Өзекті мәселелер

  • 14.02.19

    «Бұл ән бұрынғы әннен өзгерек» демекші, өңірлік коммуникациялар қызметінде қала әкімі Нұрлыбек Нәлібаев баспасөз брифингін өткізді. Жасыратыны жоқ, бұған дейін бас шаһардың басшысы баспасөз алаңына ат басын бұрған емес. Өйткені, облыс орталығында өңірдегі БАҚ-тың басым бөлігі орналасқан. Сондықтан мұны ақпандағы эксклюзивті кездесу десек те болады. Жыл басында журналистермен жүздесуге жақсы...

    Толығырақ...
  • 14.02.19

    ҚР Бас прокуратурасы баспасөз қызметін­ің хабарлауынша, өткен жылы республика бойынша 2,4 млрд теңге еңбекақы берешегі өндіріліпті. Соның 191 млн теңгесі біздің облысымызға тиесіл­і екен. Облыстық прокуратураның баспасөз қызметінің мәліметінше, қадағалау актісімен 13 мың жұмысшы алдындағы 191 млн теңге жалақы қарыз өндірілген.

  • 14.02.19

    Нағыз жігіттерді еркек деу дұрыс емес, еркек – адамның жынысын білдіретін атау ғана. Қазақ халқы ер адамды ерекше сыйлаған, киімін баспаған, алдын кесіп өтпеген, сөзін тыңдаған, алдындағы асқа одан бұрын қол тигізбеген, т.с.с. Десе де, бұл қазір мұндай емес дегенді білдірмейді. Әйелден бір саты жоғары тұрған ер-азаматтардың да өз биігінен түсіп кетіп жүргендері бар. Ер жігіт ретінде өте...

    Толығырақ...
  • 14.02.19

    Әрбір  әйел  қауымы көрікті болып, бет терісіне ерекше назар аудару керек. Күтім жасап, әсем де нәзік болып жүретін бұрымдылар сырт көзді де тамсантатыны рас. Осы тұрғыда қыз-келіншектердің бет терісінің күтімі жөнінде не айта аламыз? Олардың бет терісінде жиі кездесетін мәселе қайсы? Сау әрі әдемі келбетті сақта­у  үшін  қайтпек  керек?

    Қазіргі таңда сұлулықтың құны жеңіл еместігі бесе...

    Толығырақ...
  • 14.02.19

    Мен «Халық» газетінің 6.ХІІ.2018 жылғы санында «Тұмар  ханым» бетінде жарияланған «Өзі үшін» некесіз бала тапқысы келеді» тақырыбындағы мақаланы оқыдым. Тақырып­қа орай көңіл түкпірінде жүрген ойларды қағаз беті­не  түсіргім  келді.

Халық-хабар
Елордада Қызылорданың азық-түлік жәрмеңкесі өтеді
24.10.2014 09:52

Сенбі күні қызылордалықтар Астана қаласында ауыл шаруашылық жәрмеңкесін өткізеді. Жалпы құны 72 млн. теңгені құрайтын 30-ға жуық өнім түрін апарады. 15 ауыр салмақты жүк көлігімен Сыр диқандары 440 тонна ауыл шаруашылық өнімдерін нарық бағасынан 20 пайыз арзан бағада сатпақ.  Жәрмеңкеде көпке танымал ақмаржан күріші, Аралдың балығы, Сыр қауыны, одан бөлек ет және көкөніс өнімдері болады. Сондай-ақ, Астана жұртшылығына көтеріңкі көңіл күй сыйлау үшін қызылордалық өнерпаздар өнер көрсететін болады.

Қызылорда облысы әкімінің баспасөз қызметі

 
Төтенше жағдайлар қызметкерлеріне көлік табысталды
24.10.2014 09:47

Кеше Қызылордада құтқарушылар күніне орай сала қызметкерлеріне салтанатты түрде автокөлік кілттері табысталды. Шараға ҚР Ішкі істер министрінің орынбасары Владимир Божко, облыс әкімі Қырымбек Көшербаев және сала қызметкерлері қатысты.

Салтанатты шарада құтқарушыларға 13 арнайы жасақталған көлік, құтқару құралдарының 8 жиынтығы табысталды. Бұл техникаларды алуға облыстық бюджеттен 311 млн. теңге қаржы жұмсалған.

Құтқарушы қызметі – қырағылық пен шапшаңдықты, батылдық пен үлкен жауапкершілікті талап ететін мамандық. Ауа-райының ыстық, суығына қарамай елдің қауіпсіздігі үшін өз өмірін тәуекелге тігіп жүрген жандарға құрмет көрсетілді.

Жалпы, төтеншеліктер қандай жағдайға болмасын, тәуліктің кез келген уақытында дайын болуы керек. Салтанатты шара барысында өрт сөндірушілер төтенше жағдайға дайындық барыстарын көрсетті.

– Соңғы жылда аймағымызда төтенше жағдай 19 пайызға азайса, зардап

шегушілер 44,9 пайызға төмендеп отыр. Сондай-ақ, Сырдария өзені бойында 26 қауіпті аймақ бар. Көктемгі сең жүру кезінде бұл аумақтардың қауіпсіздігін сақтау үшін облыстық бюджеттен 703 млн. теңге қаржыны қазірден бөліп қойдық. Бүгін табысталып отырған жаңа көліктер жазатайым оқиғалардан зардап шегушілердің қатарын азайтуға септігін тигізсін, - деді облыс әкімі Қ.Көшербаев.

Жалпы, жыл басынан бері төтеншеліктерге 300 мыңдай қоңырау түскен, осы шақыртулардың негізінде 415 адамның өмірін құтқарған.

Қызылорда облысы әкімінің баспасөз қызметі

 
ДЕНІҢ САУ БОЛСЫН ДЕСЕҢ — ШЫНЫҚҚАЙСЫҢ!
22.10.2014 18:23

Осындай үндеумен қазалылық «Шапағат» мүгедек балаларға арналған оңалту орталығында дәстүрлі күзгі спартакиада өтті. Спорт мерекесінің белсенді қатысушылары да мекеменің тәрбиеленушілері еді. Әр жыл сайын аталған спорттық-бұқаралық іс-шара «ПетроҚазақстан Құмкөл Ресорсиз» АҚ-ның демеушілік көмек-қолдауы арқасында өткізіліп келеді .

Үстіміздегі жылы «Шапағатта» медициналық-психологиялық және педагогикалық көмекті мүмкіндігі шектеулі, орталық жүйке жүйесі күйзеліске ұшыраған, көру, сөйлеу және есіту қызметтері бұзылған 40 бала алып отыр. Орталық жұмыс істеп келе жатқан 17 жылдан бері мұнда аудандағы екі жүзден астам мүгедек балаға мамандандырылған жәрдем берілді.

Мүмкіндігі шектеулі балаларды сауықтыру ісінде, әлбетте, айрықша еңбек орталық қызметкерлерінің еншісіне тиесілі, олар әрдайым өз жұмысын бар жанын салып істейді. Медицина қызметкерлерінің, мамандар мен педагогтардың осындай қажырлы еңбегінің нәтижесінде «Шапағаттың» қырықтан аса бүлдіршіні әдеттегі мектеп парталарына отырып, білім алу мүмкіндігін иеленді.

Спартакиаданың ұйымдастырушылары бағдарламаға осы балалар үшін неғұрлым қолжетімді саналатын спорт түрлерін қосты.

— Біздің тәрбиеленушілеріміз, дегенмен, барлық қарапайым балалар секілді қозғалмалы ойындарды қатты ұнатады.  Алайда шапағаттықтардың мүмкіндігі шектеулі, сол себепті біздер олар үшін қолжетімді жарыстардың түрлерін арнайы іріктеп алдық, — дейді «Шапағаттың» президенті Шынар Жеңсікбаева. – Мекемеде медициналық, психологиялық және әлеуметтік салалармен қатар, айрықша маңыз дене шынықтырудың арнайы әдістемелеріне де беріліп отыр. Бойдағы дертіне қарамастан балалар жеңіске деген өз құлшыныстарын паш етуде. Бұл да болса, оңалту жолындағы маңызды қадамдардың бірінен саналады. Бүгін мен мұқтаж сырқат балаларға қайырымдылық көрсеткені үшін  қамқоршыларға  – «ПетроҚазақстан Құмкөл Ресорсиз» АҚ компаниясына алғыс айтқым келеді. Оларсыз «Шапағатта» бірде-бір іс-шара өткен емес.

«ПетроҚазақстан Құмкөл Ресорсиз» АҚ мұнай компаниясынан тағайындалған жүлделерді үш команда – «Қайсар», «Жасұлан» және «Барыс» өзара сарапқа  салды. Жеңімпаз команда кешенді эстафеталардың төрт түріндегі баллдардың жиыны бойынша анықталды. Қызықты жарыстардың нәтижесінде бірінші орынды  «Барыс» командасы жеңіп алды.

Жарыс аяқталған соң балақайларға тәрбиешілермен бірлесе отырып жергілікті аудандық дене шынықтыру және спорт бөлімінің жетекшілігімен жаттығу түріндегі жеңіл гимнастикалық сабақтар өткізілді.

Марапаттаудың салтанатты рәсімінде «ПҚҚР» АҚ жұртшылықпен байланыс жүргізу бөлімінің менеджері Хұсайын Сәрсембаев мұнайшылар атынан барлық қатысушыларға түп-түгел спорттық үлгідегі киім-кешектер жиынтығын  – жылы телпектерді, шарқаттар мен костюмдерді табыс етті. Командалар дипломдар мен кубоктарға ие болды. Бұған қоса - «Шапағаттың» барлық тәрбиеленушілеріне балақайлардың тәтті тағамдары – кәмпиттер қораптары   ұсынылды.

- Қымбатты балалар, сендерді жеңістеріңмен құттықтаймын! – деді Хұсайын  Сәрсембаев, қатысушыларына сөзін арнап. -  Бүгін бәрің де жарадыңдар және жеңіске деген ұмтылыстарың үшін рахмет айтпақпын. Дене шынықтыру – бұл, ең алдымен, денсаулық. Ештеңеге де қарамастан, сендер ерік пен күш-жігерлеріңді таныта білдіңдер. Жеңіс тек қана күштілерді мойындайды! Күшті болыңдар!

«Қайсар» командасының капитаны Құрмаш Таңатар бұл сәтте қатты толқып тұрды, сонда да болса өзінің алғыс лебізін көпшілікке жеткізе алды:

—  Жарыс өте қиын болды, бірақ біз ақырына дейін сайыстық, – деді ол. – Біздер бар күшімізді аямадық және екінші орынға шықтық. Сыйлықтары үшін «ПетроҚазақстанға» рахмет айтамыз, олар бізді ешуақытта да ұмытпайды.

- Орталықтағы тәрбиеленуші балалардың барша ата-аналарының атынан «ПҚҚР» АҚ мұнайшыларына шын жүректен ризашылығымды арнаймын, – деді өз сөзінде «Шапағатта» тәрбиеленіп жатқан бір балақайдың ата-анасы  Алтынкүл Киікбаева. – Мұндай жанашырларсыз балаларға арналған іс-шаралар есте қаларлықтай болып өтпес еді. Мүгедек балалардың тағдырына атсалысып қамқорлық жасағандықтары үшін оларға мың да бір алғыс.

Балдырғандарға қолдау білдіру үшін балалардың спорт мерекесіне сондай-ақ басшысы Әлібек Қуаныштың бастауымен  «Жас Орда»  жастар қоғамдық бірлестігінің өкілдері де келіп жетті.  Жасордалықтар өз мойнына бірқатар ұйымдастыру мәселелерін, соның ішінде безендіру мен қамтамасыз ету шараларын алды.

Осы орайда жекелей алғыс лебіздерін Қазалыдағы № 170 мектеп пен оның директоры Нұрлан Имашевқа  арнаған абзал. Бұрнағы жылдары шапағаттықтар оңалту орталығының шағын залында және басқа да спорт ғимараттарында жарысқа түсіп келген еді. Ал бұл жолы мүгедек балалар тұңғыш рет күзгі  спартакиаданы Әйтеке би кентінде  таяуда ғана ашылған қазақ мектебінің іші жаңа әрі кең спорт залында өткізді.

Спорт мейрамы көптің көңілінен шықты. Балдырғандар қуаныштары қойнына сыймай, қамқорлыққа алушыларға айналаны жаңғырықтырып «Рах-мет!» сөзін бір кісідей айтып жатты. Іс-шараның шымылдығы жабылар сәтте олар өздерінің ұстаздарымен қосыла оңалту орталығының әнұранына айналып кеткен «Шапағат» әнін шырқап жатты.

 

Әлібек БАЙШҮЛЕНОВ.

Фотосуретті түсірген Андрей ТАЙГУНОВ

 
Астанада ауыс-түйіс
22.10.2014 15:59

Астанада ауыс-түйіс басталып кетті. Бұған дейін Қазақстанның Ресейдегі елшісі, Қорғаныс министрі қызметін атқарып, ағымдағы жылдың сәуір­інен бастап Қазақстан Республикасының мемлекеттік хатшысы қызметіндегі Әділбек Жақсыбеков Астана қаласының әкімі қызметіне та­ғайындалды. Ал алты жылдан  бері  Астананы басқарып келген Иман­ғали Тас­мағам­бетов Қорғаныс министрі қызметіне кел­ді. «Иманғали Тасмағамбетов Астана әкімі қызметінен ке­тіп, Қа­зақстанның қорғаныс министрі қыз­метіне келеді», - деп бұған дейін бірнеше ақпараттық агенттігіне үкі­меттегі сенімді де­рек­көз  хабарлаған еді. Әкімдер рейтингінде көш бастап тұрған Иманғали Тасмағам­бетов  осылайша  орнын босатты. Бұл ауыс-түйістің басы да, соңы да емес. Өзгеріс­тердің алда әлі де жал­ғасатыны айтылып жатыр­.

Керім   ТАУАР

 
«Банан ішінде АИТВ инфекциясы болмайды»
22.10.2014 09:18

Бірнеше айдан бері дүйім жұртты дүрліктірген «банан ішінде АИТВ инфекциясы бар» деген дақпыртқа нүкте қойылды. Қызылорда облыстық ЖИТС-тің алдын алу және оған қарсы күрес жөніндегі орталықта өткен семинар-тренингте осы жайт кеңінен сөз болды. Орталықтың тікелей қызметіне қатысты жалған жаңалыққа қоғам арасында алаңдаушылық байқалған. Халық көп шоғырланған жерлерде жиі сөз болатын осы әңгіме әлеуметтік желілерде кеңінен таратылуда.

Аталмыш орталықтың жалған ақпарға қатысты өз ойлары бар. Сала мамандарының сөзіне сенсек, АИТВ инфекциясы ауада тұрақсыз болып келеді екен. Сондықтан жеміс ішінде мұндай инфекциялар болуы мүмкін емес дегенді алға тартты. Мұндай жағымсыз жайтқа алаңдаған жұртшылықтың АИТВ жайлы біле бермеуі түрткі. Сондай-ақ, бұл індет медициналық мәселелер қатарынан шығып, әлеуметтік-экономикалық мәселелер қатарына еніп отыр.

Орталық қызметкерлерінің БАҚ өкілдерін жинап, семинар-тренинг өткізуінің басты себебі бұл емес. Олардың алаңдайтыны - үстіміздегі жылдың тоғыз айында 11 адамнан АИТВ инфекциясы табылғандығы. Олардың біреуі - Өзбекстан азаматы.

- Қазіргі таңда бұл дерт біздің еліміздің ғана емес, жаһандық бойынша қоғам назарын аударып отырған күрделі мәселелердің біріне айналып отыр. Жүз мың адамға шаққандағы көреткіш биыл 1,3 пайызды құрап тұр. Әзірге облыста 11 адам осы аурумен ауырады. Олардың 90 пайызы жыныстық қатынас арқылы жұқтырған. Әр жылдың үшінші тоқсанында ЖИТС-тің алдын алу шараларын пәрменді жүргізу үшін ЖИТС-ке қарсы дүниежүзілік күрес кампаниясы жарияланып отырады. Кампанияның 2011-2015 жылдарға арналған ұраны «Мақсатты бағытымыз – нөл. Жаңа АИТВ инфекциясы – нөл. Кемсіту – нөл. ЖИТС зардаптарынан болатын өлім-жітім – нөл» болып бекітілген, - деді аталмыш орталықтың эпидемиологиялық қадағалау бөлімінің меңгерушісі Д.Қарымсақова.

БАҚ өкілдеріне арналған тренингте кеселдің пайда болуы мен одан ада болудың қағидаттары жан-жақты талқыланды. Байқағанымыз, ЖИТС-тен ада болу үшін зиянды әдеттерден аулақ болып, салауатты өмір салтын берік ұстану керек.

Н.ҒАСЫР

 
<< Бірінші < Алдыңғы 741 742 743 744 745 746 747 748 749 750 Келесі > Соңы >>

Күнтізбе

< Ақпан 2019 >
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары