мұз айдыны» спорт кешені жанынан ұлттық спорт түрлерін дамыту мақсатында 3 мың орындық ипподром бой көтереді. Республикалық бокс федерациясының қаржыландыруымен «Бокс орталығының» құрылысы басталады. Сондай-ақ, Сырдария ауданы Нағи Ілиясов ауылында мемлекеттік-жеке әріптестік аясында Еңбек Ері А.Ерәлиевтің демеушілігімен стадион салынады.

Аталмыш басқарманың мақсаты да айқын. «Қайсар» футбол құрамысының Премьер-лига чемпионатына, ҚР кубогына қатысуын қамтамасыз етуді міндеттеріне алған. Мүмкіндігі шектеулі спортшыларды арнайы көлікпен (22 млн. теңге), құрал-жабдықпен (10 млн. теңге), спорттық киімдермен қамтамасыз етіп, жарыстар ұйымдастырып (1 млн. 700 мың теңге), үздік спортшыларға (6 спортшыға) стипендия тағайындау көзделген.

Халық хабар

 
Ыстық болады
25.06.2014 11:25

«Қазгидромет» республикалық мемлекеттік кәсіпорны Қызылорда гидрометеорология орталығының мәліметіне сүйене отырып, Қызылорда облысы Төтенше жағдайлар департаментінің баспасөз қызметі хабарлауынша, күндіз 26-28 маусым күндері Қызылорда облысының кей жерлерінде ауа температурасы + 40, 42  градустық қатты ыстық күтіледі.

Осыған байланысты аталмыш департамент облыс тұрғындары мен қонақтарына қауіпсіздікті сақтау шараларына баса назар аударуын ескертеді.

 
Жыраулық өнерді қайта тірілткен қаламгер
24.06.2014 18:32

Бүгін ардагер журналист, Қазақ радиосының үздігі Ахат Жанаевтың 80 жылдық мерейтойына арналған шығармашылық кеш өтті. Шараға Сыр өңірінің зиялы қауым өкілдері, қаламгердің замандастары мен туған-туысқандары қатысты.

Бір кездері Қазақ радиосының Қызылордадағы меншікті тілшісі болған азаматтың журналистика саласына қосқан үлесі мен еселі еңбегі ұшан-теңіз. Ұзақ жылдар қазақ радиосында қызмет еткен ардагердің өскен өлкесіне сіңірген еңбегі де бір төбе.

Ардагердің шығармашылық жолында шоқтығы биік туындыларының ішінде Қорқыт күйлерін таспаға түсіруі мен оның насихатталуына үздіксіз еңбек еткенін айта аламыз. Сексеннің сеңгіріне шыққан қаламгердің қызметіндегі құнды дүниелері әлі күнге Қазақ радиосының алтын қорында сақтаулы тұр. Бұл жөнінде «Қазақстан-Қызылорда» телеарнасының директоры Ж.Қарабала айтып өтті.

- Ахат Жанаев ағамыз алғаусыз еңбегінің арқасында елдің ықыласына бөленіп, зор абырой беделге ие болған азамат. Радио мен телевизияның абыройын асқақтатып, мерейін тасытқан қарымды журналисттермен иық тіресіп қызметтес болды. Ахаңның журналисттік қызметінің үлкен белесі - «Сыр сүлейлерінің» мол мұрасын жинақтап, халыққа ұсынуы. Ол кісіні жыршы, жыраулық өнерді қайта тірілткен қаламгер, өнер зерттеушісі десек те болады,-деді ол.

Мерейтойда Қазақстанның құрметті журналисінің өткен өмірі мен қазақ журналистика саласына қосқан үлесі баяндалған бейнеролик көрсетіліп, «Ақмешіт» фольклорлық ұжымы, әнші Ү.Медеуова, жыршы К.Түрікпендер өз өнерлерін ортаға салды.

Халық-хабар

 
Астанада Қызылорда облысының өнер күндері өтеді
24.06.2014 11:39

Ағымдағы жылдың 26-29 маусым күндері Астана қаласында Қызылорда облысының мәдени күндері өтеді. Арқа төріндегі бас қала тұрғындары қызылордалық өнерпаздардың шығармашылығын тамашалайды. Күмбірлеген қобыз, домбыраның қоңыр үні, жыршы, әнші, мың бұралған бишілер, театр әртістерінің қойылымдары астаналықтарға рухани кеш сыйламақ. Бұл туралы облыстық ішкі саясат басқармасы хабарлады.

Қызылорда облыстық Нартай Бекежанов атындағы қазақ музыкалық драма театрының ұжымы Ж.Ерғалиевтің «Құлыптастың көз жасы» драмасымен өнер күндерінің шымылдығы түреді.

27 маусым күні «Конгрес Холл» сарайында «Сыр өңірі – түркі өркениетінің алтын бесігі» көрмесі ұйымдастырылмақ. Арқа төсіндегілер мұнда Қызылорда облысы аумағында болған ескі қалалармен танысып, қолөнер шеберлерінің туындыларын тамашалайды.

Осы күні «Сыр – Алаштың анасы» атты концерт болады. Кеште дәстүрлі жыраулық өнерді насихаттаушы, ҚР еңбек сіңірген қайраткер Алмас Алматов, Эльмира Жаңабергенова, жас жыршылар, халықаралық балалар шығармашылығы конкурстарының лауреаттары, «Томирис» би ансамблі, танымал эстрада жұлдыздары Батырхан Шөкенов, Гүлнұр Оразымбетова, Өмірқұл Айниязов, Елена Әбдіхалықова өнер көрсетеді.

28 маусым күні оқушылар сарайында Иран-Ғайыптың «Қорқыт» драмасы сахналанады.

Соңғы күні «Тілеп Қобыз» сарайында «Сыр сүлейін сұрасаң...» жыршы-орындаушылардың дәстүрлі жыр кеші және оқушылар сарайында Е.Төлеубайдың «Абай» трагедиясының қойылымы өтеді. Осы күні «Конгресс Холл» сарайында ақын, әнші-сазгер Елена Әбдіхалықованың және облыс өнерпаздарының «Мен Сырдариямын» атты кешімен Астана қаласында Қызылорда облысының өнер күндері қорытындыланады.

 
Үздік мемлекеттік қызметшілер марапатталды
24.06.2014 11:20

Кеше «Мемлекеттік қызметшілер күні» аталып өтілді. Облыс әкімі Қ.Көшербаев сала үздіктерін арнайы төсбелгімен марапаттап, жаңадан қызметке қабылданғандар салтанатты түрде ант берді.

Қазіргі таңда облысымыздағы мемлекеттік қызметшілердің саны 3577-ні құрайды. Оның жетеуі саяси мемлекеттік қызметшілер болса, 14-і - «А» корпусының мемлекеттік әкімшілік қызметшілері.

Салтанатты жиында Арал ауданының әкімі Абзал Мұхимов, облыс әкімінің кеңесшісі Ғазымбек Алпысбаев, облыстық қаржы басқармасының басшысы Талғат Жақыпбаев, облыстық кәсіпкерлік және туризм басқармасының басшысы Тельман Сүлейменов, облыстық энергетика және тұрғын-үй коммуналдық шаруашылық басқармасының басшысы Ержан Әбдіқалықов ҚР заңын сақтап, халқына адал қызмет етуге салтанатты түрде ант етті.

– Мемлекеттік қызметшілер жан-жақты, елдің мүддесін бірінші орынға қоятын, тез әрі дұрыс шешім қабылдай алуы керек. Себебі, қоғамдық-саяси, әлеуметтік-экономикалық ахуалдың тұрақтылығы тікелей мемлекеттік қызметке байланысты. Ең бастысы, абыройлы болу. Еңбектеріңіздің жемісін ел көрсін, - деді облыс әкімі Қ.Көшербаев.

Сондай-ақ облыстық экономика және бюджеттік жоспарлау басқармасы басшысының орынбасары Мәлік Тұрманов, облыс әкімі аппаратының бас инспекторы Елена Шмарина, Сырдария ауданы әкімі аппаратының ұйымдастыру-бақылау бөлімінің басшысы Жеңісбек Төрәлиевтер «Үздік мемлекеттік қызметші» төсбелгісімен марапатталды.

Қызылорда облысы әкімінің баспасөз қызметі

 
<< Бірінші < Алдыңғы 741 742 743 744 745 746 747 748 749 750 Келесі > Соңы >>

Күнтізбе

< Қазан 2018 >
1 2 3 4 5 6 7
8 9 10 11 12 13 14
15 16 17 18 19 20 21
22 24 25 26 27 28
29 30 31        

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары